Euskaltzaindiaren Hiztegia

Euskaltzaindiaren Hiztegia

forma=duda 2 sarreratan aurkitu da.

duda

iz. Zerbaiten egiatasun edo ziurtasunaz seguru ez dagoenaren edo zenbait aukeraren artean norantz makurtu ez dakienaren egoera. Ik. ezbai; zalantza; duda-muda. Hau da egia, eta honetan ez da dudarik. Gauza ziurra eta dudarik ez duena. Hobe delako, dudarik gabe. Duda gabeko itxaropena. Dudaz beterik begira. Duda handietan ibili ondoan. Duda guztiak kentzeko. Dudatik ilkitzeko. Nola dituzue gogoeta eta duda horiek?

duda egin Dudan egon; dudan jarri. Ez dakit, nik duda egiten dut. Nork ez luke duda egingo? Zerbaitez duda egin. Ez dudarik egin: frogatuaz mintzo natzaizu.

dudako adj. Dudako gauzetan jakintsuagoei kontseilu hartzea. Dudako hitzen idazkeraz.

dudan 1 adb. Duda egoeran. (izan, egon eta kideko aditzekin). Ik. duda egin. Dudan zeuden nora behar zuten partitu. Dudan zara ez jakinez zer egin? Fede gutxiko gizona, zergatik dudan eman zara?

2 adb. (jarri, ipini eta kideko aditzekin). Inork ere ez dezake geroztik dudan jarri egia hori.

dudazko adj. Dudazko kontuetan iritzia eskatzeko. Bekatu jakinak eta dudazkoak.

duda-muda iz. Adkor. Duda, zalantza. Euskal azentuari dagozkion duda-muda eta eztabaidak. Zergatik horrenbeste duda-muda?

duda-mudako adj. Adkor. Dudakoa. Obra baten egile duda-mudakoa nor den erabaki behar denean. Esaldi honek dudazkorik baldin badu, azken partea bakarrik izan dezake duda-mudakoa.

duda-mudan adb. Neskatila txikia duda-mudan egon da une batez. Duda-mudan ibili.

duda-mudazko adj. Adkor. Dudazkoa. Hogeiren bat erabat alde, beste hainbeste erabat kontra eta hamar duda-mudazkoak.

Oharra: azken eguneraketa 2019-01-11

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper