Bai, zuzenak eta egokiak dira esaldi horiek biak.

Lehen esaldian (eta horren gisakoetan), ohikoena aditzak plural-komunztadura hartzea izaten da. Beraz, frantsesa eta ingelesa ikasi nahi ditut forma da egokiena Euskal Gramatika. Lehen Urratsak IV, 114. or..

Badira, ordea, juntadura pluraltzat hartzen ez den zenbait kasu: perpausak juntatzen ditugunean eta juntagaiak sinonimoak edo erreferente berekoak direnean (edota izen abstraktuak juntatzen ditugunean), orduan singularreko komunztadura gauzatzen da, eta horixe da galderako bigarren esaldiaren kasua Euskal Gramatika. Lehen Urratsak IV, 53. or.. Izen juntatuak abstraktuak badira, ez da nahitaez plural-komunztadura gertatzen, eta bi bideak (singularra eta plurala) zilegi dira.

111. arauak berresten du hori: Juntatzen diren izenak oso hurbilekoak direnean, edo izenlagunaz nahiz izenondoaz lagundurik doazenean, ardatz anitzeko sintagma osa daiteke, kasu-marka amaieran ezarriaz:

Gorputz eta arimatik atera den oihua

Bere emazte eta alabari galdetu zien.

Zu egongo zera emen aientzat zorion ta pakea eskatzen (D. Aguirre, Garoa).

Horrez gainera, ikus hau ere: "Emendioa adieraztea: komunztadura juntaduran" (JAGONET).