JAGONET galde-erantzunak
Baldintza adieraztea: estudiatu izan bazenu / hobeto biziko zinen/zinatekeen
Ikasi behar zenuenean estudiatu izan bazenu, gaur egun hobeto… biziko zinen ala biziko zinateke?
Kasu horretan zinen ere onartzen da ala zinateke erabili behar dugu derrigorrez?
Lehen galderako aukera egoki bakarra da gaur egun hobeto biziki zinateke.
Iraganean emaniko baldintza baten ondorio-perpauseko aditza denez, kontuan izan behar da batzuetan bi aukerak direla posible, ondorio-perpauseko ekintza zein alditan kokatzen dugun: iraganaldian (orduan, aditza iraganaldikoa izaten da), edo hipotetikoan (orduan, aditz-aldi hipotetikoa izaten da). Bigarren kasu horretan, askotan, gaur, orain eta gisako adberbioak sartzen dira ondorio-perpausean.
Ikasi behar zenuenean estudiatu (izan) bazenu, hobeto biziko zinen/zinatekeen (orduan).
Ikasi behar zenuenean estudiatu (izan) bazenu, gaur hobeto biziko zinateke.
Urtean zehar gehiago ikasi (izan) bazenu, dena gaindituko zenuen/zenukeen (orduan).
Urtean zehar gehiago ikasi (izan) bazenu, (datozen) oporretan ez zenuke hemen geratu beharko.
Horrez gain, ikus hauek ere: "Baldintza adieraztea: komunztadura iraganean (tokatu izan balitzait, erosiko nukeen/nuen)" (JAGONET), "Baldintza adieraztea: komunztadura (dituzun aukerak izan bagenitu, ondo biziko ginateke orain)" (JAGONET).
Informazio gehigarria:
- "baldintza-perpausak" (EBE)
Zalantza-mota: sintaxia > aditza, sintaxia > perpausak
Unitate-mota: hitzak-aditzak > adizki jokatuak, perpausa > baldintza
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
