Olabideren Biblia

1. Dari eŕegeren bigaŕen urtean, zortzigaŕen iľean, Yaube’k Zakari igaŕleari, Baraki-’ ren seme Ado’ren semeari, itz egin ta esan zion.
2. Yaube.zuen arbasoei goriki aseŕe izan zaye.
3. Esayezu:

Yaube Sabaot onela mintzo da:

Itzul zaitezte Niregana, —dio Yaube Sabaot’ek—, eta zuengana itzuliko naiz, —dio Yaube Sabaot’ek.

4. Ez zaitezte zuen arbasoen antzekoak izan, lênbiziko igaŕleak oyuka esaten bait-zieten: «Yaube Sabaot onela mintzo da:

Zuen bide txaŕetik

eta egite okeŕetatik biuŕ zaitezte»;

ta ayek ez zieten entzun nai izan, ez eta yaramonik egin ere, —dio Yaube’k—.

5. Non dira zuen arbasoak?

eta igaŕleak biziko al-dira beti?

6. Ala ere, zuen arbasoek, nere moŕoi igaŕlên aoz egin nizkien aidaŕi ta erabakiak ayetan burutu ziranean, ez ote-zuten, senera biuŕturik esan: «Gure bide ta egitêi zegokienez erabiľi gaitu Yaube Sabaot’ek?»

Zaldi ta zaldizkoak

7. Dari’ren bigaŕen urtean, Sabat deritzan iľean, ogeita laugaŕen egunean, Zakari igaŕleari, Baraki’ren seme Ado’ren semeari, Yaube’k itz egin ta esan zion:
8. Ara gauez ikusi nuna: Gizon bat itzalpe bateko ezpeltartean zaldi goŕi baten gañean zegon, ta aren atzean zenbait zaldi goŕi, nabaŕ ta zuri. *
9. «Zer dira oriek, ene yauna? —esan nion. Ta nirekin zerausan aingeruak esan zidan: «Nik erakutsiko dizut, oriek zer diran».
10. Ta ezpeltarteko gizonak itz egin ta esan zun: «Auek dira luŕa arakatzeko Yaube’k bidaliak».
11. Ta ayek, ezpeltartean zegon Yaube’ren aingeruari itz egin ta esan zioten: «Luŕaldea arakatu dugu; ta ara, edonon gizatsu ta nare da».
12. Yaube’ren aingeruak itz egin ta esan zun: «Yaube Sabaot! Noiz arte zaudeke Yerusalem’eri ta Yuda’ko iriei zure eŕukia, irurogei ta amaŕ urte ezkero agertzeke?»
13. Orduan Yaube’k nirekin zerausan aingeruari zenbait itz on ta atsegintsu esan zizkion,
14. ta nirekin zerausan aingeruak esan zidan:

«Ots egizu esanez:

Yaube Sabaot onela mintzo da:

Yerusalem’en eta Sion’en alde ayola aundiz leyatu naiz;

15. ta goŕoto goriz dirazekit atzeŕi aŕotsuen auŕka; Ni aseŕe bait-nintzan, noski, bañan ayek ankeŕegi areagotu dira ataŕaldian.
16. Argatik onela mintzo da Yaube:

Eŕukiz itzultzen naiz Yerusalem’era;

an—dio Yaube Sabaot’ek—nere etxea beŕeraiki ta berun-aria Yerusalem’en gañean edatuko dute.

17. Oyu egizu oraindik eta esazu:

Yaube Sabaot onela mintzo da:

Oraindik nere iriak onez okituko dira, ta oraindik Yaube’k Sion poztu ta Yerusalem berebizikotzat eukiko du.

Lau adaŕ ta lau arotz

1. Ta begiak yasorik, lau adaŕ ikusi nitun. *
2. Ta nirekin zerausan aingeruari esan nion: «Oriek zer dira?» Eta erantzun zidan: Yuda, Ixrael ta Yerusalem aizatu dituten adaŕak dira oriek».
3. Ordun Yaube’k lau arotz erakutsi zizkidan; ta nik galdetu nion: «Zertara datoz oriek?» *
4. Eta erantzun zidan: «Arako ayek dira, burua yasotzeko iñor utzi gabe, Yuda aizatu dutenak: onako auek, beŕiz, izua ayei saŕtzera, ta Yuda aizatzeko adaŕa yaso duten eŕien adaŕak biŕintzera datoz».

Yerusalem’en beŕikuntza

5. Ta begiak yasorik, neuŕtaria eskuan zeukan gizon bat ikusi nun.
6. Ta galdetu nion: «Norantz zaitut?» Eta erantzun zidan: «Yerusalem zein luze ta zein zabal daiteken neuŕ tzera natoŕ». *
7. Ta ara!, nirekin zerausan aingerua azaldu zan, ta beste aingeru batek, bidera irten zitzayolarik,
8. esan zion: «Zoaz arin, ta mutil oŕi esayozu: Yerusalem’ en eŕia esirik gabe biziko da; ainbestekoak izango bait-dira ango bizilagun ta abereak.
9. Suzko esitzat Nerau izango natzayo inguru osoan —dio Yaube’k— eta aren erdian aintzagaŕi nagoke. *

Atxiľoei dei bi

10. Ots, ots! iges egizute ipaŕaldetik,

—dio Yaube’k— eguratseko lau aizêtara, sakabanatu bait-zaituzt, —dio Yaube’k.

11. Ots! Itzuri zaitez, Babilon’go alabarenean bizi zeran Sion ori!
12. Yaube Sabaot onela mintzo bait-da:

Bere osperako bidali nau, laŕutu zaituzten eŕietara; ikutzen zaituztenak betseiña ikutzen diote-ta.

13. Ara!, nere eskua ayen auŕka yasotzen dut, eta yopu zitzazkienen aŕapakin daitezke;

ta Yaube Sabaot'ek bidali naula ezagungo duzute.

14. Yaso lekayoak, Sion’go alaba, ta poztu zaitez; zure erdian bizitzeko natoŕkizu-ta,

—dio Yaube’k.

15. Egun artan eŕi asko Yaube’ri itsatsiko zazkio, ta nere eŕia izango dira;

zure erdian biziko naiz,

ta Yaube’k zuregana bidaltzen naula dazagukezu.

16. Yaube’k bere yarauntsitzat luŕ deunean, Yuda euki ta Yerusalem

berebizikotzat begiratuko du.

17. Yaube’ren auŕean gizakiak oro isilik beude, bere etxe gurenetik yaiki da-ta. *

Apaizkuntzaren beŕitzea

1. Yesu, apaiz nagusia, Yaube’ren aingeruaren auŕean zutik erakutsi zidan. Yesu’ren eskui-aldean ta aren auŕka Satan zegon. *
2. Ta Yaube’k Satan’i esan zion: «Yaube’k ezi azala, Satan ori!! Yerusalem autu dun Yaube’k ezi azala! Ez al duk ori surtatik idokitako iľinti bat?»
3. Yesu soñeko zikiñez yantzia zan aingeruaren auŕean zutik. *
4. Eta aingeruak bere auŕean zitun guziei itz egin ta esan zien: «Erantzi izkiozute soñeko zikiñok». Eta ari esan zion: «Begira!! Zure ogena erantzi ta yai-soñekoa yantzi dizut».
5. Eta esan nun: «Tuŕu bat yaŕi ezayozute buruan». Ipiñi zioten, beraz, tuŕua buruan ta yai-soñekoz yantzi zuten. Ta Yaube’ren airigerua zutik zegon.
6. Ta Yaube’ren aingeruak aitoŕ au Yesu’ri egin zion:

7. Yaube Sabaot onela mintzo da:

Nere bidetan ibiliaz

nere legea betetzen ba’duzu, zuk ere nere etxea yauŕi ta nere ateak zaituko dituzu, ta toki bat damaizuket emen daudenen artean.

8. Entzun, beraz, Yesu apaiz nagusi oŕek, ta bentzute berebat zure aldameneko lagunek;

gizon yatoŕak dira-ta:

Ona emen Ni

nere moŕoya Ernamintzat dakaŕkidala. *

9. Oŕa Yaube’ren auŕean yaŕtzen dudan aŕia, aŕi bakaŕa zazpi begirekin.

Neuk kopostu dut ua, —dio Yaube Sabaot’ek— ta egun batean gaiztakeriak astanduko ditut luŕalde ontatik. *

10. Egun artan—dio Yaube Sabaot’ek— nork bere laguna mâsti-azpira ta pikondopera deituko du.

Argimutiľa. Plkondo bi

1. Ta nirekin zerausan aingerua eldu zitzaidalarik, loalditik bezela esnatu nintzan
2. Ta esan zidan: «Zer dakusazu?» Nik erantzun nion: «Ara!, argimutil bat dakust, urezkoa osorik; eta erpiñean andel bat, eta goyaldean zazpi kiriseľu ditu, bakoitza bere odiarekin.
3. Ta aren urbiľean olio-zugatz bi dira; bata eskui-aldean, bestea ezkeŕekoan».
4. Beŕiro mintzatuz, nirekin zerausan aingeruari esan nion: «Guziok zer dira?, ene yauna!»
5. Ta nirekin zerausan aingeruak erantzun zidan: «Ez al-dakizu guziok zer diran?».—Ez. ene yauna!», erantzuu nion.
6. Orduan yardetsi ta esan zidan: «Zorobabel’i Yaube’k egindako itza da au: «Ez gudataldez, ez indaŕez; nere arnasez baizik». —dio Yaube Sabaot-ek.
7. Zer aiz mendi aundi ori, Zorobabel’en auŕean? Ordoki bat. Berak, beŕiz, erpiñeko aŕia eraikiko du, «gora!, gora ori!! oyutartean».
8. Yaube´ren itza adierazi izan zitzaidan, onela:
9. Zorobabel’en eskuek etxe onen oñaŕia yaŕiko dute, ta aren eskuek ere bururaño eraikiko dute. Oŕela dazagukezu Yaube’k zuetara bidali nauela.
10. Egun its ayek esesten zitutenak poztuko dira berun-aria Zorobabel’en eskuan ikustez. Zazpi kiriseľu ayek luŕ osoa arakatzen duten Yaube’ ren begiak dira». *
11. Beŕiro mintzatuz esan nion: «Argimutiľaren eskui-ezkeŕaldeko oliondo bi oriek zer dira?
12. Ta berebat esan nion: «Vŕea andeleratzen duten uŕezko onil biren gañean zintzil dauden olio-mordo bi oriek zer dira?»
13. Esan zidan: «Ori zer dan ez al-dakizu?» —«Ez yauna», erantzun nion.
14. Ta esan zidan: «Luŕbira osoko Nagusi auŕean dauden gantzututako bi dira oriek».

