JAGONET galde-erantzunak
Begirunezko tratamenduak: eskerrak ematea eta erantzunak
1) Eskerrak emateko, molde hauetako zein dago ondo?
- Eskerrak
- Ez dago eskerrik (nire lagun baten familian betidanik esan dute horrela, eta nire kolkorako pentsatu izan dut "ez dago eskerrak eman beharrik" esaldiaren laburtzea izango zela...).
- Eskerrik (hau bakarrik sakelakoetan ikusten da, laburtzeko asmoz...)
2) Norbait aurkezten dizutenean, kortesiazko zein esaldi dira egokiak? Gisa honetakoetan, esaterako: Pozten naiz (zu ezagutzeaz), urte askotarako…?
Eta erantzuteko?: berdin?, eskerrik asko? … Balio al du berdin esateak?
1. a) Eskerrak emateko erabiltzen diren esapideetan:
- Euskaltzaindiaren Hiztegian ikus daitekeenez, eskerrak formula edo esapidea erabil daiteke eskerrik askoren balioarekin [EH:eskerrak1], nahiz erabilera nahiko mugatua duen.
- Ez da(go) eskerrik (eta aldaera duen Ez da(go) eskerrik horregatik) esapidea ere erabiltzen da eskerrik askoren balioarekin. Litekeena da laburtze baten ondorioa izatea.
- *Eskerrik (eskerrik askoren edo eskerrik anitzen laburtzapena) ez da egokia eta ez zuzena ere. ("eskerrik asko (*eskerrikasko, *eskerrik)" (EBE))
Dena dela, eskerrak eman nahi direnean, esapide hauek erabiltzen dira eskuarki:
Eskerrik asko! / Eskerrik anitz!
Eskerrik asko denagatik!
Mila esker! / Milesker! / Esker mila!
b) Eta esker horiei erantzuteko, beste hauek erabili ohi dira gehienbat:
Ez horregatik!
Ez dago zergatik! Ez da ezergatik!
Ez da ezer! / Ez da ezer ere! / Ez da deus ere!
Baita zuri ere!
Ez da zeren! Ez du zeren!
Ez da(go) zeri! Ez da(go) zerik!
Ez da gauza asko!
2. a) Norbait aurkeztu eta hari erantzuteko egokiak dira Pozten naiz. Urte askotarako! Urte askoan! esapideak. Eta baita beste hauek ere:
...(norberaren izena + naiz). Pozten nau zu ezagutzeak!
Baneukan zu ezagutzeko gogoa!
b) Eta aurkezpen horri erantzuteko:
Berdin!
Baita nik ere!
Zalantza-mota: sintaxia > esapideak
Unitate-mota: joskera > esapideak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Siège social
- B
- BISCAYE
- Plaza Barria, 15.
48005 BILBAO - +34 944 15 81 55
- info@euskaltzaindia.eus
Centre de recherche
- V
- LUIS VILLASANTE
- Tolare baserria. Almortza bidea, 6.
20018 SAINT SÉBASTIEN - +34 943 42 80 50
- donostiaordez@euskaltzaindia.eus
Represéntations
- A
- ALABA
- Gaztelako atea, 54
01007 VITORIA-GASTEIZ - +34 945 23 36 48
- gasteizordez@euskaltzaindia.eus
- G
- GUIPUSKOA
- Tolare baserria. Almortza bidea, 6
20018 SAINT SÉBASTIEN - +34 943 42 80 50
- donostiaordez@euskaltzaindia.eus
- N
- NAVARRE
- Oliveto Kondea, 2, 2. solairua
31002 PAMPELUNE - +34 948 22 34 71
- nafarroaordez@euskaltzaindia.eus
L'association
- P
- PAYS BASQUE NORD
- Château Neuf
15, place Paul Bert
64 100 Bayonne - +33 (0)559 25 64 26
- +33 (0)559 59 45 59
- baionaordez@euskaltzaindia.eus
