JAGONET galde-erantzunak

Zehar-galderak: -netz/-nentz (denetz, direnetz; *denentz, *direnentz)

Zein forma hobesten da: direnentz ala direnetz?

Ekialdeko euskalkietan, -(e)n ala ez zehar-galderaren baliokide da -(e)netz.

Euskal Gramatika Laburra: Perpaus Bakuna, 3. or. liburuan, euskalkiaren araberako lau marka aipatzen dira era horretako zehar-galderetarako: -(e)n, -(e)netz, -(e)nentz eta -(e)nz. Lau marka horiek adibide bati erantsiz gero, lau aldaera hauek ditugu: ez dakit etorri den; ez dakit etorri denetz; ez dakit etorri denentz; ez dakit etorri denenz.

-(e)n marka beti da egokia euskara estandarrean. Beste hiru aldaeren artean —-(e)netz, -(e)nentz eta -(e)nz)—, Euskaltzaindiak erabaki zuen -(e)netz atzizkia hobestea batasunerako (115. araua).

 

Informazio gehigarria:

Zalantza-mota: sintaxia > perpausak

Unitate-mota: hitzak > menderagailuak, perpausa > osagarriak

  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
© 2015 Your Company. All Rights Reserved. Designed By JoomShaper