Olabideren Biblia

Itxasoan

1. Amati’ren seme Yona’ri Yaube’k egindako itza:
2. «Yaiki ta zoaz Ninibe’ra, iri aundira, ta ayen txaŕkeria nere auŕpegiraño igo dala an aldaŕikatu ezazu».
3. Bañan Yona, Yeube’ren begietandik Tarsi’ra iges-egiteko yaikita, Yope’ra yeitxi zan. Tarsi’ra ziyoan ontzi bat idoro zun an, ta bidesaria ordaindurik, an saŕtu zan, Yaube’rengandik igesi Tarsi’ra ontzikoekin yoateko. *
4. Ordun, Yaube’k itxasora igoŕitako aize zakaŕ batez, itxasoan ekaitz gogoŕ bat soŕtu zan; eta, ontzia uŕatu-zorian zebiľan.
5. Ontzikoek, belduŕtuta, norberaren yainkoarengana yo zuten oyuka, ta ontzia arintzeko, artako zama guzia itxasora yaurti zuten. Yona, beŕiz, ontzi-baŕnera yeitxi zan, ta an zetzan lo.
6. Ontziburuak uŕbilduta esan zion:

—Oraindik ere lo al-ago? Yaikita dei akiok ire Yainkoari, Yainkoa gutzaz oroi ote dan, ta gal ez gaitezan.

7. Ta ontzian batak besteari ziotsan:

— «Ots! Zotzak atera ditzagun, elkaitz au norengatik datoŕkigun yakiteko». Zotz eginda, zotza Yona’rentzat atera zan.

8. Ordun esan zioten:

—Esaiguzu orain, elkaitz au norengatik datoŕkigun. Zein da zure bizibidea? Nondik zatoz? Zein da zure luŕa? Nongo zaitugu?»

9. «Ebertaŕ naiz —erantzun zien— itxaso ta luŕaren Egiľe ta zeruko Yainkoa dan Yaube’ ren yauresle».
10. Ayek orduan, saŕakioz izututa, esan zioten: «Zertako egin duzu ori? Ark ayei esanda bait-zekiten Yaube’rengandik igesi ziyoala.
11. Ta esan zioten: «Itxasoa ibitzeko zer egin beaŕ dizugu? Itxasoa gero ta zakaŕago dugu-ta».
12. «Aŕtu ta itxasora yaurti nazazute —erantzun zien— ta itxasoa ibituko zaizue. Bai bait-dakit ekaitz gogoŕ au niregatik datoŕkizuela».
13. Ayek, legoŕera eltzeko egin-ala zegiten, bañan ezin; itxasoa geroago ta zakaŕago zebiľen-ta.
14. Beraz, Yaube’ri ots egin eta esan zioten: «Aŕen! Yaube!!, ez gaitzazu gizon oŕen biziarengatik galtzen utzi, ta odol ogengabea gure gain ez ezaŕi; Yaube, ortan Zeroŕek nai zenuna egin duzu».
15. Ta Yona arturik, itxasora yaurti zuten, ta itxasoaen aseŕea ibitu zan.
16. Gizon ayek Yaube’renganako saŕakioz bete ziran; opari bat Yaube’ri eskeiñi ta agintzak egin zizkioten.

Yona ta Balea

1. Yaube’k aŕai-edo alako bat eratoŕi zun Yona iresteko; ta Yona aŕain aren sabelean iru egun ta gau egon zan.*
2. Ta aŕayaren sabeletik bere Yainko Yaube’ri otoi egiñez esan zion:
3. Nere laŕialdian Yaube’ri ots eginda, entzun nau; xeolaren sabeletik oyu nik eginda, nere oyua entzun duzu.
4. Lezera yaurti nauzu, itxaso baŕnera, ta urak inguratu nau;

zure uin ta uyol guziak nire gañean igaro dira.

5. Ta esan dut: Zure begietandik iraitzia naiz; bañan, oraindik zure yauretxe deuna ikusiko dut.
6. Itobeaŕez urak inguratu ta lezeak esitu nau; itxasbelaŕak buruan itsatsi zazkit.
7. Mendi-eŕoetaraño yeitxi naiz, ta luŕak nere gañean bere moŕoiľoak betiko itxi ditu; Zuk, beŕiz, ene Yainko Yaube, iľobitik nere bizia idoki duzu.
8. Nere baitan arnasa aitzen ziyoanean, Yaube gogora ekaŕi dut, eta nere otoya yauretxe deunera eldu da Zureganaño.
9. Uskeri gezuŕtsu batzuei itsatsiak eŕuki litzayekenengandik sayesten dira.
10. Nik, beŕiz, oparia gorespen-eresiekin eskeñiko diot, eta egin diodan agintza beteto dut.

Yareikuntza Yaube’rengandik datoŕ!!»

11. Gero Yaube’k aŕayari aginduta, aŕayak Yona legoŕera okazkatu zun.

Yona Ninibe’n

1. Bigaŕenez Yaube’k Yona’ ri itz egin eta esan zion:
2. «Yaiki ta zoaz Ninibe iri aundira, ta esango dizudana an aldaŕikatu ezazu».
3. Yaube’k esan zionez, Yona yaiki ta yoan zan Ninibe’ra. Ninibe-iria oso aundia zan; iru egun bidekoa, bai. *
4. Yona asi zan irian saŕtzen, eta egun bateko bidea ibiliz, aldaŕika zion: «Beŕogei egunen buruan Ninibe poŕokatua izango da».
5. Ninibe’koek Yainkoari siñetsi zioten, eta baru-deya aldaŕikatu zuten; eta, aundienetik ťikieneraño zurdakiz yantzi ziran.
6. Ninibe’ko eŕege, gertatzen zana yakinda, yaiki zan bere aulkitik, eta bere soñeko edeŕa utzi ta oyal-latzezko bat yantzirik, autsetan eseri zan.
7. Ta eŕegeren ta aundizkien aginduz aldaŕi au atera zan Ninibe’n: «Gizon, zaldi, idi ta ardiek ez bezate ezer ere txastatu; ez beitez iñutu; ez bezate urik edan.
8. Gizaki ta abereak yantzi latzez estal beitez; ots egin bezayote indaŕez Yaube’ri; ta guziak beren bide txaŕetik atzera biuŕ beitez, beren eskuetako aŕapakiñetatik.
9. Agian Yainkoa itzuli ta garbaituko da, ta aseŕea ibituko zayo, ta ez gera galduko».
10. Yainkoa, egiten zutena ta beren bide txaŕetik biuŕtzen zirala ikusita, garbaitu zan ayen txaŕkeria ataŕatzeko iragaŕi zien ondamenaz, ta ez zien Ark oŕelakorik egin.

Yona miñez: Yaube’ren erantzuna.

1. Oŕegatik Yona biziki mindu zan, eta atsekabetu.
2. Ta Yaube’ri otoi egiñez esan zion: «Otoi, Yaube!! Ez al-da au nere luŕean nengolarik nik niona? Tarsi’ra ere, oŕetxegatik leyatu naiz; Yainko eŕukioŕ ta biotzbera, aseŕerako uzkuŕ, adeitsu, ta gaitz egitetik atzerakoŕ zerala bait-nekin.
3. Orain, Yaube, aŕen!! il nazazu; niretzat bizia baño eriotza obea da-ta».
4. Yaube’k erantzun zion: «Bidez aseŕetu zerala uste al-duzu?»
5. Ta Yona iritik irtenda iriko soŕtaldean eseri zan. Txabola bat antolatu zun, ta an gelditu zan itzalpean, iriari zer gertatuko zitzayon ikusteko.
6. Ta Yainko Yaube’k ernetako landare bat azi zan, Yona’ ren burua estali ta itzalpean aŕtzeraño, gaitzik aŕtu ez zezan. Ta landare argatik Yona biziki poztu zan.
7. Biaramuneko argi-asgoŕian Yainkoak gertutako aŕtxo batek ziztatu zun, ta landara igaŕtu egin zan.
8. Ta eguzkia yaiki zanean, Yainkoak aize kixkalkoŕ bat eratoŕi zun eguzki-aldetik, eta Yona, buruan eguzkiak yoa, aunatu zan, ta eriotza eskatuz onela esan zun: «Bizi baño iltzea obe zait».
9. Orduan Yainkoak Yona’ ri esan zion: «Bidez aseŕetzen zerala uste al-duzu, landarearengatik?»

—Bidez, bai!, aseŕetzen naiz eriotzaraño» —ziotsan Yona’k.

10. Ta Yaube’k esan zion: «Zure nekerik gabe azi ta gau batean yayo ta gau batean il dan landarearengatik mindu zera zu,
11. ta Ni ez ote-naiz Ninibe iri aundiari buruz samuŕtuko, eskuya ezkeŕetik bereizten ez duten eun ta ogei miľa baño geyago gizaki ta abere asko diralarik?