Olabideren Biblia

1. Kepa’k IESU Kisto’ren bidali onek, atzeŕiko Ponto’n, Galati’n, Kapadoki’n, Asia’n ta Bitini’n baŕeyatu,
2. ta Gogo-gurenketaz IESU Kisto’ren siñestera ta odol-garastara Yainko Aitaren betiko yakitez autuak zeratenoi, eskeŕ ta pakea.

IESU Kisto’ri zoŕ diogun osasuna

3. Onets bedi IESU Kisto' ren Yainko ta Aita, bere eŕuki aundia dala-ta, IESU Kisto’ ren iľartetiko beŕpiztez beŕiro soŕtu gaitulako itxaropen bizira,
4. ta iro, erdoi ta itsik gabe zuentzat zeruan berezita dagon yarauntsira.
5. Zuentzat, bai; azken aldietan agertzeko dan osasuna siñestez iristeko, Yainkoaren indaŕak yagonik zaudetentzat.
6. Uste ontan poztu zaitezte, oraindik neke batzuetan apuŕ bateko atsekabe izan beaŕak ba’ziñate ere.
7. Ayetan zuen siñesmena araztuko da, ta surtan araztutako uŕe suntsikoŕa baño bikain-bikañago azalduko da IESU Kisto’ren agertaldian, zuen ospe, dedu ta goragaŕitzat.
8. Bera zuek, ikusi ez duzutela ere, maite duzute, ta orain bertan, Ua ikusi baño len, Aren siñestez pozik eta iľaŕaindurik yauzten zerate,
9. zuen siñespenaren txedea dan gogo-osasuna erditsirik.
10. Osasun au zan zuei egindako adeyaz yardun duten igaŕiek gogoan erabili ta azteŕi zutena,
11. ikeŕtzeaŕen noizko ta zein garaitako ote zanik Kisto’ ren atsak beren baitan ziona, Kisto’ren nekeaz ta neke ondoko ospeaz auŕenetik aitoŕ zegienean.
12. Ta erakutsi zitzayen, ez berentzat, zuentzat baño iragaŕtzen zutela Beŕi Onaren aldaŕikariek zerutik bidalitako Goteunez ezagunerazi dizuetena ta aingeruek leyaz begira nai dutena. *

Dagokigun gurentasuna

13. Beraz, gogoa geŕikatuz ta bizia eratuz, zuen uste osoa atxikirik begokio IESU Kisto’ ren agertaldian datoŕkizuen ongiari,
14. seme esangiñei dagokienez, lengo iľunaldiko iŕitsei yaŕaitzeke;
15. ostera ere, dei egin dizuena gurena dan ezkero, zuek ere orotan gurentsu azaldurik.
16. Idatzita bait-dago: Guren izan zaitezte, Ni guren naiz-ta. (Ap. 11, 4.)
17. Berebat, bakoitza bere egiñen arauz norkeririk gabe ebazten duna Aitatzat aitoŕtzen ba’duzute, atzeŕaldi ontan belduŕez bizi zaitezte.
18. Yakinda bait-zaudete, ez zeratela asabaengandik aŕtutako ekandu alpeŕetatik uŕez naiz ziľaŕez yaregiñak.
19. Kisto’ren odol bikañez baño. Auxe bait-da bildots garbi ta kutsugabea,
20. ludia ludi baño len ezaguna, ta azken aldiotan zuengatik ageri egiña.
21. Aren bitartez zuek, iľartetik piztu ta goratu dun Yainkoaren siñestea duzute, zuen siñesmena ta itxaromena Yainkoarengan daudela.
22. Beraz, egiaren mendera etoŕirik, senide-maitasun ziñerako zuen biotzak garbitu dituzutenez-gero, biotz garbiz elkaŕ maite ezazute mamiki.
23. Ez bait-zerate azi ustelgaŕitik biŕsoŕtuak, ezin usteldu danetik baño, Yainko bizi ta betikoaren itzez.
24. Alegia:

Aragi oro belaŕ antzekoa da, ta aren ospe osoa, belaŕ-lorea bezela. Belaŕa igaŕtzen da, lorea yalkitzen;

25. Yaunaren itza, beŕiz, betidañokoan dago. (Is. 40, 6-7) Ta orixe da zuei aldaŕikatutako itza.

Giltzaŕia

1. Beraz, gaiztakeri ta iruzuŕ guziak eta edozein alegikeri, bekaitz ta mardail erauzirik,
2. gogo-esne utsa, auŕtxo yayobeŕiek bezela, biľazute, artaz osasunerako azi zaitezten;
3. murtxatuta bait-dakizute Yauna ona dala.
4. Arengana alderatu zaitezte. Bera da aŕi bizia, gizonek ezetsia, Yainkoak, ostera, autu ta edeŕetsia.
5. Aren gañean zerok ere, aŕi biziak bezela, piľatu zaitezte, gogozko etxe ta apaizkunde guren izateko, ta IESU Kisto’ren edeŕagatik Yainkoak onaŕtuko ditun gogozko opariak eskeintzeko. *
6. Argatik Idatziak dio: Oŕa giltzaŕi autu ta bikaña, Sion’en Nik yaŕita: artan siñestea izanik, iñor ez da âlketuko. (Is. 28, 16.)
7. Zuentzat, beraz, siñetsi duzutenontzat, dedua; siñesgabêntzat, ordea,

Eraikiľêk ezetsitako aŕia bera

giltzaŕi yaŕi da, zoztoŕ-aŕi, tupustaŕi. (Er. 118, 22.)

8. Artan auek tupust egin beaŕ dute, itza ez siñetsirik; ori da ayen elburua.
9. Zuek, beŕiz, enda autua zerate, eŕege añeko apaizkundea, nare gurena, eŕi irabazia, iľuntatik bere argi zoragaŕira deitu zaituzanaren bikaintasuna aldaŕikatu dezazuten.
10. Beñola eŕi ez ziñatenok, orain eŕukia iritsi duzute.
11. Ene maiteok, ara nere aolkua. Aŕotz ta bidazti zabiltzatela-ta, gogoaren kalte gudan ari diran aragi-iŕitsetatik aldendu zaitezte,
12. atzeŕi oŕtan zintzo bizi izanik; gaiztagintzat bezten zaituztenek, zuen egite onak ikusita, ikustaldi-egunean Yainkoa goretsi dezaten.

Agintariekiko agaŕa

13. Beraz, Yainkoaren edeŕagatik gizaki guziri men egiozute; naiz eŕegeri, nagusi dala-ta,
14. naiz gaiztagiñak ataŕatzeko ta onak goratzeko berak yaŕi ditun eskudunei ere.
15. Auxe bait-da Yainkoaren naya; zuek ondo egitez, buru kazkaŕen yakiñeza isiľeraztea,
16. yarei azaldurik; yareitasuna, beŕiz, gaiztakeria estaltzeko erabilitzeke, Yainkoaren moŕoitzat agertzeko baizik.
17. Guziei lotsa erakuskiezute; senideak maite itzazute: eŕegerentzat begirunea izan ezazute.
18. Yopu zeratenok negusiei al dan belduŕez menderatuta bizi zaitezte, on ta etoŕkoŕei ez ezen, zakaŕei ere.
19. Au bait-duzu edeŕ; Yainkoaren edeŕagatik loŕaldiak eramatea, bidegabezkoak diranean.
20. Ogen eginda, beŕiz, zartadak yasateaz nola iľaŕainduko ziñakete? Ondo eginda, egonaŕiz yasaten ba’duzute, ori, bai, Yainkoari atseginzayo.
21. Oŕtarako deituak zerate. Kisto’k ere zuengatik miña yasan du, bere aztaŕnatik yaŕaitzeko eredua zuei utzirik.
22. Ogenik ez du egin; gezuŕik ez da Aren aoan idoro (Is. 53, 9.)
23. Biraorik ez die biraolariei itzuli; ez eta zemarik ere zeatzen zutenei, zuzenki ebazten dunari bere burua utzirik.
24. Berak bere soñean tantai gañera gure ogenak eraman ditu, ogenarentzat il ta zindotasunarentzat bizi gaitezan; ta Aren zauriz sendatuak zerate.
25. Ardi galduak bezela bait-ziñaten; bañan orain zuen gogoen Artzai ta Yagolearengana itzuli zerate.

Senaŕ-emazteak

1. Zaudete, emazteak ere, senaŕen mendean; itzarekiko siñesgabe senaŕ batzu ba’dira, emaztearen yardunbidez itzik gabe irabazi ditezan,
2. zuen yarduera garbi ta eratsua ikusirik.
3. Zuen apainkera ez bedi iľe kizkuŕez, uŕezko pitxiz ta yazki edeŕez azalekoa izan;
4. biotz baŕneko giza-ayuŕi biguin ta otzanetik dariona baizik. Ori du Yainkoak begi-betegaŕi.
5. Beñolako andere guren ayek ere oŕela apaintzen ziran, senaŕen mendean Yainkoaren zai zeudela.
6. Oŕela Sara’k Abraham’i men egiten zion, yaun izena emanik. Ta Sara’ren alaba egiñak zerate zuek, ezeren belduŕik gabe zintzo ibiliz.
7. Berebat zuek, senaŕok, zuen emaztenganako urguritsu azaldu zaitezte, aultxoagoak bait-dira; ta begirunea erakuskiezute, bizitzaren adiguria zuekin yarauntsi beaŕ dutenei dagokionez. Oŕela ezerk ez dizue otoya eragotziko.

Guziekiko yardunbidea

8. Guziok azkenez gogaide, senidekoi, biotz bera ta apalekoak izan zaitezte,
9. gaitza gaitzez ta biraoa biraoz ordaintzeke, oneskuntzaz baño; oneskuntza yarausteko deituak zerate-ta.
10. Alegia,

bizia maite ta egun onak ikusi nai ditunak, mingaña gaitzetik zaitu beza la gezuŕik ezpañetan ez berabil;

11. gaitzetik aldendu ta ona egiten ari bedi;

pake biľa bebil, ta berari beŕayo.

12. Yaunaren begiak zintzoengana atzaŕi, ta Aren belaŕiak ayen aŕenetara zurt bait-daude; [12-16.) Yaunaren bekozkoa, beŕiz, gaizkiľên auŕka dago. (Er. 35,

Nekea yasateko

13. Nork kalte egingo dizue, on danaren ayola ba’zerate?
14. Kaltetan ere, zuen zori ona, zuzenagatik yasatekoa ba’ da!! Ez belduŕ izan, ez kezkatu;
15. Kisto Yauna zuen biotzetan gurenetsazute, ordea, beti zurt egonik zuen itxaromenaz galdekariei erantzuteko.
16. Erabidez gero, lotsaz, ta baŕne zindoz; Kisto’renganako zuen yarduera bezten dutenak, zuen lepotik darasatenaz alke izan ditezan.
17. Izan ere, obe da, Yainkoak nai ba’du, ondo egitez zerbait yasatea, gaizki egitez baño.
18. Gure ogenak dirala-ta, gizatxaŕongatik Kisto zintzoa bein il bait-zan Yainkoari gu eskeintzeko. Aragi aldetik eriotza au zan; Aren gogoak, beŕiz, pizkoŕ ziraun;
19. ta ala, baitegian zeuden gogoetara yetxi zan, Beŕi Ona aldaŕikatzen *
20. beiñola siñesgogoŕ izanei, Noe’ren egunetan Yainkoaren egonaŕia zai zegokienean, zortzi lagun bakaŕik ugoldetik onez atera zitun kutxa antolatzen zan bitartean. *
21. Orain ere, kutxa aren eredua dan ukuzpenak gaizkatzen zaituz, ez aragi-orbanak garbiturik, IESU Kisto’ren beŕpiztez zuen biotzak Yainkoarengana biuŕturik baño.
22. Eriotza irentsi ezkero, Yainkoaren eskuin IESU Kisto bait-dago, betiko bizia erditsi dezagun, aingeru, agintari ta indaŕtsuak azpiratu ondoren igota.

Yainkoarentzat bizia erabili beaŕ

1. Beraz, Kisto oñazez izan dan ezkero, zuek ere burupide au iskiľutzat aŕ ezazute; aragi-oñazez izanak ogena zapuztu du,
2. geroenean ez giza-iŕitsen oldez, Yainkoarenaz baizik, gañerako aragi-bizitza erabiltzeko.
3. Naikoa bait-da noizpait atzeŕien oldez eralgitako astia, likiskerian, iŕiskerietan, ardotan, oŕitsetan ta yaureskeri nazkagaŕietan bizi izaten ziñatenean.
4. Aŕituta daude orain ayek eta biraoka, oŕelako ziŕiboŕo zantaŕean nâsten ez zeratelako.
5. Baña bizi ta iľak ebazteko gerturik dagonari erantzun beaŕko diote.
6. Artarako Beŕi Ona iľei ere emana izan bait-zaye, aragi aldetik gizauŕean gaiztetsita ere, gogo aldetik Yainkoaren euŕean bizi izan ditezan.
7. Guzien amaya, beŕiz, uŕbil dago. Zaudete zurt, beraz, ta otoiketan ernai.
8. Batez ere elkaŕ maite ezazute beti; maitasunak ogen asko estaltzen ditu-ta.
9. Marmar gabe elkaŕ atotsazute.
10. Bakoitzak aŕtu dun antzia, bestên onerako berabil, Yainkoaren askotariko antzien yauŕleari dagokionez.
11. Norbait mintzo ba’da, Yainkoak emandako indaŕez burutu beza, edozertan Yauna goretsi dedin IESU Kisto’ren bitartez. Arena da ospe ta al-izatea menderen-mendetan. Ala biz!!

Yazaŕalditik datozkigun zitu edeŕak

12. Ez aŕitu, maiteok, zuen azteŕketarako oŕ piztu dan suaz, bakaneko zerbait gertatzen zaizuelakoan.
13. Aitzitik ere, Kisto’ren nekaide izanaz poz zaitezte, Aren ospea ageriko danean ere, aŕai ta pozik egoteko.
14. Zuen zori ona, Kisto’ren izenagatik irainduak ba’zerate!! Gogo ospegaŕia, Yainkoaren Gogoa, zuenean bizi da-ta.
15. Ez bego zuenean gizeraiľetzat, lapuŕtzat, mardaľaritzat edo salatitzat yasan beaŕ dunik.
16. Kistaŕtzat yasateaz, beŕiz, ez bedi iñor âlke izan; ostera ere, Yainkoa goretsi beza oŕelako izenagatik.
17. Yainkoaren etxetik ebazkuntza asteko garaya da-ta. Gugandik asi ezkero, beŕiz, zein izango da Yainkoaren Beŕi Ona siñetsi ez dutenen azaga?
18. Ta zintzoa nekez gaizkatuko ba’da, non auŕkeztuko da deunge ta ogenlaria?

19. Beraz, Yainkoaren gogara yasaten dutenek, egite onez Ari, Irazale kirmenari bezela, beren buruak egotzi bezazkiote.

Azken aolkuak

1. Oŕa zuetako zâŕentzat, zâŕa ere ta IESU Kisto’ren nekeaz aitoŕlari ta agertzeko dan ospean erkide naizan onen aolkua:
2. zaipean daukazuten Yainkoaren artaldea laŕatu ezazute, gogotik Yainkoaŕen sorotzirik, ez nakaŕki, ez eta mozkin itsusiaŕen ere, utsean baizik;
3. yabemiñez menpekoak erabili gabe, artaldearen eredu azalduz baizik.
4. Ta artzayen Nagusia auŕkeztuko danean, zimeldu ezin dan ospe-buruntza iritsiko duzute.
5. Gazteok, beŕiz, zâŕei men «giezute; ta guziok elkaŕenganako apaltasunez yantzi zaitezte; Yainkoak aŕotsuei gogoŕ egin ta apalei adeya erakutsi die-ta.
6. Apal zaitezte, beraz, Yainkoaren esku altsupean, garaiz gora zaitzazan.
7. Zeron ardura osoa Ari utziozute, zuen ardura Arek du-ta.
8. Zaudete gartzu ta zurt; leoya oŕuz bezela, txeŕen, zuen etsaya, baranoan bait-dabil nor irentsiko zai.
9. Siñestez gogoŕ egiozute, luŕean dituzuten senide guziak neke beretan daudela yakiñik.
10. IESU Kisto’ren bitartez bere ospera dei egin dizuen Yainkoak, opari guzien Emaľeak, beŕiz, apuŕtxo bat zuek, yasandakoan, osotu, sendotu ta gotoŕtuko zaituz.
11. Berari ospe ta agintea menderen-mendetan. Ala biz!!

Amaya

12. Anai zintzo deritzadan Silban’en bitartez labuŕki idatzi dizuet, zatxikioten bidea Yainkoaren adeibide ziña dala zuei erakutsi ta aitoŕtzeko.
13. Babiloni’ko auteskideak eta Mark’ek aguŕ dagizuete. *
14. Zuek muin laztanez elkaŕi aguŕ egiozute. Pakea bego Kisto’rengan zaudeten guziokin.