JAGONET galde-erantzunak

zerikusia izan / zer ikustekoa izan

Galdera:

Horrek ez du zer ikusirik nik esandakoarekin (zuzen).
Horrek ez du zer ikustekorik nik esandakoarekin (oker).

Erantzuna:

Euskaltzaindiak ez du araurik eman horretaz. Hala ere, argi dago lehena zuzena dela; zerikusi guztia batera idaztea ere ohikoa da, izen kategoria hartu duen neurrian. Ikusteko ere izena da, eta biak (zerikusi eta ikusteko) baliokide izan daitezke:

Honek ez du horrekin zerikusirik = honek ez du horrekin ikustekorik

Dirudienez, bi egiturak nahasi egin dira. Kontuan izan, hala ere, zer eta ikusteko perpaus berean ager daitezkeela, baina bakoitza osagai desberdina izanik:

Zer ikusteko dut nik zurekin?

Adibide horretan, zer galdetzailea eta ikusteko, izena ditugu; beste adibide honen pareko egitura du, beraz:

Zer palazio dauka maitia zuri emateko?
Data: 1999 - Erantzulea: Miren Azkarate (iritzia)
  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper