JAGONET galde-erantzunak

Denbora adieraztea: NOIZ? Bihar bertan; NOIZKO? *Biharko bertako

NOIZ galderari erantzuteko, bihar bertan erabiltzen dugu; baina NOIZKO galderari erantzun nahi izanez gero, zer: biharko bertako / bihar bertako?

Euskal tradizioan bihar bertan erabiltzen da, eta hori zuzena da; ez dago *biharko bertako / *bihar bertako gisako formarik: ez dira halakoak erabiltzen euskaraz. Horien ordez, bihar bertan egin beharreko lana / bihar bertan egiteko lana / bihar berean gisako egiturak erabili izan dira euskaraz.

Horrez gainera, ikus hauek ere: "Denbora adieraztea: orain bertan / oraintxe bertan" (JAGONET), "Denbora adieraztea: oraintxe/orain (oraintxe/orain ez daukat hori ikusteko gogorik)" (JAGONET).

 

Informazio gehigarria:

Zalantza-mota: morfologia > kasu-markak, sintaxia > sintagma-egiturak

Unitate-mota: hitzak > adberbioak, hitzak > determinatzaileak

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper