Olabideren Biblia

1. Ninibe’ri zema.

Elkox’ko Nahum’i ageritakoaz idaztia. *

Eresia

Aleph.

2. Yaube, Yainko tukutsu ta apentzaľe da, Yaube apentzaľe ta aseŕe aundikoa,

Bere etsayei buruz Yaube apentzaľe da; ta bere arerioei, berandu ere, apentzen zaye

3. Yaube astidun eta indaŕ aundikoa bait-da, ta ogenduna ataŕaldirik gabe ez du uzten.

Beth. Yaube ekaitz ta txaramelean dabil, ta odeyak Aren oñetako autsa dira.

Gimel. 4. Itxasoa zemaz legoŕtzen

ta ibai guziak Idoŕtzen ditu.

Dalet Ordun Basan ta Karmel agoŕtzen dira, ta Liban’go lorea zimeltzen da.

He. 5. Aren auŕean mendiak ikaratzen ta muñoak urtzen dira.

Vau. Aren auŕean luŕa txingoŕtzen da, ta luŕarekin artan bizi diranak oro.

Zain. 6. Aren aseŕe-aldian nor legoke?

Nork legioke gogoŕ, sumintzen ba’da?

Het. Aren aseŕea sua bezela, aŕiak biŕinduz edatzen da.

Tet. 7. Ona da, beŕiz, Yaube!

axanpa egunean sendotzaľe,

Yod.ta ustea Arengan dutenen ezagule;

8. uyoldea oldaŕez datoŕenean.

Kaph.Yazaŕtzen zaizkionak suntsituko ditu,

bere etsayak iľunberaño ere esetsiko.

Itz zematsuak

(Yuda’ri)

9. Zer ari duzute Yaube’ren auŕka?

itxesa Berak burutuko du:

Poŕokaldia ez da ekiñaldi bitan izango. *

10. Sasiko arantzak bezela naspilduta, ardoz ordituak bezela, lasto igaŕaren eduz sutan suntsituko bait-dira.

(Asur’i)

11. Zuregandik ilki da Yaube’ren auŕka asmo txaŕak darabiltzin onulari okeŕa, *

(Yuda’ri)

12. Yaube onela mintzo da:

Oŕen azkaŕ askotsu dirala ere, ebakiak izango ta igaroko dira. Atsekabetu zaitut; baña gerokoan ez zaitut atsekabetuko.

13. Orain zure gañetik uztaŕia puskatuko dut, eta zure lokaŕiak askatuko ditut.

(Ninibe’ko nagusilenari)

14. Ta ara zuri buruz Yaube’k erabaki duna: ez da zure izeneko ondorengorik izango; kopostutako irudiñak eta urtuzkoak ere zure Yainkotzakoen etxetlk erauziko ditut; eta doľoŕa zeranez-gero, iľobia gertutzen dut zuretzat.

(Yuda’ri)

1. Ara!!, beŕi onak ekaŕiz, mendietan pakea iragaŕtzen ari danaren oñak. Yagon zure yayak, Yuda; zure agintzak bete; gaizkiñarenak egin bait-du, ta zurera ez datoŕke.

Ninibe’ren poŕokaldia

2. Ninibe!, poŕokatzaľea zure auŕka datoŕ;

yagon gaztelual, bidea zaitul, giltzuŕunak sendotu, zure indaŕ guziak bildul!

3. Yakob’en aintza, Ixraei’en aintza, poŕokatzaľe oriek abaŕikatu ta txarotu zutena, Yaube’k lengoratu nai bait-du. *
4. Sutsua da Aren gudarien babeskia, ta goŕia gudagizonen soñekoa. Guda-egunean ayen guŕdiak gurni-txinpartaka abazuzan dabiltz, ta aiztamakiľak dar-dar igitzen dira.
5. Bidetan baŕna guŕdiok zalapartaka doaz, ta zeyetan oldaŕez saŕtzen dira, zuziak bezela gaŕtsu, ta tximistak bezela azkar.
6. Asur'ko gudari biphilak oaŕtuta aŕesietara igotzeko tupustaka leyatzen dira, iria maldatzeko gertuta.
7. Bañan, ibayak gañezka egiñik, yauregia luŕera datoŕ.
8. Usab atxiľo egin eta eraman dute; ta aren mirabeak usoak bezela bulaŕ yoka intziri dagite. *
9. Ninibe aspaldi dago urtegi bat egiña...

Guziak igesi doaz! Geldi! Geldi zaitezte!!

Iñork ez du atzera begiratzen.

10. Aŕapatu ziľaŕa!! Aŕapatu uŕea!!

Aren aberastasunak neuŕirik ez du edotariko on opagaŕietan.

