Olabideren Biblia

1. Paul’ek, Yainko gure Yaregiľearen ta IESU Kisto gure itxobidearen aginduz, IESU Kisto’ren bidali onek,
2. Timote’ri, siñestean seme yatoŕ oŕi; Yainko Aitarengandik eta IESU Kisto gure Yaunarengandik eskeŕ, eŕuki ta gentza.

Sasi-irakasleak

3. Makedoni’ra yoatean, aolkatu nizun Epeso’n gelditzea, norbaitzuei agintzeko beŕikeriak irakasten,
4. ta ipui ta amaigabeko yatoŕkiak erabiltzen ari ez ditezela. Siñestean datzan Yainkoaren egitekoa auŕeratzeko baño, etiketak pizteko egokiaogoak bait-dira.
5. Aginduaren xedea, beŕiz, biotz garbitik, baŕne zintzotik eta siñeste yatoŕetik darion maitasuna da. *
6. Andik sayesturik, alpeŕeko eletara yo dute batzuk,
7. lege-irakasle izan nairik, esan ta erakusten dutena ez dakitela ere.
8. Legea, noski, ona dala ba-dakigu, beaŕ danez erabiltzen ba’da gero!,
9. Oaŕ bedi, ala ere, ez dala zindoarentzat legea yaŕi, gaizto ta azigaitzentzat baño, lotsagabe ta ogenlarientzat, deunge ta nazkagaŕientzat, gurasoekiko zakaŕentzat eta gizeraľentzat,
10. izoŕkeritsu ta sodomakeritsuentzat, yopu-biltzaľe, gezuŕti ta siñauslentzat, edo ikaspide onaren auŕka edozela ari diranentzat.
11. Au darakuskigu Yainko zori ontsuaren osperako egotzi zaidan Beŕi Onak.

Kisto’renganako Paul’en eskeŕ ona

12. Eskeŕik asko azkaŕtu naun IESU Kisto gure Yaunari, kirmentzat etsi ta oŕtarako langiľe aŕtu naulako,
13. Bera lenik biraokatu, esetsi ta iraintzen ari nintzala ere. Yainkoaren eŕukia erditsi dut, ordea, siñesterik ez bait-nun, zer negin ez nekilako.
14. Baña gañez egin du gure Yaunaren eskeŕak, IESU Kisto’ren siñestez ta maitasunez.
15. Zin-ziña ta aintzat aŕtze-

koa bait-da egi au: ogendunak yareiteko luŕ ontara IESU Kisto etoŕi da. Ogendunik aundina, beŕiz, nl naiz.

16. Ta oŕexegatik eŕukia erditsi dut, auŕena niregan IESU Kisto’k bere egonaŕi osoa erakutsi dezan, betiko biziagatik Aren siñestera etoŕtzekoen eredutzat.
17. Betiko Yaunari, ilkoŕ ta ikusgaŕi ez dan Yainko bakaŕari, dedu ta ospea menderen-mendetan, Ala biz!

Aolku bat Timote’rentzat

18. Timote, ene seme ori, agindu au dut zuretzat: auŕenik zutzaz diran igaŕketak gogoratuta, ayen arauz guda onari ekiozu, *
19. siñestea ta baŕne zintzoa eukirik. Zintzotasun ori yaurti ezkero, siñesteaz ere batzuk puŕut egin dute-ta.
20. Orietako dira Imenai ta Alexander; ta argatik Satan’i egotzi dizkiot, biraorik ez egiten ikas dezaten. *

Guzien alde otoi egin beaŕ

1. Lenbizi gura dut aŕen, otoi, eske ta eskeŕ egitea gizakume oroen alde,
2. eŕege ta garai yaŕitako oroen alde; nare ta eztitan bizi gaitezan oso zintzo ta garbi.
3. Zuzen bait-da ori, ta Yainko gure Yaregiľearentzat atsegingaŕi ere bai;
4. gizakume guziak gaizkatzea ta egiaren ezaguera iristea Berak nai du-ta.
5. Izan ere, bakaŕa da Yainkoa, bai eta bakaŕa ere Yainko ta gizonen Bitartekoa, IESU Kisto gizona,
6. bere burua oroen yareikuntzarako ordaintzat eman zuna. Au da garai egokian zuritutako aitoŕa.
7. Ta bera aldaŕikatu ta zabaltzeko bidalia nago ni, siñeste ta egia atzeŕiei irakatsi beaŕez. Egia diot, gezuŕik ez.
8. Nai dut, beraz, gizonek toki orotan esku garbiak yaso ta otoi egitea aseŕe ta lipiztarik gabe.

Emakumei dagokien yarduera

9. Emakumeak berebat yazkeran txukun, ta apainketan lotsakoŕ ta erabidetsu azaldu bitez, iľe aŕorik, uŕerik, txirlaŕirik eta soñeko aberatsik ekaŕtzeke,
10. egite onei ekiñik, onbideari atxikitako emakumêi dagokionez.
11. Emakumeak irakaspena isilik eta apal-apalik aŕ beza. *
12. Irakastea, beŕiz, eta senaŕari agintzea ez diot emazteari ziľegi uzten, isilik egotea baizik. *
13. Auŕena Adam soŕtu bait-zan; gero, beŕiz, Eba.
14. Ta agindua autsi zutenean, atzipetua, Adam ez zan, emaztea baño.
15. Emakumea ala ere yareingo da, siñestean, maitakuntzan ta gurentasunean erabidez ba’dirau.

Gotzayak

1. Zin-ziñak dira itzok: gotzaitza nai dunak eginbide on bat nai du.
2. Gotzayak, beŕiz, akaŕkizunik gabe izan beaŕ du, bein bakaŕik ezkondu, elikuti, gurbil, gorgots, aŕotzekiko atoskoŕ, ta irakastuna;
3. ez ardozale, ez eta sakeŕe ere, adeibera baño; ez auzkin, ez zikoitz.
4. Bere etxea ondo yauŕi ta semeak zintzo azi ta ezi beaŕ ditu.
5. Nola, ezperen, eliza yauŕiko du, bere etxea artezten ez ba’daki?
6. Ez bedi siñestun beŕi izan, aŕokeriz puztu ta txeŕenekin gal ez dedin.
7. Atzeŕitartean ere entzute ona izan beaŕ du, nardatua ez izateko ta txeŕenen saretara ez etoŕtzeko.

Gotzayaren lanari eraskiñak

8. Yaurotseiñak berebat gorgots bitez, ez aoñabaŕ, ez ardozalegi, ez miguru.
9. Siñeste itzalgaŕia biotz garbian zaitu bezate.
10. Lenik aztaŕenatu beaŕak dira, ta gero, akatsik ez ba’ dute, eginbidera aŕtu.
11. Emakumeak ere gorgots, ez izti-mizti; elikuti ta orotan zintzo bitez.
12. Yaurotseiñak ez bitez bein baizik ezkonduak izan; beren etxe ta semeak, beŕiz, ondo zuzendu bitzate.
13. Eginbide ontan zintzo ari izanek izen edeŕ ta IESU Kisto’ren siñestean ganora aundia irabazten dute-ta.
14. Auek idazten dizkizut zuregana laisteŕ etoŕtzeko ustean;
15. luzatuko ba’nu, ordea, dakizun nola yardun beaŕ duzun Yainkoaren etxean. Au da, beŕiz, Yainko biziaren Eliza, egiaren zutoi ta oñaŕia.

16. Ta enuragabe, aundia da eŕuki-ezkutukia:

Aragian agiri izan da, Goteunak zuritua, Aingeruei erakutsia, atzeŕiei aldaŕikatua, ludian siñetsia, goyan ospez aŕtua. *

Datozken iruzuŕekiko zogiera

1. Gogoak erabat dio azken aldietan siñestetik batzu sayestuko dirala, iruzuŕtien ta tuxurien irakaspenetara makuŕtuz, *
2. ao gezuŕtiko ta biotz kizkoŕeko batzuen azaluskeriagatik.
3. Ezkontzatik eta yanari batzutatik alde egin beaŕ dala irakatsiko dute gezuŕtiok. Ala eragotzia, beŕiz, Yainkoak soŕtua da, egia ezagun duten siñestunek eskeŕ onez aukeran aŕ dezaten.
4. Yainkoak soŕtutako guzia ona bait-da, ta eskeŕ onez aŕtzekotan, ezer ere ez da astangaŕi,
5. Yainkoaren itzak eta otoyak dana gurentzen dutelako.
6. Senidei au irakasten, IESU Kisto’ren moŕoi ona zaitezke, siñismen-egietan ta aŕtu duzun ikaspidean azita bait-zaude.
7. Atso-ipui alpeŕak, beŕiz, utzi, ta yainkozaletasunean ari zaitez.
8. Gutxirako bait-da, soin-igurdizia; guzirako, ostera, yainkozaletasuna; oraingo ta geroko biziarentzat agintza du-ta.
9. Egi utsa da ori ta erabat onaŕtzekoa.
10. Ta argatik gu neke ta buŕukan saŕtuta gabiltza; gizaki oroen, ta batez ere siñestunen Yaregiľea dan Yainko biziarengan uste ona ipiñi dugu-ta.
11. Ori agindu ta irakatsazu.
12. Ez beza iñork zure gaztetasuna ezetsi; siñestunen eredu egin zaitez, ostera, izketan, bizikeram, maitakuntzan ta garbitasunean.
13. Ni zuregana arte, irakuŕtzen, aolkatzen ta irakasten pizkoŕ ari zaitez.
14. Ez opoŕik utzi, zugan dagon eskeŕa, batzaŕeko apaizen esku-ezaŕtzez zuri emana.
15. Oŕtan bego zure gogoa; oŕtan zure bizia; zure auŕerapena guziei nabari egin dakien.
16. Adi egon zeroŕi ta irakasteari; oŕtan ekin; ta bai zure burua, bai eta zure entzuleak ere, gaizkatuko dituzu.

Elizakoekin yarduteko oaŕkizunak

1. Agureri ez akaŕ egin, aolku baizik, aitari bezela; mutiľei, anayei bezela;
2. atsoei, amari bezela; ta neskatiľei, aŕebaei bezela, zogi-zogi, ordea.

3. Andere alargunentzat begirunea ezazu, benetako alargunentzat gero.
4. Alakoren batek semerik ba’du, bekas auŕena bere etxekoak aintzat maite izaten ta arbasoei eskeŕ-zoŕa ordaintzen; ori zayo Yainkoari atsegingaŕi-ta.
5. Benetako alargunak, bakaŕik geldituak, Yainkoagan bere uste ona ba-du, ta gau ta egun aŕen ta otoiketan ari da.
6. Leunduta bizi dana, beŕiz, bizitan iľa da.
7. Aolkuok egizkiezu, akaŕkizunik ez dezaten.
8. Beretaŕen ta batez ere etxekoen ardurarik ez dunak, beŕiz, siñesteari uko egin dio, ta siñesgabekoa baño gaiztoago da.
9. Alargun-leŕoan yaŕtzekoa irurogei urteko beintzat izan beaŕa da, senaŕ bakaŕaren emazte izana,
10. egite onez ezaguna, semeak azten, aŕotzak atosten, deunen oñak ikuzten, atsekabeak urgaizten, ta guzitariko ongiak egiten ari izana.
11. Alargun gordiñak, beŕiz, atzerazi itzazu; Kisto’az aspeŕtzen diranean, ezkondu nai bait-dute,
12. itza yanez ogendun egiten dirala.
13. Gañera, alpeŕ izaki, etxerik-etxe ibiltzen dakaste, aipeŕ bezain beŕitzu ta non zer beŕi, beaŕ ez dana erausten.
14. Nai dut, beraz, gordiñok ezkontzea, auŕ egitea, etxeko andere zintzo izatea, ta mardailbiderik aitzikoari ez ematea.
15. Oŕelako batzu bidekatu bait-dira, Satan’en ondoren yoanda.
16. Siñestunen batek alargunik berean ba’du, sorotzi beza, Eiizari zama egozteke, benetako alargunak sorotzi ditzan.
17. Agintea ondo darabilten apaizentzat bikoitza bego dedua, itza ereiten ta irakasten ari diranentzat batez ere.
18. Idaztiak bait-dio: Eultzian ari dan idiari zurdapalik ez ezaŕi. Ta langiľeari bere saria eman beaŕ zayo. (It. 25, 4; 24, 15; Ap. 10, 7.)
19. Apaizen kaltetan ez ezazu salakuntzarik aŕtu, bizpairu aitoŕez baizik.
20. Ogendunei guzien auŕean akaŕ egiezu, besteak belduŕ ditezan.
21. Yainkoaren ta IESU Kisto’ren ta aingeru autuen auŕean larderiatzen zaitut; au bego zure yarduera atze-asmorik gabe, ta iñoren edeŕagatik ezer ere egiteke.
22. Eskuak goizegi ez iñori ezaŕi, besteren ogenaz erkide ez izateko. Egon beti garbi.
23. Gerokoan ur utsik ez edan, ardo pixkarekin baño, urdaľarengatik eta maiz dituzun gaxoaldiengatik.
24. Batzuen ogenak auzira baño len nabari egiten dira; bestetzuenak, ordea, ostean bakaŕik.
25. Berebat on egite batzu nabari egiten dira; ta bestela diranak, ostendurik ezin gelditu ditezke.