Laŕutx-idaztia

1. Biuŕtu nintzan, ta begiak yasorik, laŕutx bat ikusi nun egaka.
2. Ta esan zidan: «Zer dakusazu?» Ta nik ari: «Laŕutx-zeŕenda bat egan dakust, ogei ukai luze ta amaŕ ukai zabal».
3. Ta esan zidan: «Luŕalde osoaren gañera doan gaitzespena da ori. Aren alde batean idatzita dagonez, lapuŕ guziak emendik yaurtiak izango dira; ta beste aldean idatzita dagonez, zin egin luketen guziak ere yaurtiak izango dira.
4. Nik bidalita doa, ta elduko da lapuŕeh etxetara ta nere izenarekin gezuŕez zin dagitenetara; ta etxearen erdian kokaturik, dana, zur ta aŕi, suntsituko du».

E p a

5. Nirekin zerausan aingeruak, ilkirik, esan zidan: «Yaso begiok eta begira agertzen dana». —Nik esan nion: «Zer da ori?»
6. «Oŕ doan epa bat», esan zidan, ta gañera ziostan: «Ori ayen okeŕkeria da luŕaide guzian».
7. Ta ara!, berunezko baldia yasota, eta epa-ontziaren baŕnean emakume bat eserita zegon.
8. Ta aingeruak esan zidan: «Ori gaiztakeria da.» Ta emakumea, epa-ontziaren barneruntz yaurti zun, ta eparen aogañera berun-mokoŕa iraitzi.
9. Ta begiak yasorik, ara zer ikusi dudan: emakume bi ilki ziran amiamokoren bezelako egakin, ta aizearen eragitez ortzi ta luŕaren artean epa yaso zuten.
10. Nirekin zerausan aingeruari galdetu nion: «Epa-ontzia nora daramate?»
11. Ta erantzun zidan: «Senaar luŕaldera daramate, arentzat etxe bat eraikitzeko, ta idulki baten gañean sendorik an yaŕiko dute. *

Lau gurdi

1. Begiak beŕiro yasorik, bi mendiren artetik ilkitzen lau guŕdi ikusi nitun; ta mendiak uŕe aŕezko mendiak ziran.
2. Lenbiziko guŕdiaren zaldiak goŕiak ziran; bigaŕenarenak, beltzak;
3. irugaŕenarenak, zuriak; eta laugaŕenarenak, nabaŕ ta azkaŕak.
4. Ta nirekin zerausan aingeruari itz egin ta esan nion: «Ene yauna!, oriek zer dira?»  5. Aingeruak erantzun eta esan zidan: «Oriek lau aizeak dira, ta luŕ osoaren Yaunaren auŕeandik datoz».

6. Zaldi beltzenak ipaŕalderuntz ziyoazan; zaldi zurienak zeŕaizkion; zaldi nabaŕenak egoalderuntz.
7. Zaldi azkaŕenok, irtetean, luŕa arakatzeko eskatu zuten. Ta aingeruak esan zien: «Zoazte luŕa arakatzen». Ta luŕa arakatu zuten.
8. Ordun dei egin ta esan zidan: «Begiral; ipaŕalderuntz yoan diranek biotza ibitu didate ipaŕaldean». *

Apaiz nagusiaren buruntza

9. Yaube’k itz egin eta esan zidan:
10. «Aŕ itzazu atzeŕian izanetatik Oldai, Tobi ta Idai, ta zoaz egun berean Soponi’ren seme Yosi’ren etxera; ori ere Babilon’dik etoŕi da-ta.
11. Uŕez ta ziľaŕez buruntzak egin ta Yosedek’en seme ta apaiz nagusia dan Yesu’ri buruan ipiñi izkiozu.
12. Ta au esayozu: Yaube Sabaot onela mintzo da: «Ona emen Ernamin izeneko gizona; bere tokian erneko da, ta Yaube’ren yauretxea eraikiko du. *
13. Yaube’ren yauretxea eraiki ta ospe aundia izango du; nagusitzat eseriko da bere yauraulkian, apaiz dan aldetik dagokion aulkian; ta bake ituna bien artean dagoke.
14. Beste buruntzak, beŕiz, Elen’en (Oldai’ren), Tobi’ren ta Soponi’ren semearen oroigaŕitzat Yaube’ren yauretxean izango dira.
15. Uŕun diranak etoŕi ta Yaube’ren yauretxean ariko dira; ta Yaube Sabaot’ek zuetara bidali naula dazagukezute. Ori gerta dedin, beŕiz, Yauberen mintzoa zintzoki yagon beaŕ duzute.

Etoŕkizuneko zori ona

1. Dari’ren laugaŕen urtean, Kasleu deritzan bederatzigaŕen iľean, laugaŕen egunean Yaube’k Zakari’ri itz egin zion.
2. Saratsar ta Eŕogom-Melek beren gizonekin Bet-El’en geznaritzat etoŕiak ziran Yaube’ri otoi egiteko, ta Yaube Sabaot’en etxeko apaizei ta igaŕlêi galde au egiteko:
3. «Negaŕez baru egin beaŕ ote-dut boskaŕen iľean, ainbeste urtez-gero egiten dudanez?»
4. Orduan, Yaube Sabaot’ek itz egin ta esan zidan:
5. «Luŕaldeko eŕi osoari ta apaizei itz egin ta esayezu: «Irurogei ta amaŕ urteotan boskaŕen ta zazpigaŕen iľean negaŕez baru zenegitenean, baru ori Niretzat ote-zenegiten?
6. Ta yan-edaten zenutenean, yan-edate ayek zerontzat ez ote-ziran?*
7. Ez al-dira oŕ, Yerusalem bere egoiliaŕekin bere aldirien erdian nare bizi zanean, ta Negeb eta Sepela gizatsuak ziranean, Yaube’k bere antziñeko igaŕlên bitartez aldaŕikatutako itzak?»
8. Yaube’k Zakari’ri itz egin ta esan zion:
9. «Yaube Sabaot onela mintzo da: Beude zuen epayetan egia ta eŕukia; ta anai arteko yardunbidean adeya ta onbera;
10. Alargun, umezutz, aŕotz edo landeŕak ez zapaldu; eta, iñork ez beza uŕkoaren kalterik bere biotzean asmatu».
11. Bañan, ayek ez zuten aditu nai izan, bizkaŕak ezikaitz ta belaŕiak ez entzuteko goŕ zituten.
12. Istaŕia bezain gogoŕtuta zeukaten biotza, legea ta Yaube Sabaot’en Atsak igaŕlên aoz bidaltzen zizkien geznak ez entzuteko. Izugaŕia izan zan, beraz, Yaube Sabaot’en aseŕea.
13. Nik ots eginda ayek goŕtu ziran bezela, ayek ots eginda, Ni ere goŕtuko natzaye —dio Yaube Sabaot’ek.
14. Argatik sakabanatu ditut ezagunak ez zitzazkien atzeŕietan, ta ayen atzean luŕa soil gelditu da, arantz edo onantz dabiľenik artan gelditu gabe; atsegin zan luŕaldea, orain il datza.

Osasunaren agintzak

1. Yaube Sabaot’ek itz egin ta esan du:
2. Yaube Sabaot onela mintzo da: Sion’i buruz, espa-gaŕetan nago; sepa goriz aren auŕka suminduta.
3. Yaube onela mintzo da: Sion’era biuŕtu naiz, ta Yerusalem’en erdian biziko naiz. «Egiaren iria» deritzake, Yerusalem; ta «mendi deuna», Sion mendia. *
4. Yaube Sabaot onela mintzo da: Beŕiro ere, Yerusalem’ go zeyetan atso-agureak eseriko dira, nork bere makiľa eskuan, adiñeko diralarik.
5. Ta zeyak beteko dira, mutiko ta neskatiľak yostatzeko ayetara bilduta.

6. Yaube Sabaot onela mintzo da: «Egun ayetarako diodana, eŕi ont'ako gelditu diranei zaiľa ba’deritzaye, Niretzat zaiľa izango ote-da?—dio Yaube Sabaot’ek.

7. Yaube Sabaot onela mintzo da: Ots!! Nik yarei aterako dut nere eŕia soŕtaldeko aurkintzetatik eta saŕtaldekoetatik.
8. Eta ekaŕiko ditut Yerusalem'en bizi daitezan. Ta nere eŕia izango dira; Ni, beŕiz, ayen Yainkoa, egitan ta bidez.
9. Yaube Sabaot onela mintzo da: Itzok igaŕlên aotik egunotan entzuten dituzutenongan eskuak sendotu bitez orain, Yaube Sabaot’en etxeko oñaŕiak yaŕiak diranean, ta yauretxea eraikia izateko danean.
10. Egun auek baño len ez bait-zan gizoneutzat, ez zamarientzat, lansaririk, ezta saŕtzen edo irteten ziranentzat lasatasunik; gizakiak oro elkaŕen auŕka axatu nitulako.
11. Bañan, orain ez dut nere eŕiaren ondakiñekin lengo egun ayetan bezela yardungo —dio Yaube Sabaot’ek.
12. Izan ere azia garatuko da, mâstiak bere zitua, luŕak bere uzta, ta ortziak bere intza emango dute; ta nere egitez eŕi onen ondakiñek guzi ori berentzat izango dute.
13. Ta atzeŕietan biraogaŕi ziñaten giñoan, orain nere egitez Yuda’ren etxea ta Ixrael’ ena gaizkatuak eta onetsiak izango zerate. Ez belduŕtu; zuen eskuok sendotu beitez.
14. Yaube Sabaot onela mintzo bait-da: Zuen arbasoek naŕitatzen niñutenean —dio Yaube Sabaot’ek, zuei kalte egiteko asmotan ibili ondoren garbai izaten nintzan.
15. Oŕela, ba, egunotan Yerusalem’eri ta Yuda’ren etxeari on egiteko erabakita nago. Ez izutu!!
16. Oŕa, egin beaŕ duzutena: batak besteari egia esan; zuzenbidea yagon egitan pakerako;
17. eikaŕekiko asmo txaŕik biotzean ez erabili, eta gezuŕezko ziña goŕoto ezazute; guziok iguin ditut-eta—dio Yaube’k.
18. Yaube Sabaot’ek itz egin eta esan zidan:
19. Yaube Sabaot onela mintzo da; laugaŕen iľeko baraua, boskaŕenekoa ta amaŕgaŕenekoa, poz ta yolas ta yai atsegintsu biuŕtuko zazkizue; zuek egia ta pakea maite izatekotan, alabaña. *
20. Yaube Sabaot onela mintzo da: Oraindik ba-datozke eŕiak eta iri askotako semeak,
21. eta iri batekoak beste batera doazke esanez: «Goazan Yaube’ren auŕean otoi egitera ta Yaube Sabaot’i auŕkeztera. Ni ere ba-noake».

