mozorro
1 iz. Kartoiz, ehunez, plastikoz edo kidekoz eginiko irudia, aurpegi bat irudikatzen duena eta begitartea estaltzeko erabiltzen dena. Zuhaitz azalekin eginiko mozorro beldurgarriak jartzen dituzte. Aurpegia mozorroz estalita.
2 iz. Norbaitek, beste norbaiten edo zerbaiten itxura hartzeko, edo inork ezagut ez dezan, jartzen dituen jantzien edo bestelakoen multzoa. Ahizpak mozorroa jantzi eta berebiziko sustoa eman zion.
3 iz. Agerian gera dadin nahi ez den zerbait ezkutatzeko erabiltzen den bidea. Mutil jator eta arduratsu moduan azaltzen zara, baina bai zera!, ni engainatzeko mozorroa besterik ez da hori! Nazien gezurrari zientziaren mozorroa jantzi nahi diote. || Elebitasunaren mozorropean hizkuntza-egoera diglosikoaren bazterkeria zuritzeko ez baitute arazorik izaten.