Plazaberri

Beste behin, Herri Urratsen egongo da Euskaltzaindia

  • Andres Urrutia euskaltzainburuak berbaldi txiki bat eskainiko du sarrera-ekitaldian, hamarrak aldera.

    18199535 389237371476479 4355930195751882245 n

 

EIZIEk ikastaro berri bat antolatuko du Donostiako Euskaltzaindiaren egoitzan

Juan Garzia irakaslearen eskutik egingo den ikastaro berri bat antolatu du EIZIEk: 'Nola jokatu euskaraz erdarazko prosa bihurrien aurrean'. Donostian egingo da, Euskaltzaindiaren egoitzan (Luis Villasante Ikergunean/ Tolare baserria-Almortza bidea, 6), maiatzaren 23an, 24an eta 29an, arratsaldeko 16:00etatik 20:00etara. Guztira 12 ordu izango ditu (lau orduko hiru saio).

15a2774

Mintegi honetan, euskarazko prosaren bide naturaletatik aldentzen diren testuetako egiturak itzultzeko estrategia eta taktika egokiak landu nahi ditu Euskal Itzultzaile, Zuzentzaile eta Interpreteen Elkarteak; horretarako, egunero darabiltzaten itzulgaietatik lagin batzuk hartu, eta haiei ekingo diete; aukerako diren itzulpen-bertsioak konparatu, eta haien egokitasuna ebaluatuko dute.

Izena emateko epea: 2017ko maiatzaren 8tik 15era, biak barne.

 

Saiakera "intrigagarria" ondu du Kepa Altonagak

  • Back to Leizarraga arrakastatsuaren ostean, saiakera berri bat plazaratu du Kepa Altonaga irakasle eta euskaltzain urgazleak, Pamiela argitaletxearekin: Patagoniara Hazparnen barrena.
  • "Ahalegindu naiz liburu atsegin eta 'intrigagarria' egiten", esan du egileak.

    image11
    (Jose Anjel Irigarai poeta eta ohorezko euskaltzaina, Altonagarekin batera, atzoko prentsaurrekoan)

 

"Beste edozein herriko antzerkiaren pare jarri da euskal antzerkia"

  • Isabelle Echeverriak  ‘Piarres Larzabalen antzerkigintza: 1950-1982. Euskarazko antzerki identitatioaren paradigmak’ ikerlana ondu du. Lan honetan, azkaindarraren obra sakonki aztertu du, eta, opari gisa, argitaratu gabe zeuden bi lan sartu ditu liburuan.
  • Echeverriak Larzabalen (Azkaine, Lapurdi, 1915- Ziburu, 1988) gogo eta jardun “berritzailea” azpimarratu du ikerlan mamitsu honetan, eta gogoratu du haren lanek euskal antzerkigintzari emandako guztia: “Gauza asko eman zizkion, baina, batez ere, gogoetarako plaza bihurtu zuen antzerkia, eta modernitate puntu bat erantsi zion, gai politikoak eta sozialak garatuz”.
  • Oraintsu zendu zen Piarres Charritton euskaltzain emerituak aspaldi eginiko bilketa lana osatzen du ikerlan berri honek.

    IsabelleEcheverria
    (Isabelle Echeverria irakasle eta ikerlaria, Saran)

 

Plazaberrin harpidetu:

Sare sozialetan:

Twitter

 

Gure agendan harpidetu:

Azken argitalpenak

Argitalpen guztiak ikusi