22. Enda asko ta eŕi altsuak Yerusalem’era datozke Yaube Sabaot’en biľa, Aren auŕean otoi egiteko.
23. Yaube Sabaot onela mintzo da: «Egun ayetan eŕi ta izkera guzietako amaŕ gizonek yudu bati soñekoaren ertzetik eldu ta esango diote: «Zurekin goazke, Yainkoa zuekin dagola aditu dugu-ta». *

Agintzak oraindik

1. Yaube’ren aseŕe-zema. Adarak luŕaldean ta Damasko’n kokabeaŕa; Ixrael’go gizakume ta leñu guzietara so bait-dago Yaube’ren begia.
2. Hamat ere zema onen azpian dago, ta berebat Tir ta Sidon, ayen yakintzarengatik.
3. Tir’ek gaztelu bat egin du beretzat, eta autsa bezela, ziľaŕa, ta bidetako loya bezela, uŕea metatu ditu.
4. Ara, ba!: Yaube artzaz nagusituko da;

ta aren al izatea itxasoan eortziko du;

ta Tir surtan eŕeko da.

5. Ori ikusita Askalon belduŕez

ta Gaza ta Akaron min goŕiz geldituko dira, itxarobide zayenak uts egin bait-die.

Eŕegerik Gaza’n ez da iñoiz izango, ez eta egoiliaŕik Askalon’en ere.

6. Lagunabaŕ aŕotzak Azot’eko eŕia daitezke, ta pilistaŕen aŕokeria suntsituko dut.
7. Aotik odola ta ortzetatik aragi nazkagaŕiak kenduko dizkiet eta gure Yainkoari itsatsi ta agintaritzat Yuda’n geldituko dira, ta Akaron ere, yebustaŕa bezela izango da.
8. Nerau nere etxeari esia izango natzayo, gudaka edo oŕ-ara letoŕken edonoren auŕka; ta ez zayo gerokoan zapaltzaiľerik saŕtuko, orain Neronen begiz ayen alde zai nagoke-ta.

M e x i a

9. Poztu zaitez, Sion’go alaba, poztu!! atera santzoak, Yerusalem’go alaba! Or datoŕkizu zure Eŕege zuzen ta garaitzaľea, apalbera, asto baten gañean, astakume baten gañean eserita. *
10. Eparain’dik guda-guŕdiak

eta Yerusalem’dik zaldiak erauziko ditut; gezi-ustayak autsiak izango dira;

pakea aldaŕikatuko die atzeŕiei,

ta Aren yaureŕia itxasotik itxasora ta ibaitik luŕeko ertzetara edatuko da. *

11. Zuk ere, zure Ituneko odolarengatik, zure atxiľoak ditukezu osin agoŕetik nik aterata.
12. Itzul zaitezte gaztelura, atxiľo itxarodunok;

gauŕ beŕiro dasaizuet; bi alakoa biuŕtuko dizuet.

13. Gezi-ustaitzat tenk bait-daukat Yuda, ta ustayan gezitzat Eparain dut; eta zure semeak, Sion, esnatuko ditut, (zure semei buruz, Yaban!) eta gudari azkaŕen ezpata bezelako egingo zaitut. *
14. Yaube ayen gañetik azalduko da, ta aren gezia, tximista bezela, yauziko da: Yaube Yauna turutotsez egoako erauntsietan datoŕke.
15. Yaube Sabaot ayen yagolea izango da, ta beren etsayak irentsi ta abail-aŕika poŕokatuko ditute, ta ardoz bezela, ayen odolaz moskoŕtu, ta opaŕiko kopoŕ eta adaŕak bezela beteko dira.
16. Egun artan ayen Yainko Yaube’k gaizkatuko ditu, bere artaldea bezela; ta aŕi bikañak bezela beren luŕean istatuko dira.
17. Ango egoala!, ango edeŕtasuna! Garia, mutiľak azteko, ardoa, neskak pizkoŕtzeko.

