Ohi bezala, mintzaldi batekin hasi da bisita. Ondoren, bisitariek Akademiaren egoitza barrutik ikusi dute.
Hona hemen bisita hauetan jorratzen diren gaietariko batzuk:
- Euskararen jatorria, honen gaineko teoria desberdinak eta euskara idatziaren lehen urratsak.
- Akademiaren historia: Euskaltzaindiaren helburu nagusiak; Euskaltzaindiaren sortzea: aitzindariak, 1918ko Oñatiko biltzarra eta lehen euskaltzainak; Euskaltzaindia gerra garaian eta gerra osteko urteetan; euskara normalizazioaren bidean.
- Gaur egungo Akademia: erakundearen erabakiguneak: Zuzendaritza eta Osoko bilkura; Euskaltzaindiko batzorde, egitasmo eta lantaldeak; Euskaltzaindiko zerbitzuak.
- Euskaltzaindiaren webgunea eta bertan aurkitu ditzakegun tresnak (EODA, OEH, EHHA...).