Horrelakoetan, bi osagaiek kasu-marka bera eramaten dute: batek baino gehiagok, bati baino gehiagori, zazpi etxek baino gehiagok... Euskal Gramatika. Lehen Urratsak V, 420. or.. Beraz, hamar mila pertsonak baino gehiagok parte hartu dute da zuzena.

Izenlagunetan, ordea, gehiago hitzari bakarrik eransten zaio -ko atzizkia: 30 ikasle baino gehiagoko ikasgelak; 200 bizilagun baino gehiagoko herriak. Berdin jokatzen du -en atzizkiak ere: Adibideak ere baditugu, ordea, eta idazle bat baino gehiagorenak.

Horrez gainera, ikus hauek ere:"Kuantifikazioa adieraztea: gehiago (mila urte baino gehiagoan/gehiagotan / mila urtean baino gehiagoan)" (JAGONET), "Kuantifikazioa adieraztea: gehiago (eta gehiago / baino gehiago)" (JAGONET).