1. -arazi: Orokorrean, da erako aditzek, -arazi eranstean, du era hartzen dute (Isildu da Mikel / Norbaitek isilarazi du Mikel); eta du erakoek dio hartzen dute (Egia esan du Mikelek / Norbaitek egia esanarazi dio Mikeli). Xehetasun gehiago jakiteko, jo 43. araura. Horrez gainera, ikus hauek ere: "Aditzaren jokabidea: eragin/-arazi <izena + egin> egituretan (negar eginarazi / negar eragin…)" (JAGONET), "Aditzaren jokabidea: -arazi (lo eginarazi / lo eragin)" (JAGONET), "Lexikoa: lo eginarazi, lokarrarazi, loarazi; lotarazi" (JAGONET).

2. eragin:

2.1. <izena + egin> egiturako aditz-perifrasietan aditz arazlea eratzeko erabiltzen da eragin aditza (hitz eragin, negar eragin…). Dio era dagokio (negar eragin zion [= negar eginarazi zion], huts eragin zidan [= huts eginarazi zidan]).

2.2. Bizkaierazko testuetan, -arazi aditzaren balioa izan dezake [OEH:eragin4] sarreran ikus daitekeen bezala: Sinistu eragiten die. Berak ez zuen gura, baina ugazabak etorri eragin zion batzarrera.

Ikus hau ere: "Lexikoa: egin, eragin" (JAGONET).