Bai, zuzena da Dagoeneko hemen zara? galdetzea aurrean daukazunari, Jadanik hemen zara? zuzena den bezala (testuinguru edo komunikazio-egintza jakin horretan, ulertzen da hein bateko harridura edo ezustea adierazteko dela, bestela ez baitu zentzurik ‘egiazki’ han den galdetzeak. Galdera erretorikoa da).

Bestalde, ez dira baliokideak dagoeneko eta honezkero. Dagoenekok ziurtzat jotzen du adierazia [EH:dagoeneko]: Udan gaude dagoeneko. Honezkerok, berriz, uste edo susmoa adierazten du [EH:honezkero]: Honezkero hasiko zen saioa. Oso argigarriak dira Euskaltzaindiaren Hiztegian datozen adibideak.