Literatura Terminoen Hiztegia

Litote - Literatura Terminoen Hiztegia

 
LITOTE

(grek. litotes, soildua, gutxitua)

Erretorikan, pentsamendu figuren arteko baliabide horrek adierazpena leundu edo arindu egiten du, itxuraz, baina berez kontrako adiera indartuz. Perifrasia da, usu ironia besalagun duena. Hiriart-Urrutiren adibide honek garbi erakusten du zer den litotea: Dugun aitor ez zela gerla pizteko itxindi gorri bat. Ez alafede ez! Ja egun hogoi erran duguna, eztia zen biziki.”

Beraz, litotea edo adierazpidearen leuntzea (“ez zela gerla pizteko itxindi gorri bat”) itxurazkoa besterik ez da, funtsean benetako esanahia (“eztia zen biziki” gain balioztatzeko erabiltzen dena, enfasi eta lakonismo bidez. Eta hiperbolearen kon trakoa dela esan arren, norabide bereko prozedura da, itxura eta forma gorabehe ra. Ezezko forma du ohikoena gauzak baieztatzeko. Euskaldunen ahozko literaturan eta eguneroko mintzairan sarritan erabiltzen da: “Hori ez da batere tontoa”, “Ezin da ukatu…”

[X. A.]

Estekak:

    Beste hizkuntzatan:

    es: litote
     fr: litote
     en: litotes

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. E48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper