Euskaltzaindiaren Hiztegia

forma=ondare 2 sarreratan aurkitu da.

ondare

1 iz. Gurasoengandik jasotzen diren ondasunen multzoa. Ik. seniparte. Oinordekoa hil dezagun, eta bere ondarea guretzat izango da. Gurasoak hilda, ondarea hiru senideek, nork bere zatia, hartu zuten. Aitak utzitako ondaretik bizi zen.

2 iz. Norbaitek une jakin batean dituen ondasunen multzoa. Seat 127aren truke eman zidaten dirua nuen ondare bakar, eta larri genbiltzan beti diruz. Galdutako ondarearen trukean, 1,6 milioi euro jaso ditu Elizak.

3 iz. Irud. Berrogei urteko diktadurak utzi digun ondare ikaragarria.

4 iz. Herri batek arbasoengandik jasotzen dituen ondasunen multzoa. Gure dantza-ondare aberatsaren hondakinak. Bazekien Eleizaldek euskarak ez zuela asabengandik zetorkion ondarea galera gaitzik gabe gorde. Ahoz eta izkribuz jaso zuen ondarearen zaintzaile leial.

ondarez adb. Guraso edo arbasoengandik oinordekotzan harturik. Oihenarten paper pila baten jabe ondarez egin zen jaun hori. Ondarez jaso.

ondarezko adj. Ondarearena, ondareari dagokiona. Copyrigth-ak, ondarezko eskubideak babesten ditu soilik. Ondarezko kaltea eta kalte morala. Ondarezko zuzenbidea.

natura1

1 iz. Izadia. Naturaz gaindiko gertakariak.

2 iz. Izatea, izaera. Badira Jesu Kristo baitan bi natura: Jainkoarena eta gizonarena.

natura hil iz. Margolan mota, elikagaiak, animalia hilak, loreak eta zenbait eguneroko gauza mahai baten gainean irudikatzen dituena. Askeago pintatzeko aukera izaten zutenean, paisaiak eta natura hilak egiten zituzten.

natura ondare, natura-ondare iz. Beren edertasun eta berezitasunagatik balio estetiko edo zientifiko handia duten eta babes berezia behar duten natura-parke eta biosfera-erreserben multzoa. Ura baliabide gisa aurkeztu beharrean, ibaiak natura-ondare gisa berreskuratu behar direla azaldu behar zaio jendeari. Natura Ondarearen Legea.

naturaz adb. Izatez, izaeraz. Ik. berez. Berez, jaiotzez eta naturaz, adargabea delako.

naturazko adj. Naturala. Naturazko legearen manuak.

Oharra: azken eguneraketa 2021-01-14

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper