JAGONET galde-erantzunak
Salbuespena adieraztea: baino ez, baizik eta, besterik ez
Aditz-izena eskatzen al dute besterik ez / baino ez daramatenek? Ondorengo hauetatik zein dira zuzenak?
1. Zure lana hori egin baino/besterik ez da.
2. Zure lana hori egitea baino/besterik ez da.
3. Zure egitekoa ez da hara joatea, baizik eta hemen geratu.
4. Zure egitekoa ez da hara joatea, baizik eta hemen geratzea.
5. Zure egitekoa ez da hara joatea, hemen geratu baino/baizik.
6. Zure egitekoa ez da hara joatea, hemen geratzea baino/baizik.
Lehen perpausa okerra da. Izan ere, zure lana predikatua bada (edo subjektua), predikatu horrekin lotutako aditza -t(z)ea formakoa izan ohi da: zure lana hori egitea da / *zure lana hori egin da: zure lana da hori egitea / *zure lana da hori egin.
Horren arabera:
1. *Zure lana hori egin baino/besterik ez da. (OKERRA)
2. Zure lana hori egitea baino/besterik ez da. (ZUZENA)
3. Zure egitekoa ez da hara joatea, *baizik eta hemen geratu. (LEHEN ZATIA ZUZENA DA ETA BIGARREN ZATIA OKERRA)
4. Zure egitekoa ez da hara joatea, baizik eta hemen geratzea. (ZUZENA)
5. Zure egitekoa ez da hara joatea, *hemen geratu baino/baizik. (LEHEN ZATIA ZUZENA DA ETA BIGARREN ZATIA OKERRA)
6. Zure egitekoa ez da hara joatea, hemen geratzea baino/baizik. (ZUZENA)
Horrez gainera, ikus hau ere: "Kuantifikazioa adieraztea: besterik ez / baino ez (irakurri/irakurtzea besterik ez duzu)" (JAGONET).
Zalantza-mota: lexikoa > orokorra, sintaxia > aditza
Unitate-mota: hitzak-aditzak > aditz-izena, hitzak-aditzak > partizipioa, hitzak > adberbioak, hitzak > juntagailuak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
