Hizkuntza-zuzenbidea. Testu-bilduma euskaraz
7.6. 94-665 Legea, 1994ko abuztuaren 4koa, Frantsesaren Erabilerari buruzkoa (Toubon legea): 1., 11-I eta 21. artikuluak
7.6. 94-665 Legea, 1994ko abuztuaren 4koa, Frantsesaren Erabilerari buruzkoa (Toubon legea)[107]:
1., 11-I eta 21. artikuluak
1. artikulua
Frantsesa, Konstituzioaren aginduz Errepublikaren hizkuntza dena, Frantziaren nortasun eta ondarearen oinarrizko osagaia ere bada.
Horixe da hezkuntzaren, lanaren, trukeen eta zerbitzu publikoen hizkuntza.
Orobat, Frankofoniako erkidegoa osatzen duten estatuen arteko lotura nagusia da.
11-I artikulua[108]
Irakaskuntzako zentro publiko nahiz pribatuetan, frantsesa da irakaskuntzaren, azterketen eta lehiaketen hizkuntza, bai eta tesiena eta memoriena ere, salbu eta atzerriko nahiz eskualdeetako hizkuntzen eta kulturen irakaskuntzak salbuespenak egitea behar duenetan, edota irakasle bazkideak nahiz gonbidatuak atzerrikoak direnean.
21. artikulua
Lege honen xedapenak aplikagarriak dira, Frantziako eskualdeetako hizkuntzen legeriari eta araudiei kalterik egin gabe, eta ez dira haien erabileraren aurkakoak.
Testuaren kontzeptuak eta esaldiak
- aplikagarria
- atzerriko nahiz eskualdeetako hizkuntzen eta kulturen irakaskuntza
- atzerrikoa
- erabileraren aurkakoak
- Errepublikaren hizkuntza
- Frankofoniako erkidegoa osatzen duten estatuen arteko lotura nagusia
- frantsesa
- Frantziako eskualdeetako hizkuntzen legeria eta araudiak
- Frantziaren nortasun eta ondarearen oinarrizko osagaia
- hezkuntzaren, lanaren, trukeen eta zerbitzu publikoen hizkuntza
- irakaskuntzako zentro publiko nahiz pribatuak
- irakaskuntzaren, azterketen eta lehiaketen hizkuntza
- irakasle bazkideak nahiz gonbidatuak
- kaltea
- kalterik ez egitea
- konstituzioaren aginduz
- legea
- salbuespena
- tesiak eta memoriak (hizkuntza)
- xedapena, 59, 62, 80, 96
Nabarmenduak
