Olabideren Biblia

Dabid’en atsekabea Saul’en ta Yonata’ren eriotzarengatik

1. Saul’en ta Yonata’ren eriotza ostean, Dabid, amaleketaŕen saŕaskitik itzulita, bi egunez gelditu zan Sikeleg’en.
2. Irugaŕen egunean, ara, Saul’ekin kapaŕdian egondako mutil bat eldu zan, soñekoa zarpaildurik eta burua autsez beterik zekaŕela; ta Dabid’engana orduko, luŕean auzpeztu zitzayon. *

3. Dabid’ek esan zion: «Nondik zatoz?» Gizonak erantzun zion: «Ixrael’en kapaŕditik igesi».
4. Dabid’ek esan zion: «Esaidazu, aŕen, zer gertatu dan». Ta gizon ark: «Eŕiak buŕukatik iges egin du, ta lagunabaŕ asko erori ta il dira; Saul bera ta aren seme Yonata iľak izan dira».
5. Beŕiok zekazkion mutiľari Dabid’ek esan zion: «Nola dakizu Saul ta Yonata, aren semea, il dirala?»
6. Ta beŕiok zekazkion mutiľak erantzun zion: «Beaŕik ere Gelboe-mendira yoan nintzalarik, ara, Saul bere aiztagan ezaŕita zegon, ta gurdiek eta zaldizkoek esesten zuten.
7. Atzera begirata, ikusi niñun ta dei egin zidan. Nik esan nion: «Ona emen ni».
8. Ta esan zidan: «Nor aiz?» —«Amalaketaŕ bat»— erantzun nion;
9. ta esan zidan: «Atoŕkit gañera ta il nazak; arpak bait-natxiok, eta bizia osorik duk niregan». *
10. Arengana eldurik, beraz, il nun; poŕokaldi aren ondoren biziko ez zala bai bait-nekin. Burutik buruntza ta besotik eskutuŕekoa aŕtu nizkion, ta emen dakazkiot nere yaunari».
11. Ordun Dabid’ek bere soñekoa aŕtu ta uŕatu zun; ta orobat egin zuten arekin ziran gizon guziek.
12. Eta negarez ta deitorez barurik egon ziran aŕatseraño, Saul, aren seme Yonata, Yaube’ren eŕia ta Ixrael’en etxea ezpataz saŕaskituak ikusita.
13. Dabid’ek beŕia ekaŕi zion mutiľari esan zion: «Nongoa aiz?» mutiľak erantzun zion: «Aŕotz amaleketaŕ baten semea naiz ni».
14. Dabid’ek yardetsi zion: «Nola ez aiz belduŕ izan Yaube’ren gantzutua galtzeaŕen eskua yasotzeko?»
15. Ta bere mutiľetako bati ots egin ta esan zion: «Atoŕ ona ta il ezak». Mutiľak yo ta il zun. *
16. Ta Dabid’ek mutil amaleketaŕari esan zion: «Ire odola ire gain; eroŕen aoz aitoŕtu ta esan bait-didak: «Neuk il dut Yaube’ren gantzutua».
17. Dabid’ek, Saul ta aren seme Yonata deitoratuz, Gezi-ustaya deritzan eresi bat atera,
18. ta Yuda’ko semeei irakastea agindu zun. Ona emen eresi au Yesar’en idaztian dagonez: *

Dabid eŕegetzat Eboron’en aldaŕikatuta

1. Oŕezkero Dabid’ek Yaube’ri galde egin zion: «Igo beaŕ ote-dut, Yuda’ko iriren batera?» Yaube’k erantzun zion: «Igo, bai». Ta Dabid’ek: «Zeintara?» Yaube’k Dabid’i: «Eboron’a».
2. Arâ yoan zan, beraz, Dabid, eta arekin bere emazte biak, Ainoan ta Abigail, Nabal karmeldaŕaren alarguna.
3. Berekin ibiľitako gizonak ere norberaren etxekoekin Dabid’ek arâ eraman zitun; ta Eboron’go irietan gelditu ziran bizitzez.
4. Ta Yuda’ko gizonek, bertaraturik, Dabid gantzutu zuten Yuda’ren etxeko eŕegetzat.

Esan zioten baita: «Yabes-Galaad’ekoek Saul eortzi dute». *

5. Ta Dabld’ek Yabes-Galaad’ekoei geznariak bidali zizkien, esanez: Yaube’k onets zaitzatela, azaldu diozuten eŕukiarengatik.
6. Eŕukitsu ta kirmen azaldu bekizue orain Yaube! Nik ere ordainduko dizuet egite on ori.
7. Kemen, beŕiz, orain; azkaŕtu zaitezte, Saul, zuen yauna, ildakoan, Yuda’ren etxekoek beren eŕegetzat gantzutu naute-ta».

Saul’en etxekoak aitzika

8. Baña Ner’en Seme Abner’ ek, Saul’en gudalburuak, Isboset, Saul’en semea, aŕtu ta Maanain’a eramanik,
9. Galaad, Aser, Yezrael, Eparain, Benyamin ta Ixrael osoaren eŕegetzat yaso zun.
10. Beŕogei urtekoa zan Isboset, Saul’en semea, Ixrael’en eŕege yaŕi zutenean, ta bi urtez eŕege izan zan. Yuda’ren etxea bakaŕik Dabid’i atxiki zitzayon. *
11. Yuda’ren eŕegetzat Dabid’ek Eboron’en igarotako aldia sei urte ta sei iľabetekoa izan zan.
12. Abner, Ner’en semea, ta Saul’en seme Isboset’en moŕoyak Maanain’dik Gabaon’a irten ziran.
13. Yoab, Sarbi’ren semea ta Dabid’en moŕoyak ere aruntz yoan ziran, ta Isboset’aŕen auŕez-auŕe auŕkitu ta yaŕi Gabaon’go aintzira-ondoan, aintzira erdian zutela.
14. Abner’ek Yoab’i esan zion: «Yaiki beitez gazteak, gure begietan buŕukatzeko. Yoab’ek erantzun zion: «Yaiki beitez».
15. mutiľak yaiki ta auŕeratu ziran; amabi mutil benyamindaŕ Saul’en seme Isboset’en aldetik; eta beste amabi Dabid’en aldetik.
16. Eta nork bere aitzikoari burutik ekluta, ezpata sayetsetik saŕtu zion, ta guziok batean luŕ yoak gelditu ziran. Argatik toki ua Elkat-Atsurin deritza, ta Gabaa’n dago.
17. Egun artan buŕuka oso gogoŕa izan zan iľuntzeraño, ta ixraeldaŕak poŕokatuak izan ziran, Dabid’en moŕoyak porokatu zituen.
18. An ziran Sarbi’ren ir semeak: Yoab, Abisai ta Azael. Azael basauntza bezain anka-arin zan,
19. ta Abner esetsi zun aren ondoren eskui-ezkeŕtara sayesteke.
20. Abner’ek atzera begiratu ta esan zion: «Azael ote-zera?» Ta Azael’k ari: «Bai, ba».
21. Abner’ek esan zion: «Yo eskuitara naiz ezkeŕetara, ta oŕko gazteren bat atzemanda, eramaitzazu aren erazkiñak». Bañan Azael'ek ez zun aren ondotik sayestu nai izan.
22. Beŕiro Abner’ek esan zion: «Alde nere ondotikl Zertako luŕ yoa utziko zaitut? Nola yaso nezake burua zure anai Yoab’en auŕean?»*
23. Azael’ek ez zun atzera biuŕtu nai izan; ta Abner’ek boskaŕen sayes-ezuŕ ondoan aiztagaren erpiñez zulatu zun; ta aiztaga bizkaŕetik irten zitzayon. Azael bertan erori ta il zan. Ta Azael iľotzik erorita zegon tokira zetozanak oro gelditzen ziran. *
24. Yoab eta Abisai’k Abner esetsi zuten, ta eguzki-etzatean Ama-egira eldu ziran. Egi ori, beŕiz, Gia’ren auŕez dago, Gabaon basorako bide-ondoan.
25. Benyamindaŕek Abner' engana bildu ziran, ta saldo bat egiñik, egi-tontoŕean yaŕi ziran.
26. Andik Abner’ek Yoab’i ots egin ta esan zion: «Ezpata saŕaskitan ari izango ote-da beti? Ez al-dakizu azkena gaŕatza izango dala? Noiz arte egongo zera zure gizonei bere senideen atzetik biurtzeko esateke?»
27. Yoab’ek erantzun zion: «Ala Yaube! Mintzatu ez ba’ ziña, eŕia ez zan bere senideak esestetik atzera biuŕtuko».
28. Ordun Yoab’ek turuta yo zun, ta eŕi osoa gelditu zan, Ixrael’i geyago yazaŕtzeke; ta buŕuka amaitu zan.
29. Abner ta aren gizonak gau oso artan Araba’n ibiliz, Yordan igarota, Bitoron osoan baŕna auŕeratuz, eldu ziran Maanain’a.
30. Ta Yoab’ek, Abner’en atzetik biuŕtuta, eŕi osoa bildu zun, ta Dabid’en moŕoyetako emeretzi gizon ta Azael peitu ziran.
31. Dabid’en moŕoyek saŕaskitutako benyamindaŕak eta Abner’en gizonak, beŕiz, irureun ta irurogei izan ziran.
32. Ta Azael eramanik, Bet-Leen’en eortzi zuten, aren aitaren iľobian. Yoab eta aren gizonak gau osoan bide egiñez, egun-sentirako Eboron'a eldu ziran.

Saul’daŕen ta Dabid’etaŕen arteko guda (1 Eg. 3, 1-4; 2 S. 5, 13-16)

1. Luzea izan zan Saul’daŕen ta Dabid’etaŕen arteko guda, Dabid gero ta gorago, Saul, beŕiz, beerago ziyoalarik.
2. Dabid’ek Eboron’en semeok izan zitun: lena Amnon, Ainoan yezraeldaŕarengandik;
3. uŕena Keleab, Nabal karmeldaŕaren alargun Abigail’ engandik; irugaŕena Absalom, Maaka’ren semea. Maaka ori Gesur’taŕen eŕege Tolmai’ren alaba zan;
4. laugaŕena Adoni, Agit’en semea; boskaŕena Sapati, Abitol’en semea;
5. ta seigaŕena Yetaraan, Dabid’en emazte Egala’rengandik. Auek dira Dabid’i Eboron’en yayotako semeak.
6. Dabid’etaŕen ta Saul’ daŕen arteko gudatean, Abner’ ek, Saul’en etxean, esku aundia iritsi zun.
7. Oŕ ba, Saul´ek Eŕespa zeritzan Air’en alaba bat oaidetzat izan zun, Ta Isboset’ek Abner’i esan zion: «Zergatik saŕtu zera nere aitaren oaidearengana?» *
8. Abner’ek, Isboset’en itzongatik oso aseŕetuta, esan zion: «Yuda’ren zakuŕ nazkagaŕi ote-naiz ni, zure aita Saul’en etxearengatik eta aren anai ta adiskideengatik egin dudana egin, ta Dabid’en eskuetara gabe zerori yagon ondoren, olako gaiztakeria emakume oŕi egin diodalakoan, agiraka gauŕ etoŕ zakizkidan?
9. Yainkoa zoŕotz baño zoŕotzago azaldu bekio Abner’i. Dabid’entzat burutzen ez ba’ dut Yaube’k aren alde zin egin zuna:
10. Arean, eŕegetza Saul’en etxetik kenduko ta Dan’dik Bersabee’raño Ixrael ta Yuda’ ren gañean Dabid’en yaraulkia yaŕiko zula».
11. Isboset’ek ez zezayoken Abner’i ezer erantzun, aren belduŕ bait-zan.
12. Beraz, Abner’ek geznariak Dabid’i bidali zizkion esanez: «Norena da luŕaldea?» Ta esan bear zioten: «Itundu zaitez nirekin; ta oŕa nere eskua zure alde, Ixrael osoa zuregana eratoŕtzeko».
13. Dabid’ek erantzun zion: «Edeŕki: elkaŕtuko naiz zurekin. Bat bakaŕik eskatzen dizut, oŕatiño; ez niregana etoŕtzeko, niregana etoŕtzean, Mikol, Saul’en alaba, auŕenik ekaŕtzeke».
14. Saul’en seme Isboset’i ere geznariak bidali zizkion, esanaz: «Idazu Mikol, nere emaztea, pilistaŕen eun erdaiñez aintzat neretua». *
15. Isboset’ek aren biľa igoŕi zun, ta aren senaŕ Paltiel’i, Lais’en semeari, kendu zion.
16. Mikol’en senaŕa yoan zan arekin, Baurin’año, negaŕez ondoren zeŕayolarik. An Abner’ek esan zion: «Zoaz; itzul zaitez». Ta itzuli zan.
17. Abner’ek Ixrael’go zâŕei itz egin ta esan zien: «Aspaldion zenbiltzaten Dabid’en biľa zuen eŕege izateko.
18. Egizute, ba, orain; Yaube’k Dabid’i itz egin ta esan bat-dio: «Nere moŕoi Dabid’en eskuz nere eŕia yareingo dut pilistaŕen ta etsai guzien atzapaŕetatik».
19. Benyamindaŕei ere Abner’ek itz egin zien; ta bera yoan zan Eboron’a, ixraeldaŕ ta benyamindaŕ guzien gogoa Dabid’i yakiñerazteko.
20. Abner eldu zan Eboron’a, ta Dabid’i auŕkeztu zitzayon ogei gizonekin; ta Dabid’ek ari ta aren gizonei zauta bat egin zien.
21. Abner’ek Dabid’i esan zion: «Ni yaiki ta yoango naiz Ixrael osoa nere yauna zeran zuregana biltzeko: zurekin itun egin ondoren, biotzak esango dizunez eŕegetzat yauŕ ditzazun». Ta Dabid’ek igoŕita, Abner yoan zan narerik.

Abner ta Yoab

22. Bitartean Dabid’en gizonak Yoab’ekin ostera batetik zetozan, erazkiñak ugari zekaŕtzitela. Abner ez zan ordun Dabid’ekin Eboron’en; Dabid’ek igoŕita, narerik yoana zalako.
23. Yoab bere gizon guziekin eldu zanean, gezna au ekaŕi zioten: «Abner, Ner’en semea, eŕegerengana etoŕi da, ta eŕegek igoŕita, narerik yoan da».
24. Yoab’ek eŕegerengana yo ta esau zion: Zer egin duzu? Abner zuregana etoŕi da. Zergatik igoŕi ta yoaten utzi duzu?
25. Ba-dakizu zein dan Abner, Ner’en semea. Zu atzipetu nairik etoŕi da, nondik nora oi zabiltzan usnatzeko, ta egiten duzun guzia yakiteko».
26. Dabid’engandik irtenda, Yoab’ek zenbait geznari Abner’en biľa bidali zitun; ta geznariok, Dabid’en ostuka, Sira’ko urtegitik atzera ekaŕi zuten.
27. Abner Eboron’a itzuli zanean, Yoab’ek bereiz ate-baŕnera eraman zun, arekin astiro erausteko bezela; ta an, bere anai Azael’en odol-apenez boskaŕen sayets-ezuŕ ondoan yo zun; ta Abner il zan. *
28. Dabid’ek ori aditu zunean, esan zun: «Ni ta nere yaureŕia, Ner’en seme Abner’ en odolaz ogenik gabe betiko, Yaube’ren auŕean.
29. Yoab’en gañera ta aren etxe osoaren gañera eror bedi odol ori. Bein ere ez bedi Yoab’ en etxean peitu aziyarioz, legenaŕez edo urguntasunez eritako, edo ezpataz ildako naiz ogirik gabeko norbait».
30. Oŕela, beraz, Yoab eta Abisai anayek Abner il zuten, Azael beren anaya Gabaon’go yazaŕaldian Abner’ek il izan zulako.
31. Dabid’ek Yoab’i ta arekin ziran guziei esan zien: «Zuen soñekoak uŕaturik zoŕoz yantzi zaitezte Abner’en iľetak deitoratzeko. Ta eŕege iľaren ondoren ziyoan.
32. Abner Eboron’en eortzia izan zan; ta aren iľobiaren ondoan eŕegek bere otsa yaso ta eŕi osoarekin negaŕ egiñez,
33. Abner deitoratu zun onela:

Doľoŕen eriotzaz il beaŕa ote-zan Abner?

34. Lotuak ez ziran oŕatiño zure eskuak, ezta zure oñak biľuŕez eutsiak ere!

Luŕ yo duzu, gizatxaŕek luŕ yoak bezela!

Ta beŕiro arengatik eŕi osoa asi zan negaŕez.

35. Oŕezkero eŕi osoa Dabid’ engana uŕbildu zan, eguna oraindik zala, bazkaria ari ekaŕtzeko. Baña Dabid’ek zin egiñez esan zun: «Zoŕotz baño zoŕotzago azaldu bekit Yaube, eguzki-etzatea baño len ogi edo beste zerbait yaten ba’dut.
36. Eŕi osoak ori yakinda onaŕtu zun, eŕegek zegin guzia eŕi osoari atsegin bait-zitzayon.
37. Ta eŕi osoak eta Ixrael osoak egun artan ezagun zuten Ner’en seme Abner’en eriotzan eŕegek esku aŕturik ez zula izan.
38. Eŕegek esan zien berebat bere moŕoyei: «Ez al-dakizute nagusi aundi bat erori dala gauŕ Ixrael’en?
39. Oŕ ba, ni, gantzutua izan aŕen, samuŕa naiz; ta gizon oriek, Sarbi’ren semeak, ni baño goroŕagoak dira. Yaube’k eman dezayola ordain egokia gaizkiñari».

Isboset’en eriotza

1. Abner Eboron’en iľa izan zala, Saul’en semeak aditu zunean, esku-albia peitu zitzayon, ta Ixrael osoa izutu zan. *
2. Saul’en semeak gizon bi ba-zitun guda-sailburu; bataren izena Baan; bestearena, Eŕekab; Eŕemon Berot’ekoaren seme ziran; benyamindaŕak beraz; Berot Benyamin’en iritzat ezaguna bait-zan, *
3. ta berotetaŕak Getain’a igesi yoanda, an bizi dira gauŕdaño.
4. Yonata’k bost urteko seme oin-elbaŕi bat zun. Saul ta Yonata’ren ilbeŕia Yezrael’dik eldu zanean, iñudeak umea aŕturik, iges egin zun; ta, iges-leyaŕen, umea erori ta urgundu zan. Aren izena Mipiboset.
5. Eŕekab eta Baana, Eŕemon berotetaŕaren semeak, Isboset’en etxera yoanda, saŕtu ziran baŕura egunaldirik beroenean. Isboset biao-gelan etzana zan.
6. Ta ara, gari-apukoz etxearen erdiraño saŕturik, boskaŕen sayetsezuŕ ondoan yo zuten. Oŕezkero Eŕekab eta Baana aren anaia itzuri ziran.
7. Isboset’en etxean zaŕtu ziranean Isboset bere logelako oean lo zetzan; yo ta il zuten, beraz; ta aren burua iñausi ta aŕturik, basoruntz yoan ziran gau osoan ibiliz.
8. Isboset’en burua Dabid’i auŕkeztu zioten Eboron’en, esanez: «Ona emen buru au: Isboset'ena da, bizia kendu nai zizun zure etsai Saul’en semearena. Yaube’k Saul’i ta aren aziari buruz apena nere yaunari damayo gauŕ».
9. Baña Dabid’ek Eŕemon berotetaŕaren seme Eŕekab’i ta aren anai Baana’ri yardetsi ta esan zien: «Ala Yainkoa, nere bizia laŕialdi guzietatik yarein duna!
10. Beŕi on bat zekaŕkidalakoan, «Saul il da» esanez eldu zitzaidana sari-zai zegokidanean, atzi ta il nun Sikeleg’en.
11. Orain, ba, gizon zuzen ua bere etxean, ta bere oean il duzuten gizatxaŕok ez ote-zaituzt aren odolarengatik ataŕatu ta luŕgañetik erauzi bear?»
12. Beraz, Dabid’en aginduz, aren mutiľek il zituten; ta oin-eskuak ebaki ondoren, Eboron’ go urtegiaren gañean esegita ezaŕi zituten; ta Isboset’en burua aŕturik, Eboron’en, Abner’en iľobian eortzi zuten.

1. Ixrael’en leñu guziak Dabid’engana bildu ziran Eboron’en. Ta esan zioten: «Ona, zure ezuŕ ta aragikoak gera gu.
2. Aspaldi ezkero, gure gañean eŕegetzat Saul zanean bertan, Ixrael’en auŕe-etzerakoak zuk erabiltzen zenitun. Yaube’k ere esan zizun: «Zuk laŕatuko duzu Ixrael eŕia, ta zu izango zera Ixrael’en nagusia».
3. Beraz, Ixrael’go zâŕ guziak Dabid’engana bildu ziran Eboron’en, Yaube’ren auŕean, ta Ixrael’en eŕegetzat Dabid gantzutu zuten. *
4. Dabid ogei ta amaŕ urtekoa zan, eŕege egin zutenean; ta beŕogei ta amaŕ urtez eŕege izan zan.
5. Eboron’en zazpi urtez ta sei iľabetez, Yuda’ren eŕegetzat; Yerusalem’en, beŕiz, ogei ta amaiŕu urtez Yuda’ren ta Ixrael osoaren eŕegetzat.
6. Eŕege Yerusalem’era be.re gizonekin yoan zan, bazteŕalde artako yabe ziran yebustaŕen auŕka. Bañan iritaŕek esan zioten Dabid’i: «Ez zera saŕtuko emen; itsu ta urgunek asagotuko zaitute-ta, «Dabid ez da bein ere saŕtuko» adirazteko.
7. Ala ere Dabid’ek Sion’go gaztelua, Dabid’en iria orain dana, aŕtu zun.
8. Dabid’ek egun artan esan izan bait-zun: «Anbiľonatik igota yebustaŕak eta Dabid’en etsai gogaikaŕiak diran itsu ta urgunok yo litukena...» Andik datoŕ esaera au: «Itsu ta urgunak ez dira etxean saŕtuko».*
9. Dabid’ek gaztelua bere egoitzarako aukeratu zun, Dabid’en iria izena ezaŕtzen ziolarik, eta etxeak eraiki zitun baranoan Melo’tik baŕuraño.
10. Dabid geroago ta aundiago egiten ari zan, ta Yaube Sabaot arekin zegon.
11. Tir’ko eŕege Iran’ek geznariak bidali zizkion keder-enboŕekin, baita zurgin, buruigin ta argiñak ere: ta yauregia Dabid’i eraiki zioten.
12. Ta Dabid’ek ezagun zun Ixrael’en eŕegetzat Yaube’k sendotzen zula, ta bere eŕi Ixrael’engatik yaureŕia goratzen ziola.
13. Eboron’dik etoŕita gero Dabid’ek oaide ta emazte beŕiak Yerusalem’en aŕtu zitun, ta seme-alabak yayo zitzazkion. *
14. Oŕa Yerusalem’en yayo zitzazkionen izenak; Samua, Sobab, Natan, Salomon,
15. Yebaar. Elisu, Nepeg, Yapi,
16. Elisama, Elioda ta Elipalet.

Pilistaŕen poŕokaldiak

17. Pilistaŕ guziak, Ixrael’en eŕegetzat Dabid gantzutua izan zala adituta, igo ziran aren biľa. Ta Dabid ori adituta yetxi zan gaztelura.
18. Ta pilistaŕak etoŕi ta baŕeyatu ziran Eŕepain-aranean.
19. Ordun Dabid’ek Yaube’ rengana yo zun galdeka: «Pilistaŕen auŕka igo beaŕ al-dut? Eskuetara emango al-dizkidazu?» Yaube’k Dabid’i esan zion: «Igo, bai, pilistaŕak eskuetara emango dizkizut».
20. Beraz, Dabid’ek, Baal-Parasin’a etoŕirik, an poŕokatu zitun. Ta esan zun: «Uyolak bezela, Yaube’k nere auŕean, nere etsayak sakabanatu ditu». Andik datoŕiko toki ari Baal-Parasin izena.
21. An utzi zituten beren eidolak,eta Dabid’ek eta aren gizonek eraman eta eŕe zituten.
22. Beŕiro pilistaŕak igo ta Eŕepain-aranean baŕeyatu ziran.
23. Dabid’ek Yaube’rengana yo zun galdeka. Ta Yaube’k erantzun zion: «Ez igo; inguru egiezu atzetik, eta elduko zera ayetara bakadiaren auŕez. *
24. Ta baka-adaŕetan uŕats-otsa entzunda bereala, eraso egiezu; ordun soŕtuko bait-da Yaube zure auŕean pilistaŕen kapaŕdia poŕokatzera.
25. Dabid’ek dana egin zun Yaube’k agindu bezela, ta pilistaŕak yo zitun Gabaa’tik Gezer’año.

Kutxa Yerusalem’era

1. Dabid’ek bildu zitun beŕiro Ixrael’go gizon beñenak oro; ogei ta amaŕ miľa.
2. Ta berekin zuan eŕi osoarekin yaiki ta yoan zan Baale-Yuda’ra, keruben gañean bizi dan Yaube Sabaot’en izenez gurendutako kutxa andik ekaŕtzera.
3. Yainkoaren kutxa, gurdi beŕi batean ezaŕita, eraman zuten, muño batean Aminadab’ek zeukan etxetik. Gurdi beŕiaren zayak Oza ta Ahio, Aminanadab’en semeak ziran.
4. Ta muñogañean Aminadab’ek zeukan etxetik Yainkoaren kutxa atera zutenean, Ahio ziyoan kutxa-auŕean.
5. Dabid eta Ixrael’en etxeko guziak Yaube’ren auŕean ziyoazan edotariko erestaľuak, kitara, nebel, zaldabe, txintxin ta txiliñak yoaz.
6. Nakon’en laŕañera eldu ziranean, Oza’k eskua auŕeratu ta Yainkoaren kutxari ezaŕi zion, idiek iŕist egiñez kordokatu zutelako. *
7. Yaube’ren aseŕea sumindu zan ordun Oza’ren auŕka, ta Yainkoak bertan yo zun utsegiñarengatik; eta Oza antxe il zan Yainkoaren kutxa-ondoan.
8. Dabid samindu zan Yaube’k Oza’ri egiñarengatik; ta toki ua gauŕdaño Perets-Oza deritza. *
9. Egun artan Dabid’ek, Yaube’ren belduŕak aŕtuta, esan zun: «Nola saŕtu leiteke nerean Yaube’ren kutxa?
10. Ta ez zun bere etxera Yaube’ren kutxa saŕtzerik nai izan; ta Obededon getetaŕaren etxera erakaŕi zun. *
11. Iru iľabetez egon zan Obededon getetaŕarenean Yaube’ren kutxa, ta Yaube’k Obededon ta aren etxe osoa onetsi zitun.

Kutxa Obededon’enetik Dabid’en irira aldatua

12. Beŕia Dabid’i yakiñerazi zioten esanez: «Yainkoaren kutxarengatik Yaube’k onetsi ditu Obededon’en etxea ta arenak oro.
13. Ordun Dabid’ek Yainkoaren kutxa Obededon’enetik Dabid’en irira yaitsuki eroatea erabaki zun.
14. Kutxaren eroaleek sei uŕats egindakoan, zezen bat eta ari bat iltzen zituten. Dabid’ek, liñozko epodaz yantzita, dantzan zegin Yaube’ren auŕean.
15. Oŕela Dabid’ek eta Ixrael’ en etxe osoak Yaube’ren kutxa zantzoz ta adaŕotsez zeroaten.
16. Yaube’ren kutxa Dabid’ en irian saŕtu zanean, Saul’en alaba Mikol’ek, leyotik begirata Dabid eŕege dantzan ikusi zun Yaube’ren auŕean iyutika, eta biotzetik ezetsi zun.
17. Yaube’ren kutxa saŕtu ta bere tokian, Dabid’ek arentzat eraikitako etxolaren erdian, yaŕia izan zanean, eŕopak eta pake-opariak Yaube’ren auŕean Dabid’ek eskeñi zituan.
18. Ta eŕopaketa pake-opariak amaitutakoan, Dabid’ek eŕia onetsi zun Yaube Sabaot’en izenez.
19. Ta eŕi osoari, Ixrael’go gizatalde guziari, gizon ta emakumeei opil bana, aragi puska =espar=bana, ta mâts-opil bana eman zien. Ta guziak yoan ziran nor bere etxera.
20. Dabid, bere etxea onesteko, biuŕtu zanean, Saul’en alaba Mikol’ek bidera irtenda esan zion: «Ori, bai, ori Ixrael’ go eŕegeren aintza! bere neskameen begietan erantzirik eta bere yazkirik gabe, oŕko giza-zirtzil bat bezela, agertzen!» *
21. Ta Dabid’ek Mikol’i yardetsi zion: «Ixrael eŕiaren otsemaiľe nadin, Yaube’k zure aita eta aren etxe osoa baño obetsi naulako, Yaube’ren auŕean, dantzan egingo dut nik.
22. Eta orain baño apalago ta zirtziľago ere azalduko naiz neronen begietan; aipatzen dituzun neskameen begietan oŕela goragaŕiago izanik».
23. Ta Saul’en alaba Mikol’ek ez zun il arte auŕik izan. *

Natan’en aoz Yaube’k Dabid’i esana

1. Inguruko etsayekiko atsedena Yaube’k eman ziolarik, eŕegetzat bere etxean bizi zanean,
2. Natan igaŕleari Dabid’ek esan zion: «Begira; ni eretzezko etxean bizi naiz, ta Yainkoaren kutxa laŕutartean dago».
3. Natan’ek eŕegeri erantzun zion: «Ots! egizu, biotzean darabiltzun guzia, Yaube zurekin dago-ta». *
4. Gau artan Yaube’k Natan’i itz egin ta esan zion:
5. «Zoaz ta esayozu nere moŕoi Dabid’i: «Ara zer dion Yaube’k: Zuk eraikiko al didazu egoteko etxea?
6. Ixrael’en semeak Aigito’ tik ekaŕi nitunetik gauŕdaño, egoteko etxerik gabe kapaŕean ta etxolan ibiľi naiz-ta.
7. Ixrael’go seme guziekin ainbeste tokitan ibiľi aŕen, nere eŕi Ixrael laŕatzeko Ixrael’go leñuren bati aŕtean esan ote-diot: «Zergatik ez daraikidazute eretzezko etxe bat?
8. Orain, ba, esayozu nere moŕoi Dabid’i: «Ara zer dion Yaube Sabaot’ek: «Nere eŕi Ixrael’en nagusia zaitezan, aŕtu zindudan saroitik, ardizaitzan zenbiľenean;
9. edonora zinyoazan, an egon naiz zurekin; etsai guziak zure auŕetik suntsitu ditut; eta zure izena egin dut luŕean diran aundienena bezain aundi.
10. Tokia ere gertu diot nere eŕiari, ta an landatu dut, eta bertan bizi da, ta ez da beŕiz andik erauziko, ta ez dute beŕiz gaiztagiñek gaizki erabiľiko, len zerabiltenez,
11. ebazleak Ixrael’en gañean yaŕi nitun egunetik. Ostera ere, atsedena damayoket zure etsai guziei buruz. Ta Yaube’k iragaŕtzen dizu etxe bat egingo dizula. *
12. Zure egunak bete ondoren, zure arbasoekin etzan zaitezkenean, zure ordez yaŕiko dut zure eŕayetatik soŕtutako ondorengoa, ta aren eŕegetza sendotuko dut.
13. Zure semeak eraikiko dio etxea nere izenari, ta Nik sendotuko dut aren yauralkia betiko. *
14. Ni aita izango natzayo, ta ua seme izango zait. Ta okeŕtzen ba’da, giza-zigoŕez ta gizakume-gaitzez ataŕatuko dut.
15. Ez da, ala ere, nere eŕukia arengandik aldenduko, zure auŕetik kendu dizudan Saul’engandik aldendu dan bezela.

16. Ta sendorik dagoke zure etxea ta zure yaureria bein betiko zure auŕean».
17. Natan’ek itz guziok eta berari erakutsitako dana Dabid’i azaldu zion.

Dabid’en otoya

18. Dabid eŕegek, Yaube’rengana saŕtu ta yaŕita, esan zion: «Yainko Yaube! Nor naiz ni ta zer nere etxea; onaño ekaŕi bait-nauzu?
19. Ori ere zure begietan gutxi izan da, Yainko Yaube; ta etoŕkizun uŕunerako ere zure moŕoi onen etxeaz itz egin duzu gizabidez, Yainko Yaube!
20. Onezkero zer lesaizuke Dabid’ek? Zuk, Yainko Yaube Oŕek, badazaguzu zure moŕoya.
21. Zure itzaren ta biotzaren arauz oŕenbesteko adeya zure moŕoyari egin ta erakutsi diozu.
22. Aundia agertzen zera, Yainko Yaube! ez bait-da Zu bezelakorik; ez bait-da beste Yainkorik, gure belaŕiz entzun dugun guziaren arauz.
23. Zein da, ezperen, luŕean zure eŕia bezela, Ixrael bezela? Arengana bakaŕik etoŕi bait-da Yainkoa, bere eŕitzat yareiteko, aren bitartez bere izena goratzeko, aren alde alatz aŕigaŕiak egiñez Aigito’ko yoputzatik ateratzeko, ta atzeŕiak eta ayetako yainkoak aren auŕetik iraizteko.
24. Ixrael, zure eŕia, bereizi duzu, zure eŕia menderen mendeetan izan dadin; ta Zu, Yaube, yaŕi berebiziko aren Yainko.
25. Orain, ba, Yainko Yaube. zure moŕoyaz ta aren etxeaz eman duzun itza bete ezazu beti, ta egizu esan duzuna.
26. Oŕela zure izena betiko aundietsi dadike, «Yaube Sabaot da Ixrael’en Yainkoa» esaka. Ta zure moŕoi Dabid’en etxea zure auŕean gotoŕ dagoke.
27. Zuk, Yaube Sabaot, Ixrael’e.n Yainko Oŕek zure moŕoi onen belaŕira itzok eratoŕi bait-dituzu: «Etxe bat eraikiko dizut». Argatik zure moŕoiak biotza izan du, otoi au Zuri egiteko.
28. Orain, ba, Yainko Yaube. zu zera Yainkoa, ta zure itzak egia dira. Beraz, itz atsegingaŕi au zure moŕoyari esan diozun ezkero,
29. asi zaitez Zure moŕoyaren etxea onesten, Zure auŕean beti dirauntzat. Zu mintzo izan bait-zera, ta Zure oneskuntzaz zure moŕoi onen etxea betiko onetsia izango da.

Dabid’en garaikuntzak

1. Guzion ondoren Dabid’ek pilistaŕak yo ta menderatu zitun, iri nagusiaren yabegoa pilistaŕen eskutik beretuz.
2. Moab’etaŕak ere yo ta luŕean etzanerazirik, sokaz neuŕtu zitun; bi sokaz iltzekoak neuŕtuz, soka batez bizirik gelditzekoak. Eta moabetaŕak Dabid’ en zergapeko yopu egiñak gelditu ziran.
3. Eŕob’en seme, Soba’ko eŕege, Adadezer ere, Perat ibayeraño bere mendea edatzera ziyoanean, Dabid’ek yo zun;
4. miľa ta zazpireun zaldizko ta ogei miľa oñezko artu zizkien; eta gurdi-zaldi guziei, belaunazpia ebaki zien, eun gurdi bakaŕik utzirik.
5. Damasko’ko Aram’etaŕak, Soba’ko eŕege Adadezer’en laguntzarako etoŕiak ziran; ta Dabid’ek ogei ta bi miľa gizon saŕaskitu zizkien.
6. Ta yauŕlariak Aram’eko Damasko’n yaŕirik, arametaŕak zergapeko yopu izan zitun. Ta edonora Dabid ziyoan, Yaube’k yagoten zun.
7. Dabid’ek Adadezer’en agintariak zekazten uŕezko babeskiak aŕtu ta Yerusalem’era eraman zitun.
8. Adadezer’i zegozkion Bete ta Berot irietatik, Dabid eŕegek tupikia ere eŕuz yaso zun,
9. Amat’eko eŕege Tou’k, Adadezer’en indaŕ guzia Dabid’ek autsi zula aditu zunean,
10. Yoran, bere semea, Dabid eŕegerengana bidali zun pake-eske, ta Adadezer gudan poŕokatu zulako zorion-aguŕa egitera; Tou ta Adedezer elkaŕen etsayak bait-ziran. Ta Yoran’ek, uŕezko, ziľarezko ta borontzezko emariak eskuan zekazkion.
11. Dabid’ek Yaube’ri eskeñi zizkion, ta ayekin batera, berak azpiratutako atzeŕi guzietatik yasotako uŕe ta ziľara;
12. Aram’etik, Moab’etik, Amon’daŕengandik, Pilistaŕengandik, Amalek’etik, eta Soba’ ko eŕege Eŕob’en seme Adadezer’en erazkiñetatik.
13. Entzute aundia irabazi zun berebat Dabid’ek, edometaŕak Gatz-aranean poŕokatzetik itzuli zanean, emezortzi miľa gizon il zizkielarik.
14. Ta yauŕlariak yaŕi zitun Edom’en, Edom guzian gero; ta edometaŕak yoputu zitzazkion. Yaube’k yagon zun Dabid bere ibiľera guzietan.
15. Ixrael osoaren gañean, eŕege izan zan Dabid, eŕi osoa zuzen ta bidez erabiľiz.
16. Aren gudalburu nagusia Yoab, Sarbi’ren semea, zan; ta agirien arduraduna Yosapat, Ailud’en semea.
17. Sadok, Aitob’en semea, ta Aimelek, Abiatar’en semea, ziran apaizak; Sarai, beŕiz, idazlaria.
18. Banai, Yoyada’ren semea, Keret’etaŕen ta Pelet’ etaŕen burua zan; ta Dabid’en semeak, eŕegeren uŕengo.

Dabid eta Mipiboset

1. Dabid’ek esan zun: «Ez al-da oraindik Saul’en etxekorik iñor, Yonata’rengatik on egin dezayodan?»
2. Saul’en moŕoi bat, Siba zeritzana, an zan. Dabid’engana deitu zuten, ta eŕegek esan zion: «Siba al-zera zu?» Ta ark erantzun zion: «Siba, bai, zure moŕoia».
3. Eŕegek esan zion: «Ez al-da Saul’en etxekorik norbait Yainkoaren eŕukiz sorotzi dezadan?» Siba’k eŕegeri erantzun zion: «Bai, Yonata’ren seme urguna».
4. Eŕegek esan zion: «Non da?» Ta Siba’k erantzun zion: «Lodabar’en da, Amiel’en seme Makir’enean».
5. Dabid’ek bidalien bitartez erakaŕi zun Lodabaŕ’tik, Amiel’ en seme Makir’enetik.
6. Mipiboset, Saul’en seme Yonata’ren semea, Dabid’enganatuta, makuŕtu ta auzpeztu zitzayon. Ta Dabid’ek esan zion: «Mipiboset! «Ark erantzun zion: «Ona emen zure moŕoya».
7. Dabid’ek esan zion: «Ez belduŕtu; izan ere, eŕuki izan natzaizu, zure aita Yonata’rengatik. Zure aiton Saul’en landa guziak biuŕtuko dizkizut; ta nere mayean yango duzu beti.
8. Mipiboset’ek guŕ egin ta esan zion: «Nor da zure moŕoi au, zakuŕ il bat baizik, aren ardura dezazun?» *
9. Eŕegek Siba, Saul’en moŕoyari, deitu ta esan zion: «Saul’ ena ta aren etxe osoarena zan guzia zure nagusiaren semeari damayot.
10. Zuk eta zure seme ta moŕoyek landuko diozute luŕa, ta yanari egokiak dakazkiokezute zure nagusiaren semeari; ta zure nagusiaren seme Mipiboset’ek bere azkuŕia nere mayean yango du egun oro». Siba’k amabost seme ta ogei moŕoi zitun.
11. Ta eŕegeri erantzun zion: «Zure moŕoi onek egingo du bere eŕege yaunak agintzen dion guzia». Ta Mipiboset’ek eŕegeren mayean yaten zun, aren semeetako batek bezela.
12. Mipiboset’ek semetxo bat zun, Mika izenez; ta Siba’ren etxeko guziak Mipiboset’en moŕoyak ziran.
13. Mipiboset Yerusalem’en bizi zan, eŕegeren mayean egun oro yaten; ta aren urguneria oin bietakoa zan.

Amondaŕen ta aramataŕen auŕkako guda

1. Guzion ondoren amondaŕen eŕege il zalarik, Anon, aren semea, eŕege izan zan aren orde.
2. Ta Dabid’ek esan zun: «Adeibera azalduko natzayo Naas’en seme Anon’i; aren aita ere adeibera azaldu bait-zitzaidan». Beraz, Dabid’ek bere moŕoyak bidali zizkion, aren aitaz urgaitzi zezaten. Dabid’en moŕoyak amondaŕen luŕaldera yoan ziran.
3. Ta amondaŕen nagusiek beren yaun Anon’i esan zioten: «Uste al-duzu Dabid’ek zure aitari lotsa agertzeaŕen, bidali dizkizula urgaizleok? Ez ote-ditu Dabid’ek, iria iraultzeko asmoz ikeŕi ta oñez arakatzera bidali bere moŕoyok?»
4. Anon’ek Dabid’en moŕoyak atzemanda, bizaŕ erdia ta ipuŕdiraño soñekoa erditik ayei ebakita igoŕi zitun atzera. *
5. Dabid’ek ori adituta, ayen biľa bidali zitun gizon batzu; lotsa bait-ziran oso; ta eŕegeren aginduz esan zieten: «Zaudete Yeriko’n bizaŕa azten zaizueño, ta itzul gero».
6. Amondaŕek, beŕiz, Dabid’i nazkagaŕi zitzazkiola ikusirik, bidalien lanez Bet-Eroob’eko ta Soba’ko arametaŕei ogei miľa oñezko saritan aŕtu zizkieten, ta berebat Maaka’ko eŕegeri miľa gizon, ta Tob’ekoari amabi miľa.
7. Dabid’ek, ori adituta ayen auŕka Yoab eta gudari azkaŕen oste guzia igoŕi zitun.
8. Amondaŕak irten ta buŕukarako atauŕean, Aram’i auŕez leŕotu ziran. Soba’ko arametaŕak eta Eŕoob’ekoak, Tob’eko ta Maaka’ko gizonak, beŕiz, landan bereiz.
9. Yoab’ek auŕetik eta atzetik buŕuka auŕkezten zitzayola ikusirik, ixraeldaŕ beñenak autu ta arametaŕen auŕka leŕokatu zitun.
10. Ta osterantzeko eŕia bere anai Abisai’ri utzirik, amondaŕei yazaŕtzeko gertu zan.
11. Ta Abisai’ri esan zion: «Aram ni baño azkaŕagoa azaltzen ba’da, lagun etoŕ zakizkit; eta amondaŕak zu baño azkaŕagoak ba’dira, ni natoŕkizuke lagun.
12. Kemen, beraz, ta yo gogoŕ gure eŕiaren ta gure Yainkoaren irien alde; ta egin beza Yaube’k obeena leritzakena».
13. Yoab bere gizonekin auŕeratu zan Aram’en auŕkako buŕukara, ta arametaŕek iges egin zuten aren auŕetik.
14. Amondaŕek ere, arametaŕen igesa ikustean, iges egin zuten Abisai’ren auŕetik, eta irian saŕtu ziran. Ordun, Yoab, amondaŕengandik itzuli ta Yerusalem’era etoŕi zan.
15. Arametaŕak Ixrael’en auŕean autsiak zirala oaŕtuta, bildu ziran,
16. ta Adadezer’ek beregana deitutako Yordan’ez aindiko arametaŕak Elam’era etoŕi ziran Sobak, Adadezer’en gudaiburu nagusia aintzindari zutela.
17. Dabid’ek ori entzunda Ixrael osoa bildu zun, ta Yordan igarota, Elam’era yoan zan. Arametaŕek aren auŕka leŕotuta yaŕi ziran.
18. Bañan Ixrael’en auŕetik iges egin zuten, ta Dabid’ek zazpireun gurdi ta beŕogei miľa oñezko abaŕikatu zizkien; eta Sobak, ayen gudalburua, yo ta bertan iľik utzi zun.
19. Adadezer’en menpeko eŕege guziek, Ixrael garaitu zitzaiela ikusirik, onezkoak arekin egin zituten, ta menderatu zitzazkion. Ta erabetu ziran, amondaŕen alde beŕiz etoŕtzeko.

Dabid’en bidegabekeri bikoitza

1. Urte beŕiaren asieran, eŕegeak gudara abitzen diran aroan, Dabid’ek Yoab bidali zun bere moŕoyekin ta Ixrael osoarekin; ta amondaŕak poŕokatu zituten, ta Eŕaba´ri alaz egin zioten. Dabid, ordea, Yerusalem’en gelditu zan.
2. Ta aŕatsalde batean oetik yaiki ta etxeko sapai-gañean zebiľelarik, andik emakume bat soin-ikuzte egiten ikusi zun. Edeŕa baño edeŕagoa zan gero emakumea. *
3. Dabid’ek emakume ua zein zan ikeŕtzeko agindu zun. Ta norbaitek esan zion; «Ez al-da ori Bet-Sabee, Eliam’en alaba ta Uria etetaŕaren emaztea?»
4. Dabid’ek geznariak bidalirik berera erakaŕi zun, ta emakumea eŕegerengana saŕtu ta arekin etzan zan. Gero, bere loikeritik garbituta, bere etxera itzuli zan.

5. Ta azia bere baitan gatzatu zitzayola somaturik, gaztigua Dabid’i itz onetzaz bidali zion: «Izoŕa naiz».
6. Ordun Dabid’ek gezna au Yoab’i bidali zion: «Bidal niregana Uria etetaŕa». Yoab’ek Uria Dabid’i bidali zion.
7. Uria etoŕi zanean, Dabid’ ek Yoab’en, eŕiaren ta gudaren beŕiak eskatu zizkion.
8. Ta gero esan zion: «Zoaz zurera, oñak ikuztera». Uria’ ri, Dabid’en etxetik soŕtu zanean, eŕegeren emari batek ondoren zeŕayon. *
9. Bañan, Uria, bere nagusiaren beste moŕoyekin, eŕegeren atondoan etzan zan, berera yeixteke. *
10. Dabid’i esan zioten: «Uria ez da berera yetxi». Ta Dabid’ ek Uria’ri esan zion: «Bide egitetik ez al-zatoz? Zergatik, ba, ez zera zurera yetxi?»
11. Uria’k Dabid’i erantzun zion: «Kutxa, Ixrael, ta Yuda, kapaŕetan daudenean, ta Yoab nere nagusia ta nere nagusiaren moŕoyak landako luŕean dauntzanean, ni nerean saŕtuko al-naiz yatera, edatera ta emaztearekin etzatera? Ez dut oŕelakorik egingo.
12. Dabid’ek Uria’ri esan zion: «Zaude emen gauŕ ere, ta biar utziko zaitut yoaten». Uria gelditu zan Yerusalem’en egun artan.
13. Uŕengoan Dabid’en bazkal-deya aŕtuta, arekin yan ta edan zun mozkoŕtzerano. Ta aŕatsean soŕtu zan bere nagusiaren moŕoitartean bere oean lo egitera, bere etxera yeixteke.
14. Biaramun goizean Dabid’ ek idazki bat Yoab’entzat egin ta Uria’ren ezkuz bidali zion.
15. Ta idazkian ziotsan: «Yaŕazu Uria buŕuka miñeneko tokian, ta bertan utz ezazu, zaurtu ta il dezaten». *
16. Yoab’ek, beraz, iria erasotzekoan etsai gogoŕenak non ziran ikusi, ta antxe ipiñi zun Uria.
17. Iritaŕak irten ta Yoab’ ekin buŕukatu ziran; ta lagunabaŕekin eroritartean Uria etetaŕa il zan.
18. Yoab’ek geznari bat Dabid’i bidali zion erasoaldiaren goraberak yakiñerazteko.
19. Ta geznariari esan zion: «Erasoaldiaren gorabera guziak eŕegeri azaldu ondoren; aŕk aseŕetuta ba’dasaizu.
20. «Zergatik uŕbildu zerate irira buŕukan? Ez al-zenekiten aŕesitik iraitzi oi dutena?
21. Ez ote-zan Abimelek, Yerobaal’en semea, emakume batek aŕesitik iraitzitako eyotaŕi puska batez Tebes’en il?» Ordun esayozu; «Uria etetaŕa ere iľa izan da».
22. Geznaria yoan zan, ta Dabid’erengana ezkero, Yoab’ en gezna zearo azaldu
23. ta esan zion: «Gu baño azkaŕagoak izan dira, ta landara irten dira gure auŕka. Ordun gañera yauzi gatzazkie ateetaraño.
24. Baña gezilariek, zure moŕoyak aŕesitik gezikatu ditute ta eŕegeren moŕoi batzu il dira; ayen artean zure moŕoi Uria etetaŕa ere il da».
25. Dabid’ek geznariari esan zion: «Esayozu Yoab’i: «Ez etsi ezbear ontan; ezpatak bein ara, ta beste bein onara dute sorbatza. Areagotu zure erasoa iriaren auŕka, ta suntsazu. Zuk, beŕiz. adorea piztu egiozu.
26. Uriaren emazteak senaŕa il zitzayola entzunda, negaŕ egin zun arengatik. *
27. Eta negaŕ-egunak amaitu ziranean, Dabid’ek berera erakaŕi ta emaztetzat aŕtu ta arengandik seme bat izan zun. Dabid’en yarduera au, nazkagaŕi izan zan Yaube’ren begietan.

Natan eta Dabid

1. Yaube’k Dabid’i Natan I u igaŕlea bidali zion. Ta Natan’ek, arengana ezkero, esan zion: «Iri bat berean ba-ziran bi gizon: bata aberats, bestea txiro.
2. Aberatsak ardi ta abelgoŕiak eŕuz zitun.
3. Txiroak, beŕiz, ez zun arkazte bat baizik. Berak erosia zan, ta aren umeekin ta etxean azi ta anditzen ziyoan, aren ogitik yanez, aren edontzian edanez, ta aren magalean lo egiñez, ta alabatzat zeukan.
4. Bidazti bat aberatsaren etxera etoŕi zelarik, aberatsak etoŕkin arentzat aparia gertutzeko bere ardi edo idietako bat il beaŕean, txiroaren arditxoa aŕtu ta aŕotz arentzat atondu zun».
5. Dabid’ek, alako gizonari buruz aseŕetuta, Natan’i esan zion: «Ala Ixrael’en Yainko Yaube! II beaŕa da ori egin duna:
6. ta ardi baten ordain, lau biuŕtu beaŕ ditu egin dunarengatik eta eŕukigabearengatik».
7. Ordun Natan’ek Dabid’i esan zion: «Zu zera gizon ori. Ara zer dion Ixrael’en Yainko Yaube’k: Nik gantzutu zaitut Ixrael’go eŕegetzat; Nik atera zaitut Saul’en eskutik:
8. Nik eman dizut zure nagusiaren etxea, ta altzoan yaŕi dizkizut zure nagusiaren emakumeak; Nik eman dizut Ixrael’ en eta Yuda’ren etxea: ta ori gutxi ba’da, geyago ta geyago nemaizuken. *
9. Zergatik ezetsi duzu Yaube’ren itza, Aren begietan gaitza dana egiñaz? Uria etetaŕa ezpataz iľerazi duzu; emaztea kendu diozu zuretzat, eta amondaŕen ezpataz Uria il duzu.
10. Onezkero, beraz, ez da bein ere zure etxetik ezpata aldenduko. Ni ezetsi bait-nauzu, ta Uria etetaŕaren emaztea zure emaztetzat aŕtu.
11. Entzun Yaube’k diona: Zeroŕen etxetik gaitza eraikiko dizut: zure begietan zure emazteak kenduko dizkizut zure uŕkoari emateko, ta eguzki oŕen begietan ayekin etzango da.
12. Zuk itzalgaizka egin duzu egiña; Nik diodana, beŕiz, Ixrael osoaren ta eguzkiaren auŕean egingo dut».

Dabid’en garbaya

13. Ordun Dabid’ek Natan’i esan zion: «Yaube’ren auŕka ogen egin dut». Ta Natan’ek Dabid’i esan zion: «Yaube’k ere ogen ori askesten dizu; ez zera ilko. *
14. Baña Yaube’ren etsayentzat Aren izena nardagaŕi egin duzun ezkero, yayo zaizun semea ilko da il». *
15. Aŕazkero Natan yoan zan berera, ta Uria’ren emazteak Dabid’i egindako semea Yaube’k eri gaitzez yo zun.
16. Dabid’ek umearen alde Yainkoarengana yo zun; barau egin zun, ta bazteŕturik, luŕean gauez etzana egon zan.
17. Aren etxeko zâŕenak arenganatu ziran yaiki-erazteko; bañan ez zun nai izan, ezta ayekin ezer yan ere.
18. Zazpigaŕen egunean auŕa il zan, ta Dabid’en moŕoyak bilduŕ ziran ari yakiñerazteko: esaten bait-zuten: «Auŕa bizi zanean, itz egiten genion, ez zigun aditu nai. Nola esango diogu, ba: «Auŕa il da, aren samiña gorbizteke?»
19. Dabid oaŕtu zan bere moŕoyek ixilka zeraustela, ta esan zien: «Auŕa il al-da?» Ta ayek erantzun zioten: «II da».
20. Ordun Dabid luŕetik yaiki zan, bere soña ikuzi ta gantzutu zun, ta soñekoa aldaturik, Yaube’ren etxean saŕtu ta auzpeztu zitzayon. Berera itzulita, bazkaria eskatu zun, ta ekaŕi ziotenean, yan zun. *
21. Moŕoyek esan zioten: «Zer da aldatze ori? Auŕ biziarengatik baru ta negaŕ zenegin; ta auŕa il danean, yaiki ta yaten duzu!»
22. Erantzun zien: «Auŕa bizi zanean, baru ta negaŕez nengon, nere baitan bait-nion: «Nork daki Yaube eŕuki izango ote-zaidan ta auŕa biziko dan».
23. Orain, il dan ezkero, beŕiz zertarako barau egin? Atzera eratoŕi ote-dezaket? Ni, bai, arengana noake, bañan ua ez da niregana itzuliko».
24. Dabid’ek bere emazte Bet-Sabee urgaitzi zun, ta arengana saŕturik, arekin etzan zan; ta Bet-Sabee’k seme bat egin zun ta Salomon izena ezaŕi zion.
25. Ta Natan igaŕlearen esanez Yedidi izena ere ezaŕi zion Yaube’ren aginduz.

Amondaŕen poŕokaldia

26. Yoab amondaŕen Eŕaba erasotzen ari zan, ta eŕegeren iriaz yabetzekoan,
27. geznariak Dabid’i bidalirik, esan zion: «Eŕaba’ren auŕka buŕukan ari izanda, ibai-zertanaz yabetu naiz.
28. Orain, beraz, osterontzeko eŕia bilduta zatoz, kapaŕdia iriaren auŕka yaŕtzera, ta iriaz yabetzera; iria nik aŕtuko ba’nu, ospea niretzat bait-litzake.
29. Dabid’ek eŕi osoa bildu zun, ta Eŕaba’ra yoanda, eraso ta aŕtu zun.
30. Ango eŕegeri buruntza, talanta bat uŕe balioko ta istaŕiz apaindutako buruntza, burutik kendu zion, ta Dabid’ en buruan yaŕi zuten. Ta erazkiñak ugari iritik atera zitun.
31. Ta eŕiko semeak, atereaz zeŕa, buŕnizko ortz, ta aizkora ta eltzelabe-lanetan erabili zitun; ta orobat egin zun amondaŕen iri guzietan. Gero Dabid Yerusalern’era itzuli zan eta arekin eri osoa.

Tamar ta Amnon

1. Guzion ondoren oŕa beste gertari bat. Dabid’en seme Absalom’ek Tamar zeritzan aŕeba edeŕ bat zun; ta Amnon’ek, Dabid’en semea bera ere, aren iŕikaz zirakin. *
2. Amnon bere aŕeba Tamar’ enganako miñez gaxotu zan, Tamar neska zala-ta, Amnon’ ek uste bait-zun zaľegi litzayokela arekin ezer egitea.
3. Bañan Amnon’ek adiskide bat zun, Yonadab zeritzana, Dabid’en anai Samaa’ren semea; gizon maltzuŕa oso.
4. Ta Yonadab’ek esan zion «Zer duzu, eŕegeren seme, oŕela egunero zargaiľago egoteko? Ez ai-didazu esango?» Amnon’ek erantzun zion: «Tamar, nere anai Absalom’en aŕebarenganako maitemiñez nago»
5. Yonadab’ek esan zion: «Oeratu zaitez, ta gaxo egizu. Zu ikustera aita datoŕkenean, esayozu: «Aŕen, betoŕ Tamar nere aŕeba yaten niri ematera, ta yatekoa nire auŕean gertu beza, aren eskutik yan dezadan».
6. Amnon oeratu zan, beraz, gaxo egiñez. Ta eŕege arengana ikustera eldu zanean, Amnon’ek esan zion: «Aŕen, betoŕ Tamar nire aŕeba opil bi nire auŕean egitera, aren eskutik yan ditzadan».
7. Dabid’ek gezna au Tamar’i etxera bidali zion: «Zoaz zure anai Amnon’en etxera, ta gertu ezayozu yatekoa».
8. Tamar, beraz, yoan zan bere nebaren etxera; ta Amnon oean zala, iriña aŕtu ta oreturik, opil bi egin ta eŕe zitun aren begietan.
9. Ta zartagiña aŕturik, bertara bota zitun aren begietan, Amnon’ek, ez zun ordea, yan nai izan, ta esan zun: «Alde eragitzizute emendik guziak». Ta guziak andik irten ziranean,
10. Amnon’ek Tamar’i esan zion: «Ekatzu onara yatekoa, zure eskutik yan dezadan». Tamar’ek, beraz, berak egindako opiľak aŕtu ta bere neba Amnon'i gelara eraman zizkion.
11. Ta auŕkeztu zizkionean. Amnon’ek eldu ta esan zion: «Atoŕ, ene aŕeba, etzan nirekin».
12. Tamar’ek erantzun zion: «Ez, ene neba; ez nazazu ertsatu; ez bait-da oŕelakorik Ixrael’en egiten; ez egin oŕenbesteko zitalkeririk. *
13. Nora neramake nere gerena? Zu ere erotzat nardatua ziñake Ixrael’en. Aŕen, itz egiozu eŕegeri; ez naukizu ukatuko». *
14. Amnon’ek ez zion, ordea, entzun nai izan; ta indaŕtsuago zala-ta, beaŕtu ta estali zun.
15. Bañan Amnon’ek lasteŕ goŕoto zun, ta goŕoto ori lengo maitasuna baño miñagoa zan. Ta esan zion: «Yaiki ta zoaz».
16. Tamar’ek yardetsi zion: «Ni iraiztean dagidazun iraiña, egin didazuna baño aundiagoa da». Bañan Amnon’ek ez zion aditu nai izan;
17. ta moŕoyari dei eginda esan zion: «Atera zak emendik -onako au, ta itxi atea aren atzetik».
18. Tamar’ek ordun soñeko luzea zekaŕen; alakoa bait-zan eŕegeren alabaek gaztetan oitutako soñekoa. Moŕoyak atera zun, ta aren atzetik atea itxi.
19. Tamar’ek autsa aŕtu ta bere buruan baŕeyatu, ta zekaŕen soñeko luzea uŕatu, ta bere eskua buruan ezaŕita, yoan zan andik gaŕaxika.
20. Aren neba Absalom’ek esan zion: «Zure neba Amnon izan al-da zurekin? Ixo orain, ene aŕeba; zure neba da; ez bekizu oŕengatik biotza laŕitu». Tamar gelditu zan bere anai Absalom’en etxean saminduta.
21. Yazo zana adituta, Dabid aseŕetu zan gaŕazki.
22. Absalom'ek ez zion Amnon’i itz onik ez txaŕik esan; Amnon’ek Tamar’i egindako iraiñarengatik, Absalom’ek goŕoro bait-zun.

Absalom’en apena

23. Bi urteren buruan Absalom’ek moztaľeak Baal-Asor’ en, Eparain’en ondoan, zitula-ta, eŕegeren seme guziei arako dei egin zien.
24. Absalom’ek eŕegerenganatuta esan zion: «Ara, zure moŕoi onek moztaľeak ditu orain; betoŕ, aŕen, eŕege bere etxekoekin zure moŕoi onengana».
25. Eŕegek yardetsi zion: «Ez, ene seme; asketsi guziok ez ba’goaz, neke genemaizuke-ta». Absalom’ek ekin ta ekin zion; bañan eŕegek ez zun yoan nai izan; oneskuntza eman zion, ordea.
26. Ordun Absalom’ek esan zion: «Ta ez al-da Amnon, nere anaya, gurekin yoango?» Eŕegek erantzun zion: «Zertarako doake zurekin?»
27. Bañan Absalom’ek ertsatuta, eŕegek Amnon ta bere seme guziei utzi zien arekin yoaten.
28. Absalom’ek agindu au egin zien bere moŕoyei: «Orizute: Amnon ardo-loretan orduko, nik «yo Amnon, ta il ezazute» esango dizuedanean, ez belduŕ izan, ni bait-naiz agintzen dizuedana. Kemen, ta yo gogoŕ».
29. Absalom’ek agindu bezela, moŕoyek Amnon’i egin zioten. Ordun eŕegeren seme guziek yeikirik, norberaren mandoz iges egin zuten. *
30. Ayek bidean ziyoazan bitartean, susmuŕ au eldu zan Dabid’engana: «Absalom’ek il ditu eŕegeren seme guziak; ta ez da ayetakorik bat ere gelditu».
31. Eŕege yaiki zan, ta bere soñekoa uŕaturik, luŕean auzpeztu zan; ta arekin ziran moŕoi guziek ere beren soñekoak uŕatu zituten.
32. Baña Dabid’en anai Semaa’ren seme Yonadab’ek artetu ta esan zion: «Ez beza uste nere yaunak eŕegeren seme guziak iľak izan diranik. Amnon bakaŕik iľa izan da; Amnon’ek bere aŕeba Tamar iraindu zun egunetik Absalom’ek zionez.
33. Orain beraz, ez bedi eŕegeren biotzean saŕtu uste au: «Eŕegeren semeak oro iľak izan dira». Amnon bakaŕik iľa izan bait-da».
34. Absalom’ek iges egin zun. Ta ara, zai zegon mutiľak so egiteko begiak yaso zitunean, laguntalde aundi bat aren atzetik bidean zetoŕen mendi aldetik.
35. Ta Yonadab’ek eŕegeri esan zion: «Begira; or datoz eŕegeren semeak; dana gertatu da zure moŕoi onek zionez».
36. Itzok amaitu zitunean, ara, eŕegeren semeak etoŕi ta negaŕez asi ziran oyuka; ta berebat eŕege ta aren moŕoi guziek eŕuz negaŕ egin zuten.
37. Absalom’ek Tolemai’ren seme ta Gesur’ko eŕege zan Amiud’engana iges egin zun; ta Dabid’ek negaŕ egin zun egun oro bere semearengatik.
38. Absalom Gesur’era igesi yoanda, an iru urtez egon zan.
39. Ta Dabid’ek irten gura izan zun Absalom’engana; Amnon’en eriotzaz urgaitzita bait-zegon. Gero, ordea, baretu zan.

Dabid ta Tekua’ko anderea

1. Sarbi’ren seme Yoab’ek, eŕegeren biotza Absalom’ engana makuŕtzen ziyoala oaŕturik,
2. Emakume bat Tekua’tik erakaŕi ta esan zion: «Yantzi negaŕ-egunetako iľeta-soñekoz, ta utzi alde bat adats-gantzukiak, iľen batengatik negaŕez aspaldi egondako emakumetzat agertzeko.
3. Ta eŕegerengana yoanik, itz egiozu onela». Ta esan-beaŕa aoan ipiñi zion.
4. Emakume tekuaŕak eŕegerengana ezkero, luŕean auzpeztuta, guŕ egin ta esan zion: «Yagon nazazu, eŕege».
5. Eŕegek esan zion: «Zer duzu?» Emakumeak erantzun zion: «Alarguna naiz ni; senaŕa il zait.
6. Zure mirabe onek bi seme zitun. Elkaŕekin liskaŕtu dira landan; ta bereizlerik ezean, batak bestea yo ta il du.
7. Ta ara, zure mirabe onen auŕka sendi guzia yaiki da esanez: Iguzu bere anayaren eraiľe ori, il dun anayaren biziaren ordañez, il dezagun, ta oñordekoa suntsi dezagun. Oŕela itzaliko lukete gelditzen zaidan ikatz bizia, nere senaŕaren izena ta azia luŕetik erauzteko».
8. Eŕegek emakumeari esan zion: «Zoaz zurera, ta nik erabakiko dut zure auzia».
9. Emakume tekuaŕak eŕegeri esan zion: «Bego nere gain ta nere aitaren etxearen gain ogena; eŕege ta aren yauralkia, beŕiz, ogenik gabe beude».
10. Eŕegek esan zion: «Norbait oraindik mutiri ba’zaizu. ekatzu niregana, ta ez zaitu beŕiro ikutuko».
11. Emakumeak esan zion: «Aipa beza eŕegek bere Yainko Yaube’ren izena, odol-apentzaľeek, nere semea iľaz, kaltea areagotu ez dezaten!» Eŕegek erantzun zion: «Ala Yaube! Iľe bat ere ez da zure semearen burutik luŕera eroriko!»
12. Emakumeak esan zion: «Ziľegi bekio zure mirabe oni itz bat geiago nere eŕege yaunari esatea». Eŕegek esan ziou: «Esan, ba».

13. Ordun emakumeak esan zion: «Zergatik dezu ba, eŕege, Yainkoaren eŕiari buruz oŕen bestelako irizpidea? Eŕege, esana esanez, ogendun egiten da, iraitzi duna atzera eratoŕtzen ez dun ezkero. *
14. Izan ere gu ilko gera, noski; luŕean eralkitako ura bezela, atzerarik gabe. Ta Yainkoak, beŕiz, bizia ari kendu beaŕean, bideak asmatzen ditu, iraitzia geldi ez dadin betiko berarengandik iraitzirik.
15. Orain nere eŕege yaunari esan diodana esatera etoŕi ba’ naiz, eŕiaren belduŕarengatik izan da. Zure mirabe onek esan bait-du bere baitan: ba-noa eŕegeri itz egitera; apika eŕegek egingo du bere mirabearen esana.
16. Eŕegek entzungo nau, ta bere mirabe au ta nere semea Yainkoaren yarauntsitik erauzi gaitun gizon zakaŕaren eskutik yagongo du bere mirabea.
17. Zure mirabe onek dio: «beraz, atsedena biuŕtu bezait nere eŕege yaunaren itzak. Yainkoaren aingerutzat bait-dago nere eŕege yauna on ta gaitza aditzeko. Bego zurekin zure Yainko Yaube!»
18. Eŕegek emakumeari yardetsi ta esan zion: «Ez ostendu niri galdetu nai dizudan zerbait». Emakumeak esan zion: «Mintzo bekit nere eŕege yauna».
19. Te eŕegek galdetu zion: «Ez al-da zurekin arazo ontan Yoab’en eskua?» Emakumeak erantzun zion: «Ala zure bizia! ene eŕege yauna. Eŕegek esan dun orotik ez da ezkeŕ-eskuitara sayestu daitekenik. Zure moŕoi Yoab’ek berak agindu dit, eta berak ipiñi du zure mirabe onen aoan, esan dizudana. *
20. Arazoa alegitan azaltzeko, ori egin du Yoab’ek. Baña nere eŕege yauna Yainkoaren aingeru bat bezela zuŕa da luŕgañeko guziak ezagutzeko».

Dabid’en aginduz Yoab’ek dei dagio Absalom’eri

21. Eŕegek Yoab’i esan zion: «Begira, diozuna egin nai dut; zoaz ta erakaŕi Absalom mutil ori».
22. Yoab’ek luŕeruntz auzpeztu ta makuŕturik, eŕegeri aguŕ egin ta esan zion: «Gaur dakus zure moŕoi onek adeigaŕi dala zure begietan, ene eŕege yauna; nere eŕegek bere moŕoyaren gogoa bete nai du-ta».
23. Oŕezkero Yoab yaiki zan, ta Gesur’era yoanda, Absalom ekaŕi zun Yerusalem’era.
24. Eŕegek esan zun: «Berera itzul bedi; ez bekit, ordea, auŕkeztu. Beraz, Absalom itzuli zan; bañan ez zitzayon eŕegeri aurkeztu.
25. Ixrael’go gizonetan ez zan Absalom bezain edeŕik iñor; aratz-aratza zan; oin-azpitik burugañera akatsik gabea.
26. Urtean bein buruko adatsa mozten zioten, nekagaŕi zitzaiyolako; ta buruko adats ori, eŕege aztakitan, beŕeun sikel astun zan. *
27. Absalom’ek izan zitun iru seme ta alaba bat, Tamar zeritzana, lazo edeŕeko emakumea, noski.
28. Absalom bi urtez egon zan Yerusalem’en; eŕegeren auŕpegia ikusteke, ordea.
29. Absalom’ek, Dabid’engana Yoab bidaltzeko, dei egin zion. Baña Yoab’ek ez zun Absalom’enganatu nai izan. Beŕiro Absalom’ek deitu, ta beŕiro Yoab’ek arengana yoan ez nai.
30. Ordun Absalom’ek bere moŕoyei esan zien: «Ba-dakizute Yoab’ek garagaŕ-aloŕ bat nerearen ondoan daukala; zoazte ta su emayozute». Ta Absalom’en moŕoyak aloŕa eŕe zuten.
31. Yaiki zan, beraz, Yoab, eta Absalom’en etxean saŕturik, esan zion: «Zergatik eŕe didate aloŕa zure moŕoyek?»
32. Absalom’ek Yoab’i erantzun zion: «Begira: Zuregana geznariak igoŕi ditut eskari au egiten: «Zatoz, eŕegerengana bidal zaitzadan, berari esateko: Zertarako etoŕi naiz Gesur’tik? Obe litzaidake an egotea oraindik». Eŕegerekin auŕpegi-ikuste bat nai dut orain; ta ogendun ba’naiz, il nazala».
33. Yoab’ek eŕegerengana yo ta arazoa azaldu zionean, eŕegek Absalom’i deitu zion. Absalom eŕegerengana yoan ta auzpeztu zitzayon luŕeraño; ta eŕegek laztandu zun.

Absalom’en biuŕaldia

1. Guzion ondoren Absalom’ek gurdiak, zaldiak eta zeŕaizkioken larogei ta amaŕ gizon beretzat bildu zitun. *
2. Ta goizetik yaikirik, aterako bide ondoan yaŕita, auziaŕen eŕegerengana zetozan guziei dei egin ta esaten zien: «Nongoa zera?» Etoŕkiñak zerantzuyon: «Ixrael’en leñu batekoa da zure moŕoi au».
3. Absalom’ek ziotsan: «Begira; diozuna on ta zuzena da; bañan ez da eŕegeketz zuri aditzeko iñor ere».
4. Ta ondoren zion: «Nork yaŕiko nau eŕian ebazle, auzitan edo beste egiteko batera letoŕkidaken edonori zuzena emateko?»
5. Ta guŕ egiten iñor zetoŕkionean, Absalom’ek, bere eskua luzatuz, atzeman ta muin egiten zion.
6. Oŕela Absalom’ek eŕegerengana auzitara zetozan ixraeldaŕ guziekin yardunez, biotza irabazten zien.
7. Lau urteren buruan Absalom’ek eŕegeri esan zion: «Ziľegi bekit Eboron’a yoatea, Yaube’ri egin diodan ziñagintza betetzeko.
8. Alabañan, Gesur’en nengolarik, zin au egin nion: «Yaube’k Yerusalem’era biuŕtzen ba’nau, opariak eskeñiko dizkiot».
9. Eŕegek esan zion: «Zoaz narerik». Yaiki zan, beraz, ta Eboron’a yoan zan.
10. Andik Absalom’ek lagunak igoŕi zitun Ixrael’en leñu guzietara esanaz: «Adaŕotsa entzun ala, esazute: «Absalom da eŕege Eboron’en».

11. Absalom’ekin yoanak ziran Yerusalem’dik berak deitutako beŕeun gizon, biotz zintzoz zeŕaizkiolarik ezer yakiteke. *
12. Opariak eskeintzen zitun bitartean, Aitopel Gilo’taŕa, Dabid’en onularia, bere iri Gilo’tik eratoŕi zun. Ta, arekin elkaŕtuen kopurua, aundi egin zan; eŕia geroago ta ugariago Absalom’i bait-zeŕayon.

Dabid’en igesa

13. Norbaitek Dabid’engana yo ta esan zion: «Ixrael’go gizonen biotzak Absalom’engana doaz».
14. Ta Dabid’ek esan zien arekin Yerusalem'en ziran bere moŕoi guziei: «Yaiki ta goazan igesi; Absalom’engandik itzurpiderik ez genuke izango-ta. Arin ibiľi beaŕ; leyaz etoŕirik iritsi ez gaitzan, ta gure gañera gaitza iraulita, iria ezpataz saŕaskitu ez dezan». *
15. Eŕegeren moŕoyak esan zioten: «Ona emen zure moŕoyak, gure eŕege yaunak nai duken guzirako gerturik».
16. Eŕege irten zan oñez bere etxeko guziekin, bere oaideetako amaŕ emakume, etxea zaitzeko utzirik.
17. Eŕege ta arekin oñez irtendako guziek ekuraldi bat egin zuten uŕungo toki batean.
18. Bere moŕoi guziak aldamenean zeŕaizkion, baita Keret’ etaŕ, ta Pelet'etaŕ guziak ere. Get’etik oñez etoŕitako seireun Get’etaŕak, beŕiz, eŕegeren auŕean ziyoazan guziak.
19. Eŕegek Etai getetaŕari esan zion: «Zergatik zatoz zu ere gurekin? Itzul ta geldi zaitez eŕegerekin, aŕotza bait-zera bazteŕaldetik alde. *
20. Atzo etoŕi ziñan, ta gauŕ eramango ote-ziñuzket gurekin aldeŕai eretzean nerau nabiľanean? Itzul zaitez zure anayekin; eta bekizu Yaube eŕukitsu ta kirmen». *
21. Etai’k eŕegeri yardetsi ta esan zion: «Ala Yainkoa! ta ala baita nere eŕege yauna ere! bizitzeko naiz iltzeko, nere eŕege yauna leiteken edonun, antxe izango da zure moŕoi au ere».
22. Ta Dabid’ek Etai’ri esan zion: «Auŕera, ba!» Ta auŕera yoan zan Dabid’ekin, Etai getetaŕa bere gizon ta etxeko guziekin.
23. Guziak bazteŕaldean negaŕez ta oyuz zekusten eŕi guzi ua igarotzen. Eŕege, guzi ayekin Kedoron-eŕeka igarota, basoko bideruntz zanean:
24. ara, Sadok’ek eta Yainkoaren Itun-kutxa arekin zeroaten lebitaŕ guziek Yainkoaren kutxa eratxi zuten, Abiatar igo ta eŕi osoa iritik igaro zan bitartean.
25. Ordun eŕegek Sadok’i esan zion: Biur-erazi irira Yainkoaren kutxa. Yaube’ren begietan eŕukia iristen ba’dut, Berak itzuleraziko nau, ta bai kutxa, baita bere yauretxola ere erakutsiko dizkit.
26. Eta «Ez zaitut gogorako» ba’dio, ona emen ni; egin bezait obe leritzakena».
27. Ta berebat eŕegek Sadok apaizari esan zion: «Begira: itzul irira narerik, eta biyoaz zurekin Aima zure semea, ta Yonatan, Abiatar’en semea; zuen seme biok. *

28. Eta orizute: Ni basoko bazteŕetan nagoke zuen gezna aŕtu arte».
29. Sadok’ek eta Abiatar’ek Yainkoaren kutxa Yerusalem’ era biuŕtu zuten, ta an gelditu ziran.
30. Bitartean Dabid Oliamendi’n gora ziyoan, negaŕez; buru-estalkiz ta negaŕez igotzen ziyoan.
31. Gezna au Dabid’i eldu zitzayon: «Aitopel Absalom’ ekin dago elkaŕtuen artean». Ta Dabid’ek esan zun: «Aŕen Yaube! Iraul Aitopel’en onuak»
32. Yainkoari guŕ egiteko tontoŕera Dabid eldu zanean, ara Kusai Arak’etaŕa arengana etoŕi, soñekoa uŕatu tu burua autsez betea zekaŕela.
33. Dabid’ek esan zion: «Nirekin ba’zenentoŕ, nekagaŕi ziñaidake.
34. Irira itzulirik, ostera, Aitopel’en onuak suntsitu ditzakezu, Absalom’i esanez: «Moŕoitzat aŕ nazazu, eŕege. Gaurdaño zure aitaren moŕoi izan naizan bezela, gaurgero zure moŕoi izango naiz».
35. Zurekin ditukezu Sadok eta Abiatar apaizak. Beraz, eŕegeren etxeaz aditu dukezun guzia, Sadok eta Abiatar apaizei esayezu.
36. Berekin dute nork bere semea; Sadok’ek Aima, ta Abiatar’ek Yonata. Bien bitartez bidal niri zenentzuketen guzia.
37. Absalom Yerusalem’era sartu zanean bertan, beraz, Kusai, Dabid’en adiskidea, irira yoan zan.

Siba Dabid’engana

1. Tontoŕetik apuŕ bat Dabid igarotakoan, ara Siba, Mipiboset’en mutiľa beraganatu zitzayon bastatutako bi astotan beŕeun ogi, eun mâtsumei-mordo, eun piko-opil, ta zaragi bat ardo zekaŕtzila.
2. Eŕegek Siba’ri esan zion: «Zer dira oriek?» Ta Siba’k erantzun zion: «Astoak, ayen gañean eŕegeren etxekoak ibiltzeko; ogi ta piko-opiľak mutiľen azkuŕirako; ardoa, basoan akituek edan dezaten».
3. Eŕegek esan zion: «Ta non da zure nagusiaren semea?» Siba’k erantzun zion: «Yerusalem’en geiditu da esanez: Gauŕ biuŕtuko dit Ixrael’en etxeak nere aitaren eŕegetza».*
4. Eŕegek Siba’ri esan zion: «Oŕa zuretzat Mipiboset’enak oro». Ta Siba’k erantzun zion: «Makuŕtu natzaizu; adeibera azaldu zakizkit, eŕege yauna».

Semei Baurin’en

5. Dabid eŕege Baurin’a eldu zan; ta ara, Saul’en leñukide gizon bat andik irteten zan. Semei zeritzan, ta Gera’ren semea zan. Biraoka ziyoan;
6. Dabid’i ta aren moŕoi guziei aŕiak iraizten, eŕi osoa ta gizon azkaŕenak oro eŕegeren eskui-ezkeŕtan izan aŕen.
7. Biraoketan Semei’k ziotsan: «Utikan odol-zale ori, utikan Belial-kume ori.
8. Yaube’k gañera biuŕtu dik Saul’en etxeko odol guzia, zegokion eŕegetza ostu diokalako; ta yaureŕia yaŕi dik ire seme Absalom’en eskuan. Ta oŕa i, txurtenean yoa, odol-zale aizalako». *

9. Sarbi’ren seme Abisai'k eŕegeri esan zion: «Zer du zakuŕ ustel oŕek nere eŕege yauna biraokatzeko? Utz nazazu arenganatzen burua itaitzeko».
10. Eŕegek erantzun zion: «Niri ta zuei, Sarbi’ren semeoi, oŕen biraoak gora bera, zer? «Birao egiozu Dabid’i» Yaube’k esan ba’dio, nork esango dio: «Zergatik dagizu ori?»
11. Abisai’ri ere ta bere moŕoi guziei Dabid’ek esan zien: «Nere eŕayetatik sortutako semea, bizia niri kendu nairik dabiľan ezkero, zergatik aŕitu banyamindaŕ oŕen biraoketaz? Utzazute niri birao egiten; Yaube’k agindu dio-ta.
12. Ausaz Yaube’k, nere atsekabea begirata, gaurko birao-ordañez on egingo dit».
13. Dabid eta aren gizonak auŕera ziyoazan beren bidean. Ta Semei, ayen auŕez mendi-mazalean zeaŕ ziyoan biraoka, aŕika ta auts yaurtika.
14. Toki egokira nekaturik elduta, eŕege ta arekin ziyoazan guziak, bertan atseden ziran.

Absalom Yerusalem’en

15. Absalom Yerusalem’era etoŕi zan Ixrael’go gizon guziekin; ta Altopel zan arekin.
16. Dabid’en adiskide Kusai Arak’etaŕak, Absalom’engana eldurik, esan zion: «Gora eŕege! Gora eŕege!»
17. Absalom’ek esan zion: «Ori al da, gero, zure adiskideari diozun itsaspena? Zergatik ez zera yoan zure adiskidearekin?»
18. Kusai’k Absalom’i yardetsi zion: «Ez; Yaube’k eta Ixrael eŕi oso onek norbait autu ezkero, arena izango naiz ni, ta arekin nagoke.
19. Ta gañera, nori nintzayoke moŕoi, aren semeari baizik? Zure aitaren moŕoi izan naizanez, zure moŕoi izango naiz».
20. Absalom’ek Aitopel’i esan zion: «Begirazute: zer egin bear dugu?»
21. Ta Aitopel’ek Absalom’i esan zion: «Etxea zaitzeko zure aitak utzi ditun bere oaideetara saŕ zaitez. Oŕela, Ixrael osoak, aitari zuk egindako iraiña entzunda, daŕaizkizun guzien eskuak zure alde gogoŕtuko dira». *
22. Etxe-gañean, aren begietan bere aitaren oaideetara saŕtu zan. Aitopel’en onua egun ayetan Yainkoaren onutzat aŕtzen zan; ain adigaŕiak ziran Aitopel’en onuak bai Dabid’entzat, eta baita Absalom’entzat ere!

Aitopel’en ta Kusai’ren onuak

1. Aitopel’ek Absalom’i esan zion: «Utz nazazu amabi miľa gizon aukeratzen; ta yaikirik, Dabid esetsiko dut gauez;
2. Gañera yauziko natzayo; ta, nekatu ta akiturik bait-dago, izutuko dut. Arekin dan eŕi guziak iges egingo du, ta eŕege bakaŕa yoko dut.
3. Oŕela biuŕtuko dizut eŕi osoa; ta biľatzen duzun gizona asagotuta, eŕi osoa bakez dagoke».
4. Absalom’ek onua ontzat artu zun, ta Ixrael’go zâŕek ere bai.
5. Ala ere Absalom’ek esan zun: «Kusai Arak’etaŕa ere deitu ezazute; aren aburua aren aotik aŕ dezagun».
6. Kusai Absalom’engana eldu zanean, Absalom’ek esan zion: «Ara Aitopel’en onua. Onu ori aŕtu beaŕ dugu ala ez? Mintzo zaitez».
7. Kusai’k Absalom’i esan zion: «Ez da ona Aitopel’ek aldi ontan emandako onua».
8. Ta Kusai’k yaŕai zuan onela: «Ba-dakizu zure aita eta aren gizonak azkaŕak dirala, ta umeak ostu dizkioten artzemea bezin suminduta daudela. Zure aita gudatan ikasia da, ta gaua ez du eŕi-artean emango.
9. Orain, noski, aŕtzulo edo beste altxaberen batean ostenik dago. Eta asieratik zuretaŕetako zenbait eroriko ba’lira, entzun ta esango litzake: «Absalom’en aldekoetan saŕaski bat izan da».
10. Ta leoiarena bezelako biotza duten azkaŕenak ere urtu egingo lirake; Ixrael osoak bait-daki zure aita zagai dala, ta arekin diranak eŕu aundiko.
11. Oŕa ba nere aburua: bildu bedi zuregana Ixrael osoa, Dan’ etik Ber-Sabee’raño, itxasondaŕa bezain kopurutsua, ta zoaz zerori buŕukara!
12. Legoken edozein tokitan idoroko dugu, ta intza luŕ-gañera erortzen dan bezela, gañera yauziko gatzazkio; ta arekin dabiltzan gizonetako bat ere ez da bizirik geldituko.
13. Ta iriren batera bazteŕtu ba’Iitz, ixraeldaŕ guziok, iri artara unamak eramanik iria eŕekara irauliko dugu, aren aŕirik an ageri ez leiteken eran.*
14. Absalom’ek eta ixraeldaŕ guziek esan zuten: «KusaiArak’ etaŕaren onua Aitopel'ena baño obea da». Yaube’k erabakita bait-zegon, Aitopel’en onu zuŕa austea, Absalom’en gañera gaitza eratoŕtzeko.
15. Gero Kusai’k Sadok eta Abiatar apaizei esan zien: «Aitopel’ek onu au egin die Absalom’i ta Ixrael’go zâŕei; nik, beŕiz, beste au.
16. Gezna, beraz, Dabid’i lenbaitlen bidaliozute, esanez: «Ez zaitez basoko zeiaietan gauez geldi, ta zoaz auŕera lasteŕ, eŕege ta arekin diranak oro irentsiak ez daitezan».

Geznariak Dabid’engana

17. Yonata ta Aima, ikusiak ez izateko, irian saŕtu eziñik, Eŕogel’en zeuden; ta neskameak, ayenganatuta, beŕiz, yakiñerazi zienean, yoan ziran Dabid’engana ta yakiñerazi zioten;
18. Baña mutil batek ikusi zitularik, Absalom’i gaztigatu zion. Bi ayek, ordea, arin ibilirik, Baurin’a eldu ta gizon baten etxean saŕtu ta aldabeko urtegira yetxi ziran.
19. Etxeko andereak, estalki bat aŕturik, urtegi-gañean edatu zun, eultziko aleak gañean ipiñirik, egiña ezagun ez zedin.
20. Absalom’en moŕoyek etxe artara eldurik, emakumeari esan zioten: «Non dira Aima ta Yonata?» Emakumeak erantzun zien: «Latsa igaro dute». Moŕoyak, ayen biľa ibiľi ondoren, idoro ez zitutelarik, Yerusalem’era itzuli ziran.
21. Ta ayek yoanak ziranean, urtegikoak irten ziran gora, ta Dabid eŕegerengana yoanda txostena eman ta esan zioten: «Yaiki ta ibaya lenbaitlen igaro ezazute; Aitopel’ek zuen auŕka emandako onua da-ta».
22. Beraz Dabid’ek eta arekin zan gizapiľoak Yordan igaro zuten, ta egun-sentirako ez zan bat ere ibaya igaro ez zunik.
23. Aitopel’ek, bere onua alde batera utzia ikusirik, bere astoa gertu zun, ta bere irian zeukan etxera yoanda, beretaŕei zegokiena agindu ondoren, zintzuŕ egiñez bere biziari amaya eman zion; ta aren aitaren iľobian eortzi zuten.

Buŕukaren gertuera

24. Dabid eldu zan Maanain'a, ta Absalom’ek Ixrael’go gizon guziekin Yordan igaro zun.
25. Absalom’ek Amasa yaŕi zun Yoab’en ordez gudalburu; Amasa’ren aita Yezraeldaŕa zan ta Yetara zeritzan; ama, beŕiz, Abigail, Naas’en alaba; ta Yoab’en ama Sarbi’ ren aizpa.
26. Ixrael’ek Absalom’ekin kapaŕdia Galaad-Iuŕaldean yaŕi zun.
27. Dabid Maanain’a eldu zanean, Sabi, Naas’en semea, amondaŕen Eŕabat’ekoa, eta Makir, Amiel Lodabar’taŕaren semea, eta Bertzelai, Galaad’ eko Eŕogelin’daŕa, auŕkeztu zitzazkion,
28. oe, edontzi, ta eltzeak, gari, garagaŕ ta iriña, opiľak, babak, aizkoiak eta eŕariak,
29. baita ezti ta gantza, ardiak eta bei-gaztayak Dabid’i ta aren gizonei yateko zekaŕtziela; «eŕi au —bait-zioten— gose ta egaŕiak akiťuta datoŕ-eta».

Absalom’daŕen poŕokaldia

1. Dabid’ek bere gizonak euneko ta miľako saiľetan antolatu zitun sail-buru bana yaŕtzen zielarik.
2. Ta iru mordotan saiľak bereizirik, mordo bat Yoab’en mendean ipiñi zun; beste bat Yoab’en anai ta Sarbi’ren semea zan Abisai’ren mendean, eta irugaŕena Etai getetaŕaren mendean. Ta eŕegek eŕiari esan zion: «Ni ere zuekin saŕtuko naiz».
3. Bañan eŕiak yardetsi zion: «Ez zaitez saŕtu. Izan ere, iges egin ba’geneza ere, ayei ayola gutxi; guretako erdia il ba’ledi ere, ayei ayola gutxi; guretako amaŕ miľa ainbatekoa bait-zera zu. Obe da, beraz, irian zu gelditzea, guri lagun etoŕtzeko».
4. Eŕegek esan zien: «On deritzazutena egingo dut». Oŕezkero eŕege atondoan yaŕi zan zutik, eta eŕia eunka ta miľaka saŕtzen ziyoan.

5. Yoab’i, Abisai’ri ta Etai’ri eŕegek agindu au egin zien: «Absalom’i buruz emeki ari zaitezte niregatik». Eta eŕi osoak entzun zun eŕegek buruzagi guziei Absalom’i buruz agintzen ziena.
6. Eŕia landara saŕtu zan Ixrael’en auŕka; ta buŕuka Eparain’go oyanean egin zan.
7. An Dabid’en gizonek Ixrael abaŕakitu zuten, ta egun artako saŕaskia aundia izan zan, ogei bat miľa il bait-ziran.
8. Yazaŕia bazteŕalde osoan baŕeyatu zan, ta egun artan ezpatak baño oyanak lagun geyago eŕiarengan irentsi zitun.
9. Absalom Dabid’en moŕoyen auŕkez auŕkitu zan; mandoz bait-zebiľan; ta arte aundi baten adaŕpean mandoa saŕtu zalarik, Absalom’en burua adaŕetan atxikia, ta bera, mandoa auŕera igaro zalarik, ortzi ta luŕaren artean, zintzilik gelditu zan.
10. Norbaitek, Absalom ikusita, Yoab’i yakiñerazi ta esan zion: «Ots! Absalom ikusi dut arte batean zintzil.
11. Ta, beŕi au zekaŕkionari Yoab’ek esan zion: «Ikusi bai, ta ez al-duk bertan yo? Amaŕ sikel ziľar ta geŕiko bat emango nizkikan».
12. Gizonak Yoab’i yardetsi zion: «miľa sikel ziľaŕ eskuan ipiñiko ba’zenizkit ere, ez nuke eskua eŕegeren semea yotzeko zirkinduko; guk dantzugula, eŕegek zuri, Abisai’ri ta Etai’ri agindu ta esan bait-dizue: «Begirazute Absalom gaztea iñork yo ez dezan».
13. «Gezuŕez ere ez nezake nere bizia yagon ori egin ezkero; yazoa eŕegerentzat ez bait-legoke ostenik, eta zerori nere auŕka yaŕiko ziñake».
14. Yoab’ek esan zion: «Ez nagoke oŕela zuregatik zai». Ta iru azkon eskuan aŕturik, Absalom’i biotzean saŕtu zizkion. Ala ere Absaloni adaŕetan bizirik gelditu zala-ta,
15. Yoab’en amaŕ iskiľu-mutiľek, Absalom inguraturik, yo ta il zuten.
16. Ordun Yoab’ek turuta yo zun; ta eŕia biuŕtu zan Ixrael’en auŕkako esestetik; Yoab’ek gebendu bait-zion.
17. Ta Absalom aŕturik, oyaneko luban aundi batera yaurti zuten, aŕimetatzaŕ bat aren gañean ezaŕirik. Ixrael guzia, beŕiz, norberaren kapaŕera igesi yoan zan.
18. Absalom’ek, bere bizian, eŕegeren aranean zegon maseba (oroitaŕia) aŕtu ta eraiki zun beretzat; esanez: semerik ez dut nere izena gomutarazteko; ta oroitaŕi ari, bere izena ezaŕi zion; ta gaurdaño Absalom-Oroitaŕia deritza.

Absalom’en il-beŕia Dabid’i eramana

19. Sadok’en seme Aima’k esan zun: «Ba-noa antxintxika eŕegeri yakiñaraztera aren auzia etsaien eskutik, Yaube’k garai atera dula.
20. Yoab’ek esan zion: «Gaur ez zenezayoke beŕi onik eraman; beste bein al izango duzu; gaurkoan, ostera, beŕi onaren eramaľe ez ziñake; eŕegeren semea il da-ta».
21. Yoab’ek Kus’taŕ norbaiti esan zion: «Zoaz ta esayozu eŕegeri ikusi duzuna». Kustaŕa, Yoab’i guŕ eginda, yoan zan lasteŕ.
22. Baña Sadok’en seme Aima’k beŕiro Yoab’i esan zion: «Dana, dala, utzidazu kustaŕaren ondoren antxintxi egiten niri ere». Yoab’ek esan zion: «Zergatik antxintxika zu, ene seme? Gezna ori ez da zuk eramateko egokia».
23. Bañan Aima’k yardetsi zion: «Dana dala,ba-noa antxintxika». Ta Yoab’ek esan zion: «Lasteŕ egizu, ba». Yoan zan, beraz, Aima ordokiko bidetik antxintxika, eta kustaŕari auŕea artu zion.
24. Dabid ate bien artean eserita zegon. Zaitzaľeak, aŕesiaren ategañeko saira yoanda begiak yaso ta so egin zunean, aral gizon bat zetoŕen bakaŕik antxintxika. *
25. Ordun zaitzaľeak ots egin ta eŕegeri yakiñerazi zion. Ta eŕegek esan zun: «Bakaŕik ba’ datoŕ, beŕi onak dakazkit». Gizon ua ker-ker uŕbiltzen ziyoan.
26. Beste gizon bat zaitzaľeak ikusi zun antxintxika etoŕtzen ta atezayari ots egin eta esan zion: «Ara beste gizon bat antxintxika bakaŕik». Ta eŕegek esan zun: «Oŕek ere beŕionak dakaŕtzi».
27. Zaitzaľeak esan zun: «Lengoaren lasteŕketa Sadok’en seme Aima'rena deritzait». Eta eŕegek esan zun: «Gizon ona da ori; beŕi onak dakaŕtzi».
28. Aima’k eŕegeri ots egin ta esan zion: «Aguŕ». Ta luŕeraño auzpeztuta esan zun: «Gora zure Yainko Yaube! nere eŕege yaunaren auŕka yarkitako gizonak eskura dizkigu-ta».
29. Eŕegek esan zion: «Ondo al-da Absalom gaztea?» Aima’k erantzun zion: «Zure moŕoi Yoab’ek eŕegeren moŕoya ta zure moŕoi naizan au ere bidali gaitunean, zalaparta aundi bat ikusi dut, eŕege, ta ez dakit zer dan».
30. Eŕegek esan zion: «Aldendu ta egon or». Aima aldendu ta egon zan an.
31. Ta ara Kust’aŕa etoŕi, esanez: «Beŕi on bat! ene eŕege yauna. Zure auŕka yarkitako guzien eskutik yagon zaitu gaur Yaube’k».
32. Eŕegek kustaŕari esan zion: «Ondo al-dago Absalom gaztea?» Ta kustaŕak erantzun zion: «Ai ba’leude zure auŕka yarkitako guziak mutil ori bezela!»
33. Ordun eŕege atsekabetuta igo zan negaŕez ate-gañeko gelara; ta an zebiľela zion: «Ene seme Absalom! ene seme! Ene seme Absalom! Nork eman lidake zure ordez iltzea! Absalom, ene seme, ene seme!!

Yoab eta Dabid

1. Yoab’i esan zioten: «Eŕege negaŕez ta erostaz dago bere seme Absalom'engatik.
2. Egun artan garai-poza eŕi osoarentzat iľeta biuŕtu zan, eŕiak beŕi au: «Eŕege atsekabez dago bere semearengatik» aditu bait-zuan.
3. Ta egun artan bertan eŕia saŕtu zan irian itzaigaizka, gudatik igesi itzuliak isilka lotsaŕen saŕtu leitezkenez.
4. Eŕegek bere auŕpegia estalirik, oyuka zion: «Ene seme Absaloml Absalom, ene seme! ene seme!»
5. Yoab'ek, eŕegeren etxean arengana saŕturik, esan zion: «Lotsaz bete duzu gaur, zuri, zure seme-alabaei ta emazte-oaideei gaurtxe bizia yagon dizuen eŕiaren auŕpegia.
6. Goŕoto zaitutenak zuk maite dituzu, ta maite zaitutenak zuk goŕoto. Gauŕ adirazi duzu agintari ta moŕoyak zuretzat ezer ez dirala; ta gauŕ ikusi dut, Absalom bizi ba’litz eta gu guziok il ba’giña, zu pozik zeundekela.
7. Yaiki, ba, orain; zoaz, ta zure moŕoyei, biotzera itz egiezu; Yaube’rengatik zin egiten bait-dizut; agertzen ez ba’zera, gizonik bat ere ez dala gauerako zurekin geldituko; ta ori txaŕago iitzaizuke, gaztetanik gauŕdañokoan etoŕi zaizun edozein gaitz baño».
8. Ordun eŕege yaiki ta atean yaŕi zan; ta aldaŕi au, «Entzun: eŕege atean eserita dago» eŕiari egin zitzayolarik, eŕi osoa auŕkeztu zitzayon; bañan Ixrael’daŕak norberaren etxera igesi yoanak ziran. *
9. Ta Ixrael’en leñu guzietan eŕi osoaren izpide au zan: «Eŕegek atera gaitu gure etsayen eskutik; bera da pilistaŕen eskutik yaregin gaituna; ta Absalom’engatik ba-dugu orain luŕ ontatik igesi irtena.
10. Beraz, Absalom gerok gantzutua, gudan il zaigun ezkero, noiz arte gaudeke isiľik, eŕegerengana itzuli beaŕean?»

Dabid Yuda’k deituta

11. Ixrael osoaren erausiok eŕegeri etxera eldu zitzaizkion, ta Dabid eŕegek gezna au Sadok eta Abiatar apaizei bidali zien: «Yuda’ko zarei itz egin ta esayezute: «Zergatik zaitezkete azkenak bere etxera eŕege ekaŕtzeko?
12. Zuek nere anayak zerate, nere ezuŕ ta aragia: zergatik zaitezkete azkenak eŕege itzulerazteko?
13. Ta Amasa’ri esayozute: «Ez al-zera zu nere ezuŕ ta aragia? Zoŕotz baño zoŕotzago azaldu bekit Yaube, gudalburu nagusitzat, Yoab’en ordez, yaŕtzen ez ba’zaitut. *
14. Oŕeia Yuda’ko gizon guzien biotzak, gizon batena bezela, beregana biuŕtu zitun, ta geznariak bidali zizkioten esanez: «Itzul zaitez, ta zurekin zure moŕoyek ere».
15. Beraz eŕege itzuli ta Yordan’año eldu zan. Yuda, beŕiz, yoan zan Galgala’raño, eŕegeri auŕkeztera, ta Yordan igaro-eraztera.
16. Semei, Gera’ren semea, Baurin’go benyamindaŕa, leyatu zan Yuda’ko gizonekin eŕegeri auŕkeztera.
17. Arekin ziyoazan miľa bat gizon benyamindaŕ, ta Siba, Saul’en etxeko moŕoya, bere amabost semeekin ta ogei moŕoyekin; ta Yordan’a leyatu ziran eŕegerenganako.

18. Txalupa bat ere igaro zan, eŕegeren etxekoak eroateko ta aren naitara gelditzeko.
19. Eŕege Yordan igarotzeko zanean, Gera’ren seme Semei’k, aren auŕean auzpeztuta, esan zion: «Ez bezait nere yaunak nere zitalkeria yauki; ta ez bitza bere biotzean erabiľi ezta gogoratu ere, zure moŕoi onek egin zizkion iraiñak, nere yaun eŕege Yerusalem’dik irten zan egunean.
20. Zure moŕoi onek ezagun bait-dazagu ogen egin zula; ta oŕexegatik etoŕi naiz gaur Yose’ ren etxeko auŕena nere eŕegeren biľa yetxita». *
21. Ordun Sarbi’ren seme Abisai’k artetu ta esan zun: «II beaŕa ez ote-da, ostera, Semei, Yaube’ren gantzutua biraokatu zulako?»
22. Baña Dabid’ek yardetsi zion: «Zer duzute niri buruz, Sarbi’ren semeok, etsaitzat gauŕ zatozkidatela? Ez al-dazagut Ixrael’en eŕege gauŕ yaŕi naizala?»
23. Beraz, eŕegek Semei’ri esan zion: «Ez zera iľa izango». Ta zin egin zion.
24. Saul’en seme Mipiboset ere yetxi zan eŕegeri auŕkeztera. Eŕege irten zan egunetik bakez zetoŕen egun artaraño, Mipiboset egona zan bere oñak ikuzi, bizaŕa egin, ta soñekoa garbitu gabe.
25. Yerusalem’dik eŕegeren auŕera eldu zanean, eŕegek esan zion: «Mipiboset, zergatik ez ziñan nerekin irten?»
26. Ark erantzun zion: «Ene eŕege yauna: nere moŕoyak atzipetu niñun. Zure moŕoi naizan onek bait-nion: Astoa gertuko dut eŕegerekin yoateko; zure moŕoi au urguna bait-da.
27. Ark, beŕiz, zure moŕoi au zure begietan beztu nau. Baña nere eŕege yauna Yainkoaren aingeru bat bezela da. Egidazu on deritzazuna.
28. Izan ere, nere aitaren etxekoak nere eŕege yaunarentzat iľak izateko lain ez dira. Ala ere zuk zure moŕoi au zure maikideetan aŕtu nauzu. Aŕezkero, beraz, zein eskubidez ots egingo nioke eŕegeri?»
29. Eŕegek esan zion: «Zertarako ainbeste iltze? Esan dut aspaldi: «Zuk eta Siba’k landak eukiko dituzute erdizka».
30. Mipiboset’ek eŕegeri esan zion: «Beuzka guziak ere, nere eŕege yauna etxera bakez itzuli dan ezkero».
31. Berzelai galaadetaŕa ere yetxi ta eŕegerekin Yordan’a yoan zan, ibaya arekin igarotzeaŕen.
32. Berzelai ori zâŕ-zâŕa zan; larogei urtekoa; ta Maanain’go kapaŕdian berak eŕegeri yanariak eman izan zizkion; aberats okitua bait-zan.
33. Eŕegek Berzelai’ri esan zion: «Zatoz nerekin, ta nerean iñutuko zaitut Yerusalem’en.».
34. Berzelai’k eŕegeri yardetsi zion: «Zenbat urtez bizi naiteke oraindik eŕegerekin Yerusalem’era igotzeko?
35. Larogei urte ba-ditut gauŕ; gozoa gaŕatzetik ezin bereizi dut; zure moŕoi au ez da yan-edarien aogozoa aŕtzeko gai; mutiľ naiz neskaen abestiak entzuteko ez nago. Zertarako, ba, nengoke nere eŕege yaunaren bizkaŕ.
36. Zure moŕoi onek eŕegerekin Yordan igaroko du apuŕ bateko. Beste ordain ori eŕegek zergatik lemaidake?
37. Ziľegi bekio zure moŕoi oni, berera itzultzea, nere irian ta nere aita-amaen iľobi-ondoan iltzeko. Oŕa beŕiz, Kanaan, zure moŕoya; biyoa nere eŕege yaunarekin; ta egiozu on deritzazuna».
38. Eŕegek erantzun zion: «Betoŕ Kamaan nirekin, ta aren alde egingo dut gogarako zaizukena; zuri ere egingo dizut niregandik zuk nai aña».
39. Ta eŕi osoak Yordan igaro ondoren, eŕegek ere Berzelai’ri muin ta aguŕ-on egiñik, igaro zun. Berzelai, beŕiz, berera itzuli zan.
40. Eŕege Galgal’a yoan zan, eta Kanaan arekin ziyoan, bai-eta Yuda’ko eŕi osoa, eta Ixrael’go eŕiaren erdia ere.
41. Ta ara, Ixrael’go gizon guziek eŕegerengana yo ta esan zioten: «Zergatik Yuda’ko gizonek, gure anayek ostu zaitute, ta eŕegeri ta aren etxekoei, ta Dabid’en gizon guziei arekin Yordan igaro-erazi diete?»
42. Yuda’ko gizon guziek Ixrael’go gizonei erantzun zieten: «Eŕege guretaŕa dalako. Zergatik oŕetaz aseŕeori? Eŕegeren bizkaŕ yan ote-dugu? edo arengandik zerbait aŕtu?»
43. Ixrael’go gizonek Yuda’ ko gizonei yardetsi zieten: «Niregan eŕegek amabi leñu ditu; ta Dabid bera zuri baño geyago niri dagokit. Zergatik gutxietsi nauzu? Ez al-naiz ni auŕena eŕege ekaŕtzeaz itz egin dudana? Yuda’ko gizonen itzak ere Ixrael’go gizonenak baño gogoŕagoak izan dira».

Ixrael Yuda’ren auŕka

1. Zori txaŕez ba-zan an giza-txaŕ bat, Seba zeritzana, benyamindaŕa, Bokiri’ ren semea. Ta turuta yoaz esan zun:

«Guk ez dugu egiñenik Dabid’ekin, ez eta Yese’ren semearekin erkiderik ere. Nor bere kapaŕera biuŕ bedi, Ixrael».

2. Ta Israel’go gizon guziak Dabid’engandik aldendu ziran, Bokiri’ren seme Seba’ri yaŕaitzeko; yudaŕak, beŕiz, Yordan’ dik Yerusalem’año eŕegeri atxiki zitzaizkion.
3. Dabid’ek, Yerusalem’go bere etxera itzuli zanean, berak etxezai utzitako amaŕ oaideak

aŕtu ta itxi zitun gorku batean, eta yanariak zemazkien bañan ez zan ayengana saŕtu. Ta an gelditu ziran itxirik, il arteraño bizi-alargun.

4. Eŕegek Amasa’ri esan zion: Aldaŕi egiñez bil itzaidazu Yuda’ko gizonak iruŕen ontan, ta zu egon emen ayekin.
5. Yoan zan, beraz, Amasa yudaŕak biltzera, ta ez zan erabakitako epean itzuli.
6. Ta Dabid’ek Abisai’ri esan zion: «Absalom baño kaltegaŕiago izan zaigu gaur Seba, Bokiri’ren semea. Aŕtu, beraz, zure nagusiaren gizonak eta ezetsizazu, iri sendoak idororik beaŕ ba’da ayetan gure begiengandik itzali ez dadin. *
7. Beraz, Seba Bokiri’ren semea ezesteko, Yoab’en gizonak aren ondoren Yerusalem’ dik irten ziran, Keret’etaŕekin, Pelet’etaŕekin, eta gizon zagai guziekin.
8. Gabaon’go aŕkaitz ondora eldu ziranean, Amasa ayetaratu zan. Yoab’ek soñekoa geŕikoz lotua zun, ta gañean ezpata bere zoŕoan saŕtua; eŕaz ateratzeko eran, ordea.
9. Yoab’ek Amasa’ri esan zion: «Ondo al zaude, ene anaya?» Ta muin egiteko bezela eskuiz eldu zion bizaŕetik.
10. Ta Amasa’ren ostuka zekaŕen ezpata boskaŕen sayets-ezuŕ aldean Amasa’ri saŕtu zion, aren esteak luŕeraño idokirik; eta, beste ukaldirik gabe Amasa il zun. Yoab eta Abisai, aren anaya, beŕiz, auŕera yoan ziran Seba, Bokiri’ren anaya ezesten.
11. Yoab’en mutiľetako bat Amasa’ren ondoan yaŕi zan, esanez: «Oŕa Yoab’en ordez Dabid’en uŕena izan nai zuna».
12. Amasa bide-erdian odolez zikindua zetzan; ta norbaitek, guziak an gelditzen zirala ikusirik, bidetik landara bazteŕtu zun, ta estalki bat gañean ipiñi zion.
13. Ta bidetik bazteŕtu zunetik, guziak igaro ziran auŕera Yoab’ekin, Seba, Bokiri’ren anaya ezestera.
14. Ta Ixrael’go leñu guzien bazteŕaldeetan baŕna igaro zan Abel’año ta Bet-Maaka’raño; eta gizon yatoŕenak oro bildu ta yaŕai zitzazkion.
15. Ara elduta, Abel-Bet-Maaka’n inguratu zuten, ta iriaren auŕka aŕesiraño pezoin bat eraikirik, Yoab’ekin zan eŕi guzia aŕesia iraultzen leyaz ari zan.
16. Orduan, emakume zuŕ batek iritik ots egin zun: «Aŕen! entzun ta Yoab’i esayozute onara uŕbiltzeko, itz egin dezayodan.
17. Yoab uŕbildu zanean, emakumeak esan zion: «Aditu zure mirabe onen itzak». Ta Yoab’ek ari: —Adi nagokizu!
18. Ordun emakumeak esan zun: «Beñola zioten: «Onu eske, Abel’a yo bear?», ta ala egin zuten.
19. Ni Ixrael’go iri pakezale ta kirmenekoa naiz; ta Ixrael’ en amatzat dan iria poŕokatu nai al-duzu? Zergatik suntsituko zenuke, Ixrael’en yaraunsia?»
20. Yoab’ek erantzun ta esan zion: «Utikan niregandik oŕelako asmoak!! Utikan! Ez dut nai suntsitu, ez irauli.
21. Ez da ori gure auzia. Eparain-mendietako gizon bat, Seba, Bokiri’ren semea, Dabid eŕegeren auŕka yaiki da, ordea. Ori bakarik iguzute, ta asagotuko naiz iritik. «Emakumeak Yoab’i erantzun zion: «Laisteŕ iraitziko dizute aren burua aŕesitik beera.»
22. Yoan zan, beraz, eŕi osoari bere zuŕtasunez itz agitera, ta ayek Bokiri’ren seme Seba’ri burua iñausirik, Yoab’i yaurti zioten. Orduan Yoab’ek turuta yo zun, ta aren gizonek norberaren etxera yoan ziran; eta eŕegerengana itzuli ziran.

Agintedun nagusiak

23. Yoab, Ixrael’go gudagizon guzien buru gelditu zan; ta, Banai, Yoyada’ren semea, Keret’etaŕen ta Pelet’etaŕen buru;
24. Adoran, zergarien buru; Yosapat, Ailud’en semea, agirien arduradun;
25. Siba, idazlari; Sadok eta Abiatar apaizpuru;
26. ta Ira Yair’taŕa, Dabid’ en onulari.

Gabaon’daŕen ibigaŕitzat

1. Dabid’en egunetan iru urteko gosete bat izan zan. Dabid’ek Yaube’rengana yo zun galdeka; ta Yaube’k erantzun zion: «Saul’engatik da ori, aren odoleko sendiarengatik; gabaondaŕetan egin zun saŕaskiagatik.»
2. Orduan eŕegek gabaondaŕai deitu ta itz egin zien. Gabaondaŕak ez ziran Ixrael’en semeetakoak, Amor’taŕen ondaŕak baizik; bañan, Ixrael’en semeek ayei egindako ziña autsi zuten eta Saul’ek, Ixrael’ go ta Yuda’ko semeekiko ardurakeriz yo zitun zoŕozki.
3. Beraz, Dabid’ek Gabaondaŕei esan zien: «Zer egin dezaket zuen eringaŕitzat, Yaube’ren yarauntsia onets dezazuten?»
4. Gabaondaŕek erantzun zioten: «Ez da ziľar edo uŕearengatik Saul’ekin eta aren etxearekin dugun auzia; iñor ez dugu Ixrael'en il nai». Dabid’ek esan zien: — «Esan, ba, nai zenuketena; nik egingo dizuet-eta.»
5. Eŕegeri erantzun zioten: — «Gizon arek abaŕikatu, ta suntsitu nai giñuzan, Ixrael osoan guretaŕik bat ere uzteke.
6. Izkiguzu aren aziko zazpi gizon, Yaube-auŕean il ditzagun Yaube’k aututako Saul’en Gabaa’n.» Ta eŕegek esan zien: — «Emango dizkizuet.»*
7. Eŕegek, beraz, Yaube’ren izenez Dabid’ek eta Saul’en seme Yonata’k elkaŕi egindako ziñarengatik, Mipiboset, Yonata’ren semea, yagon zun.
8. Ta Aya’ren alaba Eŕespa’k Saul’i egindako bi semeak, Armoni ta Mipiboset, eta Saul’ en alaba Mikol’engandik Berzelai’ren seme Adiriel Molat’ ekoak izandako bost semeak aŕturik,
9. gabaondaŕei eskuratu zizkien, ta gabaondaŕek Yaube’ ren auŕean mendian tantaitik esegi zituzten. Zazpirak aldi berean iľak izan ziran ta amaitu ziran uztaiľaren lenbiziko egunetan, garagaŕ-itaiketa asten zanetan.*
10. Aya’ren alaba Eŕespa’k zoŕo bat artu ta aŕkaitz-gañean beretzat yauŕi zun; eta, an egon zan itaiketaren asieratik euria odeyelatik gañera letoŕkien arte; eta ez zien eŕoyai egunez ta iizeai gaueaz ayetara urbiltzen utzi.

11. Saul’en oaide Aya’ren alaba Eŕespa’k egindakoa Dabid’i yakiñerazi ziotenean,
12. Dabid Yabes-Galaad’a yoan zan Saul’en ezuŕak ta aren seme Yonata’renak ango nagusien eskutik ekaŕtzera. Izan ere, pilisteŕek Gelboe’n Saul poŕokatu zutenean, ezuŕok Bet-San’go zeyean esegi zituten; baña Yebes’taŕek andik ostu ta beren irira eraman zituten.
13. Dabid’ek, beraz, Saul’en ezuŕak eta aren seme Yonata’ renak aŕturik, eta beste esegitakoenak bildurik, eraman zitun.
14. Saul’en ezuŕak eta aren seme Yonata’renak Benyamin’ go Seia’n, Saul’en aita Kis’en iľobian eortziak izan ziran; ta eŕegek agindutako guzia egin zan. Ta guzion ondoren Yainkoa ibitu zan luŕaldeari buruz.

Pilistaŕen auŕkako osterak

15. Beŕiro pilistaŕek Ixrael’i guda egin zioten. Dabid irten zan ayen auŕka bere gizonekin; eta, buŕukaldian nekatu zalarik,
16. Yesbi-Benod Eŕepa’ŕak, ezpata beŕi bat geŕian, ta irureun sikel astun zan burniorizko aiztaga bat eskuan, Dabid yo nai zun.
17. Bañan, Sarbi’ren seme Abisai’k, Dabid’i lagun etoŕirik, pilistaŕa yo ta il zun. Orduan, Dabid’en gizonek zin egin ta Dabid’i esan zioten: «Ez irten gurekin gudara, Ixrael’go argia itzali ez dezazun.»
18. Gero pilistaŕen auŕkako guda beŕi batean Sabokai Usat’ etaŕak, Sap Eŕepa’ŕa Gob’en il zun.
19. Pilistaŕen auŕkako guda beŕiz piztu zalarik, Yaare-Oregin Bet-I.een’daŕak Goliat Get’etaŕa il zun. Goiiat onen aiztagaren zuŕuna euleen zeyermena bezelakoa zan.
20. Get’en ere guda piztu zalarik, ogei ta lau beatz, eskuetan amabi ta oñetan amabi zeuzkan ango gizon tantai eŕepaŕ batek
21. Ixrael iraiñez bete zun; ta Dabid’en anai Samaa’ren seme Yonata’k il zun.
22. Laurok Get’ekoak ziran ta Eŕepa’ŕen odolekoak; ta Dabid’en eskuetan eta aren gizonenetan erori ziran.

