Olabideren Biblia

Beŕeraikiketa

1. Dari eŕegeren bigaŕen urtean, seigaŕen iľaren lenengo egunean, Salatiel’en seme ta Yuda’ko yauŕle Zorobabel’i ta Yosedek'en seme ta apaiz nagusia zan Yesu’ri Yaube’k, Agai igaŕlearen bitartez itz egin ta esan zion:
2. Yaube Sabaot onela mintzo da: Eŕi onek dio: «ez da eldu garaya; Yaube’ren etxea eraikitzeko garaya».
3. Bañan, Yaube, Agai igaŕlearen bitartez onela mintzo da:
4. Zuentzat eldu al-da, beraz, etxe apainduetan bizitzeko garaya, nere etxea iraulita dagonean?
5. Orain, ba, Yaube Sabaot onela mintzo da: Gomazute ayolaz zelako bidetan zabiltzaten.
6. Asko erein duzute, ta gutxi bildu;

yan, yaten duzute, eta ez zerate ase;

edan bai, edan, ta egaŕia ez duzute il;

yazten zerate yantzi, ez ordea berotzen; ta lan-sariarentzat zizku zulatuak dituzute.

7. Yaube Sabaot onela mintzo da:

Gomazute ayolaz zelako bidêtan zabiltzaten.

8. Zoazte mendira, ta ekaŕtzute zura, nere etxea egiteko: gogarako izango bait-zait, eta aintzagaŕi ere bai—dio Yaube Sabaot’ek.
9. Askoren zai zaudete; ta, ara: gutxi!;

ta gutxi ori etxera ezkero, Nik ats batez aizatu. Zergatik? —dio Yaube Sabaot’ek.

Nere etxea iñor gabe dagolarik, zuetako bakoitza bere etxera leyatzen dalako.

10. Argatik ortziak intza eragotzi dizue, ta luŕak ez dizkizue bere zituak eman.
11. Ta Nik landa ta mendietara agoŕtea deitu dut, gari, ardo, oliora, luŕak lemakenera, gizon ta aberetara, ta eskulan guzietara».
12. Orduan Salatiel’en seme ta apaiz nagusia zan Yesu’k, eta eŕi osoak Yaube’ren itza, eta Agai igaŕleak bere Yainko Yaube’ren aginduz zesayena onaŕtu zituten; ta eŕia ikaratu zan Yaube’ren auŕean.
13. Ta Agai’k, Yaube’ren ordekotzat eta Aren aginduz, eŕiari onela itz egin zion: «Ni naiz zuekin —dio Yaube’k».
14. Ta Yuda’ko yauŕlea ta Salatiel’en seme zan Zorobabel’i, apaiz nagusia ta Yosedek’en seme zan Yesu’ri ta osterantzeko eŕiari Yaube’k biotza eragin ziolarik, guziak etoŕi ta asi ziran beran Yainko Yaube Sabaot’en etxerako lan egiten,
15. Dari eŕegeren bigaŕen urtean, seigaŕen iľaren ogeita laugaŕen egunean.

Yauretxearen aintza

1. Zazpigaŕen iľean, ogei ta batean, Yaube’k Agai’ren bitartez itz egin zun, esanez:
2. «Itz egiezu Yuda’ko yauŕle ta Salatiel’en seme dan Zorobabel’i Yosedek’en seme ta apaiz nagusia dan Yesu’ri, ta osterantzeko eŕiari ta esayezu:
3. Bizi al-da oraindik zuenean

etxe au lengo ioraldian ikusi izan dunik?

Begira nola dagon orain!

Ez al-deritzazute ezer ez dala?

4. Kemen!, ala ere, Zorobabel, kemen!! —dio Yaube’k; Kemen! Yesu, Yosedek’en seme ta apaiz nagusia! Kemen!, luŕaldeko eŕi osoa! Ekin lanean!!

—dio Yaube Sabaot’ek; Ni bait-nago zuekin, - dio Yaube Sabaot’ek.

5. Sendo dago, Aigito’tik irten ziñatenean zuekin egin nun ituna; ta nere gogoa zuen erdian dago. Ez belduŕ izanl
6. Yaube Sabaot onela mintzo bait-da: Oraindik apuŕ bat eta yasoko ditut ortzi-luŕak eta legoŕ-itxasoak.
7. Eŕi guziak yaŕosiko ditut, eta eŕi guzien ondasunak onara datozke, ta aintzaz beteko da etxe au, —dio Yaube Sabaot’ek.
8. Niretzat ziľaŕa, Niretzat uŕea, —dio Yaube Sabaot’ek.
9. Azken-etxe onen ospea lengoarena baño aundiagoa izango da,

—dio Yaube Sabaot’ek— eta emen ipiñiko dut bakea, —dio Yaube Sabaot’ek.

10. Dari'ren bigaŕen urtean, bederatzigaŕen iľean, ogeita laugaŕen egunean, Yaube’k Agai’ren bitartez itz egin ta esan zun:
11. «Yaube Sabaot onela mintzo da: apaizei legeaz galde au egiezu:
12. Yaureskiñetako aragia bere soñekoaren mendelean norbaitek daramanean, mendel oŕek ogi, yaki egosi bat, ardo, olio edo beste edozein azkuŕi ikutzen ba’du, oŕela ikutua yaureskeñia geldituko ote-da?» Apaizek erantzun eta esan zuten: EZ.
13. Ta Agai’k esan zun: «iľotzez kutsatu dan norbaitek ikututako edozer, kutsatua gelditzen ote-da?» Apaizek erantzun ta esan zioten: «Kutsatua gelditzen da».
14. Ta Agai’k yardetsi  ta esan zun:

Alaxe da eŕi au; alaxe da nere begietan enda au -dio Yaube’k.

Alaxe da auen eskuek dagiten guzia; eskeintzen dutena kutsatua da.

15. Gomazute orain, Yaube’ren etxean aŕigañean aŕirik yaŕi baño len, gauŕdaño yazoa.
16. Eultzitik ogei lakariren ordez, amaŕ bakaŕik yaso zenitzaketen;

ta tolaretik beŕogei ta amaŕ pintxaŕen ordez, ogei bakaŕik.

17. Aize kixkalkoŕez, erdoyez ta agetaz eskulan guziak lardaskatzen nizkizuen; eta, ala ere, zuek ez ziñaten Niregana itzultzen.
18. Gomazute gerokoan gauŕdanik, bederatzigaŕen iľaren ogei ta laugaŕen egunetik, yauretxeko oñaŕiak yaŕi diranetik, yasoko duzutena; gomazute!!
19. Ez-ote dira oraindik mandioan azia, ta lorerik gabe mâsti, pikondo ta oliondoak? Gauŕdanik onespena emango bait-diet».
20. iľaren ogei ta laugaŕen egunean Yaube’k Agai’ri beŕiro itz egin ta esan zion:
21. Yuda’ko yauŕle Zorobabel’i esayozu:
22. Ortzi-luŕak yaŕosi, eŕikoen yauralkiak irauli, atzeŕiko yaureŕien al izatea ezereztu, ta guŕdiak eta ayetan doazanak uzkaiľiko ditut, eta zaldiekin zaldizkoak ere eroriko dira bata bestearen ezpataz yoak.
23. Egun artan —dio Yaube Sabaot’ek— aŕtuko zaitut Zorobabel, Salatiel’en seme ta nere moŕoi ori —dio Yaube’k; eta ezaugaŕitzat (xakitzat) zauzkaket, autu zaitudalako, —dio Yaube Sabaot’ek—.