Ustu, laŕutu ta zuzitua gelditu da!

11. Biotzak oro akitzen, belaunak oro ikaratzen. geŕuntzak oro aultzen ta auŕpegiak ubeltzen dira.

Asur’ko leoiari

12. Non da leoitegia, ta leoya, aren emea, ta umeak, izutu zitzakenik gabe biltzen zitun leoikumên alapidea?
13. Leoyak aŕapatzen zun bere umeak beaŕ zutena, bere emêntzat saŕaski zegin, bere zuloa aŕapakiñez betea, ta bere etzauntza ostutako puskaz ornitua zeukan.
14. Ona emen Ni zure auŕka,

—dio Yaube Sabaot’ek—.

Guŕdiak eŕe ta ketaraziko dizkizut, eta, zure umeak ezpatak irentsiko ditu, zure aŕapakiñak luŕaldetik erauziko ditut, eta zure geznarien mintzoa bein ere ez da entzungo.

Ninibe’rentzat yareibiderik ez!!

1. Zori gaiztokoa, iri odolzalea!

Iruzuŕez ta indaŕkeriz betea, ta aŕapakiñetan eten gabe oitua!!

2. Ango zartaľu-otsak, guŕpil-zarata, zaldi-zalaparta, ta guŕdi-yauziak!!
3. Ango zaldizko zerden, ezpata istatsu ta aiztagak dir-dir!!

Zaurtuak eŕuz, lepo egiñak metaka, iľotzak zenbakaitz!...

etsayak ayetan tupust egiteko aña!

4. Dana gero, eŕiak bere urdankeriz,

ta bazteŕak bere sorginkeriz saltzen zitun, urdanga edeŕ ta zoragaŕi arengatik. *

5. Ona emen Ni, ire auŕka —dio Yaube Sabaot’ek—; ire gonak ire auŕpegiraño yasotzeko, ire gerena aŕotzei ta âlkea yaureŕiei erakusteko.
6. Loi ta satsa gañera yaurtiko dizkiñat, eta âlkez betea galengaŕitzat ipiñiko aut.
7. Akusketen guziek iregandik asagotuko ditun, «Ninibe galdua dun» esanez.

Nor izango zain eŕuki?

Pozkiľeak non auŕkituko dizkiñat?

Thebes’koak ikus!!

8. Ibai-ertzean urez inguratua zetzan, ta itxasoa esitzat zeukan No-Amon baño obea ote-aiz? *

9. Aren indaŕ neuŕigabea Kus ta Aigito ziran, aren laguntzaľeak Put eta Libi.
10. Ala ere, atzeŕira atxiľo eramana izan dun; aren umeak bidaburu guzietan poŕokatuak, aren seme beñenak zotz egiñak, eta aren aundizki guziak oin biľuŕez lotuak izan ditun.
11. I ere ordituko aiz, ta itxiko aute, ta etsayeri buruz babes biľa abilke.

Gertupenak alpeŕik

12. Ire gaztelu guziak, iñaŕositako pikondotik, uda-pikoak bezela, yalearen aora eroriko ditun.
13. Ara!!: ire eŕia emakumeak bezela dun;

luŕaldeko ateak zabal-zabal irikiak ditun etsayarentzat, ire moŕoiľoak suak irentsiko zetin.

14. . Ingura ezan ura ertsaldiraño;

ire gazteluak sendotu itzan; loyan saŕ adi, ta istikatu ta oretu ezan, aŕiľuak egiteko.

15. Oŕ suak irentsi, ezpatak saŕaskitu, ta zedenak bezela yango aut yekel ta oťiak bezain kopurutsua ba’intzanan ere. *
16. Ortziko izaŕak baño ugariagoak izan ditun ire merkatariak;

bañan yekelak, egak zabaldurik igesi yoanak ditun.

17. Yekelak bezelakoak ditun ire zaitzaľeak, ire agintariak, oťi-tirluak bezelakoak.

Izan ere oťiak, eguna otz danean sasian koka ditun; eguzki-berotan, beste aldera egaka egiten diñe, ezin ezagun dun nora yoanak ditun.

18. Asur’ko eŕegel: zure artzayak lo, ta zure gudari azkaŕak etzanak daude; zure eŕia baŕeyatua da; ta ez da biltzen dunik.
19. Zure zauriarentzat ez da osabiderik; zure gaitza txaŕa baño txaŕagoa da. Zure beŕi duketen guziek, yazo zaizunaz txalo egingo dute; zure txaŕkeria noizpait, norenganaño ez ote-da eldu?