Dabid’en eresia

1. Guzion ondoren Dabid' ek uŕengo eresiaren itzak Yaube’ri esan zizkion Saul’en eta etsai guzien eskutik yarein zunean:*
2. Yaube dut aŕkaitz, indaŕ ta yareiľea, (Er. 18, 3)
3. Yainkoa da nere ustea datxikion azkaŕia, nere babes, ta osasun-adaŕa, nere yasotzaiľe ta gorkua.
4. Yaube goragaŕiari ots eginda, (Er. 18, 4) etsayen eskuetara gabe nago.
5. Erio-uiñez inguratua gaitz-uyolak izutua,
6. xeol’eko lokaŕiz atzia ta erio-xedebak erortzeko agian niñuten
7. Laŕialdi artan Yaube’rengana yo nun, nere Yainkoari ots egin nion; ta bere yauretxetik nere deya entzun, ta nere gaŕaxia belaŕiratu zitzayon.
8. Luŕa dar-dar ta ikaraz asi zan, ortzi-orpoak zirkiñez zotukatu ziran, Yaube’ri aseŕetu bait-zitzayon. *
9. Suduŕetik kea zerion, ta aotik su ireskoŕa, iľintiak irazekiz.
10. Ta ortzia beeratuz yeitxi zan, odei bat oñazpian zekaŕela.
11. Kerub baten gañean aize-egalez egaka azaldu zan.
12. Bere inguruan iľunbea, kapaŕ-antzo eraiki zun, ortziko ura odeyetan mordotuz.
13. Aren auŕpegiko gaŕetan iľintiak zitxezkan,
14. Yaube'k ortzitik ostotsa igoŕi, Goikoaren mintzoa durundatuz.
15. Gezi-iaurtika etsayak sakabanatu, oñazkaŕez poŕokatu zitun.
16. Yaube’ren zemaz, Aren suduŕ-atsez itxasoaren zingoa ageri ta luŕbirako orubeak azaldu ziran.
17. Eskua goitik luzatuz atzeman ta ur-arangelatik atera nau.
18. Yarein nau nere etsai altsuaren eskutik eta goŕoto niñutenenetik, ni baño sendoagoak zirala ere.
19. Gañera yauzi zitzaz'kidan laŕialdian, baña Yaube izan dut zurkaitz.
20. Zabalera atera ta gaizkatu nau, adeibera zaidalako.
21. Nere zintzotasunari ta nere esku garbiei zegokienez ordaña eman dit Yaube’k.
22. Yaube’ren bidean ibili bait-naiz, nire Yainkoarengandik zitalki sayestek
23. Aren erabaki guziak izan ditut begietan, ta Aren legetik ez naiz aldendu.
24. Kirmen izan natzayo, txaŕkeritik urunduta.
25. Ta nere zintzotasuna ta esku garbiak ikusirik, ordain egokia Yaube’k eman dit;
26. eŕukitsuari eŕukitsu, zintzoari zintzo,
27. garbiari garbi, ta okeŕari okeŕ azaltzen bait-zayo.
28. Apalak gaizkatzen, anpurutsuak, beŕiz, zure begitaldiz bera amiltzen dituzu.
29. Zu, Yaube, nere argia bait-zera; Yaube’k argitzen du nere iľuna.
30. Zurekin gudalostea autsi ta aŕesira yauzteko gai naiz.
31. Yainkoaren bidea yatoŕa da, Yaube’ren itza, aŕagotua. Bera Arengan uste dutenei babeskia zaye.

★ ★ ★

32. Nor da Yainko, yaube baizik? nor zaigu arkaitz gure Yainkoa baizik?
33. Yainkoak yazten nau indaŕez, ta bidea atontzen dit,
34. nere oñak orein-oñak bezain zailu egiñez gañetan eskieŕ ibiltzeko.
35. Berak gudarako gai egin dizkit eskuak, (Er. 144, 1) eta burniorizko uztaya erabiltzeko besoak.
36. Zure babeskiak yagoten ta zure eŕukiak goratzen nau.
37. Nere uŕatsak luzeagotu dituzu, ta ez dira kordokatzen nere oñak.
38. Nere etsayak ezetsi ta iristen ditut, ta ez naiz itzultzen suntsituak utzi arte.
39. Biŕintzen ditut, suntsitzen ditut; ez dira yaikitzen; nere oinpean erorita dauntza.
40. Indaŕez yantzi nauzu gudarako ta nere yazaŕleak azpiratzen dizkidazu.
41. Bizkaŕa nere auŕetik biuŕerazten diezu nere etsayei, ta goŕoto nautenak abaŕikatzen ditut.
42. Yaube’ri deika ayek; yagolerik gabe, ordea, ez die aditzen.
43. Luŕeko autsa bezela biŕin egiñak uzten ditut, zeyetako loya bezela istikatzen ditut.
44. Nere eŕiko liskaŕetatik idokitzen nauzu, atzeŕien buru ni yaŕtzeko; ta ez nezagun eŕia menderatu zait.
45. Atzeŕiko semeak limurka datozkit, entzunda bereala men egiten didate.
46. Atzeŕiko semeak aulduta daude, ta izututa datoz beren altxabeetatik.
47. Gora Yaube! Onetsi bedi nere Arkaitza! Gora Yainkoa, nere yaregiľea!
48. Yainkoa, nere apentzaľea! eŕiak menderatzen dizkidana,
49. nere etsayetatik atera, ayen buru yaŕi, (Eŕ. 18, 49) ta zakaŕen eskutik yarein naun Yainkoa!
50. Aitoŕtuko zaitut, beraz, Yaube, atzeŕien auŕean, ta zure izena eresiz goretsiko dut, (Eŕ. 15, 9)
51. zure eŕege ainbeste goratzen duzulako, ta Dabid zure gantzutuari ta aren ondorengoei betiko azaltzen diezun eŕukiagatik.

1. Ara Dabid’en azken-itzak: Yese’ren seme Dabid’en itzak; gora yasotako gizonaren itzak, Yakob’en Yainkoak gantzututako Ixrael’go ereslari gozoarenak.
2. Yaube’ren atsak nire aoz darausa, . ta Aren itza nere mingañean da. *
3. Ixrael’en Yainkoa mintzo izan da Ixrael’en Arkaitzak esan dit: Zuzena gizonetan nagusia da, Yaube’ren belduŕez nagusia;
4. odeigabeko goizean euri ondoren eguzki-soŕtzean zelai-belaŕetan dir-dir goiz-argia dan bezela.
5. Ez al-da nere etxea Yainkoari buruz onela? Betiko ituna nerekin egin bait-du orotan antolatu ta yagon beaŕ dan ituna ta andik nere osasuna ta Aren gogo osoa ernaraziko ditu.
6. Belial-kume guziak, beŕiz, arantzak bezela, yaurtiak daitezke, eskuan aŕtu eziñak bait-dira.
7. Ikutu nai ditunak burniz edo aiztagaz darabiltzi, surtan eŕe beaŕ diran tokiraño.

Dabid’en gudari beñenak

8. Ona emen Dabid’en gizon azkaŕenen izenak: Yesbaan, Akamoni’ren semea, xalixen agintarien auŕena, bere aiztagaz irureun gizon yazaŕaldi batean il zituna.
9. Aren uŕena, Eleazar, Aoi’ taŕa Dodo’ren seme, buŕuka-tokian bildutako pilistaŕen auŕka ixraeldaŕak igotzean, Dabid’ekin zeuden xalixetakoa.
10. Ta yaikirik, pilistaŕak yotzen ari izan zan, eskua nekatu ta ezpatari itsatsia gelditu zitzayon arte. Egun artan Yaube’k gurenda edeŕ bat burutu zun, ta eŕia irten zan Eleazar’engana, baña erazkin-bilketara bakaŕik.
11. Aren uŕena, Sema Arar’ taŕa, Age’ren semea. Pilistaŕak Leki’n bildu ziran; an ba-zan txilistaz betetako aloŕ bat, eta eŕiak pilistaŕetatik iges egin zun.
12. Sema’k, aloŕ-erdian yaŕita, aloŕa zaitu zun, ta pilistaŕak poŕokatu zitun. Ta Yaube’k gurenda edeŕ bat burutu zun.
13. Xalixetako iru yeitxi ta Odolan'go aŕtzuiora yoan ziran Dabid’engana, pilistaŕen kapaŕdia Eŕepain-aranean zalarik. (2 Eg. 11, 15.)
14. Orduan Dabid gazteluan zan, ta pilistaŕak guda-sail bat Bet-Leen’en yaŕita zeukaten.
15. Dabid’ek edan-gogoz esan zun: «Nork lekaŕkidaken ura Bet-Leen’go ate-ondoko urtegitik?»
16. Orduan iru xalix ayek pilistaŕen kapaŕdira yauzirik, Bet-Leen’go ate-ondoko urtegitik ura atera ta Dabid’i ekaŕi zioten. Bañan ez zun edan nai izan, ta Yaube’rentzat ixuri zun, esanez:
17. «Ez ba’letsa Yaube’k ori nik egitea! Biziaren aŕiskuz yoan diran gizonen odola edan ote-nezake?» Ta ez zun edan nai izan. Ori egin zuten iru gizon azkaŕ ayek.
18. Abisai, Yoab’en anaya ere, xalix nagusietako zan; ta bere aiztagaz irureun gizon yo ta il zitun; ta xalixetan izen ona zeukan.
19. Ez ote-zan xalixik ospetsuena ta beñena? Ez zitzayon, ordea, lenbiziko irurei berdindu.
20. Banai Kapeseel’daŕak, Yoyada’ren semeak, egite aundiko gizon azkaŕak, Moab’eko bi gudari beñenak yo zitun, ta eluŕ-egun batean yeitxirik, leoi bat il zun urtegiaren erdian.
21. Aiztaga eskuan zekaŕen aigitoaŕ gizon tantai bat il zun.
22. Ori egin zun Yoyada’ren seme Banai’k, xalix azkaŕenetan izen aundikoak.
23. Xalixik ospetsuena zan, bañan ez zitzayen lengoei berdindu, ta Dabid’ek bere onubatzako egin zun.
24. Xalixetakoak ziran berebat, Asael, Yoab’en anaya; Elkanan Bet-Leendaŕa, Dodo’ ren semea;
25. Sema Arod’etaŕa; Elika Arod’etaŕa;
26. Eles, Palti’aŕa; Ira, Tekua’taŕa; Akes’en semea;
27. Abiezer, Anatot’etaŕa; Mobonai, Usat’etaŕa;
28. Selmon, Aoi’taŕa; Maarai, Netopa’ŕa;
29. Eled, Netopa’taŕa; Baana’ren semea; Eta, Benyamin’ go Gabaa’ŕa;
30. Banai, Paraton’daŕa; Edai, Gebal-Gaas’taŕa;
31. Abi-Albon, Araba’ŕa; Azmabet, Beron’daŕa;
32. Eliaba, Salabon’daŕa; Bene-Yasen Gimzo’taŕa; Yonata;
33. Sema Arari’taŕa; Ahian, Arari'taŕa, Sarar’en semea;
34. Elipelet Maka’ŕa, Aasbai’ren semea; Elian Gilo’taŕa Akitopel’en semea;
35. Esrai Karmel’daŕa; Parai Arbi’aŕa;
36. Igaal Soba’ŕa, Natan’en semea; Boni Gad’etaŕa;
37. Selek Amon’daŕa; Naarai Berot’etaŕa, Sarbi’ren seme Yoab’en iskiľu-mutiľa:
38. Ira, Yeter’taŕa; Gareb, Yeter’taŕa; Uria Et’etaŕa. Guziak ogei ta amazazpi.

Eŕiaren eŕoldea

1. Ixrael’i buruz Yaube’ ul ren aseŕea beŕiro piztu zan, ta ayen auŕka Dabid’i eragin ta esan zion: «Ots! Atera Ixrael’ en ta Yuda’ren eŕoldea.» *
2. Eŕegek bere gudalburu Yoab’i esan zion: «Itzuli bat egizu Ixrael’en leñu guzietan baŕna, Dan’etik Ber-Sabee’raño, ta eŕia zenbatu ezazu, zenbat dan yakin dezadan.»
3. Yoab’ek eŕegeri yardetsi zion: Zure Yainko Yaube’k eŕia beste ainbeste ta eunetan ere ugaldu bezaizu; ta nere eŕege yaunaren begiek ori bekuste! Baña, zertarako aŕtu du asmo ori nere eŕege yaunak?»
4. Eŕegeren itza, Yoab’en ta gudalburuena baño altsuago zan, ordea, ta Yoab eta gudalburuak eŕegerenetik soŕtu ziran Ixrael’go eŕia zenbatzera.
5. Ta Yordan igarota, Gad-aranaren erdian, Aroer-iriaren eskui-aldean ekuraldi bat egin zuten, ta gero Yazer’en.
6. Andik Galaad’a ta Taraktik Odsi-luŕaldera yoan ta Dan-Yaan’a ta Sidon aldirietara eldu ziran.
7. Andik aŕesiaren ondotik igaro ziran, ta Ene’taŕen ta Kanaan’daŕen iri guzietan baŕna yoan ziran Yuda’ko Negeb’a Ber-Sabee’raño.
8. Ta luŕalde osoa igaro ondoren, Yerusalem’era itzuli ziran bederatzi iľabete ta ogei egunen buruan.
9. Yoab’ek eŕegeri eŕiaren eŕoldeko zenbakiak azaldu zizkion. Ixrael’go gudari ezpata-dunak zortzireun miľa ziran; ta Yuda’koak bosteun miľa.
10. Urduri zan, ordea, Dabid’en biotza, eŕia zenbatu ondoren; ta Dabid’ek Yaube’ri esan zion: «Ogentzaŕa da ortan egin dudana. Bañan, otoi, Yaube!!, aintzat ez aŕtu zure moŕoi onen gaiztakeria; oso ergelki ari izan naiz-ta.»
11. Goizean Dabid yaiki zaneko, Dabid’en ikuslari zan Gad igaŕleari, Yaube’k itz egin ta esan zion:
12. «Zoaz Dabid’engana ta esayozu: Ara zer dion Yaube’k: Iru gaitz eskeintzen dizkizut; autu iruretako bat, ta nik egingo dizut.»
13. Gad’ek Dabid’engana yoanda, itzok yakiñerazi zizkion, esanez: «Zer nayago duzu? Zazpi urteko gosetea zure luŕera etoŕtzea?, ala, zure etsai ta yazaŕleengandik igeska ibili?, ala iru eguneko izuŕi bat zure luŕaldean? Gomazu orain ta begira zer erantzun beaŕ diodan bidali naukizunari.»
14. Dabid’ek Gad’i esan zion: «Au kezka goŕialt Aundia da, ordea, Yaube’ren eŕukia, ta giza-eskuetan baño Yaube’renetan erori nayago dut.»
15. Ta goiz artatik erabakitako eguneraño izuŕia, Yaube’k piztuta, Ixrael’en asi izan zan, Dan’etik Ber-Sabee´raño irurogei ta amaŕ miľa lagun iltzen. *
16. Ta Yerusalem yotzeko aingeruak eskua auŕeratu zunean, Yaube’k, ainbesteko gaitzaz garbaituta, eŕia yotzen ari zan aingeruari esan zion: «Aski da!; atzera egizu esku ori.» Yaube’ren aingerua, Areuna yebustaŕaren laŕain ondoan zan.
17. Eŕiari yoka ari zan aingerua Dabid’ek ikusita, Yaube’ ri esan zion: «Ogenduna ni naiz; neu, uts egin dudana. Ardi gaxo oriek, beŕiz, zer egin dute? Otoi, niregan ta nere aitaren etxean ari bedi eskua.»
18. Egun artantxe, Dabid’engana etoŕirik, Gad igaŕleak esan zion: «Igo ta eraiki opamai bat Areuna yebustaŕaren laŕañean.
19. Dabid aŕa igo zan, beraz, Yaube’ren aginduz Gad’ek esan zionez; ta
20. Areuna’k begira ta ikusi zitun eŕege ta aren moŕoyak beragana etoŕtzen; ta ayengana auŕkezturik, luŕeruntz eŕegeri makuŕtuta, esan zion: «Zertara datoŕ nere eŕege yauna bere moŕoi onengana?»
21. Dabid’ek erantzun zion: «Laŕain au zuri erostera, opamai bat emen Yaube’ri eraikitzeko, izuŕia eŕiarengandik uŕundu dadin.
22. Areuna’k Dabid’i esan zion: «Aŕ beza nere eŕege yaunak nai aña, ta eskin bezayo. Begira or idiak eŕoparirako, ta eultzi-uztaŕiak eguŕetarako.
23. Dana eŕegeri damayo Areuna’k. Ta ondoren esan zion: «Zure Yainko Yaube adeibera bekizu.»
24. Eŕegek Areuna’ri esan zion: «Iñola ere ez: dirutan erosiko dizut. Ez bait-diot nere Yaube’ri uŕurik aŕtutako oparirik eskeñiko.»
25. Beraz, Dabid'ek laŕaña ta zezenak beŕogei ta amaŕ sikel uŕetan erosi zizkion. Ta Yaube ibitu zan luŕari buruz, ta izuŕia uŕundu zan Ixrael’ gandik.