Olabideren Biblia

1. Abakuk igaŕleari yakiñerazitako epaya.
2. Noiz arte egongo natzaizu oyuka, Yaube Ori, Zuk entzuna izateke?

Noiz arte laŕialdian ots egingo dizut, Zuk yarei egiña izateke?

3. Zertarako uzten nauzu auŕean ditudan txaŕkeri ta ez-beaŕak, zitalkeri, bidegabe, lapuŕetak eta indaŕkeriak ikusi beaŕez bizitzen, auzi ta likiskeriak pizten dizkidatenen erdian?
4. Oŕegatik, legea moteltzen da, ta epai zuzenik ez da agertzen, gaiztagiñak zintzoari maŕo bait-dagio, ta zuzentasuna itxulastuka datza.

Kaldaitaŕak, zigoŕ!

5. Begira ta ikus eŕiak; txunditu ta aŕitu zaitezte; yakiñerazi lizuekenari siñetsiko ez zenioteken egite bat burutuko bait-dut zuen egunetan.
6. Izan ere, kaldaitaŕak, eraikiko ditut, eŕi zakaŕ ta zaiľua, bereak ez diran luŕetaz yabetzeko, luŕbira arakatzen dabiľana;
7. eŕi izugaŕi ta ikaragaŕia, nagusitza ta aunditasuna berez dituna.
8. Aren zaldiak katamotzak baño ariñagoak eta gau-otsoak baño zaiľuagoak dira, ta aren zaldizkoak edonon baŕeyatzeko tiñelak. Zaldizko oriek uŕundik datozke, beren yanarira leyatzen diran aŕanoak bezela egaka.
9. Eŕi oso ori aŕapakiñetara datoŕ, auŕpegia auŕeruntz iuzatuz, ta atxiľoak, ondaŕa bezala, metatuz.
10. Eŕegentzat iseka du, agintariak arentzat paŕegaŕi dira; gaztelu guziak ari ayolarik ez; aŕtzen ta auts biuŕtzen ditu-ta.
11. Gero, ekaitza bezela bestera doa; indaŕ ori aren yainkoa da.
12. Gure Yainko Yauna gure Deuna, beŕiz,

Zu, Yaube Ori, asieratik zera; ta ez gera ilko.

Zuk, Yaube, eŕi ori

Zure epayak burutzeko eraiki duzu;

Zuk, gure Arkaitz Oŕek, zure zigoŕtzat sendotu duzu.

13. Zure begiak garbiegiak dira

ayola gabe ogenak ikusteko, ta gaiztakeria ezin yasan duzu.

Nola, beraz, yasaten duzu isiľik, gaiztagiñak bera baño obeak diranak zure begietan irestea?

14. Orobat al-dira Zuretzat gizakiak eta itxasoko aŕayak, edo nagusirik ez duten naŕaztiak?
15. Amuz atzi ta sarez biitzen ditunean, aren poza ta iyutiakľ
16. Argatik opariak eskeintzen dizkio bere sareari, ta luŕinketa bere txingari;

ayekaz (ugaritu) bait-zayo bere laiña, ta aren azkuŕia urintsuago egin da.

17. Yaŕaiko ote-da, beraz, sarea edatzeu, ta beti ariko eŕiak poŕokatzen?

Zintzoa kirmentasunez biziko

1. Nere tokian nagoke ataizean tiñel Yaube’k niri zer lesaidaken ta nik Ari zer nerantzuyoken zai.
2. Ta Yaube’k itz egin ta esan zidan: idatzi ta oletan erason ezazu ageriko zaizuna, eŕaz irakuŕgai gelditu dadin.
3. Agertzeko oraindik uŕun ba’dago ere, azkenean leyatzen da, ordea;

ez du uts egingo: luzatzen ba'du itxoin; etoŕi bai bait-datoŕke, ta ez du berandutuko.

4. Aŕoputza ez daiteke zuzen ibili, zintzoa, beŕiz, kirmentasunez biziko da.

Añenak

5. Ardoak bezela, aŕokeriak gizona galtzen du-ta: xeola bezain zabala bait-da aren aoa,

eriotza bezain ase-eziña;

eŕi guziak mendean biitzen ditu, luŕ guziak beretzat metatzen.

