Olabideren Biblia

Saŕera

1. Paul’ek, Yainkoaren nai izatez IESU Kisto’ren bidali onek, eta Timote anayak,
2. Yainkoaren Korinto’ko elizari, ta Akai osoan dauden deun guziei; Yainko gure Aitarengandik eta IESU Kisto Yaunarengandik eskeŕ eta gentza.
3. Onets bedi IESU Kisto gure Yaunaren Yainko ta Aita, Aita guziz eŕukitsu ta Yainko guziz pozemaľea,
4. gure loŕaldi guzietan pozten gaituna, gerok ere, Yainkoak pozten gaitun pozez, loŕaldian diranak poztu ditzagun.
5. Nekeak eŕuz Kisto’rengatik ditugun bezela, poza ere eŕuz Kisto’rengatik dugu-ta.
6. Atsekabe ba’gera, zuen poz ta onerako; pozik ba’gaude, zuen pozerako; guk yasaten ditugun neke berak egonaŕiz yasaneraziko dizkizuen pozerako.
7. Oŕela zuetzaz dugun uste ona areagotzen da, gure nekekide izanda, pozkide ere izango zeratela bait-dakigu.
8. Ez dugu nai, senideok, Asia’n izan dugun latzaldia zuek ez yakitea. Biziaz aspeŕtzeko ere bezain astun ta laŕegia izan zaigu-ta.
9. Erio-epaya gerongan somatzen genun, ustea gerongan ez ezaŕtzeko, iľak pizten ditun Yainkoagan baño.
10. Berak oŕenbesteko iltzoritik atera ta ateratzen gaitu, bai eta gerokoan ere aterako gaitula uste dugu,
11. gure alde otoi egiten lagun ba’zatozkigute. Oŕela ainitzen edeŕagatik egin digun adeyaz ainitzek gure alde eskeŕ dagiokete.

Paul’ek ez die korintoaŕei ezertan uts egin

12. Biotzak aitoŕtzen digu, ta au da gure iľaŕainbidea, Yainkoarengandiko argi ta garbitasunez guziekin ta batez ere zuekin yardun oi dugula, ez aragi-yitez, Yainkoaren eskeŕez baño.

13. Ez bait-dizuegu zerok irakuŕi ta ezagun duzutena besterik idazten. Ta uste dut guziok noizpait ere ezagungo duzutela
14. zuetako batzuk aspaldi dazagutena, zuen iľaŕainbidea gu gerala, zuek IESU gure Yaunaren egunean gurea izango zeraten bezela.
15. Uste ontan zuetara auŕenik yoan nai nun, eskeŕ-aldi bikoitz zenezaten;
16. oŕtik Makedoni’ra igarotzean, ta Makedoni’tik zuetara itzultzean zuen laguntzaz Yudai’runtz etoŕtzeko.
17. Ori naita, beŕiz, zuzika azaldu ote-naiz? Ala, nere asmoa aragi-yitez kilikolo ote-dabil, aldian bai, aldian ez?
18. Ba-daki Yainko ziñak egin dizuedan itzean bai ta ez’ ik ez dagola.
19. Ez bait-zan bai ta ez, guk, geronek, Silban’ek eta Timote’k zuenean iragaŕitako Yainkoaren Seme IESU Kisto’ rengan, bai utsik baño.
20. Bai utsa bait-dira Beragan Yainkoaren agintza guziak, ta Beragatik amen datoŕkio Yainkoari gure bitartez. *
21. Yainkoa da Kisto’rentzat gu ta zuek sendotu ta iguŕtzi gaituna.
22. Beraxe ere da galgatu gaituna ta gure biotzetan Gogo-baikuntza ipiñi diguna.
23. Nere biziagatik, beraz, Yainkoa aitoŕtzat deituz, diot, Korinto’ra oraindik itzuli ez ba’naiz, atsekaberik zuei ez emateko izan dala;
24. siñeste-arazoan yabe baño, zuen urgazle izan nayago dugu-ta; siñestean sendotuta bait-zaudete.

Nondik Paul’en atsekabea

1. Beraz, zuetara atsekabetan ez etoŕtzeko asmoa aŕtu dut.
2. Bestela, atsekabetzen ba’zaituzt, nork ni poztuko? Neronek atsekabetuak ote?

3. Idatzia, beraz, idatzi dizuet, oŕera natoŕenean, poztu beaŕ nauten ayetxengandik atsekaberik ez aŕtzeko, nere poza zuen guziena dala etsita bait-nago guzioi buruz.
4. Atsekabe ta biotz-kezka goŕitan idatzi bait-dizuet malko ugariz, ez noski atsekaberik zuenean soŕtzeko, zeinbeste maite zaituztan zuei adirazteko baizik.

Askesteko aolkua

5. Norbaitek atsekabe soŕtu ba’du, beŕiz, atsekabetua ez naiz ni bakaŕik izan, zuek guziok baño, nolarebait bederen, geyegi ez esateko.
6. Naikoa du alakoak geyenengandik aŕtutako ataŕa,
7. ta obe litzake zuek ari adorea adeyez pizkoŕtzea, atsekabe geyegik gizaxoa iťo ez dezan.
8. Arenganako txera, beraz, areagotu ezazute; aŕen, bai, aŕen.
9. Ikeŕaldian esaneko ote zeraten ezaguteko ere, idatzi bait-dizuet.
10. Zuek iñor asketsi orduko, nik ere bai; nik ere iñor asketsi ba’dut, zuen edeŕagatik Kisto’ren auŕean asketsi bait-dut.
11. Satan’ek atzipetu ez gaitzan; aren asmakeriak ezagun ditugu-ta.
12. Kisto'ren Beŕi Ona’gatik Toroa’ra eldu nintzanean, Yainkoak atea zabaldu zidan aŕen,
13. atsedenik ez zan nere biotzarentzat, nere anai Tit idoro ezin ezkero. Ta angoei aguŕ egiñik, Makedoni’ra yoan nintzan.
14. Baña, Yainkoarentzat bego eskeŕ ona!! Berak beti garai ateratzen gaitu Kisto’ren edeŕagatik, eta bere Beŕi’aren uŕiña gure bitartez alde orotara baŕeyatzen du.
15. Kisto’ren usai edeŕa Yainkoaren aitziñean bait-gera yareiten diranentzat, bai eta galtzen diranentzat ere;
16. auentzat, eriotzarako erio-luŕin; ayentzat, beŕiz, bizi-luŕin. Ta oŕtarako nor lain?
17. Ez bait-gera askoren ereduz, Yainkoaren itza gezuŕez saltzen ari; aitzitik, Yainkoagandik datoŕenez Yainkoaren auŕean ta Kisto’ren izenean zintzoki zabaltzen dugu.

Bidalien arlo ta gurentasuna

1. Beŕiz asi ote-gera gure burua goratzen? Zuentzako ala zuengandiko gorantzi-idazkien beaŕean ote-gaude, batzu bezela?
2. Zerok zerate gure biotzetan gizon guziek ezagun ta irakuŕi dezaketen idatzitako idazkia.
3. Nabari bait-da Kisto’ren idazki zeratela, gure bitartez egiña ta Yainko biziaren Atsez biotz-aratoletan, ez aŕoletan, idazturik gabe idatzia. *
4. Au da Kisto’rengatik Yainkoaganako dugun uste ona;
5. ez gerok geronez zerbait asmatzeko ere gai geralakoan; gai izatea Yainkoagandik datoŕkigulako baizik.

6. Berak ere Itun Beria, gogoan baizik ez idatzia, iragartzeko gai egin gaitu; idazkiña ilgaŕi bait-da; gogoa, beŕiz, bizigaŕi.
7. Beraz, aŕietan idatzitako erio-moŕoitza Moxe’ren auŕpegian alako deduz azaldu ba’ zan, iraizean zerion istagatik, aren auŕpegia ixraeldaŕek ezin begira bait-zuten,
8. ez al-dagokio gogo-moŕoitzari dedu aundiagorik?
9. Eriotzarako moŕoitza aintzatsu ba’zan, aintzatsugoa da, noski, zindokuntzarako moŕoitza.
10. Izan ere, aintza bikain oni buruz, beñolako ua aintza ez zan.
11. Iraizekoa aintzatsu ba’ zan, irautekoa aintzatsuago izango da-ta.

Zabal-zabal itz egiteko eskubidea

12. Uste ontan gaudela, zabal-zabal diardugu,
13. ez Moxe’k bezela. Onek bere auŕpegigañean estalki bat zezaŕen, iraizekoaren azkena ixraeldaŕek ez zekusten.
14. Ayen adiña, beŕiz, kamustu zan. Gauŕdaño ere estalki ua erantzigabe bait-dago Itun Zâŕa irakuŕtzean, Kisto’ rengan erazten da-ta.
15. Gauŕdaño estalki au ayen biotzgañean ipiñita dago Moxe irakuŕtzen zayen bakoitzean.
16. Baña Yaunarengana orduko, estalkia kenduko da.
17. Yauna, beŕiz, gogo da; ta Yaunaren Gogoa nonbait ezkero, yareitasuna ere bertan dago.
18. Ta guziok, auŕpegi-utsik Yaunaren aintza gomatuz, Aren irudi biuŕtzen gera, Yaunaren Gogoak argiz-argi eraginda.

Paul’en asmo ta lanbide bakaŕa

1. Lanbide au Yainkoaren eŕukiagatik dugun ezkero, ez zaigu adorea moteltzen.
2. Aitzitik ere, itzalgaizkeriak oro utikan yaurtitzen ditugu, ta amaŕurik gabe gabiltza, Yainkoaren itza iruzuŕez nasteke, egia erakutsiz, ostera, Yainkoaren auŕean gure burua sen oneko guziei gorantzirik.
3. Darabilgun Beŕi Ona iñorentzat estalirik ba’dago, galtzen diranentzat estalirik dago;
4. Beŕi Ona’ren argia ta Yainkoaren irudia dan Kisto’ren aintza ageri ez dakien mende ontako yainkoak adimena itsutu dien siñesgabentzat.
5. Ez bait-gera gure buruak aldaŕikatzen ari; IESU Kisto bai, Yauntzat iragaŕtzen, ta IESU’rengandik gerok zuen moŕoitzat azaltzen baño.
6. «Iľuntatik argia ista bedi» esan zun Yainkoa Bera gure biotzetan istatu bait-da IESU Kisto’ren auŕpegitik darion Yainko-aintzaren ezaguera argitzeko.

Neketarako indaŕa

7. Altxoŕ au, beŕiz, luŕezko ontzietan daramagu, onenbesteko indaŕa Yainkoari egotzi dakion, ez guri.
8. Ertsirik gaude beti, bañan itorik ez; laŕi, bai, etsian ez;
9. esetsi, bai, utzirik ez; irauli, bai, galdurik ez.

10. IESU’ren eriotza soñean daramagu beti, IESU’ren bizitza ere gure soñean ager dedin.
11. Bizi geranok IESU’rengatik il-zorian bait-gaude beti, IESU’ren bizitza gure aragi ilkoŕean ager dedin.
12. Oŕela gugan eriotza, ta zuengan bizia ari da.
13. Bañan idatzita dago: Siñesten dut, eta oŕexegatik itz egiten ere. Siñeste-ats auxe daukagula, beraz, guk ere siñetsi, ta oŕexegatik itz egiten dugu (Er. 116, 10.)
14. Bait-dakigu IESU Kisto beŕpiztu dunak gu ere IESU’ rekin beŕpiztu ta zuekin yaŕiko gaitula.
15. Dana zuengatik da-ta, ainitzek adeya aŕtuz, ainitzen eskeŕ ona Yainkoaren aintzarako ugaidu dedin.
16. Argatik ez gera okiltzen; ostera ere, azaletik geran ori andegatzen ba’da, gure baŕnekoa egun dro beŕizten diyoa.
17. Apuŕ bateko dan loŕ ariñak betiko aintza ezin aztatu alakoan kopurutzen bait-digu.
18. Begiok ez ditugu, beŕiz, ikusten dan ezertara itzuliak, ikusi ezin diranetara baizik; begi-auŕean dauzkagunak apuŕ bateko bait-dira; ikusi ezin diranak, ordea, betiko.

Betiko gure etxeruntz

1. Yakin ere ba-dakigu luŕeko aldia egiteko dugun txabola amaratzen ba’da, betiko etxea zeruan daukagula, giza eskurik gabe Yainkoak atonduta.
2. Emengoan bait-gaude intzirika zeruko gure aterbeaz gañetik yantziak izateko erpai;
3. yantzirik eta ez erantzirik egotekotan, beintzat. *
4. Etxola ontan geranok, beŕiz, antzarka gaude, erantziak izan ez nairik, gañetik yantziak baño, gugan ilkoŕ dana bizitzan murgildu dedin.
5. Ta oŕtarakoxe atondu gaitun Yainkoak Gogoa baikuntzat eman digu. *
6. Beti kementsu, beraz, ta soin ontan bizi geraño Yaunarengandik aŕotz gabiltzala yakiñik;
7. (ez bait-dugu ikustez bide egiten, siñestez baizik);
8. kemenez goaz, ta soñetik irten ta Yaunaren aldamanera eldu nayago dugu.
9. Oŕegatik, soin au euki edota utzi beaŕkoan ere, Yaunari atsegingaŕi izateko azkutsu gabiltza.
10. Guziok Kisto’ren auzitegira azaldu beaŕak bait-gera, sointan egindako on edo gaitzari dagokiona aŕtzeko.

Kisto’gana dago Paul’en biotz osoa

11. Beraz, Yaunaren belduŕez beterik, gizonei onaŕgaŕi izan nai dugu. Yainkoak, noski, ezagun gaitu, ta zuek ere ezagungo gaituzutelakoan nago.
12. Ez gatozkizue gure burua beŕiro gorazten, iľaŕainbidea gutzaz zuei ematen baño, biotzekoaz beaŕean, azalekoaz iľaŕaintzen diranei buruz.
13. Izan ere, aidoŕki ari giñanean, Yainkoarentzat ari giñan; senazago ari izatean, zuentzat ari gera;

14. Kisto’ren maitasunak axatzen bait-gaitu oldotz onez:
15. Guziengatik Kisto il da, bizi diranak ez ditezan oŕezkero berentzat bizi, ayengatik il ta beŕpiztu danarentzat baizik.
16. Au dala bide, guk ez dugu iñor aragi-arauz begiratzen, ta iñoiz aragi-arauz Kisto begira ba’dugu, orain beintzat, ez dugu oŕela begiratzen.
17. Kisto’rengan iñor ba’da, izaki beŕi da; zâŕarenak egin du; ara dana beŕi.
18. Ta guzi au Yainkoagandik datoŕ, Kisto’ren bitartez bere adiskide ta berekiko adiskidezale egin gaitun ezkero.
19. Kisto’rengan Yainkoa bait-zegon gizadia Berekin adiskidetzen, gizakiei beren ogenak ez egozten, ta adiskidetzeko itza gugan ipintzen.
20. Kisto’ren geznari gera, beraz, gure aoz Yainkoa aolkaria ba’litz bezela. Kisto’aŕen dasaizuegu: Yainkoarekin adiskidetu zaitezte.
21. Ogenik ez zezagun Uaxe ogen biuŕtu zun, gerok Arengana Yainkoaren zindotasun biuŕ gaitezan.