Yaube’rentzat kirmen!

1. Eskatu Yaube'ri beranteuria, ta Yaube’k tximistez euria ugari ta guzieri soroetan belaŕa damazkieke.
2. Izan ere terapiñak alpeŕik mintzo ziran; aztiek gezuŕa zekusten, ta amets utsalak eta urgaizpide aizunak zabaltzen zituten. Argatik gure eŕia, artalde bat bezela, eramana ta artzairik gabe zapaldua izan zan. *
3. Artzayen auŕka ixiotu zait aseŕea, ta akeŕak zigoŕkatuko ditut;

Yaube Sabaot’ek bere artaldea dan Yuda’ko etxea ardurapean bait-du, ta aintza-zalditzat gudarako dauka.

4. Zoko-aŕia, artatik irtengo da;

kalka, artatik; guda-ustaya, artatik;

ta agintari guziak, artatik, (irtengo dira.)

5. Buŕukaldian bide-loya biphilki istikatuko dute, ta buŕukan ibiliko dira;

Yaube ayekin bait-dago; eta etsayen zaldizkoak lotsaz beteko ditute.

6. Yuda’ren etxea nik sendotuko dut,

ta Yose’rena gaizkatuko:

ayetaz eŕukituta, lengoratuko ditut, eta nere auŕetik astandu

ziranean bezelakoxeak izango dira: (Ni ayen Yaube Yainkoa bait-naiz).

7. Eparaindaŕak umantak daitezke, ta ayen biotza, ardoz bezela, poztuko da; ta ori ikustean ayen semeak pozik daudeke, ta Yaube’ren begietan ayen biotza ikotuko da.
8. Txistuka deitu ta bilduko ditut, erosi ditudanez-gero, ta kopuratuko dira len kopuratu ziran bezela.
9. Eŕitartean baŕeyatuko ditut;

eta uŕuneko eŕietan ere Nitzaz oroituko, beren semêkin biziko, ta itzuliko dira.

10. Aigito’tik ekaŕi, Asuŕ'tik bildu, ta Galaad’eko luŕera ta Liban’era eratoŕiko ditut; eta ez da auŕkituko ayentzat toki askirik.
11. Itxasadaŕa igaroko dute, ta Yaube’k itxasoko uiñak yoko ditu, ta ibayaren azpi sakonenak agoŕtuta ageriko dira. Asur’en anpuruskeria apaldua izango da, ta Aigito’ri aginte-makiľa kenduko zayo. Nik nere indaŕez sendotuko ditut,

 eta nere izenpean ibiliko dira,—dio Yaube’k—.

Zigoŕketa

1. Liban oŕek!, zure ateak iriki!

eta zure kedeŕak suak irentsi bitza.

2. Negaŕ egizu, nekosta oŕek! kedeŕa —eretza— erori bait-da, ta zugatz edeŕak ebakiak dira. Basan’go ateak negaŕ egizute! Oyan sendoa eratxita bait-dago.
3. Artzayen adiak entzuten dira, ayen aintza aitu dalako; leoikumen oŕoak ere entzuten dira, Yordan’en iľaŕainbidea zana suntsitu dalako.

Artzai biak

4. Nere Yainko Yaube onela mintzo da: «Aragitarako ardiak laŕa itzazu. *
5. Ayen eroslêk ogen-belduŕik gabe erosten zituten, ta saltzaiľêk zioten: «Onetsi bedi Yaube! Aberastu bait-naiz» Ta artzayak ez zitzazkien eŕukitzen.
6. Argatik luŕaldeko semêi iñoiz ez diet asketsiko —dio Yaube’k. Ara! Nik eratoŕiko ditut elkaŕen eskuetara, ta luŕaldea abaŕikatuko dute, ta ez dut ayen eskutik aterako».
7. Aragitarako ardiak, ardi gaxoak batez ere, laŕatu nitun, beraz; ta, artzai-makil bi aŕturik, batari «Adei» izena ezaŕi nion, ta besteari «Lokaŕi»; ta artaldea laŕatu nuen.
8. Ta iľabetean iru artzayak il nitun. Ardietaz aspeŕtu nintzan, ta ayek ere nitzaz bai.
9. Ta esan nien: «Gerokoan ez zaituzt laŕatuko; amaitu leitekena, amaitu bedi; galdu leitekena, galdu bedi; ta osterantzekoek elkaŕ irentsi bezate».
10. Ta nere makiľa «Adei» aŕtu eta puskatu nun, eŕi guziekin egiña neukan ituna austeko.
11. Ta egun artan autsita gelditu zan; ta, oŕela kirmen zitzazkidan saldoko ardi-eroslêk ezagun zuten ua zala Yaube’ren itza.
12. Ta beste artzayei esan nien: «On ba’deritzazue, nere saria idazute; bestela, utzi». Ta nere saritzat ogeita amaŕ sikel-ziľaŕ aztatu zituten. *
13. Orduan Yaube’k esan zidan: «Niretzako lain deritzayen sari edeŕ ori, buztingiñari yaurtiozu». Ta ogei ta amaŕ sikelak aŕturik, buztingiñari yaurti nizkion Yaube’ren etxean.
14. Ta berealaxe nere beste. makiľa, «Lokaŕi» ua, puskatu nun, Yuda ta Ixrael’en arteko senidetasuna austeko.
15. Yaube’k esan zidan: «Aŕtu orain artzai ergal baten lanabesak;
16. luŕaldean artzai bat yaŕi nai bait-dut. Ardi galduen ayola ez da izango; banatuen biľa ez dabilke; eriak ez ditu sendatuko, ezta aunatuak lepoan aŕtuko ere; ostera, gizenen aragia yango du, ta apatxak ere apuŕtuko dizkie.

