Euskaltzaindiaren Hiztegia

forma=idi 2 sarreratan aurkitu da.

idi

1 iz. Abelgorri ar heldu zikiratua, lanerako erabiltzen edo haragitarako hazten dena. Ik. uztar-idi. Betleemgo idi-astoak. Idiak uztartu. Nahiago dituzte idi eta behiak lan gogorretarako, zaldi eta mandoak baino. Laborariak idi gizendutik egin behar du mozkinik hoberena. Idi zuriak ez dira gizentzeko baizik. Ostegun gizenez idi gizena paseatzen dute. Erranen du zenbaitek orga ezarri dudala idien aitzinean. Idiak gobernatzen (Ik. itzain). || Esr. zah.: Idia adarretik, gizona hitzetik. Idi berari goldea.

2 iz. (Hitz elkartuetan, lehen osagai gisa). Idi taldea. Idi gurdia. Idi gorotza. Idi zilaz jipoitu. Idi jabeak eskatzen diona.

idi apustu, idi-apustu iz. Idi dema. Idi apustua jokatu zuen Mekoletaren aurka.

idiarena jo Lgart. Gizonezkoa masturbatu. Ik. kanpaia jo 2.

idi-begi 1 iz. Kamamilaren familiako landarea, lore-horia (Anacyclus clavatus).

2 iz. Leihatila biribila edo obala.

idi-bihotz iz. Tulipa.

idi dema, idi-dema iz. Idiekin egiten den dema, harri astun bat herrestan eramatean datzana. Idi dema horiek Gipuzkoan jokatzen dira.

idi-mihi iz. Borrajaren familiako landarea, iletsua eta lore-urdina (Anchusa azurea).

idi pare, idi-pare iz. Uztarri berean lotzen den idi bikotea. Ik. idi uztarri. Neska bat itaurrean zebilen idi-parea finezia handiz gidatzen. Idi parea saldu.

idi proba, idi-proba iz. Idi dema. Debako idi probak jokatuta, Abadiñokoen txanda heldu da.

idi uztarri, idi-uztarri iz. Batez ere Bizk. Idi parea. Gurdi bat, idi uztarri eta guzti.

uztar-idi

iz. Lanerako erabiltzen den idia. Uztar-behi edo uztar-idiekin lanean dabilenari ere itzaina deitu ohi zaio. Artean ez zekien uztar-idi batekin soroko lanak egiten baizik. Bost uztar-idi erosi ditut.

Oharra: azken eguneraketa 2021-01-14

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper