JAGONET galde-erantzunak
Kuantifikazioa adieraztea: inguru (bost mila lagun inguru / bost mila lagun inguruk)
Badakit bost mila lagun inguru bildu ziren zuzena dela; baina, NORK kasuaren marka jarri behar izanez gero, zein hitz deklinatu behar da?
Tradizioan ez da ageri egitura hori NORK kasuan erabilita. Esapide adberbiala da, oinarrian; horregatik ez da erabiltzen ergatiboan (NORK kasuan) eta datiboan (NORI kasuan). Beste hainbeste gertatzen da -tik gora esapidearekin. Ergatiboa (NORK) behar izanez gero, beste esapide batzuk erabili ohi dira: bost bat mila lagunek ikusi dute / gutxi gorabehera bost mila lagunek ikusi dute / bost mila lagunek edo ikusi dute.
Hala ere, azken urteetan zabaldu da inguru ergatiboan ere erabiltzeko joera. Erabilera horretan, inguru hitzak hartzen du ergatiboaren marka: Iaz mila lagun inguruk jo zuten udal bulegoetara, Bost mila lagun inguruk ikusi dute.
Ikus hauek ere: "Kuantifikazioa adieraztea: -tik gora (80 lagunetik gora / 80tik gora lagun)" (JAGONET), "Kuantifikazioa adieraztea: inguru (hamar urte inguru)" (JAGONET), "Denbora adieraztea: orain… inguru (orain hogei bat urte inguru)" (JAGONET).
Data: 2020-05-14
Informazio gehigarria:
- "inguru" (EBE)
Zalantza-mota: morfologia > mugatzaileak, lexikoa > orokorra
Unitate-mota: hitzak > determinatzaileak, hitzak > izenak
Orrialde honetako dokumentu, zerrenda eta datu-baseak Creative Commons Aitortu-EzKomertziala-PartekatuBerdin baimen baten mende daude.
Egoitza
- B
- BIZKAIA
- Plaza Barria, 15.
48005 BILBO - +34 944 15 81 55
- info@euskaltzaindia.eus
Ikerketa Zentroa
- V
- LUIS VILLASANTE
- Tolare baserria. Almortza bidea, 6.
20018 DONOSTIA - +34 943 42 80 50
- donostiaordez@euskaltzaindia.eus
Ordezkaritzak
- A
- ARABA
- Gaztelako atea, 54
01007 GASTEIZ - +34 945 23 36 48
- gasteizordez@euskaltzaindia.eus
- G
- GIPUZKOA
- Tolare baserria. Almortza bidea, 6
20018 DONOSTIA - +34 943 42 80 50
- donostiaordez@euskaltzaindia.eus
- N
- NAFARROA
- Oliveto Kondea, 2, 2. solairua
31002 IRUÑEA - +34 948 22 34 71
- nafarroaordez@euskaltzaindia.eus
Elkartea
- I
- IPAR EUSKAL HERRIA
- Gaztelu Berria. 15, Paul Bert plaza.
64100 BAIONA - +33 (0)559 25 64 26
- +33 (0)559 59 45 59
- baionaordez@euskaltzaindia.eus