Nola Yainkoarekin lan egin beaŕ

1. Aren lankidetzat, aoikatzen dizuegu ere Yainkoaren adeya alpeŕik ez aŕtzeko.
2. Berak bait-dio: Adei-garayan entzun zaitut; osasun-egunean lagun etoŕi natzaizu. (Is. 49, 8.) Oŕa orain adei-garaya, oŕa orain osasun-eguna.
3. Iñori ezertan ez diogu gaizpiderik ekaŕtzen, gure eginbidez mardailkizunik ez dedin.
4. Ostera ere, orotan Yainkoaren moŕoi azaltzen gera, egonaŕi aundiz elkaitz, beaŕ-aldi, axanpa,
5. ukaldi, baitegi, zalaparta, neke, lorik-eza, ta baruak yasaten;
6. garbitasunez, yakitez, biotz zabal ta xamuŕez, Goteunez, maitasun ziñez,
7. egi-aitoŕez, Yainkoaren indaŕez, zuzenbide-iskiľuak eskui-ezkeŕtara erabiitzez;
8. ospe, naiz âlketan; izen on, naiz txaŕarekin; gezuŕti-aipuz, egizale;
9. ustez ez-ezagun, ezagun ordea; ustez iľik, eta ara bizi; ustez astinduak, ez ordea iľak;
10. ustez goibel, ta beti pozik; ustez landeŕ, baña lagunik asko aberasten; ustez ezer gabe, ta guzien yabe.

Siñesgabekoen bidetik uŕundu beaŕ

11. Korintoaŕok, zuengana dago gure aoa irikirik, gure biotza zabalik.
12. Ez zaudete gure biotzean estu; zuena, bai, estuxea zaigu.
13. Ordain egokia biuŕtzeko, beraz, biotzok, aŕen zuek ere zabaldu: semetxoekin bezela mintzo naiz.
14. Ez zaiteztela siñesgabekoekin uztaŕtu. Zein erkidego

daiteke, bada, zindotasun ta okeŕkeritartean? ala, zein elkaŕtze argi ta iľun artean?

15. zein itunik Kisto ta Belial artean? zein batzerik siñestun eta siñesgabearen artean?
16. zein tokirik yauretxean sasiyainkoentzat? Yainko biziaren etxe bait-egera gu, Yainkoak dionez:

Ayen artean etxekotu ta ibiľiko naiz, ta beren Yainko, izango naute ta nere eŕia izango dira.

17. Ayen artetik, beraz, irten ta alde egizute, dio Yaunak, ta satsurik ez ikutu.

Ta Niregana aŕtuko zaituzt Nik,

18. eta Aita izango natzaizue, ta seme-alaba izango zatzazkidate, dio Yaun guziz aitsuak. (Ap. 26, 12; Eze. 37, 27; eta abaŕ)

Paul’en kezka-pozak oro korintoaŕengatik dira

1. Agintza auek ditugula, beraz, aragi ta gogoa kutsu guzitik garbi ditzagun, geron zindokuntza Yainkoaren belduŕez buruturik.
2. Atotsi gaituzute. Iñori ez diogu kalterik egin, ez gorpizterik, ez iruzuŕik.
3. Akaŕ-usañik gabe darauskizuet; len ere esan bait-dizuet gure biotzean zaudetela bizirako ta eriotzarako.
4. Zabal-zabal nabil zuenean, zuentzaz oso iľaŕaindurik. Atsegiñez beterik eta pozez gañezka gaude gure loŕaldi guzietan.
5. Alegia; Makedoni’ra ezkero, atsedenik ez du gure aragiak idoro; ostera ere, edolako loŕaldiak yasan ditugu;
6. lekoretik buŕukak, baŕnetik belduŕa. Bañan, apalak pizkoŕtzen ditun Yainkoak gu ere pizkoŕtu gaitu Tit’en etoŕeraz.
7. Ez onen etoŕeraz bakaŕik, ordea, bai eta zuengandik berak aŕtu dun pozez ere: nere pozari poza geituz, niganako zuen gale, negaŕ ta leya azaldu dizkigu-ta.
8. Ez naiz, beraz, garbai, nere idazkiz zuei atsekabe ekaŕi izanaz; ta, apuŕ bateko ere, idazki ark atsekabetu zaituzala ikusirik, garbai nintzan aŕen,
9. orain, beŕiz, pozten naiz, ez noski atsekabe izan zeratelako, garbairako atsekabea izan zaizuelako baño. Yainkoak nai dunez atsekabetu zerate-ta, kalterik oŕela gugandik aŕtzeke.
10. Alabaña, Yainkoagandik dan atsekabeak osasunerako garbai sendoa dakaŕ; gizagandik dan atsekabeak, ostera, eriotza dakaŕ.
11. Orizute, ezperen, zeinbesteko ataza zuengan piztu dun Yainkoagandiko atsekabeak, zein zuribide, zein aseŕe, zein belduŕ, zein gogo, zein azku, zein zoŕoztasun. Alde orotara erakutsi duzute arazo artzaz garbi zaudetela.

12. Ez nizuen, beraz, iraintzaľeagatik, ez irainduagatik idatzi; Yainkoaren auŕean oŕ duzuten guganako azkua ager dedin baño.
13. Oŕetxegatik poztu gera. Gure poz au, beŕiz, Tit’en pozak areagotu digu; biotza guziok suzpertu diozute-ta.
14. Arekin zuetaz nolabait iľaŕaindu ba’naiz ere, ez naiz âlke; ostera ere, egi utsa beti esan dizuegun bezela, egi azaldu ere da zuetaz nik Tit’i egindako gorantzia.
15. Ta zuenganako biotz-gaŕa areagotzen zayo, zuen guzien menaz ta erakutsi zenioten belduŕ-ikaraz oroitzean. Ene poza, zuengandik orotan entzindu naiteke-ta!!

Makedoniaŕen esku zabala

1. Yakiñerazten dizuegu, senideok, Makedoni’ko elizei Yainkoak egindako adeya.
2. Loŕaldi betean ibilita ere, poz-pozik ayek;eta landeŕ poŕokatuak dirala ere, ayen biotz-bera aberats azaldu zan.
3. Aitoŕ bait-dagiet eskuzabal agertu dirala,
4. deunen alde berak ere lagun etoŕtzeko baimena aŕen ta aŕenez guri eskaturik.
5. Ta guk uste aña ez ezik, beren buruak ere Yaunari auŕena ta gero, Yainkoak naita, guri ere eskeñi dizkigute.
6. Au dala bide, Tit’i eskatu diogu eginkizun on au asi bezela, zuenean ere burutu dezan;
7. oŕela zuek orotan, siñestean, izketan, ezagueran, danerako azkuan ta gure biotzeko maitasunean auŕelari izan zeraten bezela, sorozpide ontan ere auŕelari izan zaitezten.
8. Au, beŕiz, ez dizuet agintzeko asmoz esaten, besteren azkuz zuen biotz ona kilikatzeko baizik.
9. Bait-dakit IESU Kisto gure Yaunaren adeya, aberatsa zalarik, zuengatik landeŕ egin zanean, bere landeŕtasunez zuek aberasteko.
10. Onu utsa da arazo ontan damaizuedana, zuei dagokizuenez; burupide au erabiltzeko ez ezen, asmatzeko ere auŕenak igaztik yaŕi zeraten ezkero.
11. Orain, beraz, egitez burutu ezazute, asmoa aŕtzeko leyari, burutzekoa ere, duzutenaren neuŕiz, berdindu dakion.
12. Ez bait-zayo iñori gogo-leya neuŕtzen berak ez dunaren arauz, dunaren arauz baño.
13. Besteak legun bizi, zuek ordea latz, ori ez; guziak berdin.
14. Zuen geyegiak ayen uŕitasuna orain bete beza, ayen geyegiak ere zuen uŕitasuna bete dezan. Onela guziak berdin,
15. idatzita dagonez: Asko bildurik, ez zuten geyago; gutxi bildurik, ez uŕiago. (Ir. 16, 18.)

Bidali yatoŕak

16. Yainkoari eskeŕik asko, Tit’en biotzean zuenganako azku au piztu du-ta.
17. Gure aŕenak entzunda azkua piztu bait-zayo, ta zuengana pozik irten da.

18. Arekin senide bat ere igoŕi dizuegu, eiiz orotan entzute onekoa,
19. ta Yainkoaren goraldirako gogotik darabilgun sorozpide ontan bidaide dakigun, elizek autua.
20. Oŕela mardailkeriak iťo nai ditugu, oŕenbesteko dirutza gure yauŕpidean aŕtu beaŕ dugun ezkero.
21. Yainkoaren auŕean ez ezik, gizauŕean ere zintzo yardun nai dugu-ta.
22. Gure anaya ere ayekin igoŕi dugu, askotara askotan azkutsu agiri bait-zaigu, orain batez ere azkutsuago, zuei buruz daukan uste onagatik.
23. Oŕ bada; Tit nere lagun ta zuekiko lankidea da; gure senide oriek, beŕiz, elizen bidali ta Kisto’ren goragaŕi.
24. Abegi on egiezute, beraz, ta zuentzaz dugun iľaŕainbidea elizen auŕean erakusazute.

Bildubeaŕa laisteŕ bildu beaŕ

1. Deunentzako sorozpideaz zuei idaztea alpeŕik litzaidake.
2. Zuen azkua ezaguna bait-zait, eta artzaz iľaŕaindurik makedoniaŕen artean ibili naiz esaten: igazdanik Akai gerturik dago. Zuen azkuak lagunik geyenak zirikatu ditu.
3. Senideak ala ere bidali dizkizuet, zuetaz iľaŕaintze ori ez dedin arazo ontan ustel irten, ta, esan dudanez, gerturik zaudeten.
4. Au nere lotsa!!, zuena ez esateko, makedoniaŕek zuenera nerekin elduta arazo ontan gertugabeak ba’zakusazte!
5. Uste izan dut, beraz, senide oriei zuengana auŕetik yoateko eskatu beaŕ niela, eskeñitakoa esku zabalez ta zekenkeririk gabe zuek emanda, mugonez berek gertu dezaten.

