Olabideren Biblia

Saŕera

1. Paul’ek, ez giza-eskuz, ez eta giza-bitartez ere, IESU Kisto gure Yaunaren eta iľartetik Bera piztu zun Yainko Aitaren aukeraz baño, bidali naizan onek,
2. eta nerekin diran senide guziek, Galati’ko eliz guziei,
3. Yainko Aitaren izenean ta IESU Kisto gure Yaunarenean eskeŕ ta bakea.
4. Yaun onek, mende okeŕ ontatik gu ateratzeko, bere burua gure ogenengatik eman zun, gure Yainko ta Aitak ala naita.
5. Bego Arentzat aintza menderen-mendetan. Ala biz!!

Beŕi On bakaŕa

6. aŕiťuta nago, oŕen iaisteŕ zuek, Yainkoaren edeŕagatik deitu ziñuzan Arengandik beste Beŕi On batera biuŕtu zeratela-ta.
7. Baña besterik ez dago. Oŕ ba-dira, ordea, batzu, nâsten zaituztenak eta Beŕi Ona irauli nai dutenak.
8. Bañan ekaŕi dizuegun Beŕi Ona besterik gerok naiz edozein aingeruk zerutik ba’Iekaŕkizue, birao alakoari.
9. Beŕiz ere esana dasaizuet: aŕtu duzuten Beŕi Ona besterik iñork ba’lekaŕkizue, birao alakoari.
10. Gizonen edeŕa euki, ala Yainkoarena nai ote-dut oraindik? Gizonei atsegin izan gura ote-dut? Gizonei oraindik atsegin izan ba’nenkie, Kisto’ren moŕoi ez nintzake.

Paul’ek Beŕi Ona Yainkoarengandik aŕtu

11. Nik esanda, senideok, yakizute: nakion Beŕi Ona gizagandik ez da.
12. Ez dut gizagandik aŕtu, ez ikasi. IESU Kisto’k irakatsita dut.
13. Entzun duzute beñola yudu-asmotan ari nintzala Yainkoaren eliza esetsi ta erasotzen,
14. nere adiñeko eŕitaŕ askori yudu-asmotan auŕea aŕtzen, ta arbaso-ekanduak ardurarik gorienaz zaitzen.
15. Baña nere amaren sabeleandanik berezi ta deitu naunak adeitsuki naita,
16. bere Semea ageri izan zitzaidan, Aren Beŕi Ona atzeŕietan zabaldu nezan. Berbertatik, aragi ta odolari aditzeke,
17. ta ni baño len bidaliak ziranen biľa Yerusalem’era yotzeke, Arabi’ra yoan nintzan, ta andik beŕiro Damasko’ra itzuli.
18. Gero, iru urte-buruan, Kepa ikusteaŕen, Yerusalem’ era igo ta amabost egun arekin egon nintzan.
19. Bidalietako besterik ez dut ordea ikusi, Yakob, Yaunaren anaya kenduta.
20. Auek idaztean, beŕiz, Yainkoaren auŕean yaŕita, gezuŕik ez diot.
21. Gero Siri ta Kiliki’ko bazteŕetara yoan nintzan.
22. Yudai’n, beŕiz, Kisto’ren elizei ez nintzayen ikustez ezaguna.
23. Entzunda bakaŕik au zekiten: beñola esesten giñuzanak berak, ordun gogoŕ zerabiľan siñestea orain zabaltzen du.
24. Ta Yainkoa nere lepotik goresten zuten.

Paul’en eginbidea Bidaľen aitoŕez yatoŕa

1. Amalau urte buruan, beŕiz igo nintzan Yerusalem’ era Barnaba’rekin, Tit ere gurekin aŕtuta.
2. Goitik argituta igo nintzan, ta atzeŕietan zabaltzen dudan Beŕi Ona angoei ta batez ere nagusiak ziruditenei azaldu nien, alpeŕik nere ibilketan ari izana edo izaten ote naizan garbitzeko.
3. Ayek, beŕiz, ez zioten nere lagun Tit’i, elendaŕa zala ere, erdainbeaŕik egotzi.
4. Egozteko ala ere senide aizun batzu isiľean ta itzalgaizka saŕtu izan ziran, ta atustan zeuden, IESU Kisto’gandik daukagun yareitasuna iťo ta moŕoitza leporatu nai zigutela.
5. Guk, ordea, apuŕ bateko ere makuŕtzeke, gogoŕ egin genien, Beŕi Onaren egia zuenean bizirik egon dedin.
6. Zerbait ziruditenek, beŕiz, (noizpait zer ziran niri ayolik ez, norkeritan Yainkoa ez bait-dabil) zerbait ziruditenek ez zidaten oaŕ bat ere egin.
7. Ostera ere, oaŕtu ziran, Kepa’ri erdainduekiko lanbidea bezela, niri ere atzeŕiekikoa egotzi izan zitzaidala.
8. Erdainduentzako bidalitzat Kepa aŕtu dunak Berak, atzeŕientzako bidalitzat ni aŕtu nau.
9. Beraz, niri emandako kisa ezagundakoan, zutoyak omen diran Yakob, Kepa ta Yon’ek eskuya lagunkidetzat niri ta Barnaba’ri eman ziguten, berak erdainduen artean ta guk atzeŕietan lan egiteko.
10. Bakaŕik eskatu ziguten landeŕetaz oroi gintezala; ta ori egiteko ayola beti izan naiz.

Kepa’ri Paul’ek egindako akaŕa

11. Baŕtan Antiokei’ra Kepa etoŕi zanean, bekoz-beko gogoŕ egin nion, akaŕgaŕi zalako. *
12. Alabaña, Yakob’eketz norbaitzu eldu baño len, atzeŕitaŕekin bazkaltzen zun; eldu orduko, beŕiz, atzera ta estika asi zan, erdainduekiko belduŕez
13. Ta alako alegikeritan beste yuduak zeŕaizkion, Barnaba ere oŕtara makuŕtzen zitzayela.
14. Beraz, Beŕi Onaren egiari dagokionez zuzen ez zebiltzala oaŕtu nintzaneko, guzien auŕean Kepa’ri esan nion: «Yudu zeran ori, atzeŕi-eraz, ta ez yudu-eraz bizi ba’zera zu, zertako atzeŕitaŕei yudu-eraz bizibeaŕa leporatzen diezu?
15. Izan ere, yatoŕkiz yudu gera gu, ez atzeŕitako gizatxaŕ.
16. Ba-dakigu, ordea, IESU Kisto’ren siñestez gizakia zindotzen dala, ez legeko eginbidez; ta oŕezkero IESU Kisto’ ren siñestera etoŕi gera, Kisto’ ren siñestez, ez legeko eginbidez, zindokuntza iristeko; legeko eginbidez ez bait-da iñor zindotzen.
17. Gure zindokuntza Kisto’ rengan biľatzen dugunok ere oraindik ogendun ba’gera, ogen-moŕoi ote-dabil Kisto? Iñola ere ez.
18. Neronek iraulia neronek beŕiro eraikitzean, okeŕ azalduko nintzake-ta.
19. Izan ere, legearentzat legeaŕen il izan naiz, Yainkoarentzat bizi izateko. Kisto’ rekin gurutzatu izan naiz. *
20. Aŕezkero bizi naiz, ez gero ni, nigan Kisto bizi da, ordea. Ta aragitan bizi ba’naiz, Yainkoaren Semea izanik maite niñun ta bere burua nigatik eman zunaren siñestez bizi naiz.
21. Ez dut Yainkoaren adei-erakutsia gutxi-esten. Legetik zindokuntza ba’datoŕ, beŕiz, Kisto alpeŕik il da.

Legea ta Yainkoaren agintza

1. Galatiaŕburugabeok! Nork liľuratu zaituz (egiari ez menderatzeko), IESU Kisto gurutzatuaren eredua zuen begietan azaldua izan ezkero?
2. Au bakaŕik zuengandik yakin nai dut: legeko eginbidez, ala siñesteari menderatuz, Goteuna aŕtu ote-duzute?
3. Gogabidez asita orain aragibidera yo duzute?
4. Alpeŕik oŕenbeste yasan ote-duzute? Alpeŕik, ordea, agian ez.
5. Goteuna damaizuen ta alatzak zuenean egiten ari dana, legez egiñengatik, ala siñesterako yoeragatik ari ote-da?
6. Oŕela Abraham’ek Yainkoari siñetsi zion, ta zindokuntzarako egotzi zitzayon. (As. 15, 6)
7. Yakizute, beraz, Abraham’ en semeak, siñestez dira seme.
8. Izan ere, Idatziak atzeŕia siñestez Yainkoak zindotzen dula ikusirik, beŕi on au Abraham’i auŕetik eman zion: Zugan eŕi guziak onetsiko dira. (As. 12, 3; 27, 18)
9. Oŕela siñestunak Abraham siñestunarekin onetsiak dira.
10. Legeko eginkizunei atxikiak oro, beŕiz, biraopean daude. Idatzita bait-dago: Lege-gutunean idatzitako guzia betetzen iñor tink ez ba’dago, birao alakoari. (It. 27, 25)
11. Yainkoaren auŕean iñor ez dala legez zindotzen, beŕiz, nabari da: Zindoa siñestez bizi da-ta. (A. 2, 4)
12. Legeari, beŕiz, siñestea ez dagokio: au bakaŕik du bere: Ori egin dukena, oŕexegatik bizi izango da. (Ap. 18, 5)
13. Lege-biraotik Kisto’k yarein gaitu, bere burua biraogaŕi biuŕtuz, idatzita dagonez: Biraogaŕi bego abetik esegitakoa, (It. 21, 23)
14. Oŕela Abraham’i egindako onespena Kisto’rengan atzeŕietara eldu dedin, ta eskeñitako Goteuna siñestez aŕ dezagun.
15. Senideok, gizabidez itz egingo dizuet. Gizabidez burututako ituna ez da iñork ustu edo geitzekoa.
16. Oŕ bada, agintzak Abraham’i ta aren aziari egiñak dira. Ez dio ta aziei, azi asko adirazteko lesakenez, ta zure aziari baño, Kisto dan azi bakaŕa adirazirik.
17. Oŕezkero diot: Yainkoak burututako ituna ez du gerokoan, lareun ta ogei ta amaŕ urte buruan soŕtutako legeak, agintzak usturik, ezerezten. *
18. Izan ere, legeaŕen yarauntsia ba’da, agintzaŕen ez da. Abraham’i, beŕiz, yarauntsi au Yainkoak agintzaz eman zion.

Legea zertako dan

19. Zertako, bada, legea? Agintzako azia zetoŕen urterañokoan ezaŕia izan da okeŕengatik, bitarteko baten eskuz aingeruek ekaŕita. *
20. Baten bitartekorik ez dago, ordea, ta Yainkoa bat bakaŕik da.
21. Legea, beraz, ta Yainkoaren agintzak elkaŕen auŕka ote-zebiltzan? Iñola ere ez. Bizia ekaŕi lezaken legea emana izan ba’litz, zindokuntza legetik letoŕke-ta.
22. Idaztiak, beŕiz, ogenpean dana itxi du, agintza siñestunengan IESU Kisto’ren siñestez bete zedin.
23. Siñestea etoŕi baño len, legepean itxirik geunden agertzeko zan siñesterako.
24. Legea Kisto’rentzako umezai izan zaigu, siñestez zindotu gaitezan.
25. Baña siñestea etoŕi dalarik, ez gaude onezkero umezaipean.
26. IESU Kisto’ren siñestez Yainkoaren seme bait-zerate guziok.
27. Kisto’rentzat ukuziak zeratenok Kisto duzute soñekotzat.
28. Ez dago yudurik, ez elendaŕik; ez dago yopurik; ez dago aŕ-emerik; Kisto’rengan zuek oro bat zerate-ta.
29. Kisto’renak izaki, beŕiz, Abraham’en azi zerate ta agintzaz oñordeko.

Len yopu, orain seme

1. Oŕezkero diot: oñordekoa auŕtxo daño, guzien yabe izanaŕen, ezertan ez da yopuari buruz bestelakoa.
2. Ostera ere, aitak erabakitako garairaño gurasorde ta yagolên mendean dago.
3. Oŕela gu, auŕtxo giñanean, ortzi-luŕeko gaipean yopu geunden.
4. Bañan epea bete zanean, Yainkoak bere Semea, emakumegandik legepean yayoa, bidali zun,
5. legepekoen askatzaľe, bere semetzat gu aŕtzeko.
6. Ta seme zeraten ezkero, biotzetara bidali dizue bere Semearen Gogoa, «Abba, Aita», deyez ari dana.
7. Gauŕgero, beraz, yopu ez gera, seme baiño; seme ezkero, beŕiz, oñordeko ere, Yainkoaren egitez.
8. Beñola, noski, Yainkoa ezaguteke, izatez Yainko ez diranen yopu bizi ziñaten.
9. Bañan orain Yainkoa zuei, edo obe, zuek Yainkoari ezagunak izan ondoren, nola beŕiro itzuli zerate gai zirtzil ta mengeletara, ayen yopu beŕiro izateko? *
10. Egun, iľa, aro ta urteak dirala-ta, ayola zabiltzate.
11. Beldur naiz zuenean alpeŕik lan egin ote-dudanik.

Oroipen xamuŕak

12. Aŕen, senideok; ni bezela izan zaltezte, zuek bezela ni naiz-ta. Ez didazute uts bat ere egin.
13. Ostera ere, ba-dakizute aragi makalez Beŕi Ona lenbizi artan ekaŕi nizuela.
14. Zuek, beŕiz, atzerabide au nere aragian eukiaŕen, ez niñuzuten nardatu, ez iguin; aitzitik ere, Yainkoaren aingerutzat, bai eta IESU Kisto’ tzat ere, aŕtu niñuzuten.
15. Non dago, beŕiz, zuen pozaldi ua? Aitoŕ bait-dizuet; zeron begiak ere, al izatekotan, erauzi ta niri emateko lain ziñaten.
16. Beraz, egia azalduz, etsai biuŕ ote-natzaizue?
17. Zintzo ez dabiltza ain txeratsu dabilzkizuenak; nigandik alde eragin ta berengana ekaŕi zaituzte-ta.
18. Ona liteke, beŕiz, onerako txeragaŕi beti izatea, ez bakaŕik zuekin nagonean.
19. Ene umetxook, Kisto zuengan azkoŕtu arte, beŕiro erdiminduta naukazutenok!!
20. Nai, bai, oŕ zuekin orain egon nai nuke, aoz zuei mintzatzeko; zuei buruz kezkan nago-ta.

Sara ta Agar

21. Esaidazute: legepean egon naita, legeak diona ez al-dantzuzute?
22. Idatzita bait-dago: Abraham’ek seme bi izan zitun: neskameagandik bata, andereagandik bestea. (As. 16, 15; 21, 2-9)
23. Neskameagandikoa aragi-eraz yayo zan; andereagandikoa, agintzaren indaŕez.
24. Alegitan esanak dira auek. Emakume biok bi Itunak dira. Bata, Sina-mendikoa, moŕoitzarako ume egiten duna.
25. Sina, beŕiz, Arabi’ko mendi bat da; ta alakoa da oraingo Yerusalem, bere semekin yopu da-ta.
26. Goiko Yerusalem, beŕiz, yarei da; ta au da gure ama.
27. Idatzita bait-dago:

Poz zaitez, erditzeke zeunden agoŕ ori;

zantzo ta iŕintzi egin, erdimiñik ez dazaguzun oŕek;

bazteŕtua senaŕduna baño umetsuago daiteke-ta. (Is. 54, 1)

28. Zuek, beŕiz, senideok, Ixaak bezela, agintzaren seme zerate.
29. Bañan ordun aragi-eraz yayoak gogo-eraz yayoa esesten zun bezela, orain ere ala da.
30. Zer dio, ordea, Idaztiak? Neskame ta aren semea alde eragin itzazu: ez bait-da neskamearen semea anderearen semearekin oñordeko izango. (As. 31, 10-12)
31. Beraz, senideok, neskamearen seme ez gera, etxanderearen seme baño.

Uztarpera ez itzuli

1. Askatasunerako askatu gaitu Kisto’k. Artan, beraz, egon, ta ez zaitezte yopu-uztaŕpera itzuli.
2. Gomazute; neuk, Paul onek, dasaizuet: erdaintzen ba’ zerate, ezertarako ez zaizue Kisto izango.
3. Erdaintzen danari, beŕiz, aitoŕ dagiot; lege osoa betetzeko zoŕduna da alakoa.
4. Kisto’rengandik erauzi zerate legean zindokuntza biľatzen duzutenok; eskeŕetik yalki zerate.
5. Guk, beŕiz, Goteungandik zindokuntza iristeko ustea siñestean dugu.
6. IESU Kisto’rentzat erdainkuntza ezer, ez dalako, ez eta erdaingabea ere; maitasunez ari dan siñestea baño. *
7. Uxtu edeŕ zeneramaten. Bidea nork autsi dizue egiari ez menderatzeko?
8. Zuen deitzaľeagandik ez datoŕen burupideak, noski.
9. Orantza gutxik ore osoa artzi egiten du.
10. Yainkoa lagun, burua aldatuko ez duzutelakoan nago. Artegatzen zaituzanak, beŕiz, berea yasan beaŕko du, dana dala.
11. Baña senideok, niri, erdainkuntza oraindik goratzen omen ba’dut, zergatik orain ere yazaŕi? Antza bai, suntsitu da gurutz-aurikoa?
12. Agian irendu ba’lira nâstakatzen zaituztenak!!

