FOLLETOI

Egunkarietako orrien behealdean argitaratzen den idazlan literarioa da. Nobela asko argitaratu izan da horrela. Frantzian sortu zen joera hori, feuilleton deituraz, joan den mendean, eta ondoren Europa osora eta Ameriketara hedatu zen. Epeka eskainitako nobelarekin nahastu izan da, oso antzekoak baitira. Idazle handi askok erabili dituzte horrelako bideak: Honoré de Balzac, George Sand, Charles Dickens...

Folletoi hitzak, orokorrean, giza harreman nahasiak daudeneko narrazioa adie razi ohi du, sentimentalismoz beterikoa eta arrunkeriarako joera nabaria duena. Bestalde, folletoi terminoa literaturaren ikuspegitik argumentu funtsik gabearen eta arruntaren sinonimo bihurtu da. Azkenik, folletoiak gehienetan nobelak izaten badi ra ere, hasiera batean kazeta-orriaren behealdean ipuin laburrak eta poemak ere argitaratzen ziren.

Euskaraz ere argitaratu izan dira zenbait nobela gisa horretan; esate baterako, Eskualduna aldizkariak Piarres Adame J.B. Elizanbururen narrazioa argitaratu zuen, eta hegoaldean, berriz, R.M. Azkue eta Tx. Agirreren ohitura eleberriak gisa horre tan eman ziren argitara, XX. mendearen bukaeran eta XX.aren hasieran.

[J. K. I.]