Esku zabalen saria

6. Orizute: azi uŕitik uzta uŕi, ta azi yoritik uzta yori.
7. Bakoitzak bere biotzean erabaki duna eman beza; ez ordea betiľunik edo ezin bestez bezela; emale betargia Yainkoak maite du-ta.
8. Aitsua da, beŕiz, Yainkoa edotariko emariak zuengan ugaltzeko, zerontzat guzirako naikoa beti eukirik, edozein eŕuki-egintzarako ere geigaŕi izan dezazuten.
9. Idatzita bait-dago:

Emariak paŕastan landeŕei banatu dizkie, aren zuzentasunak betiko dirau. (Er. 112, 9)

10. Ereiľeari azia ta yateko ogia damazkionak, zuei ere azia oparo emango dizue ta zuen zuzentasunaren zitua geituko du.
11. Oŕela zuek orotan aberastuta, Yainkoaganako eskeŕ ona gure bitartez pizturik, edozein eŕukirako lain izango zerate.
12. Eŕuki-arazo onen yauŕpidea, deunen beaŕaldia arintzeko ez ezen, eskeŕ-egite ugari Yainkoagana pizteko ere berebizikoa da-ta.
13. Ainitzek, ba, onelako eŕukiagatik Yainkoa goresten dute, Kisto’ren Beŕi Onari ain atxikiak eta ayei ta guziei zuena emateko ain eskuzabalak zuek ikustean.
14. Ta zuen alde otoi egiñez, biotz-biotzetik maite zaituzte, Yainkoak zuengan ipiñi dun adeigaŕi bikañagatik.
15. Eskeŕik asko Yainkoari, Beragandik dugun ezin esan alako emariagatik.

Batzuen mardailkeriak itotzeko

1. Aolku bat orain Kisto’ ren Biotz bera ta otzanagatik niri, aldamenean apal ta uŕutitik zoŕotz omen. natzaizuen Paul oni, entzuidazute.
2. Eragozkidazute, aŕen, oŕ nagokenean, aragi-yitez gabiltzala uste dutenei, erakutsi omen dudan larderiaz gogoŕ egiteko beaŕa.
3. Aragitan, noski, bizi gera; bañan ez gera aragi-gudaka ari.
4. Darabilgun gudan iskiľoak aragi-iskiľoak ez dira; Yainkoarengandik datoŕkie, ordea, gazteluak eta giza-asmakeriak iraultzeko indaŕa.
5. Ayen bitartez iraultzen goaz Yainkoaren yakintzaren auŕka yaikitako antuiste guziak, eta Kisto’ren mendera gogo guziak lotuta ekaŕtzen ditugu.
6. Ta menpetza zuenean osoa daitekenean, edozein biuŕkeri ataŕatzeko gerturik gaude.
7. Azalekoa zuek dakusazute. Kisto’rena dala iñork uste ba’du, uste beza, beŕiz, bera bezain Kisto’renak gerala gu ere.
8. Ta Yainkoak zuen onerako, ez zuen kalterako, eman digun aginteaz geixeago iľaŕainduko ba’nintz ere, ez nintzake argatik âlke izango.
9. Ez uste, ala ere, izua zuei saŕtu nai dizuedala;
10. nere idazkiak, bai, astun ta zoŕotzak omen dira-ta; lazoa, beŕiz, kaxkaŕ, ta mintzoa nardagaŕi.
11. Oŕela uste lukenak yakin beza, uŕundik idazkietan itzez gerana, aldamenera ezkero egitez ere gerala.
12. Bekokirik ez bait-dugu, beren buruen gorantzika dabiltzan batzuekin gure burua leŕokatu ta berdintzeko. Sena galtzen dute, ordea, beren buruak beren buruekin neuŕtzen, ta beren buruak beren buruekin erkatzean.
13. Gu, beŕiz ez gera neuŕi gabe iľaŕainduko; neuŕi zaigu, ordea, zuenganaño eltzeko agindua, Yainkoak guri neuŕitzat emana. .
14. Ez bait-gera etenbeaŕez, zuengana ezin elduan bezela, besoak luzatzen ari; Kisto’ren Beŕi Onarekin zuenera eldu izan gera-ta.
15. Ez bait-dugu iľaŕaintzean besteren lanak guretuz, neuŕia austen. Ta uste dugu, zuen siñestea azkoŕtu daitekenean, gure neuŕiaren arauz arloa zabalduko zaigula.
16. zuen bazteŕaldetik aruntzago Beŕi Ona eraman dezagun. besteren arloan bestek egiñaz iľaŕaintzeke.

17. Beraz, iľaŕaintzen dana, Yaunaŕen iľaŕaindu bedi.
18. Ez bait-da ontzat aŕtzekoa bere burua gorazten duna, Yaunak gorazten duna baizlk.

Paul txit oneskaŕi

1. Apuŕ bat erotzen ez al-nauzute utziko? Utzi, bai, aŕen. .
2. Yainkoaren tukuz tukutsu bait-nauzute, Kisto’ri eskeñita bait-zaituzt, senaŕgai bakaŕ Oni, neska garbitzat auŕkezteko. *
3. Ta belduŕ naiz, sugeak bere maltzuŕkeriz Eba liľuratu zun bezela, zuen biotzak ere Kisto’renganako zintzotasun ta garbitasunetik goŕbiztuko ote diran.
4. Guk azaldua izan ezik, Kisto’ren bat azaltzen, edo zuek aŕtua izan ezik, Gogoren bat eskeintzen, edo gure aotlk entzuna izan ezik, Beŕi Onen bat ekaŕtzen norbait ba’datoŕkizue, adeitsuki entzuten diozute.
5. Gu, beŕiz, oŕelako bidali gurenei buruz ezertan motzagoak ez geralakoan gaude.
6. Itz egiteko motelak ba’ giña ere, yakintzan, ordea, ez; ta aintzat aldi ta alde orotan zerok ezagun gaituzute.
7. Ala, zuek goratzeko apalik nenbiľenean ta Yainkoaren Beŕi Ona adirazten nizuenean, okeŕ ote-nengon?
8. Zuentzat lan egiteko, beste elizak erantzi ditut, ayengandik emendioa aŕtuz.
9. Zuenean nengola, laztuta ere, ez nintzan zuetako iñoren bizkaŕ bizi. Uts egin zitzaidana Makedoni’tik etoŕitako senidêk bete zidaten; ta orotan egon naiz zuei nekagaŕi izateke, bai eta egongo ere.
10. Ala Kisto’ren egia!!, ez zait Makedoni alderdietan iľaŕainbide au ustelduko.
11. Zergatik? Maite ez zaituztalako ote? Yainkoak ba-daki.
12. Dagidana egiten yaŕaiko ere naiz, aŕotuta dauzkan yardueran gure idekotsu ageri-miñez bidebiľa dabiltzanei bidea eragozteko.
13. Sasi-bidaliak dira oriek, langiľe gezuŕtiak, Kisto’ren bidali-zomoŕoz yantzita.
14. Ez aŕiťu; Satan ere argi-aingeruz zomoŕotzen da-ta.
15. Aŕitzekorik ez da, beraz, aren otseiñak zindotasunaren otsein-zomoŕoz yazten ba’dira. Oŕelakoek, egiteak nola, azkena ala dukete.

16. Lena beŕiz diot: ez nazala iñork txoro etsi: edo bestela aintzat aŕ nazazute, nerau ere pixkat iľaŕaindu nadin.
17. iľaŕaindu beaŕkoan diokedanak Yaunaren arnasez esana ez dirudike, txoro baten aoz baizik.
18. Aragi aldetik askotsu iľaŕaintzen dirala-ta, ni ere iľaŕainduko naiz.
19. Zuŕ zeratelarik, tentelak gogotik yasaten dituzute-ta.
20. Iñork azpiratu, irentsi, laŕutu, urgoiki erabili, edo auŕpegian yotzen ba’zaituz, yasaten diozute.
21. Lotsaz diot. Oŕtan txepel ari izanak bait-gera. Osterantzean, beŕiz, edozertzaz iñor iľaŕaindu ezkero, artzaz ni ere iľaŕaindu naiteke. Txoralditan mintzo naiz.
22. Ebertaŕ al-dira? Ni ere bai. Ixraeidaŕ al-dira? Ni ere bai. Abraham’en azi al-dira? Ni ere bai.
23. Kisto’ren ordelari al-dira? Areago ni, txoro usañez mintzatzeko; neketan aziago, baitegietan auŕkituago, ukaldika poŕokatuago, iľagian maizago egona.
24. Bostetan yuduengandik beŕogeyak bat gutxi aŕtu ditut. *
25. Irutan zigoŕkatu ta bein aŕikatu naute, Itxasontzia irutan puskatu zait, legoŕetik uŕun gau ta egun utzi naula.
26. Osteraka askotan, galuŕen ibayetan, galuŕen lapuŕ aldetik, galuŕen eŕitaŕ aldetik, galuŕen atzeŕitaŕ aldetik, galuŕen irietan, galuŕen basoan, galuŕen itxasoan, galuŕen senide xurienean,
27. nekatu ta laztuta, saŕitan lo gabe, gose ta egaŕi, barutan maiz, otz, ta biľutsik.
28. Eta dan oŕen gañean oŕ dago egun oroko auziabaŕekin eliz guziekiko ardura nere gain.
29. Nor aultzen da, ni ere aultzen ez naizala? Nor aurikatzen da, ni sumintzen ez naizala?
30. Iľaŕaindu beaŕkotan, nere makalketaz iľaŕainduko naiz.
31. IESU Kisto gure Yaunaren Yainko ta Aitak, betiko onesgaŕia danak, gezuŕik ez diodala ba-daki.
32. Damasko´n Areta eŕegeren orde eŕiburu zenak iria zaipean, ni atzemateko, ipiñita zeukan.
33. Baña saski batean leyotik orma-bêra eraitsi naute, ta oŕela aren eskutik iges egin nun.

Edozertaz baño bere aulkeriaz iľaŕaintsuago

1. Egoki izan ez aŕen, iľaŕaindu beaŕta, Yaunak erakutsi ta agerietara ba-noa.
2. Gizon bat dazagut, irugaŕen ortziraño orain amalau urte yaso izana. Soñez ala soin-gabe ori gerta ote zitzayon Yainkoak daki, nik ez. *
3. Ba-dakit oŕatiño, alako gizonak, soñez ala soin-gabe Yainkoak daki, nik ez,
4. paradisura ezkero, gizonek adirazi ezin lituken itzak entzun zitula.
5. Alako gizonaz, bai, iľaŕainduko naiz: nitzaz ordea ez. nere aultasunaz izan ezik.
6. Iľaŕaindu nai ba’nu ere, ez litzaidake erokeritzat aŕtu beaŕ, egia nesake-ta. Oŕ bego, ordea, iñork nigan ikusi edo nitzaz entzun lukena baño aundiagotzat aŕ ez nazan.
7. Ta oŕenbesteko agerkariz aŕotu ez nadin, aragian ñaŕa daramat, zartaka ari dakidan niri emandako Satan’en aingeru bat. *
8. Irutan Yaunari eskatu diot alakoa nigandik alde eragiteko.

9. Ta Berak esan dit: «Aski duzu nere laguntza; makalaldian nere indaŕa osorik ageri da-ta». Pozik, beraz, iľaŕainduko naiz nere makaltasunaz, Kisto’ ren indaŕa nigan egon dedin.
10. Au dala bide, Kisto’rengatiko eri, irain, beaŕaldi, yazaŕpen ta elkaitzetan poztuta nabil; makal naizanean bertan, sendoa naiz-ta.

Izketa auen zergatia

11. Txoro azaldu natzaizue, zuek oŕtaratuta. Zuek goratu beaŕa nintzan, baiki; ezer ez naizan aŕen, bidali bikain oriei buruz ezertan ez bait-naiz txikiago azaldu.
12. Bidalitzat narakusten agiriak, beŕiz, edozer yasateko egonaŕia ta goiko indaŕez zuenean burututako zantzu ta alatzak dira.
13. Beste elizei buruz zein izan da zuen akatsa? Au bakaŕik; zuen bizkaŕ ni bizi ez izana. Okeŕ au barka idazute.
14. Ara, irugaŕen aldiz zuenera yoateko gerturik nago, ta ez natzaizue bizkaŕ izango; zuenaren biľa ez bait-nabil, zeron biľa baizik; ez bait-dira semeak gurasoentzat bildu beaŕ dutenak, gurasoek semêntzat baño.
15. Nik, beŕiz, zuen gogoengatik nere dana ta gañera naizan au pozik eralgiko ditut. Eta zuenganako nere maitasuna oŕen aundia dalarik, niganako zuena txikia ote-daiteke?
16. Edeŕki. Ez natzaizue bizkaŕ izan. Baña maltzuŕkeriz biliz, iruzuŕ egin dizuet.
17. Igoŕi dizkitzuedan ayetako iñoren eskuz zer edo zer erauzi ote-dizuet?
18. Zuetara yoateko Tit’i eskatu nion, ta arekin anaya igoŕi nizuen. Zerbait Tit’ek erauzi ote-dizue? Ez ote-gera gogo batez ta bide berberatik biok ibili?
19. Gure burua zuen auŕean astiro zuritzen ari gerala deritzakezute. Yainkoaren auŕean mintzo gera, ordea, Kisto’ri atxikita. Dana, beŕiz, maiteok, zuei on egiteko.
20. Belduŕ bait-naiz, zuetara orduko, idoroko ote-zaituztan nik nai bestelakoak, eta berebat zuek nai bestelakoa idoroko ote-nauzuten. Ba-liteke, izan ere, zuenean lipiztak, bekaizkeriak, mutuŕkeriak, iskanbiľak, mardailkeriak, maxioak, aŕokeri ta nâsi-masiak izatea.
21. Oŕezkero, beŕiz, zuetara ni itzulitakoan, Yainkoak ausaz zuenean lotsaraziko nau, ta ogen egin duten askorengatik negaŕ egin beaŕko dut, beren loikeri, izoŕkeri ta zantaŕkeriaz garbai ez diralako.

Zema ta aŕenaz

1. Irugaŕen aldiz noa zuenera orain. Bizpairu aitoŕlarien aoz auzi dana erabaki beaŕ. (It. 19, 15)
2. Bigaŕenez oŕ nintzala, ogendun izanei ta beste guziei esan niena, orain ere uŕutitik dasayet: oŕera beŕiz ba’noa, ez dut iñor asketsiko.
3. Kisto nigan mintzo dala agiri biľa zabiltzaten ezkero. Kisto, beŕiz, ez da zuenean aula, indaŕtsua baño.

4. Aultzat gurutzatua izan ba’zan ere, Yainkoaren indaŕez bizi da-ta. Gu ere Beragan aulak gera; baña Yainkoaren indaŕez Arekin bizi izango gera zuei buruz.
5. Zeron baitan ikeŕazute siñestean ote zaudetenentz; norbera atemazute. Ez al-zerate oaŕtzen IESU Kisto zerongan dagonik? Ezezkoan, gaiztetsi beaŕak zerate.
6. Uste dut, beŕiz, gaiztetsi beaŕak ez geranik ezagungo duzutela.
7. Ta Yainkoari daskayogu ez dezazutela gaizkirik bat ere egin; ez noski yatoŕtzat gu azaltzeko, zuek ongi dagizuten baizik, guk astangaŕi irudi beaŕ ba’genu ere.
8. Egiaren auŕka al izaterik ez bait-dugu, egiaren alde baizik.
9. Pozik gaude, beŕiz, makal geranean, zuek ostera azkaŕ; ta au gure eskaria, zuen zindotasun betea.
10. Argatik au uŕundik idazten dizuet, zuenera orduko, zoŕotz izan beaŕ ez nakizuen: ez bait-dit Yainkoak iraultzeko aukerarik eman, eraikitzeko baizik.
11. Oŕezkero, senideok, poztu, bikaindu ta suzpeŕtu zaitezte, gogo bat eukazute guziok, bakez bizi zaitezte; ta bake ta maitasuna darizkion Yainkoa zuekin egongo da.
12. Muin deunez elkaŕi aguŕ egiozute. Aguŕ dagizuete deun guziek.
13. Bego guziokin IESU Kisto gure Yaunaren eskeŕa, ta Yainkoaren maitasuna ta Goteunaren erkidetza. Ala biz!!