Aragibidea ta gogoarena

13. Izan ere, askatasunera deituak zerate. Ez bekizue oŕatiño askatasun ori aragi-iŕitsetarako leŕabide. Elkaŕen moŕoi, ostera, maitasunez azaldu zaitezte.
14. Agindu bakaŕ ontan: Zare uŕkoa zure burua bezain maite ezazu, lege osoa bildurik dago-ta. (Ap. 19, 18)
15. Elkaŕ ausik-i ta iresten ari ba’zerate, ostera, elkaŕ suntsituko duzute. Begira, gero!!
16. Oŕezkero diot: gogabidez ibili ta ez dituzute aragi-iŕitsak beteko.
17. Aragi-iŕitsak gogoaren auŕka ari bait-dira; gogoarenak, beŕiz, aragiaren auŕka; elkaŕ aitzikoak dira; ta andik datoŕkizue zedozer nai ta ez egitea.
18. Gogoaren eragitez ba’ zabiltzate, ordea, legepean ez zaudete.
19. Nabari dira, beŕiz, aragiaren egintzak. Ara: izoŕkeri,, zantaŕkeri ta lotsagabea;
20. sasiyainkokeri, sorginkeri, mutuŕkeri, liskaŕ, bekaitz, goŕoto, buŕuka, iskanbiľa ta alderdikeriak;
21. iñartsi, (gizerailtze), ordikeri, salokeri ta oŕelako besteak. Len bezela, orain ere dasaizuet: oŕela ari diranek ez dute Yainkoaren eŕia iritsiko.
22. Gogoaren arnariak dira, beŕiz: maitasuna, poza, gentza, biotz zabala, biotz bera, ontasuna, zintzotasuna,

23. samuŕtasuna ta erabidea. Oŕelakoen auŕka legerik ez dago.
24. Kisto’ren diranek aragia bere girin ta iŕitsekin gurutzatu dute.
25. Gogoaz bizi ba’gera, gogabidetik ibil ere gaitezan.
26. Ez gaitezan aŕoxko azaldu, ez elkaŕen mutiri ta bekaizti.

Elkaŕ eramateaz

1. Senideok; uts egiñen batera norbait labaindutakoan, gogazale zeratenok alakoa samuŕki yaso ezazute, norbera azteŕtuz bertara ez erortzeko.
2. Elkaŕean zama eroazute; ta oŕela Kisto’ren legea beteko duzute.
3. Ezer ez dalarik, ezer dalakoan iñor ba’dago, bere buruari izuzuŕ dagio.
4. Beraz, nork bere egiñak azteŕtu bitza; ta oŕezkero beregan berebiziko iľaŕainbidea eukiko du, besterekin erkatzeke.
5. Nork bere zama eroango du-ta.
6. Ikasbidea azaltzen zayonak, ditun guzien erkide ikaslea agin beza.

Azken aolkua

7. Ez zaitezte atzipetu; Yainkoari buruz iruzuŕik ez dago. Ereiten danetik bildu beaŕ.
8. Bere aragian ereiten dunak, aragitik ustelkia bilduko du; gogoan ereiten dunak, beŕiz gogotik ere betiko bizitza bilduko du.
9. Ez gaitezan on egitez aspeŕtu; aspeŕtzen ez ba’gera, garai egokian zitua bilduko dugu-ta.
10. Beraz, astia duguño, guziei on dagiegun, batez ere etxeko siñestunei.
11. Begira zein izkitzaŕez idatzi dizuedan nere eskuz.
12. Aragi-oldez nabari izan nai duten guziek, Kisto’ren gurutzagatik esetsiak ez izateko bakaŕik, erdainkuntzara beaŕtzen zaituzte.
13. Erdainduek berek ez bait-dute legea betetzen, ta nai dutena da, zuek erdainkuntza aŕtzea, zuen aragian berek iľaŕainbidea eukitzeko.
14. Alde nigandik, ordea, IESU-Kisto gure Yaunaren gurutzez baizik iľaŕaintzea, Aren egitez izaki guziek niretzat eta ni ayentzat gurutzatuta bait-gaude.
15. Izan ere (IESU-Kisto’ rentzat) erdainkuntza ezer ez dalako, ez eta erdaingabea ere; izaki beŕia baño.
16. Ta arau onen yaŕaiľe guzien gañera, Yainkoaren Ixrael’en gañera bezela, gentza eta eŕukia.
17. Osterantzekoan, poxelurik iñork ez bezaŕkit; IESU (Yauna)’ren xakiak nere soñean dakaŕzkit-eta.
18. Bego zuen biotzetan, senideok, IESU-Kisto gure Yaunaren eskeŕa. Ala biz!!!