Olabideren Biblia

Saŕera

1. Yainkoaren agerpena, auŕki gertabeaŕak bere moŕoyei erakusteko, IESU Kisto’ri egiña, ta bere aingerua bidalita, Yon’i, aren moŕoyari, adirazia. *
2. Yon da, beŕiz, Yainkoaren itzaz ta IESU Kisto’ren aitoŕaz, dana ikusitakoan, aitoŕ egin duna.
3. Igaŕketa onen itzak irakuŕtzen ditunaren zori ona, bai eta bertan idatzia entzun eta betetzen ditutenena erel! Garaya auŕki bait-dago.
4. Yon’ek Asia’ko zazpi elizei. Eskeŕ ta pakea bekazkizuete, danak, zanak eta datoŕenak, eta Aren aulki auŕeko zazpi gogo ayek,
5. eta IESU Kisto’k, aitoŕlari ziñak, iľartetik lensoŕtuak, luŕeko yaunen Yaunak, gu maite izanda, gere ogenetatik bere odolez askatu ta
6. bere Yainko ta Aitaren yaureŕi ta apaiz egin gaitunak. Beude Arenak ospe ta agintea menderen-mendetan. Ala biz!!*
7. Oŕa non datoŕen odeitartean. Begi guziek ikusiko dute, bai eta zaurtu zuten ayek ere. Ta eŕi guziak Aren aitziñean negaŕez daudeke. Ala biz, bai.
8. «Ni naiz α ta ꞷ. Lena ta Azkena» dio, Yainko Yaunak, danak, zanak, datoŕen guziz altsuak. *

Idazteko agindua

9. Nik, Yon’ek, zuen senide ta IESU’ren neketan yaureŕian ta egonaŕian erkide onek, Yainkoaren itzagatik eta IESU’ren aitoŕagatik Patmo deritzan ugartean nengola, *
10. igande batean txorabiotuta, turutotsa bezelako mintzo aundi bat nere atzetik entzun nun,
11. esaten: «Dakusazuna liburu batean idatzi ta bidaliezu Epeso’n, Esmirna’n, Pergamo’n, Tiateira’n, Sardei’n, Piladelpi’n ta Laodiki’n diran zazpi elizei».

12. Zerauskidan mintzoa norena zan ikusteko atzera begiratuz, uŕezko zazpi argimutil ikusi nitun,
13. ta uŕezko zazpi argimutiľen erdian gizaseme ideko norbait, soñeko luzez yantzia, ta bulaŕpean uŕezko itoltzez geŕikatua.
14. Aren buru ta iľeak, artiľe zuria ta eluŕa bezelakoak ziran; ta Aren begiak, sugaŕaren antzekoak.
15. Aren oñak, labean tupikia bezain goriak; eta Aren otsa, ugoldearena bezelakoa.
16. Eskuyean zazpi izaŕ zeuzkan; ta aotik, ao biko ezpata irteten zitzayon; ta Aren auŕpegia, eguzkia bere indaŕean bezain argitsua zan.
17. Bera ikusi ala, Aren oñetara, iľa bezela, erori nintzan; ta bere eskuya gañean ezaŕi zidan, esanez: «Ez izutu; ni naiz Lena ta Azkena,
18. ta bizi dana ta il izana; ta ona emen ni bizitan bein betiko; ta eriotzaren ta lezearen giltzak Nik dauzkat.
19. Ikusi dituzunak, beraz, idatzi itzazu, bai oraingoak, bai eta izatekoak ere,
20. nere eskuyean ikusi dituzun zazpi izaŕan alegipekoa, ta uŕezko zazpi argimutiľena. Zazpi izaŕak, zazpi elizen aingeruak dira, ta uŕezko zazpi argimutiľak, zazpi elizak». *

Epeso’ko elizaren aingeruari

1. Epeso’ko elizaren aingeruari idatziozu: Oŕa zer dion zazpi izaŕak bere eskuyean dauzkan ta uŕezko zazpi argimutiľen erdian dabiľanak.
2. Ezagunak ditut zure eginbidea, zure lanak eta egonaŕia. Ba-dakit gaiztoak ezin yasan dituzula, ta bidaliak izateke, bidalitzat auŕkezten diranak azteŕi ta gezuŕti idoro dituzula.
3. Egonaŕitsu zera, ta nere izenaŕen asko yasanda ere, ez zera aspeŕtu.
4. Baña ba-dut zure auŕka, mertzildu zaizun lengo maitakuntza.
5. Gomazu, beraz, nondik erorita zauden; garbai zaitez, ta lengora itzuli. Bestela, garbai ez ba’zera, zugana etoŕirik, zure argimutiľa bere tokitik kenduko dut.
6. Zure alde duzu, ordea, nikolaŕen eginbidearekiko goŕotoa, ta goŕoto oŕtan bat zatozkit. *
7. Belaŕidunak bentzu zer dasayen gogoak elizei: Garaitzaľeari yateko emango diot Yainkoaren atsedentokian dagon bizi-zugatzetik.

Esmirna’ko elizaren aingeruari

8. Ta Esmirna’ko elizaren aingeruari idatziozu: Ara zer dion Lena ta Azkena danak, iia izanda bizi danak.
9. Aberats zerala ere, zure loŕ ta landeŕtasuna ezagun ditut, bai eta, Satan’en batzaŕa besterik ez diran, ta. yudu izateke, yudu dirala darasatenek zutzaz gaizki diotena ere.
10. Ez izutu, edozer yasatekotan ere. Ara, tuxuriak zuetako batzu baitegira yaurtiko ditu, gaizki zuek erabiltzearen; ta amaŕ egunez loŕ zabiltzakete. Zaude kirmen il arte ta bizitzako buruntza emango dizut.
11. Belaŕidunak bentzu zer dasayen gogoak elizei: Garaitzaľeari ez dio bigaŕen eriotzak kalterik egingo.

Pergamo’ko elizaren aingeruari

12. Ta Pergamo’ko elizaren aingeruari idatziozu: Ara zer dion ao biko ezpata zoŕotza daukanak.
13. Ba-dakit non bizi zeran; Satan’en aulkia dagon tokian. Satan’en egoitza oŕtan, beŕiz, Antipa’ri nere aitoŕkide ziñari, bizia kendu ziotenean ere, zuk, nere izenari eutsita, ez zenun nere siñestea ukatu.
14. Ala ere, zerbait ba-dut zure auŕka. Izan ere, aidamenean dituzu, ixraeldaŕak yainko aizunen yanarietara ta loikerira eratoŕtzeko, Balaam’ek Balak’i zerakaskionaren yaŕaile poŕokatuak. *
15. Alakoxe bait-dira aldamenean dituzun nikolaŕen ikaspideari atxikiak.
16. Garbai zaitez. Bestela, oŕ nauzu laisteŕ, ta nere aoko ezpataz buŕuka egingo diet.
17. Belaŕidunak bentzu zer dasayen gogoak elizei: Garaitzaľeari mana ostena damayoket, bai eta aŕi zuri bat ere; ta aŕtzaľeak baizik iñork ez dazagun izen beŕi bat aŕian idatzita.

Tiateira’ko elizaren aingeruari

18. Ta Tiateira’ko elizaren aingeruari idatziozu: Ara zer dion sugaŕa bezelako begiak, eta tupikia bezelako oñak ditun Yainkoaren Semeak.
19. Zure egiteak eta zure maitasun, siñesmen, lanbide ta egonaŕia ezagun ditut, eta lengoak baño areagotsuak dirala ba-dakust.
20. Akaŕkizun bat dut, ordea, zuretzat. Oŕ bait-dabil Yezabel emakume ori igaŕle dala esaten, ta nere moŕoyei ioikeria ta yainko aizunen yanariak gezuŕez aolkatzen; ta zuk ez diozu eragozten.
21. Garbai izateko beta eman diot; berak ez du, ordea, garbai izan nai bere zantaŕkeriaz.
22. Ara, oean eratzango dut, eta arekin kutsutuak loŕ goŕian izango dira, beren gaiztakeriaz garbai ez ba’dira.
23. Ta aren semeak erioz ilko ditut; eta eliz guziek atemango dute Ni naizala giltzuŕun ta biotzak ikeŕtzen ditudana. Ta bakoitzaren egiteak lirakenez, ordaña emango dizuet.
24. Beŕiz, Tiateira’n, oŕelako ikaspidera gabe zaudeten, ta Satan’en sakonak omen diranak ezagun ez dituzuten guzioi, dasaizuet: Ez dizuet zama beŕirik leporatuko;
25. daramazutena, ori bai, eramazute Ni etoŕi arte.
26. Ta garaitzaľeari, nere aginduak azkeneraño bete litukenari, atzeŕiekiko agintea emango diot,
27. burnizko zigoŕez erabili, ta, buztiñezko eltzeak bezela, puskatu ditzan.
28. Alakoxea da Neronek nere Aitarengandik dudan agintea. Goizeko izaŕa ere emango diot.
29. Belaŕidunak bentzu zer dasayen elizei gogoak.

Sardei’ko elizaren aingeruari

1. Ta Sardei’ko elizaren aingeruari idatziozu: Ara zer dion Yainkoaren zazpi gogoak eta zazpi izaŕak ditunak. Ba-dakit zertan ari zeran. Bizi omen zera, ta iľik zaude.
2. Egon atzaŕi, ta iltzeko zan osterantzekoa sendotu ezazu; nere Yainkoaren auŕean bete danik ezer ez dut zure arloan idoro-ta.
3. Ikasi ta entzuna gogoratu ta bete ezazu, ta garbai zaitez. Atzaŕi ez ba’zaude, lapuŕa bezela natoŕkizute, ta ez duzu yakingo noiz natoŕken.
4. Ala ere, lagun gutxi batzu Sardei’n ba-dituzu, beren soñekoa zikindu ez dutenak. Oriek Nerekin ibiliko dira yazki zuriz, oŕtarako lain dira-ta.
5. Garaitzaľea ere yazki zuriz apainduko da, ta aren izena ez dut bizi-idaztitik ezabatuko; aitzitik ere, nere Aitaren auŕean ta bere aingeruenean aitoŕtuko dut.
6. Belaŕidunak bentzu zer dasayen elizei gogoak.

Piladelpi’ko elizaren aingeruari

7. Ta Piladelpi’ko elizaren aingeruari idatziozu; Ara zer dion Guren ta Egizaleak, Dabid’en giltza daukanak, Ark irikia itxi, edo itxia iriki dezakenik ez dagola.
8. Indaŕ gutxiko zerala ere, nere itzari eutsirik, nere izena ukatu ez duzulako, ara zure auŕean zabalik Nik yaŕita iñork ezin iriki dun atea.
9. Oŕa Satan’en batzaŕtegitik, yudu izateke, yudu dirala alaratzen dabiltzanok. Oŕa, Nik eratoŕita, zure oñetara auzpeztuko dira, ta ikusiko dute maite izan zaitudala.
10. Yasateaz Nik esana gorde duzulako, Nik ere gordeko zaitut, luŕean bizi diranak azteŕtzeko, luŕ osora datoŕen laŕialditik. *
11. Auŕki natoŕke. Daukazuna sendo eukazu, iñork aŕ ez dezan.
12. Garaitzaľea nere Yainkoaren yauretxean zutoi yaŕiko dut, eta ez da bein ere andik irtengo. Ta aren gañean nere izena, ta Yerusalem beŕiaren izena, nere Yainkoaren iriarena, nere Yainkoak naita, zerutik yatsiarena idatziko ditut, bai eta ayekin ere nere izen beŕia.
13. Belaŕidunak bentzu zer dasayen elizei gogoak.

Laodiki’ko elizaren aingeruari

14. Ta Laodiki’ko elizaren aingeruari idatziozu: Ara zer dion Yatoŕak, Aitoŕlari egitsu ta kirmenak, Yainkoak egindakoen Soŕburuak.
15. Ba-dakit zertan ari zeran, ez otz, ez bero. Ai ziña otz edo bero!!
16. Bañan epel, ez otz ez bero, zerala-ta, nere aotik zu iraizteko goragale naiz.
17. Zuk diozu: Aberatsa naiz, yoritsua, ezeren beaŕik gabe; ta ez dakizu gaxo ta eŕukaŕi ta landeŕ ta muŕitz zerala.
18. Aŕtu nere onua: aŕagotutako uŕea eroskidazu, aberats izateko, ta yazki zuriak, soña estaltzeko ta laŕugoŕi ez agertzeko, bai eta betura ere, begiak iguŕtzeko ta ikustun biuŕtzeko.
19. Nik iñor maite ezkero, akaŕtu ta ataŕatzen dut. Leya zaitez, beraz, ta garbai izan.
20. Ona emen Ni atauŕean yoka. Iñork nere deya entzunda atea zabaltzen ba’dit, arengana saŕtuko naiz, ta arekin apari egingo dut, eta ark Nerekin.
21. Garaitzaľea nere aulkian Nerekin yaŕiko dut, Nerau ere, garaitzaľe izan ezkero, nere Aitarekin Aren aulkian eserita nagon bezela.
22. Belaŕidunak bentzu zer dasayen elizei gogoak.

Yainkoaren aulkia

1. Oŕezkero ikusi egin nun; ta ara zeruan ate bat zabalik. Eta, turutotsa bezela, nerekin erausten lengoan entzun izan nun arako mintzoak esan zidan: «Onara igo zaitez, ta gerokoan gertabeaŕa erakutsiko dizut».
2. Eta bertan txorabioak aŕtu niñun; ta ara, zeruan aulki bat yaŕia, ta aulkian norbait eseria.
3. Eseriak, beŕiz, yaspi ta sardi-aŕia zirudin; ta aulki baranoan esmeralda antzeko ostadaŕa.
4. Aulki baranoan ere beste ogei ta lau aulki; ta aulkiotan, yazki zuriz ta uŕezko buruntza buruan, ogei ta lau agure eserita.
5. Aulkitik tximistak, otsak eta iñusturiak soŕtzen dira; ta aulki auŕean Yainkoaren zazpi gogoak diran zazpi kiriseľu ixio.
6. Aulki auŕean ere, itxaso alako bat, leya bezain garden, ta aulki baranoan lau iize, auŕe-atzetik begiz beterik.
7. Auŕeneko iizea, leoi irudiz; bigaŕen iizea, txekoŕ irudiz; irugaŕen iizea, giza-auŕpegiz; ta laugaŕen iizea, egaka aŕano irudiz.
8. Lau iizeok seina ega ditute, ta, bai azaletik bai eta baŕnetik ere, begiz beterik, gau eta egun atsedenik aŕtzeke ari dira esaten: «Guren, guren, guren, Yainko Yaun guziz altsua, dana, zana, etoŕtzekoa».
9. Ta iizeok aulkian eseri ta eskeŕ ona dakazkioten bakoitzean,
10. ogei ta lau agure ayek, aulkian eserita dagonaren auŕean auzpezturik, aulki auŕera beren buruntzak yaurtitzen ditute esanaz:
11. «Gure Yainko Yauna, goraldi, dedu ta indaŕa aŕtzeko lain ba-zera; oroen Irazalea Zu bait-zera, ta diranak oro zure nai izatez soŕtu ta irazanak bait-dira».

Zazpi zildaiko idaztia

1. Ta aulkian eseritakoaren eskuyean idazti bat ikusi nun, azaletik eta barnetik idatzi ta zazpi zildaiz itxita.
2. Aingeru azkaŕ bat ere ikusi nun ozengi aldaŕikatzen, «Idaztia zabaltzeko ta aren zildayak askatzeko lain nor da?»
3. Ta iñor ere ez zegon, ez zeruan, ez luŕean, ez eta luŕpean ere, idaztia zabaldu edo begira zezakenik.
4. Idaztia zabaltzeko edo bederen begiratzeko lain iñor ez zala-ta, negaŕaren-negaŕez yaŕi nintzan.
5. Ta aguretako batek esan zidan: «Negaŕik ez egin; ara Yuda’ren leñutik leoya, Dabid’ en kimua, idaztia ta aren zazpi zildayak irikitzeko».

Bildotsa

6. Ta ikusi egin nun, ta ara, aulki ta lau iizen erdian, ta aguren erdian Bildots bat zutik, zirudiñez eraiľa, zazpi adaŕ ta zazpi begi zitula. Yainkoak luŕalde orotara igoŕitako zazpi gogoak dira auek. *
7. Ta etoŕi zan, ta aulkian eserita zegonaren eskuitik idaztia aŕtu zun.
8. Ta idaztia aŕtu zuneko, lau iizeak eta ogei ta lau agureak Bildotsaren auŕean auzpeztu ziran, bakoitzak bere kitara ta uŕezko antuxiñak zekazkitela, antuxiñok gurenen otoyak dira, beŕiz.
9. Ta eresi beŕi bat yo zuten, esanez: «Idaztia aŕtzeko ta aren zildayak askatzeko lain zera; iľa izanda, leñu, izkera, enda ta eŕi guzitik Yainkoarentzat zure odolez erosi gaituzulako,
10. ta gure Yainkoaren yaureŕi ta apaizkunde egin dituzulako, ta luŕ gañean eŕegetza dukete».
11. Ta so egiñik, aulki ta iize ta aguren baranoan aingeru ainitzen otsa entzun nun; amaŕeun miľoika ta amaŕeun miľaka bilduta,
12. ozengi bait-zioten: «Indaŕ aberastasun eta yakintza, al izate, dedu, ospe ta goraldia aŕtzeko lain da oparitzat ildako bildotsa».
13. Ta zeruan, luŕgañean, luŕpean ta itxasoan diranak oro entzun nitun esaten: «Aulkian eserita dagonari ta Bildotsari onespen ta goraldi ta al izatea menderen-mendêtan. Ala biz».
14. Ta lau iizêk zioten: «Ala biz». Ta ogei ta lau agurêk, auzpezturik, menderen-mendetan bizi danari aguŕ egin zioten.

Lenbiziko lau zildayak

1. Ta Bildotsa ikusi nun zazpi zildayetako bat askatzen; ta lau iizetako bat entzun nun ostotsez esaten: «Zatoz».
2. Ta ikusi nun, ta ara zaldi zuri bat. Gañean yaŕiak aŕanbel bat zeukan; buruntza eman zioten, ta garaitzera irten zan garaitsuki.
3. Ta bigaŕen zildaya askatu zunean, bigaŕen iizea entzun nun esaten: «Zatoz».
4. Ta beste zaldi goŕi bat irten zan, ta aren gañean, pakea luŕetik kentzeko ta saŕaskia gizartean saŕtzeko almena ta ezpata aundi bat eman izan zizkioten norbait.
5. Ta irugaŕen zildaya askatu zunean, irugaŕen iizea entzun nun esaten: «Zatoz». Ta ikusi egin nun; ta ara zaldi beltz bat, eta aren gañean norbait, aztaga bat eskuan zeramala.
6. Ta lau iizetartetik ots bat entzun nun esaten: «txopin bat gari, denari batean; ta iru txopin garagaŕ, denari batean; bañan ez egin kalterik ardoari, ez olioari».
7. Ta laugaŕen zildaya askatu zunean, laugaŕen iizearen otsa entzun nun esaten: «Zatoz».
8. Ta ikusi egin nun; ta ara, zaldi zurbil bat, eta aren gañean Erio zeritzan norbait. Lezea zeŕayon; ta al izatea eman zioten luŕeko laurden gañean gizakiak ezpataz, gosez, izuŕiz ta luŕeko basapiztiz iltzeko.

Boskaŕen ta seigaŕen zildayak

9. Ta boskaŕen ziidaya askatu zunean, opamai azpian ikusi nitun Yainkoaren itzagatik eta eman zioten aitoŕagatik ildakoen gogoak.
10. Eta oyuka zioten: «Noiz arte, Yaun deun ta egizale Oŕek, ebaztea geroratzen duzu, gure odolaz luŕekoei apena yasanerazi gabe?»
11. Ta soñeko zuri bana eman ta apuŕ bat atsedeteko esan zieten, berak bezela ilbeaŕak ziran beren moŕoikide ta senidên kopurua bete arte.
12. Ta seigaŕen zildaya askatu zunean, ikusi nun; ta luŕikara aundia soŕtu zan, ta eguzkia, zurdazko zoŕo bat bezain beltz egin zan, ta iľargia, odola bezela,
13. ta ortziko izaŕak luŕgañera erori ziran, uztapikoak aizebultzaz pikondotik yalkitzen diran bezela.
14. Ta ortzia bildu zan, zeŕenda bat biribiltzen dan bezela; ta mendi ta ugarte guziak beren tokitik zotukatu ziran.
15. Ta luŕeko eŕege, aundizki, agintari, aberats, indaŕtsu, yopu ta yarei guziak mendizulo ta aŕkaitzetan izkutatu ziran, 16. ta mendi ta aŕkaitzei zesayeten: «gure gañera atozte, ta aulkian eseritakoaren auŕpegitik eta Bildotsaren aseŕetik izkuta gaitzazute.

17. Ayen aseŕe-egun aundia da, ta nor egon diteke?»

Yainkoaren zantzua

1. Gero lau aingeru ikusi nitun luŕaren lau zokoetan zutik, luŕeko lau aizeak geldi eukitzen, legoŕean, itxasoan eta zugatzetan aizebultzik soŕtu ez zedin.
2. Ta beste aingeru bat ikusi nun eguzki soŕtaldetik igotzen. Yainko biziaren zantzua zeukan, ta legoŕ-itxasoei kalte egiteko zeuden lau aingeruei ozengi oyu egin zien
3. esanez: «kalterik legoŕari ez egin, ez itxasoari, ez zugatzei, gure Yainkoaren moŕoyei zantzua bekokian dazaŕkieguño».
4. Zantzua aŕtu zutenen zenbatza ere entzun nun; eun ta daŕen leñu guzietako zantzubeŕogei ta lau miľa ziran Ixrael’ dunak.

5. Yuda’ren leñutik, amabi miľa zantzudun, Eŕuben’en leñutik, amabi miľa, Gad’en leñutik amabi miľa,
6. Aser’en leñutik, amabi miľa, Neptali’ren leñutik, amabi miľa. Manase’ren leñutik amabi miľa,
7. Simeon’en leñutik, amabi miľa, Lebi’ren leñutik, amabi miľa, Ixakar’en leñutik, amabi miľa,
8. Zabulon’en leñutik, amabi miľa.

Yose’ren leñutik, amabi miľa, Benyamin’en leñutik, amabi miľa zantzudun.

Beste autuak

9. Gero, iñork zenbatu ezin lezaken samalda aundi bat, aulki auŕean Bildotsaren aitziñean zutik, ikusi nun. Guziek soñean yazki zuriak eta eskuan palmak zekazten. Enda, leñu, eŕi ta izkera guzietako ayek,
10. ozengi ots egiten zuten, esanez: «Gorespen ulkian eserita dagon gure Yainkoari ta Biidotsari!»
11. Ta aingeru guziak zutik zeuden aulkiaren, aguren eta lau iizen baranoan; ta aulkiruntz auzpeztuta, Yainkoari aguŕ egin zioten,
12. esanez: «Ala biz! Onespen, ospe, yakintza, eskeŕ-egite, dedu, al izate ta indaŕa gure Yainkoari menderen-mendetan. Ala biz!»
13. Ta aguretako batek itz egin ta esan zidan: «Nor ta nondik etoŕiak dira soñeko zuriz yantzi oriek?»
14. Ta esan nion: «Ene Yauna, zeroŕek ba-dakizu». Ta esan zidan: «Auek dira loŕ aunditik etoŕi ta beren soñekoak Bildotsaren odolez ikuzi ta zuritu ditutenak.
15. Oŕegatik Yainkoaren aulki auŕean daude gau ta egun Aren etxean yauresten; ta aulkian dagona ayekin biziko da.
16. Geroenean ez dira gose izango, ez egaŕi; ta ez ditu eguzkiak edo iñongo saŕgorik nekatuko;
17. aulki erdian dagon Bildotsak laŕera ta bizirako ur-ituŕietara eramango ditulako, ta ayen begietatik edozein malko Yainkoak txukatuko dielako.»

Zazpigaŕen zildaya

1. Ta zazpigaŕen zildaya askatu zunean, ordu erdi batetsuko isiľaldia egin zan zeruan.
2. Ta Yainkoaren aintziñean egoten diran zazpi aingeruak ikusi nitun, ta zazpi turuta eman zizkieten.
3. Ta beste aingeru bat etoŕi ta opamai ondoan gelditu zan, uŕezko luŕiñontzi bat eskuan zeukala. Ta luŕingai asko eman zioten, deun guzien otoyak eskeñi zitzan aulki auŕean dagon uŕezko opamayean.

4. Ta deunen otoyekin luŕiñen kea aingeruaren eskutik igo zan Yainkoaren auŕean.
5. Ta aingeruak luŕiñontzia aŕtu ta opamaiko txingaŕez beterik, luŕ gañera bota zun; ta oñazkaŕ, buŕunba, tximistak eta luŕikarak asi ziran.
6. Ta zazpi turutak zeuzken zazpi aingeruak, turuta yotzeko gertu ziran.

Lenbiziko lau turutotsak

7. Lenak turuta yo zun ta asi zan kazkabaŕa ta odolarekin nâsitako sua luŕ gañera yeisten; ta luŕ erena, zugatzetako erena, ta belaŕ guzia eŕe egin ziran.
8. Ta bigaŕen aingeruak turuta yo zun; ta mendi aundi bat zirudin zerbait yaurtia izan zan itxasora; ta itxaso erena odoldu zan;
9. ta itxasoan bizi diranetako erena il, ta ontzietako erena galdu zan.
10. Ta irugaŕen aingeruak turuta yo zun; ta zuzi bat bezela ixiotako izaŕ aundi bat erori zan ibai ta ituŕietako eren gañean.
11. Ta izaŕak Ixen du izena; ta ur erena mindu zan, ta gizakume asko ur minduagatik il ziran.
12. Ta laugaŕen aingeruak turuta yo zun; ta eguzki erena, iľargi erena ta izaŕetako erena naŕiotu ziran, ayetako erena iľundu zala, ta bai, egunek bai eta aŕatsek ere argia ereneraño galdu zutela.
13. Ta aŕano bat ikusi nun ortzi erditik egaka, ta ozengi zion au entzun nion: «Ene!, ene, ene, negaŕgaŕiak luŕean bizi diranak! yotzeko dauden iru aingeruen beste turutotsengatik!!»

Boskaŕen turutotsa

1. Ta boskaŕen aingeruak turuta yo zun; ta izaŕ bat ikusi nun ortzitik luŕera eroria; ta lezerako giltza eman zioten.
2. Ta lezeko osiña zabaldu zun; ta osiñetik kea, labe aunditik bezela, igo zan; ta osiñeko keak eguzki ta eguratsa iľundu zitun.
3. Ta ketik otiak luŕera irten ziran, lugartzena bezelako indaŕa emana izan zitzayela.
4. Agindu zitzayenez, kalterik ez zioten luŕeko belaŕ, barazki ta zugatzetako bati ere egin beaŕ, Yainkoaren zantzua kopetan ez luketen gizakumêi baizik.
5. Alakoak ere iltzeko aukera ez zuten, bost iľabetez oñazetzekoa baizik. Oñazeok, beŕiz, lugartzak ziztatutako gizonarenak bezelakoak ziran.
6. Egun ayetan gizakumêk eriotza biľatuko dute; iritsi, ordea, ez; il nai izango dute, bañan eriotzak ayengandik iges egingo du.
7. Otien tankera, gudarako gerturik dauden zaldiena zan. Buruan uŕezko buruntza bana zekaŕten, ta ayen auŕpegiak giza-auŕpegiak bezela ziran.
8. Adatsa zuten emakumên adatsaren edukoa, ta ayen ortzagiñak leoyenak bezela ziran.
9. Bulaŕekoa zuten burnizko oskol irudiko, ta ayen egal-zarata, gudara taŕapatan diyoazan zaldi askodun guŕdiena zan.
10. Lugartzek bezela, buztan ta eztenak zituten, ta buztanean, gizonak bost iľabetez mintzeko al izatea.
11. Ayen eŕege, eberkeraz Abaddon, eta eladeraz Apoľion deritzan lezeko aingerua zan.
12. Lenbiziko «ene» au amaituta, ara oraindik beste bi. *

Seigaŕen turutotsa

13. Seigaŕen aingeruak turuta yo zun, ta Yainkoaren auŕean zegon uŕezko opamaiaren lau ertzetatik zetoŕen ots bat entzun nun.
14. Ta turuta zeukan seigaŕen aingeruari zesayon: «Askatu itzazu Euparate ibai aundian loturik dauden lau aingeruak».
15. Ta lau aingeruak ordu, egun, iľabete ta urterako gertuta, askatuak izan ziran, gizakumêtako erena iltzeko.
16. Ta zaldizko gudariak beŕeun miľoi ziran; zenbaki au neronek entzunda.
17. Ara, beŕiz, ikustaldi artan zaldiak eta ayetan eseriak nola ikusi nitun: zaldizkoak oskol sutsu, ubel ta orixkak zekazten; zaldien buruek leoi-buru ziruditen, ta ayen aotik su, ke ta sulbuŕa soŕtzen ziran.
18. Ayen aotik soŕtzen ziran irurok, su, ke ta sulbuŕak, gizadi erena il zuten.
19. Ao ta buztanetan bait-dago zaldion al izatea; ayen buztanak suge-antzekoak bait-dira, bakoitza bere buruarekin; ta ayekaz min damate.
20. Alako gaitzez bizia galdu ez zuten osterantzeko gizakumeak ez ziran beren esku-lanaz garbai izan. Txeŕenak, eta ikusteko, entzuteko ta ibiltzeko ezer ez diran uŕe-ziľaŕ-tupiki-zurezko irudiak yauresten isitu ziran ostera,
21. beren ilketak, sorginkeriak, izoŕkeriak eta lapuŕetak iguintzeke.

Yon’ek Irentsitako idaztiñoa

1. Beste aingeru bat ikusi nun ortzitik yeisten, odei bat inguruan ta ozadaŕa buruan zekaŕela. Aren auŕpegia, eguzkia bezela zan; ta aren oñak, suzko abeak bezela.
2. Eskuan idaztiño bat zabalik zeukan. Ta eskuiko oña itxasoan ta ezkeŕekoa legoŕean ezaŕirik,
3. leoyak oŕu egiten dun bezela, oyu azkaŕ bat atera zun. Ta oyu egin zuneko, zazpi yuzturiek buŕunban erausi zuten.
4. Ta zazpi yuzturiek erausi zutenean, idazteko nengon, ta ortzitik mintzo bat entzun nun niri esaten: «Zazpi yuzturien esanak burutan yaŕi itzazu, ta ez idatzi».
5. Ta itxas-Iegoŕen gañean zutik egoten nekusan aingeruak ortziruntz bere eskua yaso zun.
6. Ta menderen-mendêtan bizi dan Arengandik, ortzia ta ango guziak, luŕa ta ango guziak, itxasoa ta ango guziak soŕtu ditun Arengatik zin au egin zun: «Astirik geroenean ez dagoke»
7. zazpigaren aingeruak turutaz ots egin bear du, ordea, ta egun ayetan beteko da Yainkoaren burupide ostena, bere moŕoi igaŕlên aoz adirazia».
8. Ta entzun izan nun ortziko otsak beriro itz egin ta esan zidan: «Zoaz itxas-legoŕ gañean zutik dagon aingeruarengana, ta aren eskuko idaztiño zabala aŕ ezazu».
9. Ta aingeruarengana yoanda, esan nion idaztiñoa niri emateko. Ta esan zidan: «Tori ta yan; sabela mingoiztuko dizu; bañan aoan eztia bezain goxo izango zaizu».
10. Idaztiñoa aingeruaren eskutik aŕtu ta irentsi nun, ta aoan eztia bezain goxo zan; baña irentsitakoan, sabela mingoiztu zidan. *
11. Ta esan zidan: «Beŕiro ere enda, eŕi, izkera ta eŕege askotaz igaŕi egin beaŕ duzu».

Yainkoaren aitoŕtzaľe bi

1. Ta zigoŕa bezelako seska bat eman zidaten, esanez: «Yaiki ta Yainkoaren etxea, opa-maya ta ango yauresleak neuŕ itzazu.
2. Yauretxeko atauŕea, beŕiz, neuŕtzeke utzazu. Atzeŕientzat emana bait-dago, ta ayek beŕogei ta bi iľabetez iri deuna ostikatuko dute.
3. Neuk yaŕita, beŕiz, aitoŕtzaľe bi, zoŕoz yantzirik, irakasten ari izango dira miľa ta beŕeun ta irurogei egunez.
4. Auek dira luŕaren Yaunaren auŕean yaŕitako oliondo biak eta argimutil biak.
5. Ta iñork kalte egin nai ba’lie, ayen aotik suak irtenda etsayak irentsiko ditu. Oŕela ilbeaŕa da gaizki egin nai liekena.
6. Auek ortzia isteko eskubidea dute, ayen aidaŕia bitartean euririk yetsi ez dedin; ura odoldu ere, ta luŕa, nai luketen bakoitzean, edozein izuŕiz yo dezakete.
7. Ta ayen aitoŕa egindakoan, pizti batek, lezetik igota, guda egingo die, ta azpiratu ta ilko ditu.
8. Ta alegitan Aigito ta Sodoma deritzan iri aundiko zeyetan, ayen Yauna gurutzatu izan zan irian, ayen soñak iľotzik etzanda egongo dira.
9. Ta eŕi, leñu, izkuntza ta enda guzietakoak ayen kaskiak dakusazte, obiratzerik ayentzat utzi gabe.
10. Ta ayen lepotik betargitsu ta elkaŕi adigurika dabiltza luŕeko lagunak, igaŕle biok luŕeko lagunei ekaŕi zizkieten oñazeakatik.
11. Bañan iru egun ta erdi ezkero Yainkoaren arnas piztugaŕia soin ayetan saŕtu zala, zutitu ziran, ta belduŕ aundia erori zan ayen ikuslên gañera.
12. Ordun ots aundi bat entzun zuten ortzitik: «Igo zaitezte onara». Ta odeyetan igo ziran ortzira, etsayek zekusaztela.
13. Ta ordu artantxe luŕikara artan il ziran; ta osterantzekoek, belduŕtuta, zeruko Yauna goretsi zuten.
14. Bigaŕen «ene» au igarotakoan, ara, auŕki dago irugaŕena.

Zazpigaŕen turutotsa

15. Izan ere, zazpigaŕen aingeruak turuta yo zun; ta zeruan ots aundiak soŕtu ziran, esanez «Gure Yauna bere Kisto’rekin luŕbiraren nagusi egin da, ta nagusi dirauke menderen-mendêtan».
16. Ta Yainkoaren aitziñean beren aulkietan eseritako ogei ta lau agurêk guŕ egin zioten,
17. esanez: «Eskeŕ dagizugu, zeran, ziñan ta zatozken Yainko Yaun altsu Oŕi, zure al izate aundiz yaiki ta eŕege yaŕi zeralako.
18. Eŕiak aseŕe izan dira; bañan eldu da zure aseŕea, ta iľak ebazteko, zure moŕoyei, igaŕlêi, deunei ta zure izenaren belduŕ diran txiki-aundiei saria emateko, ta luŕa kutsatu dutenak poŕokatzeko garaya da.»
19. Orduan zeruan yauretxea zabaldu ta yauretxean Itun-kutxa ageri izan zan, tximistak, otsak, luŕikarak ta ageta aundiak soŕtzen zirala.

Emakumea ta iransugea

1. Ta aŕitzeko ikuskizun bat zeruan ageri izan zan; emakume bat eguzkiz yantzita, oñazpian iľargia ta buruan amabi izaŕezko buruntza bat zekaŕela, *
2. auŕdun ta erdimiñez gaŕaxika ertaldi gaitzaŕen.
3. Beste ikuskizun bat ere azaldu zan zeruan; iransuge goŕi bat, zazpi buru ta amaŕ adaŕ zituna, ta zazpi buruntza. *
4. Aren buztanak ortziko izaŕeko erena bosatu ta luŕera yaurti zun. Iransuge ua emakume erdi-uŕenari auŕkez yaŕi zitzayon, aren umea yayo ala iresteko.
5. Erdi eginda emakumeak seme bat izan zun, burnizko zigoŕez eŕi guziak yauŕiko zituna; ta ume ori Yainkoagana ta Aren aulkira atzeman-yaso izan zitzayon.
6. Emakumeak ordun basora iges egin zun; Yainkoak arentzat atondutako bazteŕ batean miľa ta beŕeun ta irurogei egunez azibeaŕa bait-zan.
7. Zeruan, beŕiz, guda piztu zan: Mikel’ek bere aingeruekin iransugeari guda zegion, iransugeak bere aingeruekin gogoŕ zegiela.
8. Ez ziran, ordea, auek garaile izan, ta aŕezkero ayentzat ez da zeruan tokirik gelditu.
9. Oŕela iransugetzaŕa, Txeŕen edo Satan deritzan aspaldiko suge ua, gizadi osoaren liľuratzaľea, irauli ta luŕera yaurtia izan zan, ta arekin bere aingeruak ere.
10. Ta ots aundi bat entzun nuen zeruan esaten: «Eldu da onezkero osasuna, eldu dira gure Yainkoaren indaŕ ta yauraldia ta bere Kisto’ren al izatea; iraitzirik bait-dago gure senidê salatzaľea, gure Yainkoaren aitziñean gau ta egun salatzen zituna.
11. Ta ayek Bildotsaren odolez ta, bizia aintzat aŕtzeke, eriotzaraño itzari egin zioten aitorez azpiratu zuten.
12. Poztu zaitezte, beraz, zeruok eta ayetan bizi zeratenok. Zuen zori txaŕa, beŕiz, legoŕ-itxasoena! Aseŕe goritan zuetara Txeŕen yetxi bait-da, asti gutxi dula yakiñik».
13. Luŕean iraitzia zala iransugeak ikusi zuneko, seme ua egin zun emakumeari yazaŕi zitzayon.
14. Baña emakumeari aŕano aundiaren ega biak ezaŕi zizkioten, basoko bere bazteŕera egatzeko; ta an, sugearen begietatik alde azten da iru urte ta erdiz.
15. Iransugeak, beŕiz, bere aotik ibai besteko ura emakumeari yaurti zion, arangelak emakumea eraman zezan.
16. Baña luŕak emakumearen alde egiñik, aoa zabaldu ta iransugeak bere aotik yaurtitako ibaya irentsi zun.
17. Orduan iransugea, emakumearekin amoŕatuta, aren ondorengo osterantzekoei, Yainkoaren aginduak betetzen ditutenei ta IESU aitoŕtzen dutenei, guda egitera yoan zan.
18. Ta itxasondaŕetan atanda aukeratu zun.

Itxasoko bidutzia

1. Ta bidutzi bat ikusi nun itxasotik igotzen. Amaŕ adaŕ ta zazpi buru zitun ta adaŕetan amaŕ aľara, ta buruetan birao-izena.
2. Nekusan bidutzia leoi nabaŕa bezela zan; aren oñak artzarenak bezela, ta aoa leoyarena bezela. Iransugeak bere indaŕa, bere aulkia ta al-izate aundia eman zizkion.
3. Aren buruetako batean zauri ilgaŕi bat ikusi nion; zauri ilgaŕi ua sendatu zitzayon, ordea; ta gizaki guziak zeŕaizkion aŕituta.
4. Ta iransugea yauretsi zuten, bidutziari al izatea eman ziolako; bai eta bidutzia ere yauretsi zuten, esanez: «Nor da bidutzi ainbatekorik? Nor arekin buŕukatu litekenik?
5. Ele aŕotsu ta biraoak esateko aoa yesanda zeukan, bai eta beŕogei ta bi iľabetez yarduteko eskubidea ere.
6. Ta bere aoa iriki zun, Yainkoa ta Aren izena ta Aren etxola ta zeruan bizi diranak bioraokatzen.
7. Indaŕa ere emana izan zitzayon deunei guda egiteko ta ayek azpiratzeko, bai eta leñu, eŕi, izkuntza, ta enda orotako gizakumeak bere mendean eukitzeko al izatea ere.
8. Ta luŕa luŕ danetik, eraildako Bildotsaren bizi-idaztian beren izena ez duten luŕeko lagun guziek, bidutzia yauretsi zuten.
9. Belaŕidunak bentzu.
10. Uztaŕpera norbait lekaŕkena, uztaŕpera datoŕke; ta ezpataz norbait il lukena, ezpataz ilko da. Oŕtan datza deunen egonaŕi ta siñestearen eŕoa.

Basoko iizea

11. Beste iize bat ikusi nun legoŕetik yaikitzen. Aarikoak bezela, adaŕ bi zeuzkan, ta iransugea bezela mintzo zan.
12. Lenbiziko bidutziaren auŕean aren al izate osoa zerabiľan; ta luŕa ta luŕeko lagun guziak eratoŕi zitun zauri ilgaŕia sendatu izan zitzayon lengo bidutzia yaurestera.
13. Ta alatz aundiak zegitzin, sua ortzitik luŕera gizauŕean eratxirik ere.
14. Ta lengo bidutziaren auŕean alatz egiteko emana izan zitzayon al izatez luŕeko lagunak liľuratzen zitun, zesayela, ezpataz zaurturik ere bizi zan bidutziaren irudia egiteko.
15. Adore ta izkuntza ere bidutziaren irudia pizteko, ta bidutziaren irudia yauretsi ez luken edonori bizia kentzeko al izatea emana izan zitzayon.
16. Guziei, txiki-aundiei, aberats-landeŕei, yarei-yopuei, xaki bat eskuyean edo bekokian erazaŕi zien.
17. Xakia bidutziaren izena edo izen onen zenbakia zan, ta xakia ekaŕtzeke iñork ezin ezer erosi edo saldu zezaken.
18. Emen dago yakitekoa. Antzedunak igaŕi beza bidutziaren zenbakia; giza-zenbaki da-ta. Zenbaki au, beŕiz, seireun ta irurogei ta sei da.

Bildotsa ta Arekin dabiltzanak

1. Ta ikusi nun; ta ara, Sion-mendi gañean Bildotsa zutik zegon, ta Arekin eun ta beŕogei ta lau miľa lagun. Aren izena ta Aren Aitarena beren bekokietan idatzirik zeuzkatela.
2. Ta zeruko ots bat entzun nun, uyol-otsa edo yuzturi-buŕunba bezelakoa. Nentzun otsa, beŕiz, kitara yotzen ari diran kitaratzaľêna bezelakoa zan.
3. Eresi beŕi bat yotzen ari ziran aulki auŕean, ta lau iizen ta aguren aintziñean; ta iñork ezin eresia ikasi zun luŕetik erositako eun ta beŕogei ta lau miľa ayek baizik.
4. Auek dira emakume-kutsurik izan ez zutenak, nâsgabe bait-dira. Auek Bildotsari, edonora doan, daŕaizkionak. Auek Yainkoarentzat eta Bildotsarentzat gizartean erositako askiñak.
5. Ta gezuŕik ez da ayen aoan yaŕugi; ez dute akatsik.

Iru aingeruren iragaŕpenak

6. Ta beste aingeru bat ikusi nun zeru erditik egaka, betiko Beŕi Ona zeukala, luŕeko enda, leñu, izkera, ta eŕi guzikoei iragaŕtzeko, *
7. ozengi ziola: «Yainkoaren belduŕ izan ta Bera goretsazute; eldu bait-da Aren ebaztaldia. Ortzi, luŕ, itxaso ta ituŕiak egin dituna yauretsazute».
8. Aingeru oen ondotik beste bat ere etoŕi zan, esanez: «Erori da, erori, Babilon aundia, bere izoŕkeri-ardoz eŕi guziak mozkoŕtu zituna».
9. Ta bion ondotik beste aingeru bat etoŕi zan, ozengi esanez: «Iñork bidutzia edo aren irudia yauretsi, edo aren xakia bekokian naiz eskuyean aŕtu ba´lu,
10. oŕek ere Yainkoaren aseŕe-ardo utsa Aren samin-ontzitik edan beaŕko du, ta aingeru deunen ta Bildotsaren begietan su ta sulburtan oñazeak aŕtu.
11. Oŕelakoen oñaze-kea menderen-mendêtan gora datoŕke, ta atsedenik ez da gauez ez egunez izango bidutzia edo, aren irudia yauretsi, edo aren izenaren xakia aŕtu zutenentzat.»
12. Oŕ dago Yainkoaren aginduak eta IESU’ren siñestea betetzen ditutenen egonaŕia.
13. Ta ots bat entzun nun zerutik niri esaten: «Idatzazu; Yaunarengan il diranak, auek zori ontsuak!! Izan ere, dio Gogoak, neke ondoren atseden aŕtu beaŕ dute; beren egiñak bait-daŕaizkie».

Aingeru itailariak

14. Ta ikusi nun, ta ara odei zuri bat, eta odeigañean Gizasemea zirudin norbait eserita, buruan uŕezko buruntza ta eskuan itai zoŕotz bat zeukala.
15. Ta beste aingeru batek, yauretxetik irtenda, odeyean eseriari ozengi ots egin zion: «Saŕtu itaya, ta itaitu; eldu bait-da itaroa, ta luŕeko uzta zori egin da».
16. Odeyean eseriak bere itaya luŕari ezaŕi zion, ta luŕa motz gelditu zan.
17. Ta zeruko yauretxetik beste aingeru bat irten zan, onek ere itai zoŕotz bat zekaŕen.
18. Ta beste aingeru batek, sua bere mendean zeukanak, opamaitik irtenda, itai zoŕoztunari ozengi ots egin zion: «Saŕtu itai zoŕotz ori, ta luŕeko mâstiaren mordoak moztu; aren mâtsak eldu egiñak bait-dira.»
19. Aingeruak bere itaya luŕari ezaŕi zion, luŕeko mâstia moztu zun,ta Yainko aseŕearen tolare aundira mordoak bota zitun.
20. Ta iritik alde tolarea ostikatua izan zala, odola tolaretik zaldien mutuŕeraño edatu zan miľa ta seireun estadiko eremuan.

Zazpi antuxin zazpi aingeruri emanak

1. Beste ikuskizun aundi ta aŕigaŕi bat ikusi nun zeruan; zazpi aingeru zazpi elkaitz zeuzkatela; azkeneko elkaitzak gero; ayekaz Yainkoaren aseŕea asaskatuko bait-zan.
2. Ta su-leizko zirudin itxaso bat ikusi nun. Leizko itxasgañean, beŕiz, bidutzia ta aren irudia ta aren izenaren zenbakia oinperatu zutenak zutik zeuden, Yainkoaren kitaraz
3. Moxe’ren eresia ta Bildotsarena yotzen, esanez: «Aundi ta aŕigaŕiak dira zure egiñak, Yainko Yaun guziz altsu Ori; zuzen ta ziñak zure bideak, eŕien Eŕege Ori.
4. Nor ez da zure belduŕ izango, ta nork ez du zure izena goretsiko, Yauna? Zu bakaŕik guren bait-zera. Eŕi guziak etoŕi ta zure auŕean auzpeztuko dira, zure asmoak agiri dira-ta.»
5. Onen ondotik zeruan Itun-etxolaren yauretxea nere begietan iriki zan,
6. ta zazpi elkaitzak zeuzkaten zazpi aingeruak irten ziran, liño garbi ta zuriz yantziak eta uŕezko itoltzez geŕikatuak.
7. Lau iizetako batek zazpi aingeruoi uŕezko zazpi antuxin eman zizkien; antuxiñak, beŕiz, menderen-mendêtan bizi dan Yainkoaren aseŕez beterik zeuden.
8. Ta yauretxea Yainkoaren ospez ta al izatearen kez bete zan, zazpi aingeruen zazpi elkaitzak igaro arte, iñor artan saŕtu ezin ala.

Antuxiñak ustuta

1. Ta ots bat entzun  nun zazpi aingeruei esaten: «Zoazte, ta Yainkoaren aseŕez betetako zazpi antuxiñak luŕgañera ustu itzazute».
2. Lenak, beraz, yoanda, bere antuxiña luŕgañera ustu zun; ta zauri txaŕ ta nazkagaŕiak soŕtu ziran bidutziaren xakia zutenengan ta aren irudia yauretsi zutenengan.
3. Bigaŕenak bere antuxiña itxasgañean ustu zun; ta saŕaski-odola bezelako biuŕtu zan, ta itxasoko bizidun guziak il ziran.
4. Irugaŕenak bere antuxiña ibai ta ituŕien gañean ustu zun; ta guziak odoldu ziran.
5. Ta uretako aingerua entzun nun esaten: «Zuzen zera Zu, zeran ta ziñan Guren Ori, erabaki ontan.
6. Deunen ta igaŕlên odola ixuri dute, ta odola eman diezu edateko; zoŕ zayena dute.»
7. Ta beste bat entzun nun opamaitik esaten: «Bai Yainko Yaun guziz altsu Ori, zin ta zutenak dira zure asmoak».
8. Laugaŕenak bere antuxiña eguzkigañean ustu zun, gizakiak surtan txigoŕtzeko eskubidez.
9. Bero aundiaŕen txigoŕtuta, gizakiak zebiltzan, alako gaitzez oñazetu zitzaken Yainkoaren izena biraokatzen, ta ez ziran Bera goresteko biuŕtu.
10. Boskaŕenak bere antuxiña bidutziaren aulkian ustu zun; ta aren yaureŕia iľunik gelditu zan; ta miñaren-miñez gizakiak norberaren mingañari ozka ari ziran,
11. zeruko Yainkoa min ta zaurien eragitez biraokatzen; ta ez ziran beren gaiztakeriaz garbai izan.
12. Seigaŕenak bere antuxiña Euparate ibai aundian ustu zun; ta aren ura idoŕtu zan, eguzki aldeko eŕegentzat bidea gertutzeko.
13. Ta iransugearen aotik, eta sasi-igaŕlearen aotik igel-antzeko iru ats satsu irteten ikusi nitun.
14. Txeŕen-ats alazkiľe dira auek, eta luŕalde guzietako eŕegengana yotzen dute, Yainko guziz altsuaren egun aundi artako gudarentzat ayek biltzeko.
15. «Ona emen natoŕ, lapuŕa bezela. Zori ontsua ernai dagona ta bere yazkiak berekin dauzkana, laŕugoŕi ez ibiltzeko, aren lotsagaŕiak iñork ikus ez ditzan.»
16. Ta bilduko ditute eberkeraz Armagedon deritzan landan.
17. Zazpigaŕenak bere antuxiña eguratsean ustu zun; ta

yauretxeko aulkitik mintzo ozen bat ilki zan esanez: «Oŕenak egin du».

18. Ta gizakumeak luŕgañean diranetik ez da ainbesteko luŕ-ikararik iñoiz ere ikusi.
19. Iri aundia iru zati egin zan, atzeŕiko iriak irauli ziran, ta Babilon aundiaz Yainkoa oroitu zan, bere aseŕe-ontzitik ardoa ari emateko.
20. Ugarte guziek iges egin zuten, ta mendirik ez zan iñon aurkitu. Talanta banako aŕiabaŕak ere gizakumên gañera yausi ziran ortzitik; eta gizakumêk Yainkoari birao zegioten oŕelako aŕiteagatik.

Babilon’en tankera

1. Zazpi antuxiñak zeuzkan zazpi aingeruetako bat, niregana elduta, mintzo zitzaidan, esanez: «Zatoz ta erakutsiko dizut ur askoren gañean eserita dagon ematxaŕ aundiaren ondikoa.
2. Arekin nâsi dira luŕeko eŕegeak, eta aren zantaŕkeri-ardoz mozkoŕtu dira luŕean bizi diran guziak.
3. Ta basora irudimenez eraman niñun. Emakume bat an ikusi nun birao-izenez kunkuin, ta zazpi buru ta amaŕ adaŕeko bidutzi goŕi baten gañean eserita.
4. Aren soñekoa ubel ta goŕia zan; uŕez, istaŕiz ta perlaz apainduta zegon; ta eskuan uŕezko ontzi bat iguingaŕiz, kunkuin, ta bere izoŕkeri-satsa zeuzkan;
5. bekokian, beŕiz, izen au idatzita: «Misteri; Babilon aundia, luŕeko zantaŕ ta nazkagaŕien ama».
6. Emakume ori deunen odolez ta IESU’ren aitoŕtzaľên odolez ordi zegola ikusi nun, ta ikustean, oso aŕitu nintzan.
7. Ta aingeruak esan zidan: «Zer dala-ta aŕitu? Nik azalduko dizut emakumeaz ta bera gañean daroan zazpi buru ta amaŕ adaŕeko bidutziaz igaŕtzekoa».
8. Ikusi duzun bidutzia len zan ta orain ez da; ta lezetik igo ta ondatzekoa da. Ta luŕa asi zanetik beren izena bizi-idaztian ez duten luŕeko guziak aŕituko dira, bidutzia ikusirik, izanda gero ez dala, beŕazalduko da-ta.
9. Emen beaŕ da buru argia. Zazpi buruak, emakumea gañean eserita duten zazpi mendi ta zazpi eŕege dira.
10. Bost erori egin dira; bat oŕ dago; bestea ez da oraindik etoŕi; ta datoŕkenean, labuŕ iraunbeaŕa da.
11. Len zan ta orain ez dan bidutzia, zortzigaŕena da, zazpiretakoa gero; ta puŕut eginbeaŕa da.
12. Ikusi dituzun amaŕ adaŕak, yauraldia oraindik aŕtu ez duten amaŕ eŕege dira; bañan apuŕ bateko ere, agintea aŕtuko dute bidutziaren ondotik.
13. Asmo berbera dute auek, eta beren indaŕ ta al izatea bidutziaren alde darabilte.
14. Bildotsari guda egingo diote, ta Bildotsak azpiratuko ditu, yaunen Yauna ta eŕegen Eŕege dalako. Arekin daudenak, beriz, deitu, autu ta siñestunak dira.
15. Ta esan zidan: «Ematxaŕa eserita dagon tokian ikusi dituzun urak, eŕi, laguntalde, enda ta izkuntzak dira.
16. Ta ikusi dituzun amaŕ adaŕek, bai eta bidutziak ere, ematxaŕa goŕoto izango dute, ta surtan eŕeko dute.
17. Yainkoak ayen biotzak eragin bait-ditu, gogo batez bere asmoa erabili dezaten, ta beren al izatea bidutziari eman dezayoten Yainkoaren itzak burutu arte.
18. Ta ikusi duzun emakumea, luŕeko eŕegên gañean agintea daukan iri aundia da.»

Babilon’en poŕokaldia

1. Auek ezkero, beste aingeru bat ikusi nun zerutik yeisten al izate aunditan; ta aren istaz luŕa argitsu egin zan.
2. Ta indaŕtsuki ots egin zun esanaz: «Erori da, erori, Babilon aundia, ta txeŕendegi, gogo satsu guzien obi, ta txori satsu ta iguingaŕi guzien kabi egin da;
3. aren zantaŕkeri amoŕatuaren ardotik eŕi guziek edan dutelako, ta luŕeko eŕegeak arekin nâsi ta salerosle guziak aren legunkerien mamiz aberastu diralako.»
4. Ta zerutik beste ots bat entzun nun esaten: «Alde arengandik, ene eŕi ori, aren gaiztakeriz kutsutu ez zaitezten, ta aren okeŕ-saritik ezer ere eldu ez dakizuen,
5. Aren ogenak ortziraño metatu bait-dira, ta aren okeŕkerietaz Yainkoa oroitu da.
6. Ark eman dizuen ordaña itzuliozute, ta beste ainbeste ere bai, aren egiñen arauz; edaten eman dizuen ontzian emayozute, ta beste ainbeste ere bai; *
7. Goratu ta legunduta bizi izan dan giñoan, negaŕ ta min ekazkiozute. Bere biotzean dio: Eŕegiña aulkian nago; ez naiz alargun, ta negaŕik ez dakusket.
8. Argatik, egun batean bere gaitzak, eriotza, negaŕ ta gosea datozkioke, ta surtan eŕeko da;: ua ebatziko dun Yainkoa indaŕtsu dalako.
9. Arekin nâsi ta legunduta bizi izan diran eŕegeak artzaz negaŕ ta erostan ibiliko dira, aren eŕetaldiko kea ikustean.
10. Ta aren oñazekiko belduŕez uŕutian egonik, esango dute: Ene, bada, ene!, iri aundia, Babilon iri indaŕtsua!, bat-batean ireak egin din.
11. Negaŕez ta erostaz dabiltza azokariak ari buruz, azokagairik iñork ez bait-dio onezkero erosten;
12. ez uŕe, ziľaŕ, istaŕi ta perlarik; ez liño, purpur, seda ta eun goŕirik; ez zur usaintsurik, ez ebuŕik; ez eta aŕi bikañez, tupikiz, burniz, naiz atxurdiñez egindako atuxik ere;
13. ez kanel, usai-mats, luŕin, gantzuki ta lerdorik; ez ardo, olio, irin ta garirik; ez zamari,. gibeŕi ta gurdirik; ez yopu, ez gizakumerik.
14. Aogozagaŕi itunan arnariak, iregandik uŕutira ditun: guri ta argi dan guzia irean galdu dun ta iñork ez din idoroko.
15. Guzion salketan arekin aberasten ziranak, aren oñazekiko belduŕez, arengandik uŕun egongo dira, negaŕ ta erostan
16. esanaz: Ene bada! ene!! Iri aundia, liño bikañez ta oyal ubel ta goŕiz yazten, ta istaŕiz ta perlaz apaintzen zan iri gaxoa!
17. Oŕenbesteko aberastasuna bat-batean suntsitu da. Ta ontziburu guziek, eta itxasoz andi dabiltzan guziek, itxasmutiľek eta itxaslanean ari diran guziek, uŕun yaŕita,
18. aren eŕetaldiko kea ikustean, oyuka zioten: Zein iri, iri aundi onen idekorik?

19. Ta norberaren burugañean autsa edatuz, ots zegiten esanez: «Ene bada!, ene!! Iri aundi onetan aberats egin dituk itxasontziren yabe guziak, eta oŕ zegok bat-batean muŕituta.
20. Pozez yauzi zaitezte zuek, zeru, deun, bidali ta igaŕieok! Aren auŕka zuen auzia Yainkoak ebatzi du-ta.»
21. Orduan aingeru sendo batek igara-aŕi beteko aŕi bat yaso ta itxasora yaurti zun, esanez: «Onelako oldaŕez Babiion iri aundia iraitziko dute, ta ez da aŕezkeroan ageriko.
22. Bein ere ez dun irean kitara-otsik entzungo, ez eresirik, ez txisturik, ez turutarik; arotzik ez dun gauŕdanik ezertarako aŕkituko; igara-kalakarik ez dun irean iñoiz ere adituko.
23. Zuzik irean ez din gerokoan argi egingo; ta ezkonbeŕien erausirik ez dun beŕiro irean entzungo; ire azokariak luŕeko aundizkiak itunalako, ta ire sorginkeriz eŕi guziak iiľuratu ditunalako.
24. Irean berebat auŕkitu dun igaŕle ta deunen odola ta luŕean iľerazitako guziena.»

Zeruko poza

1. Gero laguntalde aundien buŕunba bezelako ots bat zeruan entzun nun esaten: «Aleiuya! Osakuntza, ospe ta al izatea gure Yainkoari dagozkio.
2. Zin ta zuzen bait-dira Aren epayak. Ematxaŕ aundia, loikeriz luŕa usteltzen ari zana, ebatzi dulako, bere moŕoyen odola aren lepotik apenduz.»
3. Bigaŕenez «aleluya» esan zuten. Ta aren kea menderen-mendêtan gora diyoa.
4. Ta ogei ta lau agurek eta lau iizek Yainkoa yauretsi zuten auzpezturik, esanaz: «Ala biz! Aleluya!»
5. Ta mintzo bat aulkitik soŕtu zan, esanez: «Gure Yainkoa goretsazute Aren moŕoi guziok, eta Aren belduŕ zeratenok, txiki-aundiok».
6. Ta gizatalde aundien zarata, uyolaren oŕua ta yuzturi zakaŕen buŕunba añeko ots bat entzun nun esaten: «Aleluya; gure Yainko Yaun guziz altsua, eŕege yaiki da-ta.
7. Poztu ta yauzi gaitezan, Ua goretsirik. Bildotsaren ezteyak eldu diralako, ta aren emaztegaya gerturik dagolako,

8. liño aratz ta zuriz yazteko aukera eman diotela. Liño ori, beŕiz, deunen egite onak dira.»
9. Ta esan zidan: «Idatzazu. Bildotsaren ezteyetako aparira deituak, auek zori ontsuak!!» Ta beŕiro: «Yainkoaren itz ziñak dira auek».
10. Orduan aren oñetara auzpeztu nintzan bera yauresteko. Bañan esan zidan: «Oŕelakorik ez; zure ta IESU’ren aitoŕa duten zure anayen moŕoikide nauzu; Yainkoa yauretsazu; IESU’ren aitoŕa, igaŕtzeko atsa da-ta».

Bidutziaren poŕokaldia

11. Orduan zerua ikusi nun zabalik; eta ara, zaldi zuri bat, eta aren gañean eseria Kirmen ta Egizale deritza, ta ebazketan ta gudan zuzen da.
12. Begiak ditu su-gaŕen antzekoak; buruan aľara asko ta Berak baizik iñork ez dazagun izen bat idatzita.
13. Aren soñekoa odol-zipiriztiñez beterik zegon, ta Aren izena Yainkoaren Itza da.
14. Zeruko gudosteak zaldi zuritan zeŕaizkion, liño garbi ta zuriz yantzita.
15. Aotik sorbatz biko ezpata bat soŕtzen zayo, eŕiak sakailtzeko. Burnizko zigoŕez yauŕiko ditu, ta Yainko guziz altsuaren aseŕe miñaren tolarea Berak ostikatzen du.
16. Bere soñekoan ta iztaŕean idatzita dauka: Eŕegeen Eŕege ta yaunen Yauna.
17. Ta aingeru bat eguzkian zutik ikusi nun, eguratsean baŕna egaka zebiltzan egazti guziei oyu aundiz esaten: «Zatozte, ta bildu zaitezte Yainkoaren apari aundirako.
18. Eŕegeen aragiak, eta indaŕtsuen aragiak, eta zaldi ta zaldizkoen aragiak, eta yarei ta yopu guzien aragiak, eta txiki ta aundien aragiak yan beaŕ dituzute».
19. Ta bidutzia, ta luŕeko eŕegeak, eta ayen gudosteak ikusi nitun zaldizkoari ta Aren gudosteari guda egiteko bilduak.
20. Eta bidutzia atzemana izan zan, eta arekin sasi-igaŕlea, aren auŕean alatzak egiten zituna, ta ayen bitartez bidutziaren xakia aŕtu ta iduria yauresten zutenen liľuratzaľe izana, eta biak, bizirik, yaurtiak izan ziran kirastaŕiz irazekitako su-idoira.
21. Beste guziak zaldigañekoaren aotik soŕtzen zan ezpataz il ziran, ta egazti guziak ayen aragiz ase ziran.

Miľa urteko yauraldia

1. Ta aingeru bat ikusi nun zerutik yeisten, lezearen giltza ta kate aundi bat eskuan.
2. Ta iransugea, Txeŕen edo Satan dan antziñeko sugea, atzi ta miľa urteko loturik,
3. lezera yaurti zun, gaña zildaiz itxirik, miľa urte baŕuan iñor beŕiz atzipetu ez dezan. Epe onen ondoan, bai, apuŕ bateko askatu beaŕa da.
4. Aulki batzu ere ikusi nitun; ta ayetan eseriei, ebazteko eskubidea emana izan zitzayen. Berebat IESU’ren aitoŕagatik eta Yainkoaren itzagatik lepo egiñen gogoak ikusi nitun, bai eta bidutzia edo aren irudia yauretsi ez zutenak, bai eta aren xakia beren bekokian naiz eskuan aŕtu ez zutenak ere. Guziok bizitzara itzuli ta Kisto’rekin eŕege izan dira miľa urtez.*

5. Beste iľak ez ziran bizitara itzuli, miľa urte igarotakoan baizik. Ori da lenbiziko beŕpiztaldia.
6. Zori ontsu ta gurena, lenbiziko beŕpiztea iritsi duna!! Alakoei buruz eskubiderik ez du bigaŕen eriotzak. Ostera ere, Yainkoaren ta Kisto’ren apaiz izango dira, ta Arekin miľa urteko eŕege.

Satan’en poŕokaldia

7. Miľa urteok igarotakoan, Satan bere baitegitik yarei
8. irtengo da luŕeko lau ertzetan dauden ta itxasoko, ondaŕak aña diran eŕiak, Gog eta Magog, axatzeaŕen ta gudarako biltzeaŕen.
9. Ta luŕ zabalera igorik, deunen etzauntza ta iri maitagaŕia erdian aŕtu zituten. Baña Yainkoak ortzitik eratxitako suak irentsi zitun;
10. ta tuxuria, ayen axatzaľea, suibur ta suzko idoira amildua izan zan, bertaraxe bidutzia ta sasi-igaŕlea zeŕaizkiolarik, oñazetan gau ta egun bein betiko an egon beaŕez.

Il guziekiko epaya

11. Ordun aulki aundi zuri bat ikusi nun. Artan norbait eserita zegon; ta Aren auŕpegitik ortzi-luŕak igesi ziran, tokirik aventzat azaldu ez zala.
12. Ta iľak ikusi nitun aulki auŕean zutik, txiki-aundiak. Idazti batzu zabaldu ziran. Beste idazti bat ere, Bizi-Idaztia zabaldu zan; ta ayetan idatzitakoen arauz, iľak ebatzi ziran, norberaren egiñei zegokionez.
13. Ta itxasoak bere altzoan zeuntzan iľak itzuli zitun; eriok eta luŕpeak ere berenak itzuli zituten; ta bakoitzari epaya eman zitzayon bere egiñen arauz.
14. Orduan erio ta luŕpea yaurtiak izan ziran suzko idoitara. Au da bigaŕen eriotza.
15. Ta Bizi-Idaztian norbait auŕkitu ez ba’zan, su-idoira yaurtia izan zan.

Ortzi ta luŕ beŕiak

1. Ta ortzi beŕi bat eta luŕ beŕi bat ikusi nitun. Lengo ortzia ta lengo luŕa yoanak bait-ziran, ta itxasorik onezkero ez dago.
2. Ta iri deuna, Yerusalem beŕia zerutik Yainkoaketz yeisten ikusi nun, ezkonbeŕia senaŕarentzat bezela apaindua.
3. Aulkitikako ots aundi bat ere entzun nun esaten: «Oŕa Yainkoaren etxola gizartean. Bizilagun izango zaye. Aren eŕia izango dira; ta Yainkoa Bera ayekin egongo da ayen Yainkotzat.
4. Begietako malko guziak txukatuko dizkie: ta ez da auŕerontzean eriotzarik izango, ez negaŕik, ez gaŕaxirik, ez eta miñik ere; lengoak igaro bait-dira.»
5. Ta aulkian eseriak esan zun: «Oŕa, Nik eginda, dana beŕi». Ta esan zidan: «Idatzazu; zin ta egitsuak bait-dira nere itzak».

6. Ta beŕiz: «Egiña da. Ni naiz α ta ꞷ ; lena ta azkena. Nik egaŕi danari ur bizia darion ituŕitik edaten damayoket utsean.*
7. Ondare au garaitzaľeak izango du, ta alakoari Yainko izango natzayo, ta ua seme izango zait.
8. Kelmenek, beŕiz, siñesgogoŕ, nazkagaŕi, gizeraiľe, zantaŕ, azti, irudizale ta gezuŕti guziek su ta sulbuŕezko idoi irazekian beren yarauntsia daukakete. Au da Bigaŕen eriotza.»

Yerusalem beŕia

9. Orduan azkeneko zazpi elkaitzez betetako zazpi antuxiñak zeuzkaten zazpi aingeruetako bat neregana etoŕi ta mintzo zitzaidan, esanez: «Zatoz, ta erakutsiko dizut Bildotsaren ezkonbeŕi maitagaŕia».
10. Ta mendi aundi ta garai batera irudimenez yaso niñun, ta Yerusalem iri deuna erakutsi zidan, zerutik Yainkoaketz yeisten,
11. Yainkoaren aintza zeriola. Aren ista, aŕi dirdirtsuena ta yaspi gardenarena bezela zan.
12. Esi aundi ta garai bat zeukan; esian, beŕiz, amabi ate ziran, aingeru bana ta izen bana gañean idatzita zutela. Ta izenok Ixrael’daŕen amabi leñuenak dira.
13. Soŕtaldean iru ate; ipaŕaldean iru ate; egoalden iru ate; ta saŕtaldean iru ate.
14. Iriko esiak amabi oñaŕi zeuzkan, ta ayetan Bildotsaren amabi bidalien amabi izenak.
15. Nerekin zerausanak uŕezko neuŕaga zeukan, iria ta aren ateak eta esia neuŕtzeko.
16. Iria lauko bat da, luze bezain zabal; ta uŕezko neuŕagaz iria neuŕturik, amabi miľa estadi zenbatu zitun, luzera, gora ta zabalera berdin dirala.
17. Ta iriko esia neuŕturik, eun ta beŕogei ta lau beserdi zenbatu zitun, giza-neuŕitan aingerua ari bait-zan.
18. Esia, yaspi-aŕiz egiña zan; iria bera, lei garbi antzeko uŕe garbiz.
19. Esi-azpiak edotariko aŕi bikañez apainduta daude; lenbiziko azpia, yaspi; bigaŕena, sapir; irugaŕena, kalkedoi; laugaŕena, esmeral;
20. boskaŕena, sardoni; seigaŕena, sardi; zazpigaŕena, kirisolit; zortzigaŕena, beril; bederatzigaŕena, topazi; amaŕgaŕena, kirisoparas; amaikagaŕena, yakinto; amabigaŕena, ametista.
21. Amabi ateak amabi perla dira; ate bakoitza, perla bat; ta iriko zeya, lei gardena bezelako uŕe uts.
22. yauretxerik artan ez nun ikusi; ango yauretxea Yainko Yaun guziz altsua ta Bildotsa bait-dira.
23. Iriak ez du eguzki-iľargien beaŕik argitua izateko; Yainkoaren argiak argitzen du, ta ango zuzia Bildotsa da.
24. Argi ontan ibiliko dira eŕiak; eta luŕeko eŕegêk beren ospea dakaŕkiokete.

25. Aren ateak ez dira egunez itxiko, gaurik an ez daitekelako.
26. Artara eŕien ospe ta dedua ekaŕiko ditute;
27. ta ez da an satsurik ezer saŕtuko, ez eta nazkagaŕi edo gezuŕti danik ere, Bildotsaren bizi-idaztian izena dutenak baizik.

Zeruaz oraindik

1. Gero ur bizizko ibai bat uu erakutsi zidan, leya bezain argi, Yainkoaren ta Bildotsaren aulkitik zeriola.
2. Iriko zei erdian ta ibai ertz bietan bizi-zugatzak, amabitan, iľabetean bein, arnari eta ostoak eŕiaren osabiderako ekaŕtzen dituna.
3. An ez da iñoiz ere biraogaŕirik izango; Yainkoaren ta Bildotsaren aulkia, bai, an dagoke, ta Aren moŕoyek yauretsiko dute,
4. ta Aren auŕpegia dakuskete, ta Aren izena bekokian dakaŕkete.
5. Gaurik an ez daiteke, ta zuzi naiz eguzki-argiren beaŕik ez dukete, Yainko Yauna argi zayelako.
6. Ta esan zidan: «Zin ta egitsu dira itzok; eta igaŕmena igaŕlêi damayon Yainko Yaunak bere moŕoyei bere aingerua bidaliko die, auŕki gertubeaŕak ayei erakusteko.
7. Ta ara, laisteŕ natoŕ. Zori ontsua idazti ontan auŕesanak bete litukena!!

Azkena

8. Neraunek, Yon onek, guziok ikusi ta entzun ditut. Entzun ta ikusitakoan, beŕiz, zerakusazkidan aingeruaren oñetara auzpeztu nintzan, ua yauresteko.
9. Bañan esan zidan: «Ez ori egin; zuk, eta zure anai igaŕlêk, eta idazti ontan auŕesanak bete ditutenek, moŕoikide nauzute-ta. Yainkoa goretsazu!!»
10. Ta esan zidan: «Ez itxi zildaipean idazti ontan auŕesanak; garaya uŕbil bait-dago.
11. Zitala, zitalago biuŕ bedi; zikiña, zikiñago; zuzena, zuzenago; ta deuna, deunago. *
12. Ara, laisteŕ natoŕ, saria Nerekin ekaŕiz, bakoitzari bere egiñen arauz ordaña emateko.
13. Ni naiz α ta ꞷ ; lena ta azkena; asiera ta amaya:
14. Zori ontsuak, beren soñekoa garbitzen dutenak, bizi-zugatzetik yan ta atêtatik irira saŕtu al izateko!!! *
15. Utikan! zakuŕ, sorgin, zantaŕ, gizeraiľe, ta gezuŕa maite ta egiten duten guziak!!
16. Neuk, IESU Onek, nere aingerua bidali dizuet elizekiko guzion aitoŕtzaľe. Ni naiz Dabid’en eŕo ta yatoŕikoa, goizeko izaŕ argitsua.»
17. Ta Gogoak eta Emazteak diote: «Zatoz!» Dantzunak ere «Zatoz» bio. Betoŕ egaŕi dana ere, ta nai dunak bizirako ura aŕ beza utsean.
18. Ara, beŕiz, idazti ontan auŕesanak entzun litukenari aitoŕtzen diodana:Zerbait iñork geituko ba´lie, Yainkoak alakoari idazti ontan idatzitako elkaitzak leporatuko dizkio.
19. Ta igaŕkuntza onen itzetako bat ere iñork kendu ba’ lu, alakoaren laña Yainkoak kendulo ere du bizi-zugatzetik eta iri deunetik eta idazti ontan esan diranetik.»
20. Guziok aitoŕtzen ditunak dio: «Bai; laisteŕ natoŕ». Ala biz! Zatoz, IESU Yauna!
21. Bego deun guziekin IESU Yaunaren adeya. Ala biz!!!