JAGONET galde-erantzunak
Kuantifikazioa adieraztea: -tik gora (80 lagunetik gora / 80tik gora lagun)
Zein da zuzena 80 lagunetik gora / 80tik gora lagun; 6 ordutik gora / 6tik gora ordu; 14 urtetik gorakoentzat / 14tik gora urtekoentzat eta gisako bikoteetan?
Horrelakoetan, <zenbatzailea + ([izena]) +-(e)tik gora(ko)> da joskera ohikoa. Hortaz, 80 lagunetik gora, 6 ordutik gora, 14 urtetik gorakoentzat, hiru mila lagunetik gora elkartu ziren eta abar.
Horren lekuko dira Euskaltzaindiaren Hiztegiko adibide hauek [EH:gora]: seiehun metrotik gora; hirurehun milioitik gora; edo Orotariko Euskal Hiztegiko adibide hauek [OEH:gora 7]: berrogei urtetik gora dago hori; berrogeitik gora bildu ziren; hogei urtez gora zuenik; bi milatik gora ziren; bederatzi mila laurlekotik gora; hogei mila pezetatik gora eman; laurogei milioitik gora diren horientzat...
Nolanahi ere, izena azkena emanda ere ikusten dira adibide batzuk: Milatik gora hautetsik parte hartuko dute biltzarrean (EGLU V). Proiektuak Euskararen Fonoteka du izena, eta bertan bi milatik gora grabazio antolatu dira [EH:fonoteka].
Horrez gainera, ikus hau ere: "Kuantifikazioa adieraztea: inguru (bost mila lagun inguru / bost mila lagun inguruk)" (JAGONET).
Data: 2020-05-14
Informazio gehigarria:
Zalantza-mota: morfologia > kasu-markak, morfologia > mugatzaileak, morfologia > zenbatzaileak
Unitate-mota: hitzak > determinatzaileak, joskera > hitz-ordena, zenbakiak > kardinalak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
