POTO

Bertsogileak, estrofa beraren barruan, esanahi bereko bi errima edo puntu ber dinak errepikatzean egiten den hutsa. Bat-bateko bertsogintzan gerta daiteke puntu askoko estrofa erabili beharra, edota giza fakultateek ez ongi erantzutea bat-batean kantatzeko unean. Horregatik bertso saioetan potoari garrantzi handia ematen zaio: puntu biltegi txikia ematen duelako aditzera, edota abilezia gutxi, edota plazagizonaren eskasia.

Bestalde, bertsolaritzan potoa esaten zaio baita ere hitz berak estrofaren barruan errepikatzeari, literatur asmorik gabe egiten denean, ezinagatik edo zabar keriaz.

[J. M. L.]

Ikus, halaber, B ERTSOLARITZA , H OSKIDETASUN .