Olabideren Biblia

1. Paul’ek, Silban’ek, eta Timote’k, Yainko Aitari ta IESU Kisto Yaunari erantsitako tesaloniketaŕen elizari, eskeŕ ta gentza zuei.

Eskeŕ oneko aitoŕa

2. Yainkoari zuengatik beti eskaŕ dagiogu, gure otoiketan zuen oroipena aspeŕtzeke beŕituz.
3. Gure Yainko ta Aitaren auŕean oroitzen bait-gera zein maratz siñestean, zein azkutsu maitasunean, ta IESU Kisto gure Yaunarenganako itxaropenean, zein aldakaitz zeraten;
4. ta bait-dakigu, senideok, Yainkoaren maiteok, nola aukeratuak izan ziñaten.
5. Ez bait-genizuen itzez bakaŕik Beŕi Ona aldaŕikatu; indaŕez, Goteunez, ta edotariko etsibidez baño. Ta ba-dakizute nola zuen alde ari giñan zuetan.
6. Zuek, beŕiz, loŕaldi goŕian Goteungandikako pozez aldaŕia aŕtuta, gure idekotsu egin ziñaten,
7. ta Makedoni ta Akai’ko siñestun guzien eredu egin ziñaten.
8. Izan ere, Yainkoaren itza zuenetik Makedoni’n ta Akai’n entzuten da, ta bazteŕ orotara ere eldu da Yainkoaganako zuen siñestea; ezer esan beaŕik oŕetzaz ez dugula;
9. guzien erausketan bait-dabil zein aŕera izan genun zuenean, ta nola irudiñetatik Yainkoarengana itzuli ziñaten Yainko bizi ziñari yaŕaitzeko,
10. ta IESU, Aren Semea, iľartetik Berak beŕpiztua, zerutik noiz yetsi zai egoteko; aseŕetik yagole dugu-ta.

Paul’en yarduera Tesalonike’n

1. Ba-dakizute, senideok, alpeŕik zuenean ez giñala saŕtu.
2. Neke ta iraiñak Piľipoi’n, zuek dakizutenez, yasanda gero Yainkoagan azkaŕtu giñan Yainkoaren Beŕi Ona zuei buŕuka askoz zabaltzeko.
3. Ez zan gure izketan asmo okeŕ edo zitalik nâsi, ez maŕorik.
4. Beŕi Ona gure ardurapean yaŕtzeko ontzat Yainkoak aŕtuta geundela alakotzat mintzo giñan, ez gizarteko edeŕa irabazteaŕen, biotza ikeŕtzen digun Yainkoarena baño.
5. Iñoiz ere ez gera limuŕkeriz mintzo izan; zuek ba-dakizute; ez mozkingalez; Yainkoak ba-daki.
6. Giza-osperik ez dugu zuengandik, ez beste iñortzuengandik, biľatu.
7. Kisto’ren bidali gerala-ta, nagusitzat ari gintezkela ere, auŕtxotzat azaldu giñan zuen artean, bere umei tataŕ egiten dien iñudea bezela.
8. Oŕela, zuen zaleturik, Yainkoaren Beŕi Ona ez ezen, geron bizia ere zuei eman gogo genizuen; oŕen maitagaŕi egiñak ziñaten guretzat.
9. Oroi zaitezte, ezperen, senideok, gure neke ta samiñaz. Zuetako iñoren bizkaŕ ere ez izateko, gau ta egun lan egiñez Yainkoaren Beŕi Ona zuenean aldaŕikatu genun.
10. Yainkoa aitoŕ begokigu, bai eta zuek ere, zeñen zintzo ta zuzen ta akaŕbiderik gabe ari izaten giñan siñetsi zenutenokin,
11. zuetako bakoitzarekin, aitak bere semêkin bezela, yarduten,
12. ta bere yaureŕi ta aintzara deitu gaitun Yainkoari zoŕ zayonez ibiltzeko, aŕenez ta aolkuz zuek zirikatzen.

Aldaŕi onen ondorenak

13. Oŕezkero taigabe Yainkoari eskeŕ dagiogu, gure aotik Yainkoaren itza aŕtu zenutenean, ez giza-itza, Yainkoarena baizik, zalakoan, aŕtu zenutelako. Alaxe bait-da ziñez, ta alakotzat ari da siñetsi duzutenon baitan eragiten.
14. Izan ere, zuek, senideok, IESU Kisto’ren mendean Yudai’n dauden elizak bezelakotsu egiñak zerate; ayek yuduengandik yasan dituten neke berberak zuek ere zuen eŕitaŕengandik yasan dituzute-ta.
15. IESU Yauna ta igaŕleak il zituten yuduek gu ere esetsi gaitute. Yainkoarentzat iguingaŕi dirala, gizaki guzien auŕka dabiltz,
16. osabiderako itza atzeŕiei azaltzea guri eragozten, ta orela beren ogen-neuria aspeŕtzeke mukurutzen. (Yainkoaren) aseŕea ere gañera amildu zaye erabat. *

Tesalonike’ra itzulmiñez

17. Gu, beŕiz, senideok, apuŕ bateko zuengandik soñez, ez ordea biotzez, uŕun gaudelakoxe, areago leyatu gera zuen auŕpegia ikustera iŕikarik miñenaz.
18. Izan ere, zuenera eldu nai izan dugu; nik, Paul onek, noski, bein ta beŕiz; baña Satan’ek eragotzi dit.
19. Zein litzaiguke, ezperen, zuek izan ezik, IESU gure Yaunari bere etoŕaldian auŕkezteko, gure itxaropide, pozkaŕi ta iľaŕaintzeko buruntza? zuek noski gure iľaŕainbide ta poza zerate.

Timote’ren txostena dala-ta

1. Geyago itxoin ezinda, beraz, erabaki genun Atenai’n gu bakaŕik gelditzea,
2. ta Timote, gure anaya, ta Kisto’ren Beŕi Onerako Yainkoaren moŕoya, igoŕi genizuen, siñestean zuek sendotu ta berotzeko,
3. loŕaldi ontan iñor kordokatu ez dedin, oŕtarako yaŕita gaudela bait-dakizute.
4. Zuenean oraindik geundela, iragaŕi genizuen gogoŕaldiak yasango genitula; ta, zuek dakizutenez, oŕela izan da.
5. Argatik, nik, geyago itxoin ezinda zuen siñesteaz beŕi eske igoŕi dut, zirikaria zirika zuenean ari izanda-edo, lana ustel biuŕ ez dedin.
6. Orain, beŕiz, gurera zuenetik Timote eldu da. Berak zuen siñeste ta maitasuna adirazi dizkigu, bai eta gutzaz beti duzuten oroipen ona ere, ta gu ikusteko tiŕia, zuekiko gurea bezelakoa.
7. Oŕezkero, senideok, gure neke ta atsekabe guzietan poztuta gaude zuen siñesmenagatik.
8. Orain, zuek Yaunarengan sendo egon ezkero, gu bizi gera-ta.
9. Nola Yainkoari eskeŕ dagiokegu zuengatik, oŕenbeste pozez zuengatik gaudenok Yainkoaren auŕean,
10. gau ta egun aŕen-aŕenez otoika, zuen auŕpegia ikusteko, ta zuen siñesteari peitu zayona betetzeko?
11. Zuenera Yainko gure Aitak eta IESU gure Yaunak bidea zuzendu bezaigute.
12. Zuei, beŕiz, Yaunak elkaŕenganako ta oroenganako maitasuna bete ta ugaldu begizue,
13. zuenganako nerea ugari dan bezela; zuen biotzak onbidean sendotuta, gure Yainko ta Aitaren auŕean akatsik gabe azaldu ditezan, IESU gure Yauna bere deun guziekin datoŕkenean. Ala biz!!

Bizi garbiaz

1. Azkenean, senideok, oŕa gure otoi ta aolkua IESU Yaunaren izenean. Yainkoari atsegingaŕi izateko dagokizuen ibilpidetik, guk irakatsita bezela, ekin areago auŕera.
2. Bait-dakizute zein diran IESU Yaunaketz ezaŕi genizkizuten aginduak.
3. Yainkoaren naia au bait-da: zuen deunkuntza; izoŕkeritik zuek alde egitea;
4. bere soña guren ta deungaŕi zaitzen zuetako bakoitzak yakitea, *
5. ez iŕits-gaŕetan, Yainkoa ezagun ez duten atzeŕitaŕek bezela;
6. ta egitekoetan bere senideari zoztoŕ edo iruzuŕik iñork ez saŕtzea; okeŕ guzion apentzaľea Yauna bait-da, len ere esan ta aitoŕtu dizuegunez.
7. Ez bait-gaitu Yainkoak zantaŕkerietara deitu, zindokuntzara baizik.
8. Beraz, aginduon nardatzaľea, gizanardatzaľe ez da, bere Goteuna eman digun Yainkoarena baizik.

Senide-maitakuntza

9. Senide-maitakuntzaz iñoren idazki beaŕik ez duzute, Yainkoari zerok ikasita, elkaŕ maite izaten bait-dakizute.
10. Au ere da Makedoni osoan senide guziei buruz egiten duzutena. Aŕen, senideok, ekin auŕerago bide oŕtatik,
11. nareki bizi izateko alegiña egiñik, eta norberaren egitekoetan ta esku-Ianean ari izanik, gorantzi dizuegunez,
12. atzekoen begietan deduz ibiltzeko ta iñoren beaŕik ez izateko.

Iľen beŕpiztea

13. Zuek, beŕiz, senideok, ildakoenaz zer dan yakiteke egotea ez dugu nai, ez zaitezten, itxaropenik ez daukatenak bezela, goibeldu.
14. IESU il ta beŕpiztu zala siñesten ba’dugu, IESU’rengan iľak ere Yainkoak Arekin bereganatuko ditu.
15. Yaunaren itzez aitoŕ au ere egindo bait-dizuegu: guk, biziok, Yaunaren etoŕaldirako utziok, ez diegu ildakoei auŕea aŕtuko.
16. Gongotzon-oyuz ta Yainkoaren adaŕotsez dei eginda, Yauna Bera zerutik yetxiko da; ta Kisto’rengan iľak beŕpiztuko dira auŕeneko.
17. Gero, gu, bizian geldituok, eguratsean baŕna Kisto’ rengana odeyetan eramanak izango gera, Yaunarekin onela beti egoteko. *
18. Elkaŕ poztu ezazute, beraz, itz auetaz.

Ernai egoteko

1. Garai ta uneaz, senideok, iñoren idazki beaŕik ez duzute;
2. zerok ongi bait-dakizute Yaunaren eguna, lapuŕa gauez bezela, etoŕiko dala.
3. «Au duk pake ta atsaldia!!» gizakiak darasatela, itxesa otoz-otoan gañera elduko bait-zaye, izoŕa danari erdimiña bezela; ta igespiderik ez dukete.
4. Zuek, beŕiz, senideok, iľuntan ez zaudete, egun ori, lapuŕa bezela gañeratu dakizuen zorian.
5. Zuek oro argi-seme ta egun-seme bait-zerate; ez gaitu gauak bere, ez iľunak.
6. Ez gauden, beraz, besteak bezela, lo; ernai ta atzaŕi baño.
7. Gauez lo egiten bait-dute, lo egiten dutenak; eta gauez mozkoŕtzen dira mozkoŕtzen diranak.
8. Gu, ostera, egun-seme gerala-ta, gauden atzaŕi, bulaŕekotzat siñeste ta maitasuna, burukotzat yareikuntzaren itxaropena yantzita.
9. Ez bait-gaitu Yainkoak bere asaŕea yasateko eraiki, IESU Kisto gure Yaunaren bitartez osakuntza iristeko baizik.
10. Gure alde Kisto il bait-da, Berarekin gu, ernai edo lotan, bizi gaitezan.
11. Beraz, egiten duzutenez, elkaŕ poztu ta aolkatu ezazute.

Azken aolku ta gorantziak

12. Zuen artean lan egiten ari diranei ta Yaunaketz zuen buruzagi ta aolkari diranei, aŕen, senideok, begirunea erakuskiezute.
13. Daramaten lanagatik areago maite itzazute, ta elkaŕen artean ezazute gentza.
14. Biuŕiei akaŕ egiteko aolkua damaizuegu, senideok. Erabetsuak, beŕiz, adoretu, erkiñak eraiki, ta guziak yasatez aŕ itzazute.
15. Besteri iñork ez bezayo gaitzik gaitzez ordaindu; ostera ere, elkaŕi ta guziei beti on egiezute.
16. Pozik egon beti.
17. Taigabe otoi egizute.
18. Orotan eskeŕ on erakutsazute; au bait-da zuentzat IESU Kisto’ren aitoŕez Yainkoaren naya.
19. Gogoa ez itzungi.
20. Igaŕkuntzak ez nardatu.
21. Dana azteŕtu, ta ona zerontzat aŕ ezazute.
22. Edozein gaitz-antzetik uŕutira zaitezte.
23. Yainko bakezaleak, beŕiz, guziz gurendu zaitzazala, ta zeratena osorik, gogo, adore ta soña, orbangabe ager bedi IESU Kisto gure Yaunaren etoŕaldian. *
24. Kirmena da zuen deitzaľea, ta ori Berak egingo du.
25. Guretzat, senideok, otoi egizute.
26. Muin deunez senide guziei aguŕ egiezute.
27. Yainkoaŕen daskaizuet; idazki au senide guziei irakuŕ bekie.
28. IESU Kisto gure Yaunaren eskeŕa zuekin bego. Ala biz!!