Olabideren Biblia

1. Paul’ek, Yainkoaren moŕoi onek, siñestea ta egiaren ezaguera zintzoa Yainkoak autetsirik erditsi
2. ta betiko bizia itxaro dezaten, IESU Kisto’ren bidali naizan onek,
3. (mende guzien auŕetik Yainko gezuŕgabeak agintza ori egiña bait-zeukan, eta erabakitako garayan bere itza adirazi bait-digu, Yainko gure Yaregiľearen aginduz aldaŕikari natzayolarik),
4. Tit’i, guzion siñestean seme yatoŕ oŕi, Yainko Aitarengandik eta IESU Kisto gure Yaregiľeagandik eskeŕ ta gentza.

Gotzai yaŕtzekoak

5. Argatik Kerete’n utzi zaitut, artezkizunak arteztu, ta iri bakoitzean buru izatekoak, adirazi dizudanez, yaŕi ditzazun.
6. Ala yaŕtzekoa akatsik gabe bedi, bein baizik ezkondu ez izana, ta seme siñestunak, ez nabarmen edo biuŕitzat etsiak, dauzkana.
7. Gotzayak, Yainkoaren etxe-yauŕle dan ezkero, akatsik gabe izan beaŕ bait-du, ez aŕo, ez ardozale, ez zakaŕ, ez miguru;
8. aitzitik atostun, biotz-bera, gorgots, zuzen, yainkozale, bere yabe.
9. Ikasbide yatoŕari atxiki ere beaŕ dio, onuraz aolkatzeko ta auŕka diardutenak zuritzeko gai izan dedin.

Irakasle iruzuŕtiak

10. Bait-dira, erdainduetan batez ere, ezigaitz, beŕitzu ta iruzuŕtirik asko.
11. Oŕelakoei aoa itxi beaŕ zaye; etxe guziak naspiľatzen bait-ditute, beaŕ ez dana irakatsirik irabazi doľor batengantik.
12. Ayen eŕiko oleŕkari batek esan zun: Keretaŕak beti gezuŕti, piztitzaŕ, sabel-nagi.
13. Aitoŕ au egi da. Zoŕozki, beraz, ataŕatu itzazu, siñestez sendotu ditezan,
14. yuduen ipuyei ta egitik girbindutako gizonei yaŕaitzeke.
15. Garbientzat, dana garbi; zikin ta siñesgabentzat, beŕiz, ezer ez da garbi; kutsututa dago, ordea,ayen gogo ta biotza.*
16. Aitoŕez, bai, Yainkoa ezagun dute; egitez, ordea, uko egiten diote; nazkagaŕi, biuŕi, ta egite on guzirako alpeŕak diraiako.

Gizamota guziei irakatsibeaŕa

1. Zuk, beŕiz, ikasbide onari dagokiona irakatsazu.
2. Agurei elikuti, gorgots, guŕbil izateko, ta siñestez, maitakuntzaz ta egonaŕiz zindo egoteko.
3. Atsoei, berebat, itzalgaŕi agertzeko, ez mardailti, ez ardozalegi, eredu oneko baizik.
4. Ayena da emazte gaztêi senaŕ-semeak maite izaten,
5. ta gorgots, garbi, perkatz ta senaŕen esaneko izaten irakastea, Yainkoaren itza biraokatu ez dedin.
6. Mutiľei ere sena irakaskiezu,
7. ta orotan azaidu zaitez egite onen eredu, zintzo ta iteratsu irakastean,
8. ta akats ta akaŕkizunik gabe yardueran, alke dedin arerioa, mardailbiderik gutzaz eukitzeke.
9. Yopuei, nagusien mendean ta gogara egoteko, ukoka ayekin ibili gabe.
10. Ta ezer ayei apiztubeaŕean, oso kirmen azaldu bekizkie, Yainko gure Yaregiľearen ikasbidea orotan edeŕetsi dedin.
11. Gizaki guzientzat osasungaŕi azaldu bait-zaigu Yainkoaren eskeŕa,
12. argitzen gaitula, luŕeko deungekeri ta iŕitsak astantzeko, ta erabidez, zuzentasunez ta yainkozaletasunez mende ontan bizi izateko,
13. zori onaren zai, ta IESU Kisto, gure Yaregiľe ta Yainko aundiaren agertaldi ospetsua itxoiten.
14. Berak bere burua gugatik eman bait-zun, gaiztakeri guzitik yarei gu ateratzeko, ta berebiziko eŕi bat, egite onetara uts-utsa, Beretzat garbitzeko.
15. Ori aldaŕikatu, ori aolkatu, ori aginte betean burutu ezazu. Ez zaitzazala iñork nardatu.

Agintariekiko menaz

1. Aolkutan ekin, agintari ta buruzagien mendean guziak esangin ta egite on guzirako gerturik egon ditezan,
2. iñortzaz gaizki esan gabe, liskaŕetik uŕun, ta guzientzat samuŕ ta otzanak izaten.
3. Gu ere bein batean ergel, piŕi, okeŕ, iŕits ta atseginkeri askoren yopu, gaiztakeriz ta bekaitzez mukuŕu, iguingaŕi ta elkaŕen goŕotatzaľe bait-giñan.

4. Baña Yainko gure Yaregiľearen biotz bera ta gizagiña ageri izan danean,
5. ez zuzenbidean guk egindako ezergatik, bere eŕukiagatik baño, yaregin gaitu, yayotza beŕirako ukuzpenean Goteunez gu beŕizten.
6. IESU Kisto gure Yaregiľearen bitartez Goteuna oparo ixuri bait-digu,
7. Aren eskeŕez zindotuta, betiko biziaren yabegai, uste dugunez, egin gaitezan.
8. Egi utsa dira guziok, eta ayetan nai dut zuk eragotea, onbidean gaľendu beaŕez Yainkoaren siñestunak leya ditezan. Bide au bait-zaye gizakiei edeŕ ta adiñona.
9. Ikeŕketa eroak, yatoŕkiak, etiketak eta lege-eztabaidak, ostera, alde eragitzizu, uts ta alpeŕak dira-ta.
10. Taŕgozalea, bein ta beŕiz ataŕatu ondoren, zuregandik asagotu ezazu;
11. biuŕi ta bere buruz ogendun alakoa dala yakiñik.

Azkena

12. Zuregana Artema edo Titiko nik igoŕi orduko, Nikopoli’ra lenbaitlen nireganatzeko leya zaitez, negutea an igarotzeko erabakita bait-nago.
13. Zena legelariarentzat eta Apol’entzat bidaria ayolaz gertu ezazu, ezer peitu ez dakien.
14. Guretaŕak ere, elkoŕik ez gelditzeko, bekasate ongi egitez beaŕaldiak arintzen.
15. Aguŕ dagizute nerekin dauden guziek, Aguŕ egiezu maite gaituten siñestunei. Eskeŕa guziokin bego. Ala biz!!