Euskaltzaindiaren Euskal Gramatika. Lehen Urratsak III, 46. or. liburukian ez da erabat txartzat ematen <Baita ere (...)> egitura (Mitxelenak berak baditu, adibidez, horrelakoak); baina Gramatika batzordeak nolabait markatutzat dauka. Arruntena, zalantzarik gabe, <Baita (...) ere> egitura da, Euskal Gramatika. Lehen Urratsak III, 50. or. liburukiko eskeman ikus daitekeenez.

Batzuetan, perpaus osoari dagokio emendio-kutsua, eta ez sintagma bati. Hortik dator Baita ere perpaus horren hasieran erabiltzeko nolabaiteko beharra. Nolanahi ere, gogoan izan baita lokailuaren ondoan badaudela emendioa adierazteko beste diskurtso-markatzaile batzuk ere: halaber, orobat, era berean eta abar.

Horrez gainera, ikus hauek ere: "Emendioa adieraztea: ere" (JAGONET), "Emendioa adieraztea: ere, baita ere, ere bai" (JAGONET), "Emendioa adieraztea: ezta ere (ez zaitut ezta ikusi ere egin)" (JAGONET).