Euskaltzaindiaren Hiztegia

Euskaltzaindiaren Hiztegia

forma=orainago sarrera bakarrean aurkitu da.

orain

1 adb. Une honetan, garai honetan. Orain da garaia. Orain banoa, beste bat arte, adio tabernaria. Hona orain berritu zaigun auzia. Ez gara orain ohi den bidetik abiatuko. Bestetan esan dudana berresango dut orain. Ez da denbora asko, orain esatera noana gertatu zela. Lehen eta orain. Lehen, orain eta gero. Orain eta beti. Batasunerako, nik ez nuen indarkeriarik nahi, hasi berri hartan, ez dut nahi orain eta ez nuke nahi gerorako. Orain bertan. Nik ez dut, behintzat orain arte, entzun. Ezagunagoak ziren orduan orain baino. Orain bezala lehenago ere. || Orain (dela) hamabost bat urte: duela hamabost bat urte. Orain duela aspaldi.

2 adb. (Iraganaldian jokaturiko aditzekin, kontakizun batean). Ez zuen orain Negua gorroto. Negarrez zegoen orain.

3 (Izen gisa). Ik. orainaldi. Oraina, etorkizun dugun geroaren agergarri izan daitekeen aldetik. Lehenaldia orainaren azpian baitatza beti. Lehena orainean bizi da eta orainaren errainua aldi igaroak iragartzen du. Baina nik, karismarik hartu ez dudan honek, lehen-orainak ditut begien aurrean soil-soilik, bihar-etzitakoei nolabait ere antzemango badiet.

orainago 1 Geroztik. Galdetzekoa ere da ea orainago beste horrenbestekorik sortu ote den, Azkoitiko zalduntxoez kanpora, Euskal Herriko lurralde guztian. Lehengoak aldatzen ari direla orainagokoak, desegiten baino areago.

2 Duela gutxi, oraintsu. Orainago esan den bezala. Eta guztien artean gogortasunik handiena agertzen zuena orainago aipatu den Saulo zen. Ni naiz, bada, orainago igaro duzun herriko barberua.

orain baino lehen adb. Lehen. Orain baino lehen banituen hamaika bertso emanak. Esadak, lagun hori, ez nauk inon ikusi orain baino lehen?

oraindanik adb. Hemendik aurrera, une honetatik aurrera. Ik. aurrerantzean. Uko egiten diot oraindanik, bihotzez munduari. Oraindanik eta betiko besarkatzen dut umiltasuna.

Oharra: azken eguneraketa 2020-01-14

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper