JAGONET galde-erantzunak
Jatorria adieraztea: -ar, -tar, -dar, -oztar
Bizkaiko herritarren izenak direla eta, besteak beste, sopelar, sopeloztar (Sopelakoa) eta getxotar, getxoztar (Getxokoa) entzutea egokitu zait (eta 145. arauak ere hala dauzka jasota). Herritar-izenak osatzean, zer irizpide dira zuzenak -ar, -tar, -dar edo -oztar erabiltzeko?
Oso erantzun zaila du galdera horrek; izan ere, joera batzuk nagusi izan arren, ez dago lege zehatzik. Esaterako, Bizkaiko Uriberen mendebaldean -oztar erabiltzen da: berangoztar, dimoztar, sopeloztar eta abar. Orokorrean -ar amaiera dela nagusi esan genezake, nahiz eta XX. mendean asko zabaldu zen -tar atzizkiaren erabilera.
Inguruko hizkuntzetan ere berdintsu gertatzen da; esaterako, gaztelaniaz Valencia eta Palencia oso antzekoak izan arren, hango herritarrek gentilizio desberdinak dituzte: valenCIANO/palenTINO.
Herrialde bakoitzeko herritarren herritar-izenak arau batean baino gehiagotan daude: esaterako, Zuberoakoenak 92. eta 99. arauetan, Lapurdikoenak 108. arauan, Bizkaikoenak 145. arauan, etab. Denak kontsultatu daitezke Euskal Onomastikaren Datutegian ([EODA]). Irizpide nagusiak ere emanak daude 178. arauan.
Horrez gainera, ikus hauek ere: "Jatorria adieraztea: -ar/-tar/-dar, -ztar; -ko (espainiar filologia/literatura)" (JAGONET), "Jatorria adieraztea: -ar/-tar/-dar (Etxeberria anai-arrebak, etxeberriatarrak; Ganboa sendia, ganboarrak)" (JAGONET).
Data: 2020-05-14
Informazio gehigarria:
Zalantza-mota: lexikoa > hitz eratorriak
Unitate-mota: afixuak > atzizkiak, hitzak > adjektiboak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
