Amalur, ama-lur, ama lur… ez dira jaso Euskaltzaindiaren Hiztegian. 2014an, Euskaltzaindiko Osoko bilkurak izena hiztegian ez sartzea erabaki zuen. Hiztegian ez agertzeak, hala ere, ez du esan nahi forma horiek ez direla zuzenak, baizik eta ez dirudiela hiztegian lekurik dutenik oraingoz.

Nolanahi ere, sarrera ez bada ere hiztegian, ageri da bertako adibideren batean ―esaterako, [EH:folklorista] sarreran―. Ageri da Orotariko Euskal Hiztegian ere [OEH:AMA LUR]. Lexikoaren Behatokian ere ageri da.

Oinarrizko formak ama lur moldekoa dirudi: Erdi-minez dago ama lurra. Pertsonaia mitologiko gisara erabiltzen denean, letra larriz erabiltzen da: Oroit zaitez lurra Ama Lurra dela folkloristentzat eta ekologistentzat.