Germaniar jatorriko izenak eta barbaroen izenak

  • 'Goi Erdi Aroko pertsona-izenak. Germaniar jatorriko pertsona-izenak' araua argitaratu du Euskaltzaindiak (180. araua).
  • Euskaraz germaniar jatorriko izenak nola idatzi behar diren jakiteko irizpide xeheak ematen dira arau honetan: Leovigildo, Txilderiko, Klotilde, Rekaredo, Alariko, Witiza, Atila...
  • Honela, Exonomastika batzordeak landu dituen bi atalez osatuta dago araua. Lehenengoan, Erdi Aroaren hasieran Europan nagusitu ziren “barbaroen” izenak euskaraz idazteko irizpideak zehatz-mehatz deskribatzen dira, eta beste hizkuntza batzuen aldean euskaraz zer joera diren nagusi adierazten da, adibide ugariz hornituta.
    Bigarren atalean, izen-zerrendak ematen dira, euskaraz, gaztelaniaz, frantsesez eta ingelesez, ohi bezala. Guztira, 160 pertsona-izen dira, atalka sailkatuak: errege-erregina bisigodoak (34), frankoak (95), bandaloak (7), sueboak (11), ostrogodoak (6) eta beste buruzagi barbaro batzuk (7).

Idatzi iruzkina

Security code
Refresh