Euskaltzaindiak ez du gai horri buruzko araurik eman. Praktikan, bietako adibideak ikusten dira, bai -(e)kodunak (ekialdean batez ere) eta bai -(e)rakodunak (mendebaldean maizago). Beraz, biak eman daitezke ontzat (estilo-kontua ere izaten da askotan, bi -ko metaturik jartzeari itsusi deritzote batzuek eta).

Horretaz informazio gehiago nahi izanez gero, ikus Euskal Gramatika Laburra: Perpaus Bakuna, 166. or. eta Euskal Gramatika. Lehen Urratsak I, 381. or..

Bestalde, argigarri gisa, hona zenbait zuzendaritza, negoziatu, atal eta abarren izenak, Euskal Herriko Erakundeen Barne Errotulazioa liburutik hartuak eta bietako ordainak dituztenak:

- Ekonomia Sustapeneko Zuzendaritza Nagusia = Dirección General de Promoción Económica

- Jaurlaritzaren Idazkaritzako eta Legebiltzarrarekiko Harremanetarako Zuzendaritza = Dirección de Secretaría del Gobierno y Relaciones con el Parlamento

- Gizarte Ekonomiako Zuzendaritza = Dirección de Economía Social

- Oinarrizko Osasun Laguntzako Zuzendaritza = Dirección de Atención Primaria

- Lege Koordinazio eta Errekurtsoetarako Zuzendaritza = Dirección de Coordinación Jurídica y Recursos

- Ekonomia eta Kudeaketa Laguntzarako Atala = Sección de Asistencia Económica y de Gestión

- Industria eta Meategien Kontrol eta Segurtasuneko Atala = Sección de Control y Seguridad Industrial Minera

- Osasun publikoko albaiteroak = Veterinarios de salud pública

- Osasun publikorako udal zentroa = Centro municipal de salud pública