MITEMA

C. Lévi-Strauss hizkuntzalaritza estrukturalistaren metodologiaz baliatu zen mitoak aztertzeko. Mitoaren unitate eratzaileari deritzo mitema. Hitzak dira mitemak, baina ez edozein hitz, zentzu bikoitza daramatenak baina: hitzen hitzak. Izan ere, bi planotan jarduten dute aldi berean: bata, mintzairarena, eta hemen bakoitzak bere zentzua izaten jarraitzen du, bestea, metahizkuntzarena, eta hor esanahi erantsi baten elementu gisa hartzen dute parte.

[A. T.]