Olabideren Biblia

Atsegin-aguŕak

1. Paul ta Timote’k, IESU Kisto’ren moŕoi auek, Piľipoi’n zaudeten IESU Kisto’ren deun guziei, gotzai ta diakonei.
2. Yainko gure Aitaren ta Kisto'ren adei ta gentza.
3. Zuentzaz oroitzen naizan bakoitzean Yainkoari eskeŕ egiten diot,
4. Beregana pozik nere otoi guziak zuen guzion alde yasorik.
5. Lenbiziko egunetik gauŕdaño Beŕi Onari erakutsi diezuten eraspenagatik.
6. Etsita ere nago, eginbide on au zuenean asi dunak IESU Kisto’ren eguneraño burutuko dula.
7. Bidez nago ere oŕela zuetzaz etsita; nere biľuŕketan ta Beŕi Onaren alderako aitoŕketan eskeŕkide zazkidaten ezkero, biotzean zuek oro zauzkadalako.
8. Yaiñkoak bai bait-daki, zeinbesteraño zuen guzion zaleturik nagon IESU Kisto’ren eŕayetan.
9. Ta au da nere eskaria: gero ta geyago senaz ta yakitez zuen maitasuna azkoŕtu dediľa,
10. onena aukeratzeko; oŕela, garbi ta akaŕkizunik gabe Kisto’ren egunean azaldu zaitezten.
11. IESU Kisto’gandik datoŕen zindokuntza-zituz beterik Yainkoaren aintza ta goraidirako.

Beŕi Onaren auŕerapenak Eŕoma’n

12. Zuek, senideok, yakitea nai dut nere goraberak Beŕi Onaren auŕerapidera yo dutela.
13. Yauregiko guziei, ta enparauei ere bai, nabari egin bait-zaye Kisto’rengatik biľuŕtuta nagola.
14. Ta nere biľuŕengatik Yaunaren uste ona senide geyenetan azkartu dalarik, Yainkoaren itza belduŕik gabe baŕeyatzeko kementsuago egin dira.
15. Batzuk, noski, bekaitz ta ayeŕez, bestetzuk, ordea, gogo onez Kisto aldaŕikatzen dute.
16. Auek maitasunez oŕtan ari dira, Beŕi Ona yagoteko yaŕita nagola bait-dakite;
17. beste ayek bekaitzez ta ez zintzoki Kisto iragaŕtzen dute, nere biľuŕketan atsekabe niri eman ustez. *
18. Niri, ordea, zer? Dana dala, alegikeritan naiz egitan, Kisto aldaŕikatua izan ezkero, pozten naiz ni, bai eta poztuko ere.
19. Zuen otoyak eta IESU Kisto’ren Atsa dirala bide, guzi au osasungaŕi biuŕtuko zaidala bait-dakit.
20. Uste bete-betean etsita bait-nago, ez naizala âlketurik geldituko; nere soñean, ostera, Kisto, beti bezela, orain ere aundietsiko dala, bizi edo il-beaŕa ba’nitz ere.
21. Neretzat, bada, bizitza Kisto da, ta iitzea irabazkin.
22. Ez dakit, oŕatiño, zer aukeratu; aragitan bizi ezkero, onurakoŕa ba’liteke nere lana-ta.
23. Alde ta aldetik ertsita nago: izan ere, Kisto’rekin egoteko, il nai nuke; niretzat askoz obe.
24. Zuengatik beaŕago, ordea, aragitan gelditzea.
25. Ta uste ontan ba-dakit zuekin geldi ta egongo naizala, siñestean auŕeratu ta poztu zaitezten.
26. Oŕela zuengan nere itzuleraz poza ugarituko da IESU Kisto’ren bidean.

Beŕi Onari dagokionez bizi beaŕ

27. Dana dala, Beŕi Onari dagokionez yarduzute; oŕa zuek ikustera yoanda, naiz zuengandik uŕunduta, entzun dezadan gogo batez sendo dirauzutela, adore berberaz Beŕi Onaren siñesmenagatik buŕukatzen,
28. etsayak gorabera ezertan izutu gabe. Ara ayentzat ondamenaren agiria; zuentzat, ordea, osasunarena; ta ori Yainkoarengandik.
29. Kisto’ri buruz, siñestea ez ezen, Arengatik yasatea ere emana bait-zaizue, nigan ikusi zenuten, ta orain dantzuzuten buŕuka bera duzute-ta.

Norberekeria iťo, guziak bat izateko

1. Beraz, Kisto’rengan adorerik, maitakuntzan azkaŕirik gogoan erkidetzarik, eta biotzean eŕukirik baldin ba’dago,
2. nere poza bete ezazute, iritzi bat, lera bat, gogo bat eta biotz bat guziok izanik.
3. Ezer ere ez egin bekaitz edo aŕokeriaren eragitez; aitzitik ere, bakoitzak gogo apalez bestea nagusitzat begira beza,
4. norberarenaz baño besterenaz ayolago azalduz.
5. Bekizue irazpidetzat IESU Kisto’rengan dakusguna:
6. Tankeraz Yainko izaki, buruz gañeko uzia ez litzayoke Yainkotzat egotekoa.
7. Bereaz ustu zan, ordea, yopu-tankera aŕturik, giza-antzeko agertzeaŕen.

Ta azpegietatik gizontzat ezagun izanda,

8. bere burua apaldu zun, iltzeraño men egiñaz; gurutzean iltzeraño, gero!
9. Argatik Yainkoak Bera aupatu du, ta edozein izen gañeko Izena eman dio,
10. IESU’ren Izenari belaun guziak, zerukoenak, luŕekoenak eta luŕpekoenak makuŕtu dakizkion,
11. ta Yainko Aitaren goraldirako, mingain guziek IESU Kisto Yauntzat aitoŕtu dezaten.

Osasunerako aolkua

12. Beraz, ene maiteok, nere auŕean len bezela, ta areago ere, orain, niregandik uŕun zaudetenean, esangin zakizkidate ta zuen osasun-arloa belduŕ-ikaraz azkeneraño eramazute.
13. Yainkoa da, arean, bere gogara zuengan nai izatea ta burutzea daragizana.
14. Dana marmar ta ezmezik gabe egizute,
15. eŕi okeŕ gaiztoaren erdian Yainkoaren seme zintzo ta uts gabe zaitezte. Zuziak luŕean bezela, ayen artean ageri zerate
16. bizirako itza eukitzen. Oŕela Kisto’ren egunean iľaŕaindu naiteke; nere antxintxi ta nekeak alpeŕik izanak ez daitezke-ta.
17. Baña zuen opari ta yaureskein gañean erainbeaŕa ba’nintz ere, poztuko nintzake, ta guzioi pozkide izango.
18. Poztu zaitezte zuek ere, nere poza zuentzat aŕturik.

Timote ta Epaporodit’en alde

19. IESU Yauna lagun, auŕki zuenera Timote igoŕtzeko ustean nago, zuen beŕi yakinda, nere biotza pizkoŕtzeko.
20. Besterik ez bait-dut ain gogaide, ta dagokizuena begiratzeko ain ayolatsu.
21. Berena guziek biľatzen bait-dute, ez IESU Kisto’rena.
22. Ba-dakizute zein zintzoki ibili dan, Beŕi Onaren alde nerekin, semea aitarekin bezela, lan egiten.
23. Bera aukeratu dut, nere arazoaz zer dan usmatuta bereala zuenera igoŕtzeko.
24. Nerau ere, Yainkoa lagun, zuenera elduko naizala uste dut.
25. Anartean, zuek nere beaŕ-aldian urgazletzat bidali zenidaten Epaporodit, nere anai, lagun ta gudalkidea, igoŕi beaŕ nizuela uste izan dut.
26. Zuen guzionganako iskiaz bait-zegon, bai eta atsekabez ere, gaxo egon dala entzun zenutelako.
27. Gaxo egon da, noski, bai iľagian ere; baña Yainkoa artzaz eŕuki izan da; artzaz bakaŕik ez, nitzaz ere bai, atsekabe gañean atsekaberik ez dezadan.
28. Lenbaitlen igoŕi dizuet, beraz, ua ikusita beŕiro poztu zaitezten, ta atsekabe ez nadin.
29. Abegi ona egiozute, beraz, Yaunaren edeŕagatik eta oŕelakoak aintzat aŕ itzazute.
30. Kisto’ren egitekoagatik iľuŕen egon da, bere bizia zorian yaŕirik, nere alde zuek ezin zenegitena betetzeko.

Yudukeriak utzi, Kisto’ri yaŕaitzeko

1. Oŕezkero, senideok, Yaunaz poztu zaitezte. Beti bat zuei idaztea ez zait nekagaŕi, ta zuentzat baitezpadakoa da.
2. Zurt egon txakuŕei buruz, zurt langiľe txaŕei buruz, zurt iñausiei buruz.
3. Erdaindu yatoŕak gu gera, Yainkoa gogoz yauresten dugunok, IESU Kisto’gatik iľaŕaintzen geranok, eta uste ona aragatik ez dugunok.
4. Aragitik ere uste on dut, ordea, nik. Aragitik uste on izan dezakelakoan iñor ba’dago, areago ni, zortzi eguneko erdaindu au,
5. Ixrael eŕoko, Benyamin leñuko, ebeŕtaŕengandik ebeŕtaŕ, legez parisaitaŕ,
6. ta azkuz, Elizaren yazaŕle, legebidean akaŕkizunik gabe ibilia, naizan au.
7. Bañan obaritzat neukan ori, Kisto’ren ondoan kalte deritzat.
8. Dan-dana berebat kalte deritzat IESU Kisto gure Yaunaren ezaguera garaitsuaren ondoan. Arengatik dana gogoz galdu ta simauŕtzat dut, Kisto irabazteko,
9. ta Beragan auŕkitzeko, ez neronengandik edo legetik ernetako zindokuntzarekin, Kisto’ren siñestetik eta, siñeste onen bitartez, Yainkoagandik datoŕkigun zindokuntzarekin baño.
10. Oŕela, Bera ta Aren beŕpiztearen indaŕa ezagutuz, nekaide egiten natzayolarik,
11. iľartetik beŕpiztera eldu naiteke-ta.
12. Elburura oraindik ez naiz noski eldu, gara osora gabe naiz-ta; artara leyatzen naiz, ordea, atzeman ote dezakedan, IESU Kisto’k atzeman naun ezkero.
13. Atzeman dedalakoan ez nago, senideok. Ara, beŕiz, zertan nagon osorik! atzekoa aztuta auŕera ekiñez,
14. elburura leyatzen naiz, IESU Kisto’ren bitartez Yainkoak deitu naun sarira eltzeko.
15. Ori bedi garakoak geran guzion asmoa; ta beste zerbait ba’deritzazute, oŕetzaz ere Yainkoak argituko zaituz.
16. Eldu geran unea dana dala, beŕiz, txede au bakaŕik gure uŕatsen araua bego.

Kisto’gandik ez sayestu

17. Nere antza aŕ ezazute, senideok, ta gugan duzuten ereduz dabiltzanei so egiezute.
18. Askotsu bait-dira oŕ, ta ayetaz saŕitan esan dizuedana orain ere negaŕez dasaizuet, Kisto’ren gurutzari aitzika dabiltzanak,
19. amaitzat eriotza, Yainkotzat sabela, iľaŕainbidetzat beren âlkea, ta gozagaŕitzat luŕekoa dutela.
20. Gure bizia, ostera, zeruan dago, ta andik Yaregiľe zuŕian etoŕtzekoa dan Kisto Yaunaren zai gaude.
21. Berak, dana bere azpian yaŕtzeko daukan al izatez, gure soin doľoŕ au aldatu ta bere soin aintzatsuaren idekotsu biuŕtuko du.

Uŕbil dago Yainkoa

1. Oŕela, beraz, ene senide ta kutunok, nere poza ta buruntza zeratenok, Yaunarengan irauzute, laztanok.
2. Ebodi ta Sintike’ri aolku dagiet Yaunarengan gogo batez egoteko.
3. Ta zuri, nere lagun yatoŕ oŕi, daskaizut emakume oriek urgazi ditzazula; Kelmen’ekin ta beste nere lankidêkin Beŕi Onaren arloari nere aldamenean ekin bait-diote. Guzi orien izenak bizitza-idaztian daude. *
4. Pozik egon beti Yainkoarengan; beŕiz dasaizuet, pozik egon.
5. Gizaki guziei nabari izan bekie zuen erabidea. Auŕki dago Yainkoa.
6. Ezergatik ez kezkatu. Edozertan, ostera, Yainkoagan eskeŕ onez zuen otoi, aŕen ta eskariak igo bitez.
7. Ta asma ala baño areago dan Yainkoaren gentzak zuen biotz-adiñak zaitu bitza IESU Kisto´rengan.
8. Osterantzekoan, senideok, zin, yatoŕ, zuzen, garbi, maitagaŕi, aipu edeŕeko, onbidetsu edo goragaŕia liteken edozertara biyoa zuen ataza.
9. Nigandik ikasi ta aŕtu duzutena, nigandik entzun ta nigan ikusi duzuten guzia egizute. Ta gentza-Yainkoa zuekin dagoke.

Eskeŕ oneko itzak

10. Nere poza Yaunaren auŕean, nere alde zuen lera noizpait ere biŕloratu da-ta!! Oŕtan zeundeten, azaltzeko mugonik gabe, ordea.
11. Au ez diot, iñolako beaŕaldiak eraginda; neronentzat naiko izaten ikasita bait-nago.
12. Ba-dakit uŕirik eta yoritsurik egoten; edozertan edozertarako azita nago; ase ta gosetarako, geyegi ta gutxirako.
13. Edozertarako ba-naiz, azkaŕtzen naunaren indaŕez.
14. Ondo egin duzute, ala ere, latzaldian ni sorozten.
15. Ba-dakizute, noski, piľipoitaŕok, Beŕi Ona zabaltzen asi ta Makedoni’tik irten nintzanean, zuek izan ezik, beste Elizek aŕ-emanik nerekin izan ez zutela.
16. Zuek, bai, Tesalonike’ra ere bein ta beŕiz, beaŕ nukena igoŕi zenidaten.
17. Ez nauzute emarien zai; zuen aŕtzekorako zitu ugari opa dizuet, ostera.
18. Dana dut, bai eta eŕuz ere. Okituta nago, bidali didazutena Epaporodit’engandik aŕtu ezkero. Ori da, bai, luŕin goxo, opari edeŕ ta Yainkoaren gogarakoa.
19. Zuen utsuneak, beŕiz, nere Yainkoak aberaski bete

bitza IESU Kisto’ren aintzarako.

20. Gure Yainko ta Aitari, betoŕkio ospea menderen-mendean. Ala biz!!

Azkena

21. Deun guziei aguŕ egiezute IESU Kisto’rengan.
22. Aguŕ dagizuete deun guziek, Kaisar’en etxekoek batez ere.
23. Bego zuen biotzetan IESU Kisto gure Yaunaren adei-eskeŕa. Ala biz!!