Euskaltzaindiaren Hiztegia

Euskaltzaindiaren Hiztegia

forma=maitasun sarrera bakarrean aurkitu da.

maitasun

1 iz. Norbaiten edo zerbaiten alderako atxikimendua sortzen duen joera edo sentimena, haren ona bilatzera bultzatzen duena. Ik. amodio; oniritzi. Jainkoaganako maitasuna. Jainkoaren guganako maitasun neurrigabea. Jainkoagandiko maitasuna. Gurasoei zor diegun maitasuna. Haien bihotzetan Jainkoaren maitasuna pizteko. Sorterriaren maitasunean hazitako haurrak. Kanpotarra, baina Euskal Herriko maitasunez gainezka genuen G. Humboldt. Arbasoen hizkuntzaren alderako maitasuna. Egoskorra da bere maitasun-gorrotoetan. Geure buruari diogun maitasuna. Maitasunez betea. Jesusen legea maitasunezko legea da. Maitasun platonikoa.

2 iz. Norbaitenganako joera edo grina bizia, sexu senean oinarritua, harekin gorputzez eta bihotzez bat egin nahia dakarrena. Ik. maitemin. Maitasunak lo gutxi, amets asko. Bere senarrari zion maitasun sutsua. Elkarrenganako maitasuna. Maitasunaren sua, garra, indarra. Maitasunak itsutua. Maitasunezko ezkontza. Maitasun bertsoak.

maitasuna egin Sexu harremanak izan. Ik. amodioa egin; larrua jo. Jendea behin bakarrik maitemintzen ote da?, ez al du jendeak, noizbait beste norbaitekin maitasuna egiteko gogorik sentitzen?

Oharra: azken eguneraketa 2018-07-13

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. E48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper