Literatur testuak irakurtzeko itun multzo edo konbentzio multzoa da gaitasun literarioa J. Culler-entzat. Horrenbestez, literaturaren irakurle izateak harreman lite rarioa eskatzen duten testuen funtzionamendu modua ezagutzeko gaitasuna galdegiten du.
Literatur mintzairaren berezitasuna definitzera bideratu diren ikaskuntzetatik aldentzen den norabidean kokatzen da joera hori; izan ere, literatur mintzairan eta literatur mintzairan bakarrik azaltzen den ezaugarri bereizleren bat aurkitzen saiatu diren azterketen aurrean, beste ikuspegi batetik hurbiltzen zaio literaturari. Konstantzako Unibertsitateko Eskolak harreraren estetikaz edo Marghescouk erre-gimen literarioaz dihardutenean bezala, literaturaren berezitasuna atzemateko ira kurketaren teoria baten azterketara zuzentzen da gaitasun literarioak eraikitako bidea: literatur mintzairaren izaeraren ikerketa baztertu eta garrantzia irakurketaren ekintzari emango diote, azken batez irakurlea izango baita testua literatur testu legez irakurriko duena. J. Culler-en hurbilpenak literaturatzat irakur daitezkeen tes tuak daudela hartzen du abiapuntutzat eta gero galdetzen du zein eragiketa eskatzen duen ariketa horrek.
[A. T.]
Ikus, halaber, E RREGIMEN , H ARRERAREN ESTETIKA , L ITERATUR KRITIKA , L ITERATUR TEORIA .
es: competencia literaria
fr: compétence littéraire
en: literary competence