JAGONET galde-erantzunak

Denbora adieraztea: -tzean, -tzerakoan (etortzean, etortzerakoan)

Zein da forma zuzena, etortzean esango dizut ala etortzerakoan esango dizut?

Euskaltzaindiak ez du auzi horretaz ez araurik ez gomendiorik eman. Baina aztertuta dago Euskal Gramatika. Lehen Urratsak VII, 36. or. liburukian, eta han ageri dira irizpen nagusiak. Haien harira, galderako adibide biak dira ontzat ematekoak.

Denboraren aldiberekotasuna adierazten dute bai -t(z)eanek, bai -t(z)erakoanek. Hauxe da aldea:

a) -t(z)ean moldea, ez-markatua edo orokorra denez, aldiberekotasunaren une guztietan da zilegi.

b) -t(z)erakoan gertakariaren hasierako uneko aldiberekotasuna adierazteko erabiltzen da; murriztaileagoa da, beraz (nahiz gaur egun forma honen aldeko gehiegizko lerratzea sumatzen den).

Horrez gain, ikus hau ere: "Denbora adieraztea: -tzean/-tzerakoan (egitean/egiterakoan, jaikitzean/jaikitzerakoan)" (JAGONET).

Argibide gehiago behar izanez gero, jo hona: "-t(z)ean, -t(z)erakoan (-takoan)" (EBE).

 
 
  • Euskaltzaindia - Real Academia de la Lengua Vasca - Académie de la Langue Basque
  • Plaza Barria, 15. 48005 BILBO
  • +34 944 158 155
  • +34 944 158 144
  • info@euskaltzaindia.eus
© 2015 Your Company. All Rights Reserved. Designed By JoomShaper