17. Ene! Ene!! Artzai zabaŕ oŕi!

Saldoko ardiak bertan bera uzten dituken oŕi!!

Eskuiko besoan ezpatak yoko au, bai eskuiko begian ere!

Besoa osorik igaŕtuko al zaik! eta begia txito iľunduko!!

Ixrael’en gurendak

1. Yaube’ren epaya Ixrael’i buruz.

Ortzia edatu, luŕa sendo ipiñi, ta giza-baŕnean arnasa piztu dun Yaube’k diño:

2. Ona emen Ni inguruko eŕi guzien zorabio-kopoŕtzat Yerusalem ezaŕtzeko;

ta Yuda ere an dagoke Yerusalem’en ertsaldian. *

3. Egun artan Yerusalem yaŕiko dut eŕi guzientzako aŕi astuntzat; leporatuko luketenak oro apuŕtuko ditu, ta luŕbirako eŕi guziak aren auŕka bilduko dira.
4. Egun artan —dio Yaubek, zaldi guziak sorayoz eta ayen gañeko gizonak zoratasunez yoko ditut; Yuda’ren etxera begiak zabalik dituket, eta eŕi guzietako zaldiak itsutuko ditut.
5. Ta Yuda’ko agintariek beren biotzetan dasakete: «Yerusalem’daŕek beren Yainko Yaube Sabaot’ekin nere indaŕa dira».
6. Egun artan Yuda’ko agintariak, sutontzi bat eguŕpean, edo zuzi ixio bat espal-metapean bezela, yaŕiko ditut; eta aldameneko eŕi guziak eskui ta ezkeŕean irentsiko ditute;

Yerusalem, beŕiz, lengo bere tokian bizilagunez beteko da.

7. Yuda’ko kapaŕdiaren yagolea, beñola bezela, Yaube Bera izango da, Dabid’en etxea ta Yerusalem’go bizilagunak Yuda’ren auŕka aŕandiz iľaŕaindu ez daitezan.
8. Egun artan Yerusalem’goak Yaube’k zaituko ditu, eta ayetako txatxaŕenak Dabid bezelakoak izango dira, ta Dabid’en etxea ayen auŕean Yainkoaren edukoa, edo Yaube’ren aingeru baten idekoa izango da.
9. Egun artan layatuko naiz poŕokatzera Yerusalem’en auŕka letozken eŕi guziak.
10. Ta Dabid’en etxean ta Yerusalem’go semêtan adei-atsa ta otoi-atsa ixuriko ditut;

eta zulatu niñuten Onengana begiak itzuliko ditute, ta seme bakaŕaz bezela, Nitzaz negaŕ dagikete; ta seme bakaŕaz bezela, Nitzaz atsekabetuko dira.

11. Egun artakoa Yerusalem’en

negaŕ aundia izango da, Megidon landan Adaderemon’en iľetakoa bezainbatekoa.

12. Luŕaldean guziak negaŕez daudeke,

sendi bakoitza, berean; Dabi’en sendia, berean;

aren emakumeak bereizean.

Natan’en sendia berean, ta aren emakumeak bereizean; *

13. Lebi’ren sendia, berean, ta aren emakumeak bereizean;

Semei’ren sendia berean, ta aren emakumeak bereizean;

14. enparauko sendiak oro, bakoitza berean, ta emakumeak bereizean.

1. Egun artan ituŕi bat zabalik izango da,

Dabid’en etxearentzat eta Yerusalem’goentzat, ogen-erinketarako ta garbikuntzarako. *

2. Egun artan —dio Yaube Sabaot’ek, eidolen izenak luŕaldetik erauziko ditut, eta ayen aiphurik ez da entzungo; ta sasi-igaŕleak ta txeŕen satsuak luŕetik astanduko ditut.
3. Ta oraindik igaŕletzat iñor yaikitzen ba’da, soŕtu zuten aita-amaek esango diote: «Ez zera biziko!, Yaube’ren izenez gezuŕak iragaŕtzen dituzu-ta».

Soŕtu zuten aita-amaek berek ilko dute, igaŕletzat mintzo ba’da.

4. Egun artan, igaŕleak igaŕi duketenaz lotsa daitezke, ta ez dira gezuŕ esateko zurdatzez yantziko.
5. Ostera ere, esango dute:

«Igaŕle ez naiz; nekazari-lugin baño; auŕ nintzala, gizon batek erosi naulako».

