Euskaltzaindiaren Hiztegian esaten da [EH:irten] da aditza dela. Bizkaian (eta Gipuzkoako parte batean) irten (erten) du esan arren, euskalki-mailako erabileratzat hartzen da molde hori.

[EH:igo] aditza da eta du erakoa da, zer adierazi nahi den: Zeruetara igo zen (da). Elkarri helduta igo genuen maldatxoa (du). Eskailera igo dut bigarren solairura (du).

Nolanahi ere, bizkaieraz, du aditz gisa erabiltzen da objekturik ez duenean ere, eta aspalditik (Urten eben bere kamararean eta igo eben bere ugazabaren aposentura. Lazarraga), baina Euskaltzaindiaren Hiztegian da forman baino ez da ageri objekturik ez duenean.