6. Ez al-dute gero eŕi guziok aren lepotik erasika ta iskirioz esango: «Zori gaiztokoa, berea ez dana beretzat aŕapatzen —noiz arte gero?— ta biuŕtu beaŕko duna bere gain metatzen ari dana?»
7. Ez al-dira sostean yaikiko zure aŕtzekodunak? zuk erantzitakoak ez al-dira esnatuko? aŕapakintzat zerori atzemateko?
8. Eŕi asko laŕutu dituzunez-gero, beste eŕi guziek laŕutuko zaitute, ixuri duzun giza-odolarengatik, eta luŕari, iriei ta ayetako egoiliaŕei egin dizkiezun bidegabekeriengatik!
9. Zori gaiztokoa, bere kabia goitian yaŕtzeko ta gaitzaren eskutik iges egiteko, irabazi okeŕak bere etxearentzat biltzen ari dana!
10. Eŕi asko zuzituz etxekalte izan zera, oŕtan zeroŕen auŕka ogen egin duzu.
11. Izan ere, ormatik aŕiak oyu egingo du, ta ormako ezuŕetatik zurak darantzuyoke.
12. Zori gaiztokoa odolgañean iria eraiki ta eŕiaren oñaŕitzat bidegabekeria yaŕtzen duna!
13. Yaube Sabaot’ek nai ote-du, eŕiek sutarako lanean ari ta ezer ez danarentzat nekatu daitezala?
14. Itxasoaren azpia urak estaltzen dun bezela, luŕa Yaube’ren aintza-ezagueraz beteko bait-da.
15. Zori gaiztokoa adiskidêi zaragia emanez, ayen lotsagaŕiak ikusteko orditzen dituna!!
16. Aintzaz beaŕean gerenez okiťuta daude; edan zuk ere ta zure buztan-mokoa erakutsi. Yaube’ren eskutik aseŕe-ontzia zure gañera ustuko da, ta geren-okazta zure aintzaren gañera.
17. Liban’go ausiabaŕtza ta abere-saŕaskia gañera aŕigaŕiro eroriko zazkie giza-odolarengatik, ta eŕiari, luŕaldeari ta ango egoiliaŕei egindako gaitz guziengatik.
18. Koposlariak egindako irudiña zertarako da on? Zertarako on, urtzaľeak egindako eidola? Ala ere, yainkotzako mintzul oriei

tankera eman zien langiľek beren ustea ayengan ipintzen dute.

19. Zori gaiztokoa eguŕari, «yaiki zaitez» ta aŕi mintzulari «esnatu zaitez» diotsana!! Irudiñok, zerbait irakasteko gai izango ote-dira? Uŕez ta ziľaŕez azaleztatuak izan aŕen, ayen baŕnean arsanik ez da.
20. Yaube, ordea, bere etxean dago; isil zaitez Aren auŕean, lur osoa!!

1. Abakuk igaŕlearen otoia. Azku-olerkia.
2. Yaube!, zure mintzoa entzunda belduŕtu naiz. Yaube!, zure egitekoa urterik-urte areagotu ta gure garai ontan ezagun erazi ezazu; ta aseŕe-aldian eŕukiaz oroi zaitez.
3. Teman’dik datoŕ Yainkoa, Paran-menditik Deuna...(Tartea.)

Aren gurentasunak ortzia estali du.

ta luŕa Aren aintzaz beterik dago.

4. Aren ista argiarena da;

eskutik argi-izpiak darizkio; an dago Aren al-izatea.

5. Aren auŕean izuŕia doa, ta Aren oñaztaŕnetatik sukaŕa ernetzen da.

6. Gelditzen danean, luŕa ikaraz asten da, so dagiñean, eŕiak zotukatu, mendi zâŕak uŕatu ta muño zâŕak zapaltzen dira; ta Ark bere bidetik daŕai beti.

7. Kus’taŕen kapaŕak axanpaz beteak dakusazt; Moab-luŕaldeko etxolak ikaraz daude.
8. Ibayen auŕka aseŕe al-zatoz, Yaube? Zure sumiña ibayen auŕka ari da, zure sepa itxasoaren auŕka, zure zaldi ta guŕdien gañean yareiľetzat zatozanean?
9. Zure uztaya garbi (soil) agertzen da;

aren aria geziz ase duzu.

(Tartea.)

10. Luŕa aŕu-ildoz zulatu duzu.
11. Zu ikustean mendiak ikaratzen dira, urarangelak leŕ egin ta itxasoak bere oŕoa adirazten du, bere eskuak goruntz yasorik.
12. Eguzkia ta iľargia beren tokietan gelditu dira;

zure gezi-argitan ibili beaŕ, zure aiztamakiľen argitan.

Luŕa aseŕez istikatu ta eŕiak sepaz oinkatzen dituzu.

13. Zure eŕia ta zure gantzutua yareiteko irten zera: gaiztoaren etxea goitik bêra apuŕtu duzu, ta azpiko oñaŕiak agirian utzi dituzu.

(Tartea.)

14. Aren makiľaz yo duzu aren gudalburua, ekaitz bat bezela, landeŕa ostuka iresteko bezain pozik ni uxatzeko etoŕi ziranean.
15. Zuk zure zaldien apoz itxasoa, urtegi zabal ori, istikatzen duzu.
16. Zure mintzoa entzunda, nere eŕayak izutu dira, ezpañak ikaratuta, ezuŕak txantxaŕtu zazkit, eta luŕa ere oinpean dar-dar asi zait.

Ala ere. axanpa-egunean geldirik egongo naiz, eŕira bere gizonekin saŕtuko danean.

17. Pikondoa ez da loretuko, mâtsondoak ziturik ez dakaŕke, oliondoko aranak uts egingo du. saroya ardirik gabe geldituko da, ta ukuľuetan beirik ez da izango.
18. Bañan, ni Yaube’rekin poztuko naiz.

nere Yainko Yareiľearen auŕean ikotuko naiz.

19. Nere indaŕa Yaube Yauna da;

Ark ezaŕiko dizkit oreiñenak bezela oiñak nere mendien gañetan ibil nadintzat garaikunde-eresiak abesten.