kasu1
1 iz. Gertaera edo egintza jakin edo posible bati lotua den egoera edo unea. Ez da eginbide atsegina orain artekoa irakurtzea; premiazkoa, bai, kasu honetan. Kasu horretan, zer egin? Ez daude biak kasu berean. Etxekotu gabeko izen-deituren kasuan, azentu grafiko eta guzti idaztea hobesten da. Diptongoa hausten den kasuetan. Zer bide behar den hartu, kasu bakoitzean ikusiko da.
2 iz. Zenbait gertakari orokorren gauzatze partikularretako bakoitza. Kontseilariak adierazi du azken asteetan A gripeagatik gaixotutakoen kopuruak gora egin duela; hala ere, kasu gehienak arinak direla azpimarratu du. Lege lauso horrek hainbat kasu bitxi ekarri ditu. Ikus-entzunezkoetan inbertitzea errentagarria dela frogatzen dute kasu askok. Sumatzen zen ustelkeria zegoela bizitza politiko, sozial eta sindikalean; orain zenbait kasu azaleratzen ari dira.
3 iz. Ikerketa baten xede den gertakaria. Ertzaintzak ikertu dituen kasu gehienak biktimek eurek jarritako salaketen ondorioz izan dira. Iaz 1.182 kasu ireki zituzten epaitegien aginduak ez betetzeagatik.