Olabideren Biblia

Saŕera

1. Yuda’k, IESU Kisto’ren moŕoi ta Yakob’en anai onek, zuei, Yainko Aitak maite ta IESU Kisto’rentzat gordetako deituoi;
2. eŕuki, pake ta maitasuna zuengan geitu bitez.
3. Ene maiteok; guzion osasunaz zuei idazteko ayola biziak beaŕtuta, idazki ontan natoŕkizue, gurenei bein emandako siñestearen alde gogoŕ buŕukatzeko aolkuz.
4. Ondamenerako epaya aspaldi idatzia zayen gizon deunge batzu itzalgaizka saŕtu bait-dira, gure Yainkoaren adiguria zantaŕkerira okeŕtzen ta IESU Kisto gure Yaun ta Yabe bakaŕa ukatzen.

Irakasle gaiztoak

5. Oŕezkero, dana bein, yakiña ba’duzute ere, gomutarazi nai dizuet Yaunak, Aigito’tik eŕia yareginda gero, siñesgogoŕ izanak poŕokatu zitula,
6. ta, nagusitza eukibeaŕean, beren egoitza galdu zuten aingeruak, egun aundiko epayarentzat betiko lokaŕiz iľunpean gorde zituia.
7. Berebat Sodoma, Gomoŕ, ta ayek bezain zantaŕ ta aragi biuŕkeriz nazkagaŕi ziran inguruko iriak oŕ daude luŕ yota bein betiko galentzat suak iľaunduta.
8. Alaxe, bada, amestiok aragia zikintzen, nagusitza nardatzen ta goratsuak biraokatzen ari dira.
9. Mikael goi-aingerua, Moxe’ ren soña zala-ta, txeŕenakin buŕukatzean, ez zan aren auŕka epai iraintsurik botatzera eldu; ta au bakaŕik esan zion: Yaunak ondikatu azala. ★

10. Oriek, ostera, ez dakiten edozer biraokatzen dute, ta adingabeko aberek bezela, susmoz dazaguten edozertan usteltzen dira.
11. Kain’en bidean saŕtu, Balaam’en erokerian sariaŕen leŕatu, ta Kore’ren zalapartan galdu dira. Ayen zori txaŕa!!
12. Oriek dira zuen oŕitsetako satsa, sabela betetzeko lotsagabe maikide datozkizuela; odeyak urgabe aizetan eramanak; udazkeneko zugatz elkoŕ, bitan il ta eŕoetatik igaŕtuak;
13. itxasuin zakaŕak âlkekizuna apaŕez dariela; iraizeko izaŕak, betiko iľuntara yobeaŕak.
14. Oriengatik auŕesanez Enok’ek, Adam’en ondoko zazpigaŕenak, zion: «Oŕa: ba-datoŕ Yauna bere guren zenbakaitzekin,*
15. gizakume guziak ebazteko ta gaizto guziak larderiatzeko gaizki egindako gaiztakeri guziengatik, eta ogenlari gaiztoek Aren auŕka esandako gordinkeri guziengatik».
16. Oŕ dabiltza oriek marmar ta minkuŕti, beren gogara bizirik, ots aundiko itzez aoa beterik, eta mozkin-miñez aundizkiak limuŕturik.
17. Zuek, beŕiz, maiteok, oroi zaitezte IESU Kisto gure Yaunaren bidaliek auŕenik esan dutenaz.
18. Esan ere zesaizueten azken aldietan etoŕiko zirala iruzuŕti batzu, beren girin gaiztoen yitez ibiliz,
19. linbuxkeritsu, luŕkoi ta adingabe.
20. Zuek, beŕiz, maiteok, daukazuten siñeste gurenean ezaŕita yaiki zaitezte; Goteunaren itzalpean otoi egizute;
21. ta Yainkoa maite izaten iraunik, IESU Kisto gure Yaunaren eŕukia itxoizute betiko biziarentzat.
22. Batzuei, ezbai daudenei, eŕuki zakizkiete, ta surtatik atera ta yaregin itzazute;
23. beste batzuei, beŕiz, eŕukiarekin larderia ere erakutsiezute, aragi-kutsua soñekoan ere iguindurik.

Azkena

24. Eroaldi guzitik zuek yagoteko, ta bere aulki goragaŕiaren auŕera akatsik gabe ta pozez beterik zuek eratoŕtzeko altsua dan
25. IESU Kisto’rentzat, gure Yaregiľe ta Yainko bakaŕarentzat, beude, beŕiz, mende guzien auŕetik, orain eta menderen-mendêtan, goraldia, aunditasuna, al izate ta agintea. Ala biz!!