Nagusi ta yopuak

1. Uztaŕpean dauden yopu guziak begirunerik aundiena nagusiei zoŕ zayela etsita beude, Yainkoaren izena ta irakastea biraogaŕi biuŕ ez ditezan.
2. Nagusi siñestunen yopuak ez bitez oŕatiño, senide dirala-ta, ayenganako zabaŕ azaidu, maratzago baizik, ongia aŕtzen dutenak siñestun ta maitagaŕiak diralakoxe. Ori zuk irakatsi ta aolkatu.

Bestelako irakaspenik ez yasan

3. Besterik iñork irakasten ba’du, ta IESU Kisto gure Yaunaren itz ziñei ta ikasbide yatoŕari ez ba’datxikie,
4. burutik dago, ta ezer ez daki, asmakeri ta izmizketan txorabiotuta. Andik datoz bekaitz, liskaŕ, birao ta susmo txaŕak;
5. zintzotasuna irabazpidetzat daukaten sen usteleko ta egigabeko gizonen lipiskeriak.
6. Izan ere, irabazi aundia da zintzotasuna, bizirako aski izan ezkero.
7. Ezer ez bait-dugu luŕ ontara ekaŕi; ta, yakiña, ezer ere emendik ezin atera.
8. Baña zer yan ta zer yantzi izan ezkero, aski dugu.
9. Aberastu-miñez dabiltzanak, beŕiz, zirikaldi, sare ta iŕits okeŕ ta kaltegaŕi askotara erortzen dira, ta auek itxesean ta ausiabartzan gizonak murgiltzen ditute.
10. Gaitz guzien eŕoa ziľaŕgosea bait-da, ta aren eragitez batzu siñestetik sayestu ta oñaze ugaritan saŕtu dira.
11. Zuk, ostera, Yainkoarena zeran ezkero, oŕelakoetatik iges egizu, zuzen, yainkozale, siñestun, txeratsu, yasankoŕ ta xamuŕ izateko leyaz.
12. Ekin siñeste-buŕuka onari. Eldu betiko biziari; artara deitua bait-zera, ta arengatik aitoŕ edeŕ ua ainitzen auŕean egin bait-zenun.
13. Dana askoŕtzen dun Yainkoaren auŕean, ta Ponti Pilat’ en mendean aitoŕ ona egin zun IESU Kisto’ren aitziñean larderiatzen zaitut:
14. agindua akats ta akaŕpiderik gabe bete ezazu, IESU Kisto gure Yauna etoŕi arte.
15. Agirian etoŕiko bait-da, garai egokian zori oneko Buruzagi bakaŕa, eŕegen Eŕege, ta yaunen Yauna,
16. il ezin diteken bakaŕa, ta argi eldugaitzean bizi dana, Bera ikusi dunik edo ikusi dezakenik gizonetan ez dagola. Berarentzat dedu ta agintea betidañokoan. Ala bizt!

Azken aolkuak

17. Mende ontako aberatsei esayezu ez dutela urgoitu beaŕ, ez eta aberastasunetik entzindu ere, Yainkoagandik baño. Aldakoŕa bait-da aberastasuna; Yainkoak, ordea, beaŕ zaigun guzia eŕuz damaigu.
18. Bekaste ongi egiten, egite onez aberasten, emankoŕ ta eskuzabal izaten,
19. ta altxoŕ ona gerorako biltzen, benetako bizia iristeaŕen.
20. Ene Timote, dagokizun yagotekoa yagozu, beŕiketa alpeŕak eta sasiyakintzaren era-

soak oildurik.

21. Oŕelako yakintzara makuŕtuz, siñestetik batzu sayestu bait-dira. Bego zurekin eskeŕa!!