6. Ta dasayokete: «Zer dira zauriok zure eskuetan?» «Maite niñutenen etxean

egin dizkidatenak», darantzuyeke. *

7. Ezpata!, esna zaitez nere artzayaren auŕka, lagun zitzaidan gizonaren auŕka, —dio Yaube Sabaot’ek.

Yo artzaya, ta aren saldoa sakabanatuko da, ta nere auŕetara itzuliko dut nere eskua. *

8. Luŕalde osotik —dio Yaube’k, erauziak eta iľak izango dira irutatik bi, ta osterantzeko erena utzia izango da.
9. Eren ori surtara saŕeraziko dut, ta ziľaŕa gardosten dan bezela, gardostu, ta uŕea aragotzen dan bezela aŕagotuko dut. Dei egingo dit, eta darantzuyoket: Nik esango dut: «Au da nere eŕia», ta ark esango du: «Yaube, nere Yainkoa». *

Yerusalem’en garaitza osoa

1. Ots!! Yaube’ren eguna ba-datoŕ!

eta zure erazkiñak zure erdian banatuak izango dira.

2. Eŕi guziak Yerusalem’en auŕka gudarako bildu ditut; eta iria aŕtu, etxeak ebatsi, ta emakumeak loituko ditute. ta iritaŕen erdia atxiľo daramakete;

beste erdia, beŕiz, ez da iritik erauzia izango.

3. Yaube yaikiko da, ordea, ta eŕi ayen auŕka, gudaria guda-egunetan bezela buŕukatuko da.
4. Aren oñak, egun artan, Yerusalem’en auŕez egutera dagon Oliamendi’n kokatuko dira; ta Oliamendi, aran aundi bat erdian utzirik, eguteruntz ta saŕtalderuntz erdibituko da; mendi-erdi bata soŕtalderuntz ta bestea saŕtalderuntz bereizten dirala.
5. Mendi bien arteko aranean baŕna iges egingo duzute; arteko aŕu ori Atsal’año edatuko bait-da.

Yuda’ko eŕege Ozi’ren egunetan luŕ-ikaratik iges egin zenuten bezela, igeska zoazteke; ta Yaube datoŕke, ta Arekin deun guziak.

6. Egun artan ez da argirik izango; otz eta izotza baizik.
7. Idekorik gabe izango da egun ua, Yaube’k bakaŕik ezaguna;

gaurik gabeko eguna, ta aŕatsean argitsua.

8. Egun artan Yerusalem’dik zenbait ur-lats irtengo dira; erdi bata soŕtaldeko itxasalderuntz, ta bestea saŕtaldekoruntz;

alaxe udan eta neguan.

9. Yaube izango da luŕ osoan eŕege;

Yaube egun artan, bakaŕa; ta bakaŕa ere Aren izena.

10. Yerusalem’go egoaldean, luŕalde osoa Gabaa’tik Eŕemon’año ordoki biuŕtuko da;

ta Yerusalem beŕeraikia

ta bizilagunez betea bere tokian izango da, Benyamin’en atetik Zoko’ko ateraño, ta Ananeel’en doŕetik eŕegeren tolaretaraño.

11. Gizatsua izango da, ta itxesik ez datoŕkioke, aitzitik ere eskieŕ atsedengo da.
12. Ara, beŕiz, Yerusalem’en auŕka buŕukatu diran eŕi guziei Yaube’k bidaliko dien ondikoa. Zutik daudela, aragia apirika darorkieke, ayen begiak beren zuloetan urtuko dira, ta mingaña aoan ustelduko zaye.
13. Egun artan Yaube’k zalaparta aundi bat ayen artean piztuko du;

batak besteari eskutik elduko dio, ta elkaŕen auŕka eskua yasoko dute.

14. Yuda’k berak, Yerusalem’i

guda egingo dio, ta inguruko eŕi guzien ondasunak bilduak izango dira;

uŕe, ziľaŕ ta soñeko edeŕak eŕuz.

15. Ta ondiko oŕen antzekoa izango da zaldi, mando, etzemando-gamelu, asto, ta landako abere guziak yoko dituna.
16. Ta Yerusalem’en auŕka etoŕitako eŕi guzien ondaŕak oro igoko dira Yaube Sabaot Eŕegeri makuŕtzeko ta Txosna-yaya ospatzeko.
17. Yaube Sabaot Eŕegeri makuŕtzeko

ez letoŕken sendiak ez du goitik euria aŕtuko.

18. Aigito’ko sendiren bat igo

ta etoŕtzen ez ba’da, ez da aren gañean euria yausiko; yausiko da, ordea, Txosna-yayetara ez letoŕken eŕietara, Yaube’k bidaliko dien ondikoa.

19. Ori izango da Aigito’rentzako

ta Txosna-yayetara ez letozken eŕi guzientzako ataŕa.

20. Egun artan zaldien txiliñetan

ikusiko da irakuŕgai au: «Deunetsi bedi Yaube!!» ta Yaube’ren etxeko pertzak opalmaiko edontziak idekotsu izango dira.

21. Pertzak oro Yerusalem’en ta Yuda’n Yaube Sabaot’i eskeñiak izango zazkio, ta opariak iekazketen guziek aŕtuko ditute aragia egosteko;

ta ez da gerokoan sal-eroslerik Yaube Sabaot’en etxean.