JAGONET galde-erantzunak

Aditzaren jokabidea: (trinkoak) eman (emadazu/*emaidazu, esaguk/*esaiguk)

Nik emadazu, esaguk eta antzeko adizki trinkoak emaidazu eta esaiguk formak baino batuagotzat eduki ditut oraindaino; baina zalantza sortu zait ea arau mailako erabakirik edo bestelakorik baden horretaz (ez dut aurkitu adizki trinkoen paradigmarik, nahiz inoiz ikusia naizen, ustez, halakorik).

Aditz horiek, Euskal Gramatika. Lehen Urratsak II, 388. or. liburukian esaten den bezala, ez dira benetan trinkoak; "semisintetikoak" edo sasitrinkoak direla esan dezakegu. Berez, aditz perifrastikoak dira; baina, erabiliaren erabiliz, gastatuz joan dira, maiztuz, aditz trinkoen forma hartzeraino.

Hona adizki horiei buruzko xehetasun batzuk:

a) Gramatika batzordeak emadazu forma agertu zuen arestian aipatutako EGLU liburukiko ohar horretako adibideen artean.

b) Aditz perifrastikoetako forma batua eman iezadazu da, eta ez eman iezaidazu. Gisa berean, esan iezaguk, eta ez esan iezaiguk.

c) Euskaltzaindiak 1979an argitaratu zuen Euskal Aditz Batua, 180. or. liburuan badira era horretako adizkien paradigmak, aditz trinkoen sailean. Besteak beste, esan/erran aditzaren paradigman, forma hauek ageri dira: esadak, esaguk, esadazu, esadazue eta abar. Gainera, eman aditzaren paradigmetan Euskal Aditz Batua, 170. or., emadak, emadazu, emadazue, emaguk, emaguzu, emaguzue eta abar ere ageri dira.

Ikus hau ere: "Aditzaren jokabidea: agintera (emadazu, eman iezadazu, ezidazu / ez iezadazu)" (JAGONET).

 

Informazio gehigarria:

Zalantza-mota: morfologia > aditz-jokoa, sintaxia > aditza

Unitate-mota: hitzak-aditzak > trinkoak

Egoitza

  • B
  • BIZKAIA
  • Plaza Barria, 15.
    48005 BILBO
  • +34 944 15 81 55
  • info@euskaltzaindia.eus

Ikerketa Zentroa

  • V
  • LUIS VILLASANTE
  • Tolare baserria. Almortza bidea, 6.
    20018 DONOSTIA
  • +34 943 42 80 50
  • donostiaordez@euskaltzaindia.eus

Ordezkaritzak

  • A
  • ARABA
  • Gaztelako Atea, 54
    01007 GASTEIZ
  • +34 945 23 36 48
  • gasteizordez@euskaltzaindia.eus
  • G
  • GIPUZKOA
  • Tolare baserria Almortza bidea, 6
    20018 DONOSTIA
  • +34 943 42 80 50
  • donostiaordez@euskaltzaindia.eus
  • N
  • NAFARROA
  • Conde Oliveto, 2. 2. solairua
    31002 IRUÑEA
  • +34 948 22 34 71
  • nafarroaordez@euskaltzaindia.eus

Elkartea

  • I
  • IPAR EUSKAL HERRIA
  • Gaztelu Berria. 15, Paul Bert plaza.
    64100 BAIONA
  • +33 (0)559 25 64 26
  • +33 (0)559 59 45 59
  • baionaordez@euskaltzaindia.eus
  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • info@euskaltzaindia.eus
© 2015 Your Company. All Rights Reserved. Designed By JoomShaper